راني مقلقة محتاجة رأيكم

[مريم الصابرة]

المشاركة الأصلية كتبت بواسطة نسمة تفاؤل

يااختي الله غالب عليك راكي مريضة ربي يشافيك ماتقلقيش روحك ماراكيش غالطة ماعليكي الا انك تفهمي امك غير بالعقل بلي ماتقدريش تعتني بيهم باه تقتنع وتبعثهم لامهم الله يهدي والديهم اللي راهم مخلينهم ضايعين واذا قدرتي احكي مع امهم قوليلها الله يهديك اولادكم راهم ضايعين شديهم واعتني بيهم وقوليلها بلي بابهم راهو موش قابلهم وانا الله غالب مريضة مانقدرش نعتني بيهم وان شاء اللله تصيبي الحل ربي يكووووووووووووووون معاك

السلام عليكم اختي
اللهم ىمين ماشي غير راني مقلقة هبلوني يعني والله ظلم كيفاه هوما يعيشو حياتهم وانا مريضة نزيد تعب على تعب مع ولادهم يماهم تدخم وضامنة حياتها باباهم ثاني وهوما وانا ما عندنا حتى ذنب وانا الله غال مي انا قلقتني يمى يعني المهم يبقاو ما نهمش انا مريضة او لا واحد الوقت وصلت قاتلي الله يسهل حبيتي تروحي او تقعدي دبري راسك يعني ربي يسامحها انا ما نزعفش منها لكن خلاص انا ثاني ما نقدرش الله غالب يماهم حكيت معاها وقتلها راني مريضة شدي ولادك راهم يظلو ضايعين مرت اباهم رفضتهم قاتلي ما تشديهمش ارميهملو يتحمل مسؤوليتهم وهو ما شدهمش ويمى تروح تخدم وانا لازمني نقوم بيهم حسبي الله ونعم الوكيل يقولي راسي روحي اهملي وين ما يلقاوكش نهائيا شكرا وربي يجازيك

[أمير جزائر الخالدات]

هذا ليس لديه قلب كيف يعامل اولاده هكذا

[قَاسِمٌ.قَاسِم]

سلام عليكم طبتم وطاب ممشاكم..
يا مريمنا الصابرة أرى أن الصبر قد بدأ يفارقْكِ..
أولا شفاك الله وعافاك شفاءً لا يغادر سقما وعافية لا تبقي نِقَماً
لا بد لنا من التحمُّلِ، فالصبرُ خيرُ ما أوصِينا به في شَرعِنا الحكيم..
نحنُ ندركُ حجم المعاناة، وزخَم المشكلة، وثقل الموقف. لكن ما الحيلة؟..
والله لا حيلةَ إلا الصبرُ و"إنَّ اللهَ مَعَ الصَّابرين" واحتسابُ ذلك عند ربّ العباد..
إننا لا ننكر أن أخاك مخطيءٌ، فهو وزوجتاه قد وقع كلٌ منهم في خطإ غيرِ مقبولٍ ولكنَّ الأطفال يجب ان يبقوا في معزل بعيدا عن هذا كله..
ولا شيء-في اعتقادي- يُنال دون تضحيةٍ ويُظفَرُ به دون قرابينَ وأنتِ خيرٌ منِّي في علمِ ذلك، ثمَّ إنَّ الحسناتِ أغلى ما نريدُ، وهي لا تأتي إلا بصبرٍ وتضحياتٍ جسامٍ وقرابينَ كثيرةٍ..
رعاك الله وسدَّد خطاك
سلام..
ابنا أخي وقرَّة عيني حفظهما ربي

[isyami]

المشاركة الأصلية كتبت بواسطة مريم الصابرة

السلام عليكم اختي
يا اختي راكي في زمان الحكايات هوما يحكولي الحكايات يعني اطفال لازملهم إعادة تربية اخذو دروس من الشارع ألفاظهم لا تسمع يعني راني تاعبة معاهم وصرالي نفس النمشكل العام اللي فات وكملو 3 اشهر وراحو ليماهم وعام كامل ما شفتهمش حتى وين جاو إنت بالنسبة ليك زوج ماشي بزاف لأانو بصحتك عادي وانا مريضة ما نقدرش نقوم بيهم وما رانيش مجبرة بيهم فقط على جال ربي ويمى اما قضية غنو نلقاهم للمستقبل والله يا اختي الناس ولادهم وما لقاوهمش لما يكبرو يروحو ليماهم وباباهم ومن غير نضيع حياتي على ولاد الناس
مرضي حكايتو طويلة لو نعاوها هنا ما تتفراش شكرا على ردك وبارك الله فيك المهم العلاج حاليا ماكانش ومان عرف خليتها لربي شكرا

و عليكم السلام و رحمة الله وبركاته.
يا أختي من قال أن الحكاية لا تنفع، أنا أطبقها حتى على المراهق الذي عمره بين 16 و 18
و تنفع. فقط أحسني اختيار القصة و لا تكوني ثقيلة الظل و طبعا ليست قصة الغولة و حديدوان و لكن قصة واقعية ، تحدثي عنها بكل عفوية و كأنك تتكلمين معهم عن شخص تعرفينه .لن يستمعوا في المرة الأولى و لكنك ستحتاجين لمؤامرة صغيرة بينك و بين أمك على هؤلاء المشاغبين الصغار.
أما عن أنك ستجدينهم ، فأنت مخطأة على طوووول الخط.لي خالة لم ترزق بأولاد و معاملتها لنا في صبانا جعلنا نتذكرها في كبرنا و كبرها، و نحن عليها ردا لجميلها فليس لها غيرنا.
و حين قلت إثنان فقط فلأجل أن تعرفي أن أحدهما يسيطر على الآخر فسيطري أنت على القوي و سيتبعه الضعيف.
و لا علاقة لصحتى أو مرضي بهذا فمن أين استنتجتي ذلك ؟ فالنصيحة تأتي من الصحيح و المريض.

[**د لا ل**]

الله المستعان عزيزتي

ربي يقدركم يااارب ويجعلها في ميزان حسناتكم

اصبري واحتسبي الاجر

ولن ننساااك في دعااائنا باذن الله

ربي يشفيكي ويعاافيكي من كل سووووء عاجلا غير اجل باذن الله تعالى

ربي يقدركم

[النجمة القطبية]

المشاركة الأصلية كتبت بواسطة مريم الصابرة

السلام عليكم اختي
امهم صدقيني يبعثلها كل شهر النفقة وتخدم تدي تقريبا 3 ملاين للشهر يعني مرتاحة جدا ماديا هي برك دير زكارة في مرت باباهم وقلنالها راهم ما يروحوش عندها ما قبلتهمش وانا هدرت معاها قتلها راهم يجو عندي وانا راني مريضة على الأقل إبعثيهم في رمضان يمى ما تخدمش تكون هنا تقوم بيهم وهي بلعاني البارح بعثت واحد ولاخر يجي اليوم او غدوى
لا هوما يسمعولي الحق ويطيعوني ويخافو مني وللي نقولها يديروها لكن يا نجمة انا مريضة والله ما لقيتها لا على روحي ولا عليهم انا ثاني واش ذنبي نتحط في هذا الموقف يمى قاتلك محال نرجعهم ليماهم خليهم وين راحو كلاتهم انار يقعدو عندي وهي خدامة باباهم لا كلام تقلوي ماشي ولادو ويماهم من بركي تاكل هي وتخليهم تلبس هي وما علابالهاش بيهم يمى هي تكسيهم
راهم يتامى واهاليهم حيين انا قلت ليمى روحي إديهم قدمي شكوى بيه وبيها على معاملتهم ليهم
كرهولي حياتي كامل كرهتها تامني راني ندعي ربي يديني ونرتاح منهم كامل ربي يخليك اختي قد ما نوصفلك ما تتخيليش موقفي
برا حلفت فيه قبيل قتلو ما تخرجش راه جا ضرك وعاود خرجد ما نقدرش نعسو ما رانيش نتحرك حسبي الله ونعم الوكيل شكرا

فهمتك يا مريم وانا مالحيرة زدت استفسرت لان امر لا يتقبله عقل صراحة كيفاه ام متحسش باولادها واب وكانه غريب
وانتى اكيد لا ذنب لك حالتك معروفة بالاك انتى تحتاجى المساعدة اكثر منهم خاصة اللى متعود على الهدوء
القلب يوجع من القصة واحد ما عندو ضمير لا ام ولا اب ولا زوجة الاب
صدقينى الاطفال يترباو فى الشارع مش مليح يعنى لازم يخرجو باعتدال
وعندك الحق الجيل تع درك يحتاجو واحد واقف معاهم
يعنى انتى اصلا بارك الله وفيك وربى يجازيك وصح غير مجبرة حالتك تكفيك
بصح لازم تلقاو حل اذا كان قلب باباهم حجر والمراتين اللى بقاو
اصلا هذا الشئ اللى يحير وينرفز فى نفس الوقت المراة اللى تدى رجل متزوج علاش ترفض ولادو واذا مش قادرة على تحمل المسؤولية علاش متخممش فى هذا الامر قبل
استغفر الله
رانا متابعين باذن الله نشا الله نلقاو حل

[الزيتون]

اعانكم لله
لم اجد شيئا لاقوله
جربي هذا مع الاولاد يسكتو لمدة

[مراد الأمل]

لا إله إلا الله محمد رسول الله ...الله المستعان
اختي مريم أنا نقولك ربي يكون في عونك و يهدي أخوك إلى طريقه..
أتمنى لك الشفاء العاجل

[سراب06]

حاولت نتصل على الخاص قالولي الرصيد غير كافي



راني في هذه الساعة ندعيلك رب يشفيك ويعفوعنك وعنا ويصلح حالك

عن قريب تعطينا أخبار مفرحة عن شفائك إن الله على كل شيئ قدير

[ام دعاء ومارية]

السلام عليكم اختاه فعلا مشكلة لكن علاه الام تبعث اولادها

لزوجت ابيهم وهي على قيدالحياة عارفة مشي عدير فيهم الخير

وماتنسايش انها جداهم يعني تحن عليهم بلاشعور

ومن جيهتك انت اصبري لعلى الله يكتب لك الشفاء في صبرك


مع اولاد اخوك

[مريم الصابرة]

المشاركة الأصلية كتبت بواسطة أمير جزائر الخالدات

هذا ليس لديه قلب كيف يعامل اولاده هكذا

السلام عليكم اختي
هي قضية ما عندوش قلب ما عندوش راه خويا ونعرفو لكن لو على الناس معليش لما وصلت لولادو خلاص ربي يهديه شكرا

[مريم الصابرة]

المشاركة الأصلية كتبت بواسطة قَاسِمٌ.قَاسِم

سلام عليكم طبتم وطاب ممشاكم..
يا مريمنا الصابرة أرى أن الصبر قد بدأ يفارقْكِ..
أولا شفاك الله وعافاك شفاءً لا يغادر سقما وعافية لا تبقي نِقَماً
لا بد لنا من التحمُّلِ، فالصبرُ خيرُ ما أوصِينا به في شَرعِنا الحكيم..
نحنُ ندركُ حجم المعاناة، وزخَم المشكلة، وثقل الموقف. لكن ما الحيلة؟..
والله لا حيلةَ إلا الصبرُ و"إنَّ اللهَ مَعَ الصَّابرين" واحتسابُ ذلك عند ربّ العباد..
إننا لا ننكر أن أخاك مخطيءٌ، فهو وزوجتاه قد وقع كلٌ منهم في خطإ غيرِ مقبولٍ ولكنَّ الأطفال يجب ان يبقوا في معزل بعيدا عن هذا كله..
ولا شيء-في اعتقادي- يُنال دون تضحيةٍ ويُظفَرُ به دون قرابينَ وأنتِ خيرٌ منِّي في علمِ ذلك، ثمَّ إنَّ الحسناتِ أغلى ما نريدُ، وهي لا تأتي إلا بصبرٍ وتضحياتٍ جسامٍ وقرابينَ كثيرةٍ..
رعاك الله وسدَّد خطاك
سلام..
ابنا أخي وقرَّة عيني حفظهما ربي

السلام عليكم اخي قاسم
والله ما قضية صبر نفذ القضية الرحمة اللي راحت من القلوب لما يصول اب ما علابالوش بولادو واش يبقى وانا الله غالب حاجة فوق جهدي ما رانيش مريضة لاقريب او مرض خفيف نوض ونولي عاديو نفوم بهم انا حاليا ا رانيش نمشي لا نقدر نوض انا محتاجة شكون يخدمني وراهم عندكم الأولاد فالدار وراك عارف وخاصة الجيل هذا وفالسن هذا كيما ولاد خوك راني نشوف فيهم الله يبارك ربي يحفظهم يعني مازالو صغار ومحتاجين رعاية وكيفاه والديهم حيين يماهم تنتقم من باباهم ومرتو ومرتو الثانية فالأاول قالت نورمال يجو يقعدو ويباتو ويظلو ومن بعد دار الحال فيه ولات حتى فالنهار ما تقبلهمش بدخلو عندها نهائيا وانا يمى تخدم يعني انا كيفاه ندير
ندعب ربي يسهلها من عندو
شكرا وبارك الله فيك وربي يحفظلك أولاد خوك ويخليهم يا رب شكرا

[مريم الصابرة]

المشاركة الأصلية كتبت بواسطة isyami

و عليكم السلام و رحمة الله وبركاته.
يا أختي من قال أن الحكاية لا تنفع، أنا أطبقها حتى على المراهق الذي عمره بين 16 و 18
و تنفع. فقط أحسني اختيار القصة و لا تكوني ثقيلة الظل و طبعا ليست قصة الغولة و حديدوان و لكن قصة واقعية ، تحدثي عنها بكل عفوية و كأنك تتكلمين معهم عن شخص تعرفينه .لن يستمعوا في المرة الأولى و لكنك ستحتاجين لمؤامرة صغيرة بينك و بين أمك على هؤلاء المشاغبين الصغار.
أما عن أنك ستجدينهم ، فأنت مخطأة على طوووول الخط.لي خالة لم ترزق بأولاد و معاملتها لنا في صبانا جعلنا نتذكرها في كبرنا و كبرها، و نحن عليها ردا لجميلها فليس لها غيرنا.
و حين قلت إثنان فقط فلأجل أن تعرفي أن أحدهما يسيطر على الآخر فسيطري أنت على القوي و سيتبعه الضعيف.
و لا علاقة لصحتى أو مرضي بهذا فمن أين استنتجتي ذلك ؟ فالنصيحة تأتي من الصحيح و المريض.

السلام عليكم اختي
حبيت نفهمك حاجة هوما ما راهمش نتاع حكايات يعني يظلو نهار كامل برا ولما يجو يحبو يتفرجو ويرقدو اما حكايات فما يسمعوليش
لا اختي ما هدرتش على مرضك غنت منين جبت هذا ممكن راني على روحي إنت فهمتيها عليك وانا درت موضوع نشوف نصائحكم وإنت بارك الله فيك مديتيلي فكرة نجبهم عندي فهمتك بالي صح يسمعو لكلامي اما حكايات ودرسيهم وتوعيهم ما يفهموش قتلك يجو من عند يماهم لا تربية لا والو ويجو مسخين حاشاك نهار الاول ندوشلهم ونقيم وحوايجهم دايما نظاف يعني تقدري تقولي تتعاودلهم التربية من جديد وهذا الشي يتعبني واصلا ما رانيش نوض
بارك الله فيك اختي وما تزعفيش انا فهمتك الوضع شكرا وربي يخليك

[مريم الصابرة]

المشاركة الأصلية كتبت بواسطة **د لا ل**

الله المستعان عزيزتي

ربي يقدركم يااارب ويجعلها في ميزان حسناتكم

اصبري واحتسبي الاجر

ولن ننساااك في دعااائنا باذن الله

ربي يشفيكي ويعاافيكي من كل سووووء عاجلا غير اجل باذن الله تعالى

ربي يقدركم

السلام عليكم اختي دلال
اللّهم آمين ربي يبارك فيك ويخليك والله راني مقلقة وخاصة اليوم هبلوني ما عرفتش واش ندير اليوم نضت على 7 نتاع الصباح ما لقيتوش في فراشو تتخيلي ناض خرج وين راح ربي يعلم حتى وليت نعيط ليمى للخدمة انا ما نقدرش نظل فالشارع نحوس عليهم وراني هددتوي قتلو تعاودها نبعثك فالطاكسي ليماك وهو ما يحبش يروح عندها والله ما عرفت واش ندير دعواتك ليا شكرا

[مريم الصابرة]

المشاركة الأصلية كتبت بواسطة النجمة القطبية

فهمتك يا مريم وانا مالحيرة زدت استفسرت لان امر لا يتقبله عقل صراحة كيفاه ام متحسش باولادها واب وكانه غريب
وانتى اكيد لا ذنب لك حالتك معروفة بالاك انتى تحتاجى المساعدة اكثر منهم خاصة اللى متعود على الهدوء
القلب يوجع من القصة واحد ما عندو ضمير لا ام ولا اب ولا زوجة الاب
صدقينى الاطفال يترباو فى الشارع مش مليح يعنى لازم يخرجو باعتدال
وعندك الحق الجيل تع درك يحتاجو واحد واقف معاهم
يعنى انتى اصلا بارك الله وفيك وربى يجازيك وصح غير مجبرة حالتك تكفيك
بصح لازم تلقاو حل اذا كان قلب باباهم حجر والمراتين اللى بقاو
اصلا هذا الشئ اللى يحير وينرفز فى نفس الوقت المراة اللى تدى رجل متزوج علاش ترفض ولادو واذا مش قادرة على تحمل المسؤولية علاش متخممش فى هذا الامر قبل
استغفر الله
رانا متابعين باذن الله نشا الله نلقاو حل

السلام عليكم نجمة
شفت تبقاي حايرة نحير في ام تبعث ولادها لضرتها وعارفة ما تقبلهمش وعارفة باللي رمضان اللي فات شربو المر ورماهم وبقاو عندنا وعارقتني مريضة وانا هدرت معاها فالتلفون ووالو يماهم تحب تعيش حياتها تروح للبحر وتعرس ومرت باباهم ثاني قلتلها إنت خربتيلهم دارهم وتعرفيه متزوج عندو اولاد تحمليهم ولو تموت يماهم كيفاه قاتلي ربي يسهل انا ما يبقاوش عندي وباباهم راه نورمال المهم ما جيبلوش مشاكل وراميهم هني ومهني بالو وانا حاصلة معاهم ولالة يمى لازم ما ننهدرش كامل والله يقولي راسي روحي اهملي منهم كامل كرهولي حياتي هنا يقولك إصبري راهم بصحتهم وما يقدروش لتربية اولادهم ماشي حتى اولاد الناس
ربي يسهل إن شاء الله ونلقى حل شكرا اختي ربي يخليك