لي سكنت مع اهل الزوج

[عائشة07]

المشاركة الأصلية كتبت بواسطة مؤمنة بالله

عن اي حدود تتحدثين اختاه
كونكم هانية باللي أي زوجة مش راح تدير حدود لنفسها في بيت اهل زوجها
لانو تحب تبروفيتي
هاذ=ي هي بكل بساطة
وحتى واحد ما راح يرضى بهاذ الشيئ

السلام عليكم

اختي لم افهم قصدك بقولك تحب تبروفيتي !! يعني فاش تبروفيتي وضحيلنا اختي

[مؤمنة بالله]

المشاركة الأصلية كتبت بواسطة عائشة07

السلام عليكم

اختي لم افهم قصدك بقولك تحب تبروفيتي !! يعني فاش تبروفيتي وضحيلنا اختي

يا أختي مسألة الحدود مكاش منها
و المراة في نظرها بيت أهل راجلها هي دارها
وتصير هي تدير واش تحب وأحيانا كثيرة تشمت
بمعنى تستغل وتشمت وتبروفيتي فيهم بلا مشاورة
يعني ماراحش تحط حدود لنفسها وتدير في بالها انو هاذيك دار العجوز ولازم تشاورها وكل ما هو ممنوع تمتنع عنه
لكن اللي نلاحظوه انو المراة راهي تدخل ودير رايها حتى ولو عاكس ذلك قانون الدار
وهذا ما يخلق المشاكل

[ome loudjeine]

السلام عليك اختي
اولا لازم تحطي في بالك بلي اهل زوجك هم اهلك ايضا واي عايلة تطكون فيها مشاكل واختلاف في الراي كيما دار باباك ولازم ديري النية والله تسلكك واخطيك منالافكار السيئة علاه تتوقعي الشر قبل ما يحدث.انا عشت مع اهل زوجي 6سنوات والحمد لله راني بداري مانقولكش ما كلن حتى مشكل لكن حوايج عادية وزيد اب زوجك وامك مهما يوصلوك لازم تصبري على وجه زوجك وانا نظن انو المعاملة الطيبة هي الاساس.ولازم تقدري شيخك وعجوزتك وتشاوريهم انا بداري وحدي ونشاور عجوزتب في حوايج تشوفي واش تفرح.وما تنسايش تتفكريهم سوايع بهدايا مهما تكون بسيطة بصح تفرحيهم وتكسبيهم.

[جيهان2009]

صح صح اذا ما كنتيش منافقة ما كالاه يشقى ديري دارك أحسن العايلة واعرة

[الجنة الجنة]

شكرا لاهتمامكم بالموضوع

[وردة الرمال1]

المشاركة الأصلية كتبت بواسطة مؤمنة بالله

ديريهم كيما اهلك يعني امو هي امك وابوه هو ابوك وأختو هي اختك
يعني ديريهم في مقام أهلك
وشوفي اذا شفتي منهم حاجة مش مليحة قوليلي
يا أختي لا دخان بدون ناااار

أشكرك أخت مؤمنة بالله على النصيحة

صح راني حاسبتهم كيما قلتي وزيدي وين ما نروح لعندهم نديلهم الهدايا كاملين بصح هوما الي مش حاسبيني وحدة منهم

ماعدا والد الزوج الي صح نحسه حنين عليا، رانا صابرين على جال الزوج.

[عروس البحر 2]

لا للدصارة قيمي روحك يقيموك ماتطلقيش روحك بزاف يولو يعفسو ليك ويجوزو لازم تكون شخصيتك قوية وتفرضي روحك من البداية تحتارميم تقادريهم ماتعايبيهمش بصح كل بالحدود ماتمديش فوق طاقتك لاخاطر يستناو تمديلهم اكثر ولا ماكيش مليحة ماتخليوهم يدخلو في حياتك الزوجية تخص انت وزوجك فقط لاخاطر لادخلو قولي على دنيا السلام

هذااااا كامل وياربي تسلكي

[نهال الجزائرية]

السلام عليكم ورحمة الله تعالى وبركاته
شكر جزيل لصاحب الموضوع ... بداية
أقول مدام المرأة قبلت بإبنهم تحب اهله
حتى وإن كانو (مهمش ملاح) لإرضاء
ربي سبحانو وإرضاء الزوج ... وثاني
حاجة نفترص أن أمو قبيحة هون راح يكون دور الزوجة
بمعنى أنو راح يكون تنازل من أجل ان نكسب ذلك الشخص
و مول النية ربي ما يخليه ... وأقول الصبر ثم الصبر و شكرا

[ninacicino]

سلام اختي اول حاجة ديريها في حسابك اذا كان العائلتين من نفس الطبقة يعني اذا زاوالية من الجهتين ولا مرفهين من الجهتين ديري في بالك راح تتفاهمو في كلش و اذا كان اختلاف في الطبقة مالا ادعي انشالله تكوني من الطبقة المرفهة ههههه
و زيدي ديري في بالك العقلية اذا كنتي نتي من عائلة متفتحة و عائلة زوجك من عائلة منغلقة راح تواجهي صعوبات كبار سورتو اذا كنتي ماتقدريش تحملي الميزيرية ادعي تكوني العكس خاطرش اذا كانو ناس دارك متفتحين راكي رايحة تنساي العنوان تاع دار باباك تالمون يعجبك الحال عندهم هههههه
هاذا رأي شخصي و كل وحدة تجربتها
ربي يهنيك

[ninacicino]

المشاركة الأصلية كتبت بواسطة جيهان2009

صح صح اذا ما كنتيش منافقة ما كالاه يشقى ديري دارك أحسن العايلة واعرة

اختي راني معاك في الرأي لازم تعوم و تعس حوايجك بصح تقدري تسميها شطارة ماشي نفاق خاطرش النفاق ماشي من شيم المؤمنين

[mounia 85]

المشاركة الأصلية كتبت بواسطة وردة الرمال1

أشكرك أخت مؤمنة بالله على النصيحة

صح راني حاسبتهم كيما قلتي وزيدي وين ما نروح لعندهم نديلهم الهدايا كاملين بصح هوما الي مش حاسبيني وحدة منهم

ماعدا والد الزوج الي صح نحسه حنين عليا، رانا صابرين على جال الزوج.

وانا نقولك من عندي يا اختي ديريهم كيما حبيتي وحطيهم حتى فوق راسك ومديلهم الهدايا على روحك والله ما يديروك كيما بنتهم بالعكس على قد ما تحطي روحك وتديلهم هدايا يزيدوا يحقروك كثر على خاطر حاسبينك تشيتيلهم بالهدايا والتقيام انا صراتلي كيما نتي وشحال قيمت وشحال درت الهدايا وشحال درت عرضات وفاللخر خرجوني انا اللي مانليقش واللي تغسلهم وهازة روحها عليهم راهم دايرينها لالاهم انا بابا قص رجلو عيط شيخي قالو اني ماعنديش طونوبيل باش نجي نطل عليك مع انو قادر يكري ولا يقول لراجلي يبعتلوا دراهم ويجي يطل على بابا وخو مرت سلفي تزوج قفلو باب دارهم وراح للعرس بايتين فيه مع او في زوج ديارنا بعاد
المهم ختي حبيت برك نقولك بدلي العقلية وهزي شوية روحك ما طيحيش بروحك ويا ربي يتقبلوك كزوجة لابنهم لاني انا وحدة من الناس ماهمش دايريني وحدة من العايلة اصلا

[كيكيو7]

احسن وسيلة هي الدعاء ومتنساش حافظي على قوة الشخصية وكوني محترمة وغامضة

[وردة الرمال1]

المشاركة الأصلية كتبت بواسطة mounia 85

وانا نقولك من عندي يا اختي ديريهم كيما حبيتي وحطيهم حتى فوق راسك ومديلهم الهدايا على روحك والله ما يديروك كيما بنتهم بالعكس على قد ما تحطي روحك وتديلهم هدايا يزيدوا يحقروك كثر على خاطر حاسبينك تشيتيلهم بالهدايا والتقيام انا صراتلي كيما نتي وشحال قيمت وشحال درت الهدايا وشحال درت عرضات وفاللخر خرجوني انا اللي مانليقش واللي تغسلهم وهازة روحها عليهم راهم دايرينها لالاهم انا بابا قص رجلو عيط شيخي قالو اني ماعنديش طونوبيل باش نجي نطل عليك مع انو قادر يكري ولا يقول لراجلي يبعتلوا دراهم ويجي يطل على بابا وخو مرت سلفي تزوج قفلو باب دارهم وراح للعرس بايتين فيه مع او في زوج ديارنا بعاد
المهم ختي حبيت برك نقولك بدلي العقلية وهزي شوية روحك ما طيحيش بروحك ويا ربي يتقبلوك كزوجة لابنهم لاني انا وحدة من الناس ماهمش دايريني وحدة من العايلة اصلا

أشكرك على ردك أخت مونية وأشكرك على الاهتمام

تحبيهم من قلبك وتقولي داري و أهلي بصح؟؟؟؟؟

على العموم المهم رضا الزوج

[ايهان]

شوفي اذا جابوك عاما يعني امه ولا باباه ولا اختوا بلاك واحتمال كبير يفوتولك بزاف حوايج على خاطر كون يهدروويقولهم راجلك انتوما لي جبتوها
بصح لكان جابك اعرفك هو غير انساي والله واديري روحك زربية يعفسوا عليها مارايحة تعجبي
واتفكريني اذا اسكنتي معاهم

[ام نهلة]

انا عشت لفترة مع اهل زوجي كانت فترة قصيرة لكن .. صعب جدا التعامل مع اهل الزوج ..احيانا تصرفات او كلام يكون بحسن بية يفهم خطأ .. ان كنتي على طبيعتك لن تسلمي وان نافقتي لن تسلمي ... لازم الكلمة قبل ماتخرج منك احسبيها الف حساب .قبل مايفهوك خطأ من الاحسن تسكتي وما تهدريش اصلا .. واراءك احتفظي بيها لنفسك وما تناقشيهمش ابدا اخدمي خدمتك وبعدها سكري على روحك في بيتك او اقعدي قصري معاهم وفمك ساكت و.....و...