وصفات لادرار الحليب....مجربة - الصفحة 5

~~hope of life~~ · 2015-01-22, 11:01

اقتباس:

المشاركة الأصلية كتبت بواسطة fettouha

موضوعك مهم الاحصائيات العربية صنفت الجزائر الاولى في عدم الارضاع الطبيعي هذا عمل والعصرنة النساء باش تخرج بحرية دون ربط من طرف الرضيع توصي امها او النوغيس عل بيبرون و خلاص في حين الغرب يهتمون بالرضاعة اكثر منا
باش يكثر الحليب بعدي من راسك فكرة ابني ما يشبعش او حليبي خفيف الا استثناء مرض المرضع او غيره لانه ما ان يعطي البيبرون الي يكون فيه الحليب بغزارة وذوق مختلف وزيد نقصتي فرصة المص وبالتالي ينقص الحليب لان المص هو المحفز الاول للادرار وبعده السوائل الساخنة والدافئة والباردة و التغذية السليمة
رانى وليت خبيرة كيما يقولو وكلامي عن تجربة بعد ارضاع خمس اطفال ومازلت بنتي الان عندها عشر اشهر واحيانا لا تاكل شيء ترضع فقط راهي تسنن
وبنتي اخرى تقرى رضعت عامين وزيادة وابني عام ونصف فطمته لانه كان ياكل مليح ودايرني سوسات ليلا
ومن بنتي الكبرى مقارنة مع اخوتها قد يكون الطفل ناقص الشهية وكانت بنتي كذلك درتلها البيبرون في الشهر السابع ما كانتش عندي تجربة وعجوزتي قالت لي حليبك ما يشبعهاش قلت تعرف احسن مني والنتيجة نكرتنى والبيبرون ما تحبوش بزاف لانها كما قلت قليلة الشهية وبديت ندخللها الاكل والياوورت ونشف صدري وبعدها حملت بسرعة قلت هاد المرة يرضع بسيف عليه يقولولي مايشبعش نعطيه يمص ماعليه ناشفة وسبحانه خلق الثدي لذلك ويتعمر صدري وحتى في رمضان ووالصابرين يعني دون سوائل ولا اكل لكن مخزون الجسم يوفي والسحور
المهم طولت عليكم باش نقولك اعطي الثدي للرضيع وكل ما مص يجي الحليب صح متعبة وتتربطي بصح فترة ممتعة وتفوت وتوفري مال الحليب والرضاعات اغسلي وعقمي ونوضي سخني ووووو
وصح كاين بزاف ماكولات تزيد الادرار كنت نتسحر الاحليب وتمر ونزيد الماء والحمد لله بنتي تشبع ولاباس وحتى ست اشهر بديت نذوقها فرينة اطفال بتي سويس وترضع في نفس الوقت يعنى شدو يا مرضعات ست اشهر وابداو توكلو البيبي وترضعو في نفس الوقت هكا البيبي يبقى يحب يرضع لان الملعقة ليست البيبيرون يعنى متعة المص تبقى عندو يبقى يحب يرضع الثدي
عادة كل الماكولات الحلوة تدر الحليب تمر تين مجفف مربيات حلوى شامية حلوة الترك جد مفيدة وكل الاكل الذي ذكر في الصفحات السابقة ودوك راه وقت البسباس بويون تاعو مع الجزر وانا نشرب شاي بالنعناع تقريبا يوميا وطبعا ما تنساوش الحليب وكل العجائن
اسمحولي على الاطالة اردت فقط افادتكم بتجربتي وانشاء الله الي ناقصلها الحليب يولي يفيض وماتملوش خاصة اذا كان اول بيبي غدد الثدي تتطور مع كل حمل وانشاء الله كل مرضع يكبر وليدها بصحة جيدة ويعضعا كي يبدى يسنن و تفطميه بسلام

يا اختي..واش نقلك بارك الله فيك...ويعطيك حتى يرضيك...وعلاواه نسمحولك...بالعكس راكي تمدي فحوايج ملاح وفيهم الفايدة
شكرا ليك مرة اخرى

سهام الجزائر · 2015-01-23, 02:14

السلام عليكم و الله هادا موضووووع هفيد جداا
انا ببنتيﻻالاولى رضعتها 3ىاشهر و مكبرتليش لانو لحليب كان ناقص شوية زدتلها حليب العلب نكرتلي صدري و بعدها نشفت خلاص و بعدها بابني راه عندو قريب 4اشهر و الله راني نعاني ماخليت عدس ناكل فيهةبلاحبسة العيش يعني بركوكس و بيون الخضر السوائل صح حاجة لفتتلي الانتباه كي ندوش يزيد فياةالحليب المهم
رضعت ابني 40يوم و نقصلي الحليب هكا سرالي بنتي مي ابني ماصبرش يبكي بزاف حتى زدتلو حليب العلب و صدري مانحيتلوش مهم سعات ينكرني نحتملو يرضع
قريت بلي الغدة الدرقية سبب في نقص الحليب و انا عندي خلل فيىالغدة و راني نعالج حوالي 3سنوات علاج و مازلت
وزيادتي الاولى قيصرية سيزاريان و بعد 11 شهر درت عملية على المرارة و بعد عامين زيدت سيزاريان
انصحوني
الله يعطيكم كل خير و لايحرمكم

جزاكم الله كل خييييير

~~hope of life~~ · 2015-01-23, 12:23

اختي سهام اقراي الصفحات الي فاتو...راهم الاخوات مدو نصائح...

سهام الجزائر · 2015-01-23, 15:58

قريت كامل الصفحات مزالي نجرب حلوة الترك لعلها تجيب نتائج

ادعولي بالشفاااء العاجل
امانة ادعولي

سهام الجزائر · 2015-01-23, 16:06

قريت كامل الصفحات مزالي نجرب حلوة الترك لعلها تجيب نتائج

ادعولي بالشفاااء العاجل
امانة ادعولي

fettouha · 2015-01-24, 01:03

اختي سهام ربما بكاء ابنك ليس من الجوع ولكن تقلصات المعدة والمغص
في اوقات المغص لا يستطيع المص تحسيه متضايق وينكر الثدي حاولي تهدئيه وعاودي اعطيه يرضع وشوفي الفرق
عادة اربع اشهر الاولى تجي للرضع نوبات مغص والحليب الاصطناعي يزيدلهم وحاولي تخرجيلو لغاز وقفيه يتجشاء او مساج للبطن
وان كنت تغيريلو حفاضاتو عادي تعرفي ان كان يشبع او لا ام مغص
وربي يشافيك اختي وكل مريض امين

ام براء عبيدة · 2015-01-24, 11:16

انا كنت حابه نرضع ابني عامين لكن قدر الله ما شاء فعل وكان نصيبه منحليبي 4اشهر فقط يعني خاب ظني كثيرا لكن اتعرفون السبب لانني كنت استحي ان ارضعه امام الناس اي ليس لي رغبة فهذا اول شي والثاني يجب على المراة ان توفر الراحة الجسدية والنفسية وان تاكل جيدا بحكم كان اول طفل لم اكن اتقن شيئا في التربية وانا بعمر18سنة فكنت اعمل اعمالالبيت ولا ااكل جيدا عندما يجوع ابني لا يجد شيئا في ثديي وانا عندما كنت في بيت امي الله بارك كان ابني لما يرضع من ثديي تبدا الثدي الاخر بالسيلان يعدي عندي الحليب لكن بسبب ظروفي الراحة والقلق نقص الحليب ووليدي ولا يبكي بزاف وانا لم اكن اعرف بانه بسبب هذان الامرن عمباتلي حليبي ما يشبعش اضفتله الحليب الاصطناعي نكرني بكيت كثيرا لانه خاب املي لكنن توعدت نفسي ان الاطفال الاخرين باذن الله سارضعهم اقول الراحة النفسية والجسدية لازم ثم لازم يكون متوفرين وتاكلي مللللللللللللللييييييييييييييييييييييييييييح وتاني عند الصيدلية كاين 2دواء لادرار الحليب وجربتهم ونجحولي وتخلي ابنك يمص وراح تشوفي كي تحكمي هذا النظام باذن الله راح يوفقك ربي

nasamaster · 2015-01-30, 16:42

عليك وعلى زريعة البسباس غليه وواشربها وأيضا عسل التمر على يجيك الحليب بزاف

هبة الرحمان انشراح · 2015-02-01, 09:01

موضوع رائع ومميز ومشاركات مفيدة جزاكم الله الف خير وانا شخصيا ان شاء الله رايحة انجربهم وادعولي ربي يسهللي ولادتي وارجووووووووووووووووووووووو التثبيت لاهمية الموضوع ولتعم الفائدة

~~hope of life~~ · 2015-02-03, 21:54

شكرا للاخوات على تفاعلهم...اختي هبة الرحمان انشراح...ربي يسهلك ولادتك ويبشرك بالخير

Simassim · 2015-02-04, 11:22

السلام عليكم كنت نحوس على الموضوع
انا ولدت بولدي التاني والحمد لله راني نرضع صدري والأمور الحمد لله احسن
كنت حابة نزيدكم الكرافس مليح كنت نقطع رقيق والاوراق نخليهم ونحطهم يغلي شوي ونشرب ألما تاعو او ممكن وطحنيه واشربي انا نفعتني بزاف خاصة الأيام الاولى
ونزيدلك معلومة اخرى. البيبي خلال نموه تمر عليه فترات يحتاج يرضع بزاف كل ساعتين وهاد فترات تكون يومين او تلات. بالفرنسي pic de croissance chez les bébés تكون نهار عشر ايام ونهار تلات سيمانت وتلات اشهر وستة اشهر حاولوا ترضع هم بزاف هاد الوقت وماتمدولهمش حليب اصطناعي حاولوا تصبروا معاهم برك
هاد اليامات
لمزيد من المعلومات حوسوا عليها في جوجل

~~hope of life~~ · 2015-02-11, 10:01

اقتباس:

المشاركة الأصلية كتبت بواسطة simassim

السلام عليكم كنت نحوس على الموضوع
انا ولدت بولدي التاني والحمد لله راني نرضع صدري والأمور الحمد لله احسن
كنت حابة نزيدكم الكرافس مليح كنت نقطع رقيق والاوراق نخليهم ونحطهم يغلي شوي ونشرب ألما تاعو او ممكن وطحنيه واشربي انا نفعتني بزاف خاصة الأيام الاولى
ونزيدلك معلومة اخرى. البيبي خلال نموه تمر عليه فترات يحتاج يرضع بزاف كل ساعتين وهاد فترات تكون يومين او تلات. بالفرنسي pic de croissance chez les bébés تكون نهار عشر ايام ونهار تلات سيمانت وتلات اشهر وستة اشهر حاولوا ترضع هم بزاف هاد الوقت وماتمدولهمش حليب اصطناعي حاولوا تصبروا معاهم برك
هاد اليامات
لمزيد من المعلومات حوسوا عليها في جوجل

اول مرة نسمع بهاد المرحلة...شكررررررا بارك الله فيك اخية

فراشات العمر · 2015-02-11, 17:24

السلام عليكم
شكرا جزيلا على الموضوع الاكثر من رائع
انا عندي تقريب ثلاث اشهر ملي ولدت ابني الثالث راني باغية نرضعو لاني الاول مارضعتوش والثاني 3 اشهر وخلاص لحليب مالا هذا باغية نكملو الرضاعة قريت الصفحات الاولين لفت انتباهي للاخت لي قالت بلي الكبدة تبعد لحليب هل هذه المعلومة صحيحة؟
الحلبة كم المقدار لي تطيبوه ماء وبذور كذلك لزريعة البسباس
الكرفس عمري ماكليتو نستعملو البصل فقط للطهي ههه
قريت بلي الثوم مليح رايحة نجربو بالبيض ونشوف
شريت التين المجفف راني ناكل 4-5حبات في اليوم
العجاءن مانكلهاش خلاص غير مرق الخضر راني ساخفة على الكسكس بالحليب كي نروح لماما نقلها تديرلي
الدواء راني ناكل في كاشي فاي لاي من عند الفرماصي شريتها30 الف للعلبة ناكل حبة صباح واخرى عشيا مع سيرازيت
جات عجوزتي باي زعما نكمل

um alaa · 2015-02-23, 11:23

ا خواتي انا في الايام الاول للرضاعة اعطتني الطبيبة حبوب لادرار الحليب تباع عند الصيدلية مصنوعة من الاعشاب الطبيعيةمثل الحلبة البابونج زريعة البسباس

عن تجربتي الاكتار من الدجاج لانه ينفع كثيييييرا
البركوكس او العيش ايضا
الجلجلان رائع ايضا مثل اكل الحلويات المصنوعة به
الجزر
المعجنات
المكسرا
التمر
شرب كاس من الماء بعد الانتهاء من الرضاعة
انشاء الله نكون افدتكم

فراشات العمر · 2015-02-24, 11:57

انا راني شريت كراوية وينسون وحلبة وكمون وزريعة البسباس راني عمل تيزانة بعد كل وجبةغدا وعشا
بلا ماننسى زيت الحلبة نفعني بزاف