|
|
|
|||||||
| الجلفة للنقاش الجاد قسم يعتني بالمواضيع الحوارية الجادة و الحصرية ...و تمنع المواضيع المنقولة ***لن يتم نشر المواضيع إلا بعد موافقة المشرفين عليها *** |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
|
|
أدوات الموضوع | انواع عرض الموضوع |
2009-11-28, 19:52
|
رقم المشاركة : 1 | ||||
|
العيب في مصر ولا الجزائر؟؟!!
ازيكم ياجماعة .؟؟!! ان شاء الله تكونوا بخير.... عيد سعيد عليكم وع جميع الأمة الإسلامية بصراحة ياجماعة انا حزينة بجد ع اللي بيحصل دا .... لما كنا بنأخذ تاريخ كان الأستاذ بيقول:: يا جماعة الحرب دلوقتي مش حرب عسكرية الحرب اوسع من كدا فيه حرب ثقافية وفكرية واقتصادية ... زمان مكنش فيه حاجة اسمها مصري او جزائري او فلسطيني كنا عرب نتبع الاماراة الاسلامية لما ضعفنا تمكنا الاعداء مننا فالقوي يلتهم الضعيف ويصبح لقمة صائغة في يده وجعل العرب اكثر تمزق وتمزق اقطتعوا وجزءوا الوطن العربي.... وعملوا حدود بين البلاد وسموا العرب باسماء مختلف انت مصري ولازم تفتخر بالفراعنة بتوعك وانت لبناني ولازم تفتخر بحضارتك كدا بقي كل واحد في وادي بس اللي بقي يجمعهم الدين واللغة والتاريخ المشترك لما حولوا يلموا شملهم الاعداء قالوا :لا نعمل ايه .. نعمل ايه ياريت نفرقهم داخليا .... نعمل فتنه طائفين بيهم في مصر نفرق بين المسلمين والمسحين وبكدا هنشغلوا عن عدوهم الحقيقة ويحربوا بعضهم تخلص طاقتهم وهم هيقضوا ع نفسهم بنفسهم وبكدا ينتهي المصريين ومصر دا تعتبر ثروة عظيمة لازم نقضي عليهم المصريين قالو ا:: لا والف.... لا احنا اخوات مش بتفرق الديانة بينا . ...نروح للمغرب . . ويقولوا لهم :: انتم عرب وفيه ناس معاكم بربر ازاي تستكوا ع كدا البربر انتم احسن منهم ..بس برده فشلوا وحربوا الاعداءوانتصروا عشان وحدتهم بس راحوا عند لبنان ونجحوا في التفريف بين والشيعة والسنة عشان كدا مش قادرين يتحرورا لحد دلوقتي ..!! وسوريا ... واليمن ... نيجي للجزائر اولا الجزائر دي مش مجرد بلد اللي بيربطنا بيهم اكثر من كدا بكثير تاريخ واحد دين واحد ولغة واحدة وكمان نسب فيه جزائريات متزوجات من مصريين وفيه مصريات متزوجين من جزائريين قال الرسول (صلي الله عليه وسلم)::"كُلُّ الْمُسْلِمِ عَلَى الْمُسْلِمِ حَرَامٌ دَمُهُ وَمَالُهُ وَعِرْضُهُ" لما تلاقي الشعب الجزائري بيحب المصري مش كلامي كلام ناس كثير عايشين في الجزائر ... ازاي عشان حاجة تافهه زي كورة نفترق ....!! اللي بيحصل كدا مش في مصلحتنا كمسلمين اللي بيحصل دار تدمير لينا كلنا عايزين مش نفكر في اللي بيحصل في فلسطين .. من اول يوم السبت يوم المباراة وكل الصحف بتتكلم ع المباراة ولا حد جاب سيرة فلسطين احنا عمالين نشوف الفلسطيين بيدبح فيهم ع شاشات التليفزيون وبصراحة هم نجحوا فعلا بدليل مواضيع معظم الاعضاء وردودهم فيه اعلام هابط فاسد مأجور عايز يفرق ما بينا كمسلمين لان وحدتنا هي دمار بالنسبة له ... لو اتوحدنا هنقضي عليه ...فأكيد دا مش من مصلحته ... ليه مش عارفين عدونا الحقيقي ليه!! ... ::::::::::::::::::::::::: القومية العربية فيه ناس بتقول بلا قومية بلا بتاع .. من دلوقتي هبقي جزائري وبس ... او هبقي مصري وبس.... يافرحتي بيكم ... بجد بقول لليهود مبروك عليكم الانتصار ومبروك علينا فضحتنا اللي بقت بجلاجل لما المصريين ساعدوا الجزائريين اثناء الثورة الفرنسيين اضيقوا فقامت العدوان الثلاثي ع مصر لما كنا في حرب 73 مش كنا بنحارب لوحدنا كان كل العرب مسلمين ومسحين بيحاربوا .. انتصارنا عليهم عشان القومية العربية الرئيس الجزائري هواري بو مدين) لما الاتحاد السوفيتي رفض يدينا سلاح هو دفع فلوس السلاح عشان مصر الدول العرب منعت تصدير البترول لاي دول تتعامل مع اسرائيل اثناء الحرب عشان كدا الدول الاجنية رفضت للطيران الامريكي او الاسرائيلي ان يبقي في بلدها خوف من العرب من قوة العرب .. مفيش حد ليه فضل ع الثاني كلنا عرب كلنا لازم يكون ما بينا وحدة .... لان اللي بيربطنا أكبر بكثير من اي حاجة ... فالذئب لا يأكل من الغرب الا القاصية مش عارفة بجد انتم مش مقدرين الخطورة اللي احنا فيها كلنا كعرب
مصريين وجزائريين وفلسطنينن بيضحك علينا من الصهيونيه واحنا عملينا نقول كمان وكمان فيه مثل مصري بيقول تعرف فلان قال : اه اعرفه قال له::عاشرته قال :: لا قال له :: يبقي متعرفوش معظمكم بتحكموا ع الشعب المصري بابشع التهم مع انكم عمركم ما شفتم مصريين ولا اتعملوا معاهم كل فكرتكم عن الشعب المصري التليفزيون حتي التليفزيون دا لا يمثل الشعب المصري والفن والتمثيل دا زي ما فيه منه الهادف فيه منه الحقير اللي احنا كمسلمين مينفعش فاي حال من الاحوال اننا نسمع مجرد اسمه ..... انا مش متحيزة ومش هقول ان الوطن العربي بدون مصر هيبقي صفر ان اللي اعرف ان بدل مفيش وحدة عربية يبقي كلنا سالب واحد طول ما كلنا مش متحديين وعمالين نتهم بعض يبقي عمرنا ما هنقدر ندافع عن اهل فلسطين لازم العرب يبقدوا ايد واحدة طول ما فيه خلافات عربية طقيتنا هتنفذ في الاتهامات بينا وبين بعض ... وف الاخر اليهود عدونا الحقيقي هو اللي فرحان بالخلاف دا وعمال يتريق في اعلامه علينا المصريين بيعبدوا الالهه امون نسبة المسلمين في مصر من اهل السنة 92 في الميه ازاي ممكن بعض الناس تكفر المسلمين اللي زيهم :::: الناس الجزائريين اللي بيسجلوا في منتديات مصرية دي هل المنتديات المصرية اللي عملها 80 مليون مصري اكيد لا ... اللي عملها واحد بس ممكن يكون متعصب وعشان كدا بيحذف الجزائريين وبيحظرهم من المنتدي زي برضوا ما فيه جزائريين بيكتبوا في المنتدي ممنوع تسجيل مصريين يبقي ليه نعمم ونقول كل المصريين كدا؟؟!! ::: مصر بلد الهلس وفيفي عبده.. عايزة اسئلكم سؤال لو فيه واحد مسلم قتل ناس اجانب هل الاسلام وحش ..؟؟؟ طبعا لا والف لا ليه مش شايفين اللي الجانب الوحش من مصر زي ما فيه ناس في مصر بتعصي ربنا ... فيه ناس عاشقين للمساجد فيه علماء وادباء .... في كل مكان الحلو والوحش ليه عايزيين دايما نشوف الوحش ويبقي فيه ما بينا خلاف..!! ربنا يهدينا كلنا يارب ع العموم كل سنة وحضراتكم طيبين عيد سعيد
|
||||
| الكلمات الدلالية (Tags) |
| الجزائر؟؟!!, العجب |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض الشجري