رجل يكبرني ب 12 سنة

[*تسنيم*]

انا تحدثت مبدأيا معه في الهاتف هناك اتفاق نوعا ما اخبرني بانه يريد فتاة دات خلق ودين و مدبرة منزل جيدة وانه ليس معارض لعمل المراة بحد داته وانما نوع العمل لكن نسيت ان اساله عن موضوع التدخين
المهم الى ان نلتقي لكي يراني واراه اطلب منكم الدعاء لي بالتسهيل ادا كان فيه خير لي.

[fadi02]

نفس الفرق بيني و بين زوجي لما تزوجت كان عندي 22 سنة و هو 34 سسنة متفاهمين مليح هو عقلو كبير و ناضج ساعفني و سمحلي بزاف و انشاء الله اتم لك بالخير

[sersoura26]

المشاركة الأصلية كتبت بواسطة مريم الصابرة

السلام عليكم اختي
إذا راجل مليح على لعكس نشوف سنو ملائم جدا ديري في بالك كان تستناي فنتاع 30 و35 يحبو يدو نتاع 18 و 20 سنة لانو بالنسبة للرجال اللي تفوت 25 راهي بايرة اختي كاين بزاف عندهم 40 وما يبانوش المهم إنت يكون مليح وعندو سكن خلاص وخدام هذا هو المهم وسقسو كان مليح علاه لالا من رأي اقبلي مليح بزاف سنو لانو أنسان رزين وواعي
موفقة

لي تفوت ٢٥بايرة هادي مليحة مزية لي ربي هو لي يكتب الزواج انا في عمري٢٩ورفضت واحد في عمرو ٣٩ كل واحد واش يحب ما نقدرش نحتم على روحي وكنت مخطوبة لواحد قدي وبطلت ولدرك يجيوني تاع ثلاثين بصح ما كتبش المكتوب

[*تسنيم*]

بما انكم عاودت فتحتو الموضوع انا نقولك بلي ماكتبش المكتوب بيناتنا .عند الرؤية الشرعية بانلي بلي كبير عليا بزاف (يبان كثر على عمرو حتى الشيب بدا يغزو لحيته وشعره)وانا قلت سابقا بلي نبان صغيرة ادن فارق العمر بيناتنا واضح لكن الرفض لم يأتي من عندي حتى لا تقولو اني متكبرة لانه هو ايضا لم يعاود الاتصال بي مند داك اليوم
هدا كله حدث بعد استخارتي لربي ادن فهو خير .

دعائكم بان يعوضني الله بالاحسن

[مريم الصابرة]

المشاركة الأصلية كتبت بواسطة sersoura26

لي تفوت ٢٥بايرة هادي مليحة مزية لي ربي هو لي يكتب الزواج انا في عمري٢٩ورفضت واحد في عمرو ٣٩ كل واحد واش يحب ما نقدرش نحتم على روحي وكنت مخطوبة لواحد قدي وبطلت ولدرك يجيوني تاع ثلاثين بصح ما كتبش المكتوب

السلام عليكم
يا اختي مش انا اللي نقول ونزيد انا اكبر منك راني فال 34 ومش متزوجة حاشا انا نقول على بنات الناس بايرات راني نقولك المصطلح هذا الله غالب في مجتمعنا هكذا ومارانيش نقول في حاجة من عندي والله إنت وانا عارفين باللي هذي لكلمة تنقال
اكيد مش يعني إنو بلغت سن معين تقبلي براجل وخلاص وهذي غلطة بزاف بنات تظن نفسها كبرت تتزوج على جال هدرت اناس الزواج هو حياة للمستقبل
اختي ربي يوفقك ويوفق الاخت صاحبة الموضوع وأعتذر ماكانش القصد
شكرا لك

[وهراني 31]

ربي يكتب لك ما هو خير ان شاء الله

[محمد جديدي التبسي]

فارق عادي جدا المهم ركزي على الأخلاق وتقارب التفكير..ربي يوفقكم..

[سفير الأيام]

المشاركة الأصلية كتبت بواسطة *تسنيم*

رجل يريد التقدم لي عمره 40 سنة عامل مسقر ولديه سكن خاص يقولون اخلاقه حسنة لكني لم اتعرف عليه بعد للعلم ان عمري 28 سنة بمادا تنصحوني اخوتي لانه ليس لديا اخت لاستشيرها اليس فارق العمر كبير؟

الراجل عيبه جيبه واخلاقه

ونزيدك حاجة غادي تخسريه يديرها عليك مولات 18 سنة

سمحيلي على الكلام بصح انت حابة راجل ولا واحد انوش تصرف عليه يماه

[*تسنيم*]

المشاركة الأصلية كتبت بواسطة محمد جديدي التبسي

فارق عادي جدا المهم ركزي على الأخلاق وتقارب التفكير..ربي يوفقكم..

المشاركة الأصلية كتبت بواسطة سفير الأيام

الراجل عيبه جيبه واخلاقه

ونزيدك حاجة غادي تخسريه يديرها عليك مولات 18 سنة

سمحيلي على الكلام بصح انت حابة راجل ولا واحد انوش تصرف عليه يماه

المشاركة الأصلية كتبت بواسطة وهراني 31

ربي يكتب لك ما هو خير ان شاء الله

شكرا لكم على النصائح لكن الموضوع كما قلت سابقا قد حسم وهده مشاركتي السابقة للتوظيح:
بما انكم عاودت فتحتو الموضوع انا نقولك بلي ماكتبش المكتوب بيناتنا .عند الرؤية الشرعية بانلي بلي كبير عليا بزاف (يبان كثر على عمرو حتى الشيب بدا يغزو لحيته وشعره)وانا قلت سابقا بلي نبان صغيرة ادن فارق العمر بيناتنا واضح لكن الرفض لم يأتي من عندي حتى لا تقولو اني متكبرة لانه هو ايضا لم يعاود الاتصال بي مند داك اليوم
هدا كله حدث بعد استخارتي لربي ادن فهو خير .
دعائكم بان يعوضني الله بالاحسن

[النجمة القطبية]

شوفي ا اختى انتى ادرى بنفسك ولستى مضطرة تسمعى اراء الناس لان ارضاء الناس غاية لا تدرك وحتى مجرد المشورة تجعلك تسمعين مالا يرضيكي
يا اختى لازم تكونى قوية الشخصية وتعرفي تماما ما تريدين وخلي استخاراتك للواحد الاحد كيما يقولو الشكوى لغير الله مذلة
ان كنتى شايفة انو الفرق يضرك فهذا حقك اختاه في نفس الوقت لازم تفكري مليح مليح وانتى الادرى بنفسك ولا واحد فينا يقدر يحس بيك باش ينصحك
شوفي الفرق في السن فيها وعليها يقدر يكون ايجابي ويقدر يكون سلبي
ضعى في راسك دائما ان حالات الزواج حالات فردية كل زوجين يختلفان عن الاخرين لذا لا تستمعى لفلانة ولا علانة شوفي ظروفك واختارى الانسب لك
ربي يفوقك ويرزقك الاحسن والانسب واسال الله الكريم ان يرزقك زوجا صالحا يناسبك من كل الناواحي ويدخل السعادة والفرحة على قلبك

[محمد جديدي التبسي]

ربي يعوضك خير اختي

[salem1985]

انت اختي توكلي على ربي ما دام راكي لقيتي ولد خلال متدين ربي يوفق بيناتكم وانتم حشمو حنا في الجزائر عندنا بايرات لا اظن ان راني من عام وانا نحوس على بنت حلال ما عندي اي شرط لا في الجمال ولا اي منتطقة من الكون المهم تكون بنت حلال وتزيدو تقولو بايرة انا الي راني باير ادعو لي ربي يفرج علي ببنت حلال راني نعزمكم ان شاء الله

[SKYALGERIA]

المشاركة الأصلية كتبت بواسطة salem1985

انت اختي توكلي على ربي ما دام راكي لقيتي ولد خلال متدين ربي يوفق بيناتكم وانتم حشمو حنا في الجزائر عندنا بايرات لا اظن ان راني من عام وانا نحوس على بنت حلال ما عندي اي شرط لا في الجمال ولا اي منتطقة من الكون المهم تكون بنت حلال وتزيدو تقولو بايرة انا الي راني باير ادعو لي ربي يفرج علي ببنت حلال راني نعزمكم ان شاء الله

لفظ : باير أو بايرة لا يجب أن تقال للجنسين فالأجدر أن نقول أن الأخ فلان أو فلانة مازال لم يأتي دورها للزواج فكل شيء مكتوب فكم من إمرأة تزوجت بعد طول إنتظار و بعد أن عايرها الناس بالبايرة . نسأل الله التوفيق لنا و لكم أجمعين .