راني جيت نحكيلكم على مرضي - الصفحة 5

hannah19 · 2013-03-23, 15:42

الحمد لله ربي يهنيك اختاه والله فرحتلك من قلبي في لول بكيت ومن بعد فرحت ربي يخليك لينا ان شاء الله

paramol · 2013-03-23, 15:58

الحمد لله الي شفاك و عفاك و عوضك بالخير
ربي يهنيك و يسترك
شكرا بزاف الي شاركتينا قصتك

الصمت حكمة · 2013-03-23, 17:21

اللي يشد في ربي، ربي ما يضيعوش...........................

نانا الحيرانة · 2013-03-23, 17:28

ألف حمد وشكر لله
ربي يكمللكم و يسعدكم ويرزقكم الذرية الصالحة يااارب
تستاهلي كل خير

nono-nono · 2013-03-23, 18:00

خوتاتي شكرا ليكم فرحتوني بهدرتكم الطيبة وشكرا الي قريتو قصتي ونتمنى تكون عبرة ليكم باش ماتقطعوش لياس من ربي سبحانه

ميرثا · 2013-03-23, 18:09

اقتباس:

المشاركة الأصلية كتبت بواسطة nono-nono

لبنات سمحولي والله مكان في نيتي نشوقكم.انا كان عندي تقريبا صلع في مقدمة الراس وكان شعري ضعيف وينسل كان الخمار رفيقي ليل ونهار وكانت حالتي المادية شوية شوية وخويا مسكين جراى بيا حتى كره رحت لطبيب سوري والوا درت رقية والوا السدرة.القطران الكبار الكمون الحلبة وقاع الي تتخيلوها والو والو....وسمعت بطبيب في تيارت زعما قاري في فرنسا غي دخلت قالي جيتي روتار ما فوت عليا ماقالي عيري طول بلعها في وجهي وقالي محال يرجعلك الشعر من عنده وانا نبكي وكحالت عليا الدنيا بصح املي كان كبير في ربي.وتخطبت شحال من مرة وبطلوا بسباب شعري ومرة خطبني واحد هبل عليا وانا بالحجاب وجات امه خطبتني وشافتني وبدات مشنفة تخزر فيا تقول راها تشوف في نموسة

شهر وعيط ولدها قالي الله يجيبلك انا نحوس على وحدة بشعر ها بكيت الدم هذي مدة 12 عام وانا قرعة شا سمعت معيرا من الرجال ونساءحتى اهلي ما رحمونيش..........وفي الاخير قررت ندير دواء اخيرفي حياتي ومنها خلاص ننسى حاجة اسمها شعر وننسى الزواج وبديت نستغفر وندعي سيد الاطباء الي علمهم الله سبحانو.وشرالي حبيبي خويا الدواء الي هو تونيك ومقوي الشعر والشموان هذو مجموعة الشعر لزين....ومن الاسبوع الاول بانت النتيجة ودروك واش صرا............ الطفلة الي كانت تبكي ليل ونهار المنبوذة الي كانت تمسخيرة عند لكبير وصغير نبت شعرها وطوال ولا تحت الاكتاف ولا قاوي وتخطبت لواحد ادب واخلاق وشبوب فطوكوبي تاع امير الي يلعب في الفيلم التركي انت قلبي في mbc والحمد لله ادعوني استجب لكم الحمدلله عدد خلقك ورضا نفسك ومداد كلماتك وزنت عرشك عوضني ربي وكتاب المصحف الشريف لا عوضني عطني شعر خير من شعري وزوج خير من الي خطبوني وعجوزة خير من الاولة حنينة وقاتلي نهار الخطبة بنتي انا مانيش جايا نحوس على الزين كلو فاني انا يهمني واش كاين داخل وعطني ربي صحبات خير من الي كانو عندي هما انتوما ربي يخليكم بديت نبكي والله هذي قصتي والله شاهد على ما اقول.

الحمد الله هدي هي الثقة بالله

وشكرا على الافادة بالنسبة للمنتوجات

رايحة ننصح بيها كل اخت لانو اعرف كثيرات بنفس المشكل

ربي يهنيك ويرزقك الذرية الصالحة ولهنا دنيا واخرة

ياريت تخبريني كم بقيتي باش لقيتي نتيجة وكم كانت تكلفة الكلية للعلاج

nono-nono · 2013-03-23, 18:24

اقتباس:

المشاركة الأصلية كتبت بواسطة ميرثا

الحمد الله هدي هي الثقة بالله

وشكرا على الافادة بالنسبة للمنتوجات

رايحة ننصح بيها كل اخت لانو اعرف كثيرات بنفس المشكل

ربي يهنيك ويرزقك الذرية الصالحة ولهنا دنيا واخرة

ياريت تخبريني كم بقيتي باش لقيتي نتيجة وكم كانت تكلفة الكلية للعلاج

سلام اختي شكرا على مشاركتك اختي مدة العلاج هي 6 اشهر وانا يشهد ربي على كلامي من الاسبوع الاول لحظت شعري بدا يتغتر وراني في 3 اشهر الحمدالله مكاش فرغات في شعري الشعرة قوية وحتى التساقط انعدم وطوال بشكل ملحوظ وراني نتابع في العلاج بقاتلي 3 اشهر اخرى ونحبسه الحمدلله.التكلفة تقريبا فيهم هما 3 مليون ويدير اثار جانبية خفيفة مكان علاه تتقلقو منها راس يضرك مرات وسواد طفيف تحت العينين وهذا طبيعي لان اي دواء عنده اثار جانبية.انا مسؤلة على كلامي اما المنتجات الاخرى ماجربتهاش

YASMINE SILA · 2013-03-23, 18:55

الحمد لله اختي على كل حال
الي يشد في ربي يدما يفرج عليه سبحانه و تعالى
و الله و الله فرحتلك من قلبي ربي يهنيك ان شاء الله

radia rita · 2013-03-23, 21:56

والله أثرت فيا قصتك أختي بزااااف و الحمد لله ربي شافاك و عافاك

anggel · 2013-03-24, 12:40

Walh kissa tbaki m2 mafhamtech wech men produit ista3malti

الفراشة.الأسيرة · 2013-03-24, 12:54

والله فرحتلك حبيبتي ربي يهنيك و زيدي حكيلنا علر تجربتك مع هاد الدوا وكيفية الاستعمال ومنين شريتيه هسى تفيدي أخواتك ان شاء الله

fati_mohamed · 2013-03-24, 12:58

ااااالحمد لله

nousa ben · 2013-03-24, 18:20

قصتك مؤثرة الحمدلله الذي عفاك

الدر المكنون · 2013-03-24, 22:38

ما شاء اللله لا حول ولا قوة الا بالله

الحمد لله اللي عوضك ورزقك من واسع فضله

قصة ولا اروع كون حطيتيها في قسم المجتمع باش يقراوه الل قنطو من رحمة ربي

ولك الاجر العظيم

منى27 · 2013-03-24, 22:57

أولا الحمدالله على شفائك و ثانيا مبروك عليك ولي صبر ينال المهم أنو الإنسان يدير ربي في بال في كل وقت في أيام العسر واليسر