دخول اهل الزوج بيتي في غيابي

[أماني بلعلى]

السلام عليكم
مناش تخافي صكري باب الغرفة ، ونصيحة من عندي متخليش فرصة باش يدخلو موراك وافهميها كيما تحبي باش متزعفي وديري الثقة في روحك وخليهم يديرو واش يحبوا ، جهزي بيتك قبل ما تخليه نظفيه مليح وصكري التواقي مليح ( كارتونيهم) باش ما تدخلش الغبرة صكري الأبواب مليح من تحت بقطع القماش المبلولة بالمبيدات الحشؤية كشما يدخلك ، ديري لصقات نتاع الفئران باش يتحكم كي يدخل وميخربلكش لحوايج سورتو الفراش ، أمبالي الفراش مليح ، وكي تجي لدارك ان شاء الله تلقاي كلش ساهل تكبي الماء على جال باش تروح الغبرة برك ومرة زوج يصيبو الدار لاباس عليها يعودو ميجيوش وكلش كلش ديري الثقة في روحك في روحك في روحك ... ودايمن الكلمة الطيبة كي تشوفيهم والله يعطيكم الصحة تعبتكم معايا دايما مشقيتكم ربي يبارك فيكم ......... الثقة الثقة .... متزعفيش من كلامي على خاطر نفس القصة صراتلي يقولي راجلي ومبعد علاه راه الدود يصب .... وأنا نقولو منحبش نشقيهم و نحسهم يتمزاو يعني يمنيو بزاف رانا درنا وطاطاطاطا ... كنت نحس بلي راهم ينتاهزو أي فرصة باش يبلتكوا من ورائي ولكن بالشوية ربيت الثقة في روحي و خلي يديرو واش يحبو.......
عذرا على التدخل

[BOUCHAIRKAMILIA]

[size="7"]اختي بما انك طرحتي الموضوع للنقاش فانت تدركين ان الامر غير عادي وغير مقبول . فبماان لديك بيتا مستقلا فالامر مختلف .عن حالة الاخوات اللئ يسكن مع اهل ازواجهن اما انت فلك منزل مستقل .فمرحبا باهل الزوج ولكن بعد الاستاذان ولوكان لمساعدتك وبنية حسنة توجب اعلامك وحضورك اولا ولو بحجة المساعدة والا فهذا تطفل وتدخل في امورك الخاصة ويجب ان يعلم زوجك ان هذه امور خاصة بالنساء حتى لا يتدخل . واعلمي اختي ان البيوت اسرار والعائلات لا تتشابه هناك من تعرف الاصول وهناك من يجب ان تتعلمها ./size]

[ام ياسين1]

اظن انك كبرت الموضوع وهو صغير
1- ماكانش ليعرف نيتهم من هذا التصرف غير انت ........فالجواب عندك هل من اجل المساعدة او لشيئ اخر
2- في كل المرات السابقة هل لاحظت شيئ ناقص ..ماهوش في مكانو .........الخ
3- انا ضد انو يدخلوا لدارك ولكن اعتقد انهم حابين يربحو الملاحة لوليدهم او هذه هي طبيعتهم كي تكون زوجة الاخ ماهيش في الدار هوما يقومو بالدار .....
4_ ماتقدريش دخلي زوجك في الموضوع ..........تقولو قول ليماك او اختك ماتدخلش لداري وانا مانيش هنا .....صعيبة
فاما انو تصبري وتتقبلى الامر او انك تواجهيهم ولا انصحك بذلك مادام ماعندكش سبب مقنع

[يسمينة البجائية]

يا اختي تقدري تخلي باب البيت مفتوح . و خليهم يدخلو بصح تخلي باب الخزانة و البلاكار مفتوح ؟ فيه كيلوتات نتاعك و نتاع راجلك و دراهمو و حوايجو الشخصية .

اجمعي كلش داخل الخزانة و البلاكار و خلي غير الحوايج لكبار مثل التلفاز و الكانابي و الزرابي و خلاص

[اماني تمنراست]

انا من رايي انه لايجوز لهم لانه للبيوت اسرار وهادي حياتك الشخصية انت وزوجك

[أم شروفة]

ربما من حسن نية .............ربما حبو يوصلوللك فكرة انك مش نظيفة .........قبل ما تسافري ديري ميناج كبير للبيت واغلقي على ملابسك الداخلية ........انا هاكذا نعمل ...لا ادري يعملو هاك من حسن نية ام لا..............لكني دايرة النية في االهبال .........ونشكرهم ونقلهم ربي يحفظكم ..........

[myday]

انا تاني مع الاخت الالماسة

[افتخر بشخصيتي]

الا كانت نيتهم مليحة نورمال مي لكان يدخلوا باه يفتشوا لا لا

[nesrinwarda]

السلام عليكم ورحمة الله وبركاته
ياأختي ديري النية هذه دار وليدهم، normalement يدخلو كيما يحب مافهتش علاش هذه العقليه، تديرو من الحاجة عاديه حكايه و روايه،و تضيعو أوقاتكم و تحرقو أعصابكم في والو. رب يهديكم

[akhismail]

=====================
قف
تذكر
حاسب نفسك
لا يراك الله حيث نهاك
ولا يفقدك حيث أمرك.
=====================

[akhismail]

=====================
من وطن قلبه عند ربه سكن واستراح ومن ارسله في الناس اضطرب واشتد به القلق
====================

[ام فراس اصيل]

والله يا ختي انا من وجهة نظري ما تقبليش هذا العقلية ما تعجبنيش الي يدخل هكا بدون استاذان ويديروا رواحم ينظفولك علاه ما تعرفيش تنظفي صدقيني العباد كيمن هاك ربي يقطعهم

[sheherazed]

Ana nchouf bli ma fiha walou!belek ki chafou dar moskha habbou yna9iw!bel3akss ahl rajlek machaa Lah normalement techokrihom pcq kliiiiiiiil li ydir geste kma hda w srtt f waktna!Rabbi ywaffek binatkom

[زهرة القدس 05]

المشاركة الأصلية كتبت بواسطة fatima93

السلام عليكم هل يحق لأهل زوجي ان يدخلوا بيتي في غيابي بحجة تنظيفه أنا الاحب هذا التصرف من باب البيوت أسرار لكن زوجي
يرى انه يجب علي تقبل ذلك من باب طاعة الوالدين

وهل تقبلي دخول اهلك الى بيتك في غيابك
ادا تقبلي يدخلو ماليك نتي يعني تقبلي يدخلو ماليه
ماتكونوش يا لبنات حقودات نورمال وش فيه

[dahmane42]

و أهل الزوجة هل يحق لهم الدخول الى بيت الزوج
أنت أهلك معليش يدخلوا لكن أهل الزوج ممنوع
أين هو المشكل
الله يهدينا جميعا من هذه التصرفات