للعيد حلوة بالمعجون وحلوة الترك من مطبخ ام اية - الصفحة 5

islam1aya · 2013-10-09, 18:07

السلام عليكم

بمناسبة حلول عيد الاضحى ارتايت ان اقدم لكم هذه الحلوة اللذيذة
حلوة المعجون وحلوة الترك

المقادير

علبة مارغرين كبيرة500غ لابال ننزع ربع العلبة لانستعمله

كاس اينوكس سكر عادي

3بيض كبار

2خميرة الحلوة

فاني
فرينة حتى تتتلم العجينة تكون طرية

الحشوة

معجون مشماش
كمية من حلوة الترك
لوز افلي للتزييين او فرميسال الملونة

طريقة التحضيير

نخلط المارغريين مع السكر جيدا براحة اليد جيدا جيداااااااحتى تبياض المارغرين ويذوب السكر فيها زيدي الفاني والبيض وخلطي جيدا
اظيفي الخميرة مع الفرينة ولازم تكون العجينة طرية جداااااااا جدااااااااا

اقسمي العجينة على قسمييين متساوييين

في سنية ادهنيها جيدا بالزيت ثم حطي الجزء الاول وبسطيه رقيق في قاع السنية براحة اليد ولازم تكون العجيييينة رقيقة ماتخليهاش خشينة

حطي في العجينة المعجون وزيدي حلوة الترك

ثم الجزء المتبقي من العجينة نحلها بالحلال ونحطها من الفوق ونستويها جيدا اذا شفتيها طرية بزاف وماتترفدش زيدلها شوية فرينة

حطيها اطيب في فرن مسخن 180درجة وكشوفيها دارت فقاقع اثقبيهم بالسكين وهذه خطوة مهمة
بعدين اشوفيها اتحمرت من الاطراف طفي من الاسفل واشعليها تتحمر شوية من الفوق

بعد مااطيب وتبرد اقلاسيها بالشوكولا مذوبة +شوية حليب +وشوية زبدة ورشيها باللوز افلي او فرميسال ملونة وتخليها تبات للغد قطعيها

تقطعيها معينات او مربعات
طريقة التقديييم

ان شاء الله اجربوها رووووعة بنينة ماتتشبعش
ام ابراهيم هذه الحلوة التي طلبتها يا غالية
واستعملوامارغرين لابال ماشي فلوريال

والسنية استعملوا تع الفرن يعني الي اجي مع الفر ن العادي الكويزنيار
مع تحيات ام اسلام واية