السلام عليكم و رحمة الله تعالى و بركاته
صباحكم بالخير و الهناء حراير المنتدى
هاد اول مشاركة ليا في قسم الطبخ
ان شاء الله تتقبلوني اخت ليكم و تعجبكم طياباتي
و ياله كثرولي المشاركات باش نكثرلكم من الحطات
اليوم مع البرد القارص جبتلكم اكلة مش مكلفة خلاص و ساهلة و سريعة التحضير و اهم حاجة بنيييييييينة بنة عظيمة
تشيشة مرمز
حق نسيت نقولكم راهي تمسح القلب من الدمار و مشاغل الحياة
هيهيهيهيهيهيه
و شوفو وين سقيتهالكم في قصعة الجدود
هادو كل مستلزماتها
الرقاق و المرقة "التشيشة" و الزينة انتاعها
هاد الرقاق طبعا هو دقيق و ملح و يتعجن مليح او بتيه "يعني بليه و خليه يرتاح" راح يجيك سهل في عجينتو و بعدين تلوحيه رقيق على الطاوة "طاجين الحديد"
انا فتتو كبير شوية راني مزروبة باش ناكل
و هادي المرقة
من اسهل ما يكون تلوحي في برمة او كوكوت اللفت "الخردل" و الفول الأخضر يغلو في الماء لما يعودو نص طياب لوحيلهو التشيشة مرمز المغسولة لما تعود على نص طياب تلوحي الدوزينة الي تكوني وجدتيها بـ
طماطم حب مقطعين و معصورين باليد، راس ثوم مهرس، شوية شحمة، ملح، فلفل اخضر حار مهرس بالمهراس طبعا
اما طماطم لباطة فهي اختيارية
تخليهم يغلو مليح و يدخل فيهم الدواء تاعهم و تطفي
على ما طفي ياله سقي و زينيها
و كولي
( تقرير عن مشاركة سيئة )، و الموجودة أسفل كل مشاركة .
2013-01-17, 10:54
أكلة بسكرية 100/100 ** البردانين و الجوعانين و الزعفانين يدخلو**
العرض الشجري