المدرسة العليا للاساتذة ام بكالوريا حرة ..أجركم على الله

[ratil talin]

المشاركة الأصلية كتبت بواسطة bill02

العفو اختي ماراكيش حابة التعليم و راكي حابة الطب هكا؟

لكن سجلي في المدرسة العليا و ديري بلوكاج ماتخليش البوست يروح على الاقل اذا ما وجدتيش ترجعي ليه

انا سجلت وان شاء الله الاسبوع المقبل سألتحق للدراسة
لكني لن أعلق السنة الدراسية فان لم اوفق في البكالوريا اكمل في المدرسة العليا للاساتدة

[bill02]

اسمحيلي نزيد نسقسيك اختي ما عليهش؟؟؟

كيفاش رايحة تاقراي للباك و تقراي في المدرسة العليا في نفس الوقت ؟؟ هل تستطعين اختي ؟؟؟

[mimina 81]

بلارادة تقدر انا اختي السنة الماضية كانت تدرس في المدرسة العليا وعاودت الباك وجاباتو بمعدل احسن من الباكالوريا الاولى صح فيها التعب لكن من طلب العلا سهر الليالي راح تواجه مشاكل في اخر السنة لانو بعض الامتحانات في المدرسة راح تطيحلها مع الباك لكن عندها حلول يا اما تهدر مع اساتذة المادة يعاودولها امتحان واذاما حبوش كاين الامتحان الشامل والاستدراكي يعني عندها عدة حظوظ باش تجيب الباك واذا كانت اقامتها اولاد فايت ماتحملش هم في مادة الرياضيا راني هنا الريح مايقيسهاش من دروس او تمارين واذااستعصت عليها الدروس ولم تفهمها راني في الخدمة ياك قلتلكم راني اختكم الكبرى هههههههههه

[bill02]

اسمحو لي خواتاتي انا مارانيش نهبط لها في المورال و لا و انما راني خايف تخسر هم في زوج وراني نفكر فيها وممكن تنجح لما لا و حنا ماذابينا

[bill02]

فأنا انصح الاخت راتيل لوجه الله لانها ما تعرفش ربما ظروف الاقامة الخ ,,,,,,,,ارجو التفهم لو سمحتي

فإما تسجلي الباك و تعاوديه و تبلوكي في القبة

و اما تقراي في القبة و تستغناي عن معاودة الباك لان المنصب في القبة المدرسة العليا ما راهمش يدوه قاع الناس راه قليل و بالمعرفة و راكي جد محظوظة كي تحصلتي عليه

[mimina 81]

في المدرسة ماتقدرش تخسر العام لانها عندها عدة فرص للنجاح كيما اخبرتك من قبل الامتحان العادي واذا ماجابتش العام يكون الباك فات تقرا للشامل يفوتوه في جوان واذا لاقدر الله وماجاباتوش الستدراكي حتى في سبتمبر يعني تقرا في العطلة وهكذا تعاود غير اذا هي ماحبتش تطلع وعلى حاب ماعطاولها المدرسة وتحوس على الطب باينة بللي انسانة تقرا ماشي متهاونة انا رايي اذا كانت حابة تدير طب ماتضيعش عامها تقرا وتعاود الباك اذا جا اللهم انعم وباركم واذا ماجاش ماخسرت والو والراي الاول والاخير ليها لاني كيما قتلكم انما تلميذة واستاذة في نفس الوقت والعديد من تلاميذتي قراو مدرسة عليا وعاودو الباك وتحصلو عليه مثلا تلميذة راهي في القبة علوم جابت عامها والبا ك تحصلت على 15.5 بصح فيها شوي تعب

[bill02]

هاذي و الله غير غلبتيني فيها صح مادام تحوس على الطب هي مجتهدة فعلا

الله يوفقكم mimina و ratill

[bill02]

و الاختيار الاخير لها نعم بوركتي غير بلعقل الله يوفقها

[ratil talin]

المشاركة الأصلية كتبت بواسطة bill02

اسمحيلي نزيد نسقسيك اختي ما عليهش؟؟؟

كيفاش رايحة تاقراي للباك و تقراي في المدرسة العليا في نفس الوقت ؟؟ هل تستطعين اختي ؟؟؟

بلارادة تقدر انا اختي السنة الماضية كانت تدرس في المدرسة العليا وعاودت الباك وجاباتو بمعدل احسن من الباكالوريا الاولى صح فيها التعب لكن من طلب العلا سهر الليالي راح تواجه مشاكل في اخر السنة لانو بعض الامتحانات في المدرسة راح تطيحلها مع الباك لكن عندها حلول يا اما تهدر مع اساتذة المادة يعاودولها امتحان واذاما حبوش كاين الامتحان الشامل والاستدراكي يعني عندها عدة حظوظ باش تجيب الباك واذا كانت اقامتها اولاد فايت ماتحملش هم في مادة الرياضيا راني هنا الريح مايقيسهاش من دروس او تمارين واذااستعصت عليها الدروس ولم تفهمها راني في الخدمة ياك قلتلكم راني اختكم الكبرى هههههههههه

انا درت حساب لكل شيء والله اني مستعدة نضحي براحتي بصحتي فقط للتوفيق بين الدراسة في المدرسة وبين التحضير للبكالوريا وزيد انا تخصصي علوم دقيقة على هاديك الباك رح نجوزو شعبة رياضيات وعلى ما أظن فيها دعم كبير لي
وان شاء الله ما تصادفش امتحانات نهاية السنة امتحانات البكالوريا والا ساعمل بنصائح أختي الكبرى وأستاذتي ميمينا
اقامتي في أولاد فايت 3 وان شاء الله تكوني تماك باه نحس بالامان شوية برك باسكو خلعوني بيها

[ratil talin]

المشاركة الأصلية كتبت بواسطة bill02

هاذي و الله غير غلبتيني فيها صح مادام تحوس على الطب هي مجتهدة فعلا

الله يوفقكم mimina و ratill

موفقون انتم أيضا اخي

[bill02]

ممتاز اختي ratill بارك الله فيك انا شخصيا اشكرك على شجاعتك هذه استعدي و استعيني بالله قبل كل شيئ بالذكر و الدعاء ثم بالاجتهاد الله يوفقك ,,,,,,,,,,,,,,,و اختي ميمنا اقول لك اتهلاي في ratill كي تتلاقاو وربي يطايب بيناتكم ان شاء.و شكرا لكما

[bill02]

الله يوفقك الجميع شكرا

[mimina 81]

الله يسلمكم وربي يوفقكم ان شاء الله
انا اختي رتيل في اولاد فايت 1 راني غير جارتك واذا كاش ما خصك راني في الخدمة في اي وقت لكن ساذهب بعد العيد ان شاء الله ولا تترددي في الاتصال بي في الاسبوع القادم ساغير غرفتي كي اسكن مع تلميذاتي اللواتي طلبن مني ذلك وعندما افعل اعطيك رقم الغرفة كي تتصلي بي ان شاء الله

[bill02]

اختي ميمي بارك الله فيك ووفقك الله الى كل خير انت و رتيل

[ratil talin]

المشاركة الأصلية كتبت بواسطة bill02

ممتاز اختي ratill بارك الله فيك انا شخصيا اشكرك على شجاعتك هذه استعدي و استعيني بالله قبل كل شيئ بالذكر و الدعاء ثم بالاجتهاد الله يوفقك ,,,,,,,,,,,,,,,و اختي ميمنا اقول لك اتهلاي في ratill كي تتلاقاو وربي يطايب بيناتكم ان شاء.و شكرا لكما

ونعم بالله شكرا أخي على دعمكم جعله الله في ميزان حسناتكم
لكني بودي ان أعرف ماذا تدرسون ؟؟؟