شوف يا أخ مصر المسلمة.
مش هجادلك كتير بعد كده في الموضوع ده، وهختمه بالمشاركة دي، أنا هختصر كلامي على ردودك اللي شفتها.
أولا
الانتخابات اللي فاتت حضرها تقريبا 23% من اللي لهم حق الانتخاب، إيه رأيك؟ مش حاجة تكسف؟ هي الشورى مش مطلوبة في شريعة الإسلام؟ مش عيب 77% ميحضروش انتخاب الحاكم؟
قبل الانتخاب لما الناس بيسألو بعض عن الحاكم اللي هينتخبوه عارف بيقولو إيه؟ بيقولو: ده أنسب واحد للحكم وأحسن من غيره، إيه رأيك؟ الحقيقة أنا منتخبتهوش، وفيه ناس منتخبتهوش، لكن ناس كتير انتخبوه من اللي حضرو الانتخاب.
طبعا هتقوللي: كان في تزوير، أقولك: ال 77% اللي محضروش الانتخاب كان ممكن يكونو عامل ضغط ضد التزوير، لكن احنا شعب سلبي، فهمت يا مصر المسلمة؟ غير كده ممكن يكون مش محتاج للنسبة اللي اتزورت، ده احتمال؛ لأن زي ما بقولك ناس كتير انتخبوه.
ثانيا
بخصوص التظاهر والثورة، الواجب ان المظاهرة ميمشيش فيها أي حد من الناس، مينفعش شوية شباب اتجمعو على الفيس بوك يروحو يتظاهرو، احنا عارفين كويس أوي ان الفيس بوك ملغم بالخبثاء.
أخيرا، اذا كنت مؤيد للمرابطين في ميدان التحرير أقولك على حاجة، ماسمعتهاش من التليفزيون، دي قالها لي واحد صاحبي، ومش بكذب عليك ولا هو بيكذب عليا، قال لي إن واحد دخل الميدان يبيع شوية حاجات، الإخوة المرابطين ادولو 100 جنيه وقالو له: قل: لا لمبارك.
لما تروح الميدان ابقى بلغ سلامي للإخوة المرابطين.
( تقرير عن مشاركة سيئة )، و الموجودة أسفل كل مشاركة .
2011-02-06, 21:19
العرض المتطور
