معدل 16.10 : صيدلـــة أم طـب ! - الصفحة 5

la_safa · 2013-07-04, 20:22

اقتباس:

المشاركة الأصلية كتبت بواسطة pradolixsara

مايكون غير خاطرك نجاوبك على اي سؤال تحبيه
الله يخليك اختي تعيشي ..
اول شي صح هي صح الاستاذ ميهموش فيك لازم تقري على روحك لكن هذا ليس عائق خلاص توالفي تجيك عادي ماكانش فرق كبير بين اليسي والجامعة حنا الحمد لله يعني كانو يديرولنا تمالرينات مش كثير لكن احسن من لا شيئ و لازم تلقي تمارين اخرين يعنيي كتب من المكتبة او اي مكاان لكن هو رح يجيبلك تمارين فيها اشياء قالها فالكور او دارها من قبل في TD مش رح يروحلك بعييد و ما تتخوفي ما والوا اذا حطيتي راسك تجيبي اي شي نتي حاباتو يعني عادي بالارادة كلش يجي
عندك حق كي تعزمي كلشي يجيك سآهل باذن الله ..
+ كي تكون مكتبة و كتب أفضل يمكن هآذ الشي يسآعدنآ ..
أختي عندي برك سؤآل آسكو لي بروف في الجآمعة يبخلو
مثلآ تحبي تستفسري أكثر يمدولك ولآ يبخلوك ؟؟
2 - نعم حنا قرينا انجليزية يعني اشياء سهلة جدا pluriel synonyme ,واشياء اخرى سهلة يعني هذا الموديل لازم تخدمي فيه رح يطلعك خلاص
الحمد لله ، أنآ نموت فيهآ و فور فيهآ ..
3- لا هذا في جامعتنا فقط و في عامنا فقط حصل مشكل لكن في الجامعات الاخرى داروا 2 و احسن شي يديرو امتحانان باه اذا مخدمتيش في الاول تعوضي في الثاني
اممم يعني بخصوص المشكل برك .. اتضحت الصورة شكرآآ
4- biologie végétale تقروا اشياء سهلة على النباتات مكونات النبتة يعني فصيلة فقط مش النباتات الكل و تقروا الفيزيولوجيا تع هذه الفصيلة
و هذا الموديل عندنا تحفظي تجيبي فيه و المعظم كانو يخدمو فيه
أيآ بيآآآآن ، مي لآزمني نركز على الحفظ لأني نكرهوو
5_ افضل بكثيييير من الاقامة في الاقامة جو غرييب جدا و خصوصا حنا كنا نقيمو مع الاختصاصات الاخرى مش غير العلوم الطبية يعني الحس و نقص النوم لكن بما انك انتي في بيت جدك يعني تقدري تقري عادي جدا و خصوصا اذا لقيتي الجو الملائم و لكن والله اذا كنتي حابة شيئ حتى كنتي في ولاية وحدك تجيبي وش حابة يعني لا داعي للخوف و حطي املك بين عينيك تقدري تجيبي اي شيئ
عندك حق حبيبتي ،
بصح حنآ تعرفي البنت ليهآ الاهل و الدآر أفضل من الاقآمة
و التمرميد تآعهآ ..
6- الفرنسية لن تمثل عائق رح توالفي بيها سريعا و رح تشوفيها مع الوقت تولي شي معتاد و عادي و مش محتم تقري حوايج الفارماصي من الان عدي عطلة عادي باه كي تدخلي تكوني في فورما لكن اذا تحبي تقوي في الفرنسية ممكن تقريها في الصيف باه ما تلقيش مشكل مبعد خصوصا اذا كنتي ناقصة كثير
اممم حتى لآكآن قريتهآ نقرآهآ خفآفي بركـ ،
طمنتيني من هآذ النآحية الله يستركـ ..
و اذا لقيتي اي سؤال اخر اساليه رراني في الخدمة و اذا حبيتي ممكن تضيفيني على ******** و نجاوبك على اي استفسار عندك و ربي معااك

ربي يبآركـ فيك أختي والله من قلبي دعوآتي ليك بالتوفيق ..
+ وين رآك نضيفك أختي ؟؟ و أكيد حآبة نتوآصل معآكـ ~

اقتباس:

المشاركة الأصلية كتبت بواسطة moumene19

راكي مش غير فضولية خخ بصح ماليش رانا قاعدين
اعذرني راني والله لا معلومة كون ماجيتش نتا و الاخت .. الله يعطيكم ما تتمنو ..
قضية البروجرام مشارجي نتا و كيفاه حاب تقرا
اذا حببيت تقرا كلشيء
عندك ليكور الصباح يوميا 2 كور كل واحد ساعة و نصف يعني تبداو من 8.30 و تخلصوا لى 11.30
و لعشية التيديات ثلاث مرات في الاسبو يعني ستة تيديات
من 1.30 حتى 4.30
اممممممم يعني مشآرجي ، آسكو تقرى كل يوم هكآ ؟؟
و اذا حبيت ماتضحرش لليكور تبقالك السمانة فارغة
مثلا انا كنت ليكور جامي نحضرهم و التيديات فيهم و عليهم يعني نروح على الاكثر مرتين في الاسبوع خخ ديتها روبو هذا العام
هههه ديتهآ روبو و جآيب روحكـ ،
مليح طلعتلي المورآل مآلآ لي يحط رآسو يقرى ..
المستشفى في الـtp تاع الاناتومي برك و تديروه مرتين او ثلاثة في العام فقط
ليكونترول بع العطل
الاول في جانفي و الثاني في افريل و الثالث في جوان
امممم شكرآآآآآآآآآآآآآآآآآ
نعم سير يديوهم للنوفال سنة اولى و ثانية فقط

يآآآآآه سير النوفآل بعيييييييدة .. المهم ربي يوفقنآ و يقدرنآ بركـ ~
يعطيكـ الصحة خويآ الله يستركـ ان شآء الله ..
+ كآن تفكرت حآجة رآني نرجع بآه نسقسيك ههههه
ايه تفكرت قولي على التطبيق في الصيدلة آسكو بزآف فيه متعة ولآ ؟؟
آسكو جآمعة قسنطينة موفرة من هآذ النآحية ولآ ؟؟

اقتباس:

المشاركة الأصلية كتبت بواسطة ღ♥ღأهمـ واحدღ♥ღ

ابنة أختي حسمت اختيارها ففضلت الطب ولكنها محتارة بين جامعة سطيف وجامعة الجزائر ..يعني من حيرة الي حيرة

في رأيي يآ أخي
و خآصة أن ابنة عمي تدرس الطب سنة ثآلثة بالعآصمة ..
فهي تمدح جآمعة العآصمة أفضل و الله أعلم

la_safa · 2013-07-04, 21:01

اقتباس:

المشاركة الأصلية كتبت بواسطة pradolixsara

الاخ moumene يقدر يعاونك كثيرا اذا كنتي رايحة على جامعة قسنطينة لانه في بعض الاشياء لا ندرس مثل بعض يعني في طريقة الامتحانات طريقة طرح الاسئلة و اشياء اخرى لكن في اشياء اخري كيف كيف يعني المهم انا هنا اذا احتجتي اي شيئ لكن مافهمتش علاش كامل الطب يدو العلامات يعني مش غير عندنا !! المهم ربي معانا كامل ^^

والله الحمد لله و بآركـ الله فيكم في زوج عآونتوني ..
الله يعطيكم كل خير ، .. و أكيد رآح نهبلكم بالأسئلة هههه ..
علآه يعني الطب يديو معدلآت أكثر ؟؟
بآلآك لأنهآ تعتمد على الحفظ لي يحفظ يدي ؟؟

أختي المهم كل وآحد و حلمو
ان شآء الله ربي يوفقكـ و يوفقنآ كآمل ..

جناتي الشيخ · 2013-07-04, 21:33

صيدلـة هي الافضل ---------الطب في الجزائر تبهديل ومن بعد باش تخصص يمدولك ميكرو بيولوجي واو شيء من القبيل صاحبي تعب وفي الاخير مدولو ميكرو انتاع جماعة البيولوجي ههههههههههه

من ناحية العمل

غير جيبي الشهادة التخرج باذن الله اوانا صديقي عنده 5 صيدليات راهم مخدم كل المتخرجين جدد في سبيل الله

اخطيك من الطب اخت وبنت عمي في باتنة دايرين طب مادبيهم وكان قراو الطب في العاصمة افضل

اخطيك من الطب

moumene19 · 2013-07-04, 21:44

التطبيق ليس بعد
العام الاول كما قلت جذع مشترك لالغلبب العلميين
يعني تقراي نظري فقط ...السنة الثانية تبداي تدخلي قليلا في الصيدلة بصح يبقى نظري فقط التطبيق ماكانش ..في السنة الثالثة يبدأ التطبيق قليلا مع ذلك يبقى ناقص ... اذا اردتي التطبيق روحي ديري جراحة اسنان خخ
زعما عندنا tp في البوتانيك كل اسبوع بصح صامط رهج خخ مافيه حتى فايدة

la_safa · 2013-07-04, 21:56

اقتباس:

المشاركة الأصلية كتبت بواسطة جناتي الشيخ

صيدلـة هي الافضل ---------الطب في الجزائر تبهديل ومن بعد باش تخصص يمدولك ميكرو بيولوجي واو شيء من القبيل صاحبي تعب وفي الاخير مدولو ميكرو انتاع جماعة البيولوجي ههههههههههه

من ناحية العمل

غير جيبي الشهادة التخرج باذن الله اوانا صديقي عنده 5 صيدليات راهم مخدم كل المتخرجين جدد في سبيل الله

اخطيك من الطب اخت وبنت عمي في باتنة دايرين طب مادبيهم وكان قراو الطب في العاصمة افضل

اخطيك من الطب

بآركـ الله فيك خويآ ،
صح النآس تحسب للخدمة و نسآو بلي الرزق من عند ربي ..
و أنآ حبيت الصيدلة ، و ان شآء الله ربي يوفقني فيهآ ~

اقتباس:

المشاركة الأصلية كتبت بواسطة moumene19

التطبيق ليس بعد
العام الاول كما قلت جذع مشترك لالغلبب العلميين
يعني تقراي نظري فقط ...السنة الثانية تبداي تدخلي قليلا في الصيدلة بصح يبقى نظري فقط التطبيق ماكانش ..في السنة الثالثة يبدأ التطبيق قليلا مع ذلك يبقى ناقص ... اذا اردتي التطبيق روحي ديري جراحة اسنان خخ
زعما عندنا tp في البوتانيك كل اسبوع بصح صامط رهج خخ مافيه حتى فايدة

أمممم شكرآ على المعلومآت خويآ ..
وي صح قآلو طب الاسنآن هو لي فيه التطبيق من العآم لول ..
بصح ان شآء الله خير .. مشكور مرة أخرى الله يوفقكـ ..
كي نحتآج رآني نسقسي يخي ههه
و عذرآ مرة أخرى والله كنت محتآجة معلومآت و أنتم الأدرى
و بآركـ الله فيكـ ~

la_safa · 2013-07-04, 23:34

أخي moumene و أختي pradolixsara
لقيت هذآ السيت و بديت نتيليشآرجي الدروس من ذركـ ،
شوفوه و قولولي اذآ مليح

هنآ

vendetta · 2013-07-05, 01:12

يا اختي العزيزة معدلك يؤهلك لاختيار اي تخصص لكن ما اعيبه على المتفوقين في البكالوريا انهم يفكرون فقط في الطب والصيدلة وهذا خطا فادح اتعلمي ان الطلب على العلوم الطبية في الجامعات الاوربية والامريكية منخفض جدا في حين ان الطلب على العلوم التقنية مرتفع جدا وخاصة الرياضيات لانهم يدركون ان تطور الدول تكمن في هذه الاخيرة ساعطيك مثال مهنة الصيدلي هي فقط بيع الادوية لا غير لكن الم تتساءلي من يقوم بصنع هذه الادوية وعلى اي اساس يتم تركيبها هذا ما تحتاجه الجزائر

kesharo · 2013-07-05, 09:05

bonjour je suis etudiant en pharmacie en 1er anneé
je pense que la pharmacie est un peu difficile que la medcine car la medcine c'est du par coeurisme
la preuve je vois des gens qui sont 0 en francais et il n'arrivent meme pas a former une phrase et ils ont des bonnes notes en anatomie et en physiologie et la pharmacie il y'a aussi du par coeurisme en 1er année mais pas beaucoup moi j'ai eu mon année sans difficulté et sans soufrance je fesais les preparations aux exams avant une semaine

et a propos du choix c'est toi qui doit le faire ce n'est pas nous et mabrok pour ton bac et je vous souhaite une bonne carrière universitaire pleine du succès

kesharo · 2013-07-05, 09:08

et si vous avez des questions posez les moi sur message privé y'a pas de probleme

wokerm · 2013-07-05, 09:41

cheft ana le campus france ou les etudes fi les usa y'a plus de choix hna en algerie makayen walou ma darou aucune discipline mliha mafhemt walou

!?زين الدين?! · 2013-07-05, 17:28

اكيد صيدلة احسن من الطب

la_safa · 2013-07-05, 22:35

اقتباس:

المشاركة الأصلية كتبت بواسطة vendetta

يا اختي العزيزة معدلك يؤهلك لاختيار اي تخصص لكن ما اعيبه على المتفوقين في البكالوريا انهم يفكرون فقط في الطب والصيدلة وهذا خطا فادح اتعلمي ان الطلب على العلوم الطبية في الجامعات الاوربية والامريكية منخفض جدا في حين ان الطلب على العلوم التقنية مرتفع جدا وخاصة الرياضيات لانهم يدركون ان تطور الدول تكمن في هذه الاخيرة ساعطيك مثال مهنة الصيدلي هي فقط بيع الادوية لا غير لكن الم تتساءلي من يقوم بصنع هذه الادوية وعلى اي اساس يتم تركيبها هذا ما تحتاجه الجزائر

أهلآ بك أخي .. شكرآ على الملآحظة و هي كآنت نفس ملآحظة أبي ..
فحين كآن بالجآمعة يدرس يحدثني أنه كآن ريآضي و من لم يجد نفسه في الريآضيآت
يذهب للطب .. هذآ في زمن الهوآري بودمين رحمه الله
فكلآمك صحيح 100%
لكن حلمي الصيدلة يآ أخي لآ أستطيع تخيل نفسي أدرس غير الصيدلة و الصيدلة تعتمد
على الموآد العلمية و التي تتطلب الذكآء على عكس الطب و هذآ مآ جعلني أفضل الصيدلة
بخصوص أن الصيدلة مجرد بيع للدوآء ، هذآ مفهوم شآئع و خآطئ و لدي الكثير من الأمثلة
بالاضآفة الى أنه هنآك
تخصصآت فيمآ بعد تؤهلك لصنآعة الادوية في الصيدلة هذآ ان أردت تكملة الدرآسة ..

اقتباس:

المشاركة الأصلية كتبت بواسطة kesharo

bonjour je suis etudiant en pharmacie en 1er anneé
je pense que la pharmacie est un peu difficile que la medcine car la medcine c'est du par coeurisme
la preuve je vois des gens qui sont 0 en francais et il n'arrivent meme pas a former une phrase et ils ont des bonnes notes en anatomie et en physiologie et la pharmacie il y'a aussi du par coeurisme en 1er année mais pas beaucoup moi j'ai eu mon année sans difficulté et sans soufrance je fesais les preparations aux exams avant une semaine
et a propos du choix c'est toi qui doit le faire ce n'est pas nous et mabrok pour ton bac et je vous souhaite une bonne carrière universitaire pleine du succès

شكرآ الله يخليكـ ، كلآمك في محلو ..
ان شآء الله ربي يقدرني عليهى ، بخصوص الفرنسية صحيح أني ضعيفة شوي
و ان شآء الله رآح ندرسهآ بآه مآنلقآش صعوبة
يعطيكـ الصحة

اقتباس:

المشاركة الأصلية كتبت بواسطة kesharo

et si vous avez des questions posez les moi sur message privé y'a pas de probleme

شكرآآ ان شآء الله ، وفقك الله ~

اقتباس:

المشاركة الأصلية كتبت بواسطة wokerm

cheft ana le campus france ou les etudes fi les usa y'a plus de choix hna en algerie makayen walou ma darou aucune discipline mliha mafhemt walou

أخي لم أفهم بالضبط مآذآ تعني !!

اقتباس:

المشاركة الأصلية كتبت بواسطة !?زين الدين?!

اكيد صيدلة احسن من الطب

بآركـ الله فيكـ أخي ..
لكن هل لك أن تقدم لي الامتيآزآت التي جعلتك تفضل الصيدلة على الطب ! ،
فأنآ كذلكـ إخترت الصيدلة ان كتب الله فيهآ خيرآ
و بآركـ الله فيك أخي الفآضل ~