السلام عليكم جميعا
في الحقيقة انا كل الناس يقولوا عليا بركان واحد ما يقدر يتنبأ ومتي ينفجر وأنا نقول علي روحي انسانة نقدر نصبر الي أقصي الحدود ولكن اول ما نخرج من صمتي حتي قلنديزر انتاع بكري ولا بن 10 في وقتنا الحالي ما يقدر يتصدي لموجة غضبي
وهذا الشي نحسه يسبب لي احيانا الكبت نحس روحي مش مليحة ونبقي شادة في روحي لاني نعتبر العيب ما كانش اسهل منه والصلة او العلاقة لتبقاي تبني فيها لأيام وشهور وحتي سنوات ممكن تهدمها كلمة في لحظة غضب مع لأنك كنت قادرة تتفاديها من البداية بتحذير او تلميح يدل علي عدم رضاك بفعل او قول وانتهي الموضوع لكن انا نحب نفوت ونعطي الأعذار حتي تخلاص.... كامل هيا .......نضربها بقارة يحضر فيها الغاشي كامل وبعدها نندم ونقول وعلاش كنت قادرة نتفادها من البداية والمشكل لي يقتلني انه اول كلمة نسمعها بعد انتهاء موجة الغضب انتاعي كل هذا يطلع منك ولا ما يبان عليك خلاص تباني عاقلة بصح وليتي تخوفي لعب معاك صعيب يعني كل لي يفهموه من المسامحة واعطاء الاعذار وتجنب المشاكل يفهموه انك نار تحت تبن
هنا يحبس راسي ونقلهم افهموا واش تحبوا واحسن شئ انكم تعرفوا مرة اخري نهاية لي يلعبلي علي المورال ..هيا انتشروا
شكرا ليك علي طرح الموضوع ونتمني دائما نشوفك مليحة وبكامل نشاطك وحيويتك
تحياتي للجميع
