يوميات ومواقف مضحكة...بعيدا عن الهم والنكد...شاركونا

[أم أماني أريج]

مسكينة هذي العجوزة باينة على نيتها
عجبتني الحكاية يعطيك الصحة

[غزلانْ]

السلام عليكم البليغة الزرقاء أرجعتني للمرحلة الابتدائية كنت أدرس السنة الثانية ابتدائي و أختي السنة الأولى ابتدائي و كانت أختي معجبة بطريقة لباس المعلمة كلاسيك و الكعب العالي كنا صغار فقالت لي راني باغيا نلبس كيما المعلمة نتاعي قلت لها دبري راسك قالت لي يلزمني حداء و لكن يكون كعب عالي و أشرت لها الى حداء العمة و في الليل حضرت المحفظة و وضعت بداخلها حداء العمة و في الصباح عند خروجنا لبست حداء الكعب العالي و قامت بوضع حدائها الآخر عند عتبة البيت و دهبنا للمدرسة و أختي في طريقها جد فرحة و مستمتعة بالحداء و برناته قرب قرب.....و عند خروجنا من المدرسة بدأوا النسوة ينظرون الى أختي و يتحدثون كيف يعقل طفلة صغيرة بكعب عالي ألم تراها أمها .المهم أختي حققت حلمها و لبست الكعب العالي

[ماريـام]

المشاركة الأصلية كتبت بواسطة manal31

السلام عليكم البليغة الزرقاء أرجعتني للمرحلة الابتدائية كنت أدرس السنة الثانية ابتدائي و أختي السنة الأولى ابتدائي و كانت أختي معجبة بطريقة لباس المعلمة كلاسيك و الكعب العالي كنا صغار فقالت لي راني باغيا نلبس كيما المعلمة نتاعي قلت لها دبري راسك قالت لي يلزمني حداء و لكن يكون كعب عالي و أشرت لها الى حداء العمة و في الليل حضرت المحفظة و وضعت بداخلها حداء العمة و في الصباح عند خروجنا لبست حداء الكعب العالي و قامت بوضع حدائها الآخر عند عتبة البيت و دهبنا للمدرسة و أختي في طريقها جد فرحة و مستمتعة بالحداء و برناته قرب قرب.....و عند خروجنا من المدرسة بدأوا النسوة ينظرون الى أختي و يتحدثون كيف يعقل طفلة صغيرة بكعب عالي ألم تراها أمها .المهم أختي حققت حلمها و لبست الكعب العالي

ههههههههههههههه طوايشية هاذي

البارح زوجي و اخوه كي راحو يصلو شافو طفلة صغيرة راجلي قاللها ارواحي نبوسك قاتلو لالا منجيش
قاللها لوسي انتي شعرك ماشي شباب و طالع في سما ههههههه قاتلو البارح دوشت هههههههههه البراءة مساكن

[غزلانْ]

المشاركة الأصلية كتبت بواسطة ماريـام

ههههههههههههههه طوايشية هاذي

البارح زوجي و اخوه كي راحو يصلو شافو طفلة صغيرة راجلي قاللها ارواحي نبوسك قاتلو لالا منجيش
قاللها لوسي انتي شعرك ماشي شباب و طالع في سما ههههههه قاتلو البارح دوشت هههههههههه البراءة مساكن

يبغوا غير لي يشكرهم و هكدا يكسبهم

[سهيلة 97]

ههههههههههههههههه دووووم نشا الله

[غزلانْ]

البارح جات في خاطري اندري الحنة و اتفكرت قصتي مع أستاد اللغة الفرنسية دخل للقسم و قال لنا اليوم عندنا املاء ففتحنا الكراريس و من شروطه في الاملاء أن نكتب في سطر و نترك سطر و الويل لمن لم يترك السطر و أختكم كانت دايرا الحنة و في اليدين اليمنى و اليسرى و بعد الانتهاء من الاملاء مر عبر الصفوف ليتفقد و نظر للدفتر و لم أترك السطر و كان حامل العصى و حمراء اللون و قال لي ايتيني يدك وقال واو راهي محنحنة و اعطاني ربعة ضربات و الله شواني

[*نآدرة~]

والله غير تقتلو بالضحك يعطيكم الصحة

[لميس اميرة]

هههههههههههههههههههههههههههههههههههههههههههههههههه هههههههههههههههههههههههه

[*سندوسة*]

السلام عليكم ورحمة الله وبركاته

شكرا لك اختي شذى على الموضوع الجميل


انا مرة كنت شوية صغيرة كنت نقص فالاظافر نتاع رجليا حاشاكم كي وصلت عند صبعي صغير بقيت نشوف فيه قلت فيه غير ظفر صغيرو نحيه كامل ونتهنى منه هههه باش ماشيكل مرة نحي منه شوية هو اصلا غير فتيتة هههه وين نحيت نصه حتى عمري خرجت وبقا دم يسيل هههههه والالم لي بقيت نحس بيه فضييييييييييييييييييييييييع والله بكيت وبقى شحال من يوم يوجع فيا من بعد كي شٌفيت منه بقيت نضحك على روحي ماما قاتلي نتي مهبولة ههه

[*سندوسة*]

راني عاود ولييييييييييييت
هههه

انا عندي خالتي صغيرة عليا بعام ونص كي نتلاقا انا وياه نديرو حالة

وحنا في دارنا ودار جدي فالعيد لكبير ماناكلوش رجلين لخروف نرموهم المهم انا كنت في دار جدي وكي رماو رجلين لخروف انا وخالتي ديناهم وخبيناهم فالسطح ههه كنا نخطط لعملية اجرامية وبعد ما دينا سلاح الجريمة بقينا يومين ورحنا تفقدناهم ووجدنا حبل وللعلم السطح مكانش فيه لونتوغاج

ايا رحنا حكمنا هادوك رجلين ربطناهم بالحبل وتكسلنا فالارض وبقينا نستناو لي يجي فايت نخوفوه بحادوك الرجلين نرموهم عليه وحنا حاكمين الحبل هههههههههههه


خلعنا شحال من واحد وعايرنا شحال من واحد وكفر علينا شحال من واحد ههههههه

وكاين لي بقا يضحك وحنا فرحنا بزاف حتا شافنا خالي ودينا تبهديلة ههه

[staifia]

هههههههههههههههههههههههه قتلتوني بالضحك هههههههههههههههههههه

[imi25]

السلام عليكم
يا منال راكي قتلتيني بالضحك على الحنة ومقدرتش نحبس
سندوسة راني نسخايل فيك مع خالتك ومع رجلين الكبش
ضحكتيني بكلامك صح

[*سندوسة*]

المشاركة الأصلية كتبت بواسطة imi25

السلام عليكم
يا منال راكي قتلتيني بالضحك على الحنة ومقدرتش نحبس
سندوسة راني نسخايل فيك مع خالتك ومع رجلين الكبش
ضحكتيني بكلامك صح

وعليكم السلام

الله يدوم ضحكتك
والله يا اختي انبطحنا على الارض انا وهي وبقينا نستناو اي ضحية تفوت هههه

[ام رضوان]

نقولك على واحد الحاجة صراتلى وين كان صراولي حوايج بزاف

واحد النهار كانو ابنى عندو رحلة مع صحابو تاع الرياضة ايا تفاهمو ولمو الدراهم واشترو دجاجة وجابوهالي نخدمالهم ونوجدلهم حوايج الرحلة هذا كان الصباح وانا كنت مشغولة قلت له حطها فى الثلاجة ومن بعد نوجدهالكم حطها المسكين وراح .
وكان زوجى جابلي الخضر ايا غسلتها وخبيتها في الثلاجة
في الليل كي كملت خدمتى جبدت الدجاجة باه نوجدهالهم وفي الصباح مساكن رايحين يطيبوها فى الطبيعة على الجمر ويستمتعو بيها
امالا منين جبدتها وتخرجلي من وسطها ضفدعة صغيرة ونطت قدامي واش نقول لخياتي وليت نعيط باعلى صوت ونجري والزوج والاولاد واش بيك واش صرالك وانا غير نعيط ونرجف ومن بعد كي هدات قلتلهم وراح زوجى رماها بصح حرنا منين جات الضفدعة وفي الاخير اكتشفنا انها جات مع الجلبانة لانى الجلبانة ما نغسلهاش فرغتها مبشرة فى الطبق ومن هاذا النهار عدت دارة احتياطى. يارب تضحكم حكايتي.

[canopus]

هههههههههههههههه يا اختي سندوسة ظهرتي مشاغبة كبيرة
الله يحفظك