السلام عليكم
بطلب من أخواتي الكثيرات لطريقة عمل البقلاوة بالتفصيل و الصور .. عملتها و صورتها لكن باش تفهمو مليح.. دون إطالة نخليكم مع الصور لي تشرح نفسها
طبعا مقادير العجينة هي:
5 كيلات فرينة لابال لاتستعملو سيم درت بيها ماصلحتليش مافيهاش العلك .. تتقطع وحدها
كيلة ليدام ( 1/2سمن + 1/2مارغارين التوريق)
1/2 كيلة مايزينة
قرصة ملح حليه في شوية ماء
حبة بيض
2 ملاعق حليب بودرة .. تقدري تستغناي عليه أنا مادرتوش
2 ملعقة أكل خل أبيض
2 ملعقة ماءالزهر ( أنا زدت شوية)
2 ملعق أكل سكر بودرة
ماء للعجن
الكيلة لي درت بيها هذه الصينية هي باطة مارغارين 500 غ
للحشو
3 كيلات مكسرات
3/4 كيلة سكر عادي خطرش تتعسل
قشور ليمون
لفاني بودرة
قليل من السمن الذائب
و نرش بماءالزهر مثل فتل الكسكس.........
نعجن مقادير العجين كلها مثل البقلاوة العادية نكوروهم حسب عدد الطبقات لي حابة دريهم أنا درت 7 من فوق و 7 من تحت ... ونديرهم في كيس نظيف و نخليهم يرتاحو مليح
هنا الحشو مادابيكم ترحو المكسرات رقيق أقل من هذا ... أنا كنت مزروبة و راح يطيح الليل
هنا باش تدهني الصينية تحكمي طرف مارغرين التوريق طري و تدهني بيه جيدا هكذا أو أنك تذوبيها و تدهنيالمول 2 مرات و تخليه ينشف
هنا تغطسي كل كرية في النشاء ثم بالحلال تحليها شوية و تحطيها بجيه و كل ماتغطسي كرية و تحليها شوية حطيها فوق أخواتها
هكذا
ممبعد تعاودي تجبدي بالوحدة و ترشيها مليح بالنشاء و تعاودي تحطيهم فوق بعض هكذا
هنا صيي كملت ... ضرك نجيب الحلال و نحل في كل الإتجاهات بالعقل حتى يكون سمك القرصة 0.5 سم أو أقل قليلا و لازم تحلي كاملالقرصة مستوى واحد يعني ماشي جهة خشينة و جهة رقيقة
هكذا حسب طول و عرض الصينية
ولازم كي تهزي ورقة تلقايها أرق من هذه .. هذه المرة خشنتها شوي ماشي كيما تاع العيد ماعليش
ركزو لازم أرق من هذه باش يجو الطبقات رقاق و مقرمشين
هزي القرصة كامل و حطيها في الصينية ... المقادير لي عندي نورمالموكانت أديرلي أكبر من هذه الصينية ... أثقبي بالإبرة شوية و حطي الحشو نتاعك و سويه جيدا ثم بنفسالطريقة أعمليمع الكريات الباقية
هنا راهي خشينة شوية نتهما رقو أكثر خطرش هاذي مارضاتنيش
سوي الحواشي و قطعيها و ننصحكم مادروش هذه التقطيعة إلا لاكانت عروسة رايحة تديها معاها مجمولة لأنها ماتقطعش بزاف و دير الحواشي بزاف و الحبات يجو طوال ببزاف
ممكن تستعملي الحواشي زيدي حليهم مليح و أطبعي أشكال و زيني بيهم الحبات و أرشقي حابت لوز أو كاوكاو
تذوبي شوية مارغرين التوريق و تقدري تخلطيهامع كمية قليلة من السمن و تدهني بالبانسو جيدا ... خليها ترتاح شويةو دخليها الفرن مع الأول على نار قاوية ثم نقصيلها طيب في غرضها بالشوية حتى تشوفي الحواشي حمارو شوية طفي من تحت و شعلي من فوق تتحمر ثم فور خروجها من الفرن عسليها جيدا و خليها تشرب في غرضها قبل تقطيعها
و هاهو العسللي عسلت بيه خدمتو قبل بليلة باش يكون واجد .. كيلت ببول شربة أعطاني هذه الكمية
ياو ماتنسونيش بدعوة الخيرلوالديا و صلاح زوجي و أولادي
( تقرير عن مشاركة سيئة )، و الموجودة أسفل كل مشاركة .
2014-05-31, 19:42
يعطيك الصحة
العرض العادي
