ملتقى....كم من عضو راه رايح في سبتمبر الجاي

[serza]

المشاركة الأصلية كتبت بواسطة moha10into

أنا بعثوني لبوسعادة شكون لي يعرفها و شكون لي بعثولو بوسعادة

شوف الاخ الكريم هده الثكنة مليحة ، شوف باش نكون صريح معاك حط في بالك لما تروح انك رايح تفوت العسكر ، ماتقولش يكون فائض ونخرج ولا مايكونش ، حبيت نعطيك معلومات في سبتمبر 2013 كان فيها فائض كبير حيت وصل العدد الى 1000 ضابط ،اما في مارس2014 لي فات ماكانش فيها فائض يعني لي خرجوا منها غير اصحاب الملفات الطبية .
ولكن ماتدريش قادر يكون فائض في سبتمبر هدا ان شاء الله وتخرج معفي ،
نزيد نوصيك الا عندكملف طبي او ملف كفالة اديهم معاك رايحين يفيدوك بزاف.
في الاخير الخيار لك بالتوفيق ان شاء الله

[mimou88]

laké laké ana le 15 septembre nekemel. fawetehoum bezebib f stif.w la3e9ouba likoum.

[anad27]

Khawti bdaw yaba3to les ordes appels wala mazal

[nacerbba]

bdaw yeb3tho

[saber soummam]

أنا لحقتني لوردابال في مار س و ما رحتش و راني حاب نروح نفوتهم في سبتمبر و راني خايف ما يبعثوليش لوردابال ...
عندي سؤال لأي واحد يعرف أسك نقدر نروح لمركز الخدمة الوطنية في هذا الوقت نطلب منهم باه نفوتها في سبتمبر كا متطوع و لا ما نقدرش لي يعرف بارك الله فيكم يجاوبنا الله يستركم خاوتي ؟؟؟؟؟؟؟؟؟؟

[no name rix]

خاوتي ممكن تقولناا
افضل مدرسة للضباط ؟
تكون في الوسط أو الشرق الجزائري وتكون ساحلية
وشكراا

[algeriano2009]

المشاركة الأصلية كتبت بواسطة no name rix

خاوتي ممكن تقولناا
افضل مدرسة للضباط ؟
تكون في الوسط أو الشرق الجزائري وتكون ساحلية
وشكراا

مدرسة التطبيقية للهندسة- بجـــاية.

المدرسة العليا للبحرية - العاصمة.

[no name rix]

بارك الله فيك أخي

[دار التاويل]

السلام عليكم خاوتي حبيت نسالكم راني حاب نسجل متطوع
هل يعطوك قائمة محدودة للخيار ام تختار ما تشاء
مثلا انا اريد الذهاب لباتنة هل ساقترح عليهم باتنة ام يلزمونني باختيارات محدودة ارجو منكم الرد وشكرا

[BrahimWalid]

المشاركة الأصلية كتبت بواسطة دار التاويل

السلام عليكم خاوتي حبيت نسالكم راني حاب نسجل متطوع
هل يعطوك قائمة محدودة للخيار ام تختار ما تشاء
مثلا انا اريد الذهاب لباتنة هل ساقترح عليهم باتنة ام يلزمونني باختيارات محدودة ارجو منكم الرد وشكرا

تختار أي ثكنة الا الثكنات الموجودة في ناحيتك العسكرية

[rafikwood]

هل لي بعثولو في مارس يزيدو يبعثولو في سبتمبر أو حتى مارس الجاي

[بن ثابت3]

نعم هما استدعاءان فقط

الاول مكتوب فيه or
والثاني ao or + معه ورقه بيضاء

الاول عادي اذا محبيتش تروح متوليش عاص كما يقولو هما
والثاني اذ لم يذهب المستدعى بصيح عاص

[rafikwood]

المشاركة الأصلية كتبت بواسطة بن ثابت3

نعم هما استدعاءان فقط

الاول مكتوب فيه or
والثاني ao or + معه ورقه بيضاء

الاول عادي اذا محبيتش تروح متوليش عاص كما يقولو هما
والثاني اذ لم يذهب المستدعى بصيح عاص

أعلم ذلك أخي و لكن هناك من تفوت مدة 6 أشهر باش يبعثولو الثاني أي ao or + معه ورقه بيضاء

[بن ثابت3]

المشاركة الأصلية كتبت بواسطة rafikwood

أعلم ذلك أخي و لكن هناك من تفوت مدة 6 أشهر باش يبعثولو الثاني أي ao or + معه ورقه بيضاء

أظن ذلك نادر تأتي متتابعة

+
وكذلك سمعت أنه هناك 3 دفعات بينها 4 أشهر وليس 6أشهر مع التعديل الجديد للمده بعدما أصبحت عام

ستاج 4 أشهر ثم المتاسيو لاستقبال دفعة جديدة
والله أعلم

[rafikwood]

المشاركة الأصلية كتبت بواسطة بن ثابت3

أظن ذلك نادر تأتي متتابعة

+
وكذلك سمعت أنه هناك 3 دفعات بينها 4 أشهر وليس 6أشهر مع التعديل الجديد للمده بعدما أصبحت عام

ستاج 4 أشهر ثم المتاسيو لاستقبال دفعة جديدة
والله أعلم

هذا ما أردت فهمه أخي هل ممكن تأتي متتابعة?

الكل قال لي نادرا و الله أعلم