**تميزي بتزيين الاحذية بلوازم بسيطة و غير مكلفة من ورشتي**

[faizarbh]

مرحبا
عندي بزاف ما حطيتش موضوع في هاد القسم لذلك جيتكم بطريقة لتزيين الاحذية و ان شاء الله تعجبكم
كنت مترددة فالاول لكن بعدما شفتها عجبت بزاف ناس قلت نحطهالكم تستفادوا
اللوازم اللي نخدمو بيها راهي بسيطة و غير مكلفة إطلاقا
نحتاج حاشية شوية عريضة ( شرائط الساتان) نحتاج منها لونين حسب لون الحذاء
نحتاج ل خرز مثل اللي فالصور
و نحتاج بيتولي تاع اللصقة
انا استعملت لونين أخضر قاتم و أخضر فاتح
و نقطع لونين بنفس الحجم حوالي 15 سم ( اخضر قاتم و اخضر فاتح)
و نقطع لون حوالي 11 سم (أخضر قاتم)
و نحتاج لون بحجم 09 سم (أخضر فاتح)
و نحتاج لون بحجم 07 سم (أخضر قاتم)
على العموم المقاس تتحكمي فيه كيما تحبي على حسب حجم الحذاء طبعا تقطعي الشرائط
تابعوا الصور تفهموا






و نلصقهم بهاد الطريقة مثل الفراشة
الا اللون الاخير اللي خليناه وحدو و قلنا يكون بحوالي 07سم ما نلصقوهش


ثم نلصقهم بهاد الشكل أخضر قاتم ثم أخضر فاتح ثم أخضر قاتم ثم أخضر فاتح


اما الحاشية اللي باللون أخضر قاتم اللي خليناها هكداك بلا ما نلصقها شوفوا كيفاش نلصقوها كأنو نربط بها واش صنعنا




ثم نلصق الخرز من الافضل تشروه شوية صغير انا ما انتبهتش حتى وليت نلصق باش عرفت انو كبير على الحاشية


ثم نلصقوها على الحذاء جييييييداااااااااااااااا


شوفوا الفرق


ثم نعاود نعمل نفس العملية مع فردة الحذاء الثانية


و هذا كل شيء سهل و بسيط و أنيق
لا تنسوا التقييم
شكرا