حـلي باش تـولي.....اليكن كريمة البرتقال ...اللذيذة

[أمنية غفران]

السلام عليكم و رحمة الله تعالى و بركاته

عدت اليكن بعد غياب شوية طويل
.
.
.

بصح حتى وحدة ما سقسات عليا معليش
.
.
.

المهم ما جيتش بيديا فارغين جبت ليكم هاد التحلية روعة جربتها و عاودت لقيتها في احدى كتب الطبخ الي عندي
.
.
المهم رانا في وقت البرتقال و تقدرو تجربوها و تعجبكم مع العائلة او حتى تقدميها لضيوفك ادا كنتي عازمتهم على قهوة كتحلية أولى مكان العصير راهي تحمر لك وجهك قدام ضيوفك
...................
حبيت نعطيكم طريقة الكتاب و نزيد نعطيكم طريقتي لأني وجدت طريقة الكتاب لازم لك برتقال كثير حتى تحصلي على عصيره

امالا جربت التحلية الاثنتين و اعتمدت طريقتي اكيد و الي تحتاجي فيها فقط لبرتقالتين بعدما تميكسيها و تحصلي على نتيجة رائعة و زيد بكمية اكثر من عصير البرتقال المطلوب في الكتاب

الصور توضح أكثر و أي استفسار تفضلن

المكونات

1/4 لتر عصير البرتقال
عصير نصف ليمونة
125 غ سكر عادي الي تعادل حوالي 6 ملاعق أكل كبيرة
ملعقة أكل كبيرة مايزينة
2 حبات بيض


الطريقة
في اناء نضع السكر مع المايزينة و عصير الليمونة و صفار 2 حبتي البيض و نضيف عصير البرتقال مع الاحتفاظ منه بملعقتين و نمزج هذه المواد جيدا باستعمال الخلاط الكهربائي ومن بعد نحطه فوق نار هادئة مع الخلط المستمر بواسطة ملعقة خشبية حتى نحصل على كريمة متماسكة و سميكة نوعا ما.
..............
ننزعه من فوق النار ثم نضيف هادوك ملعقتي عصير البرتقال المتبقية و نتركها تبرد.
...........
و في هذه الأثناء نضرب بياض البيضتين حتى يصبح كالثلج ثم نضيفه الى المزيج السابق بعد ما يكون برد مليح نضيفه و نخلطه غي بالشوية بالملعقة الخشبية
.........
نوزعه في كؤوس فردية و يزين حسب الذوق و يترك في الثلاجة الى حين التقديم
و بالصحة و الراحة

نقدم ليكم هده الصور التوضيحية الي درته بعصير البرتقال و زينته بالفستق

وهاد الصور كي درته بنفس المقادير و نفس الطريقة فقط نقصت مغرف سكر و درته ببرتقالتين كاملتين بعد ما ميكستهم خرجلي روعة و تانيك زاكي و زينته بالقرقاع0[/IMG]

بالصحة و الراحة

ان شاء الله تعجبكم التحلية و تجربوها و نتمنى تفرحوني و نلقاها في قسم التطبيقات

دعاء في ظهر الغيب و لكم بالمثل

ربي يحفظكم و يهنيكم


في أمان الله