كنت زهرة يانعة أنظرو ماذا حدث لي؟ - الصفحة 5

sraya · 2012-08-12, 02:09

اقتباس:

المشاركة الأصلية كتبت بواسطة hassina2

والله يا اختي اخطات عندما تزوجت في الغرب فلا اخلاق ولا حدود لهم نحن محافظون وهم جلهم منحرفون ربي يفرج عليك واذا نعتوك بالشاوية قوليلهم الشاوية رجالة احرار مايخلوش نساهم يخرجو في نصف الليل ولا يجيبولهم راجل معاهم للدار

عندك حق عاداتهم تختلف عن عاداتنا بالصح ماشي الكل فزوجي ناس ملاح بالمقارنة مع اهلو فهو مصلي و متخلق و كذلك كاين صاحباتي من الغرب نعم الناس انا فقط زهري طحت في هذه العائلة.
و فيما يخص اني شاوية : انا نعرف روحي مليح و نعرف اهلي مليح و الشاوية معروفين بالرجلة و الهمة و الكرم و الجود و الدين و الاخلاق و و و و ....منستناش حتى واحد يقيمني و الا يطيح من قيمتي انا عشت امعاهم الان 05 سنوات نعرفهم مليح ميجوش حتى في 1 ب 1000 منا و عندي زوجت اخي من الغرب و بالضبط من تيارت و الله متحبش تروح لدارهم و في كل مناسبة نعرضوها هي الاولى و كي يجو دارها لعنداها كل يوم عند واحد منا و ما يروحو الا و هم فرحانين
(انا في كلامي لا اقصد ناس الغرب حاشة انا اقصد هذه العائلة الي عشت بينهم )

esmam · 2012-08-12, 09:28

اخت حسينة ماشي كامل ناس الغرب معندهمش اخلاق و زيد في كل بلاسة فيها القبيح و المليح حتى في الشرق

متغلطيش اختي

hassina2 · 2012-08-12, 09:42

اقتباس:

المشاركة الأصلية كتبت بواسطة esmam

اخت حسينة ماشي كامل ناس الغرب معندهمش اخلاق و زيد في كل بلاسة فيها القبيح و المليح حتى في الشرق

متغلطيش اختي

اعرف ان فيهم وعليهم لكن الاغلبية هكذا انا اقول هذا من واقع تجربتي فقد انكويت منهم ولازالت جراحهم تؤلمني

pomaria_aindefla · 2012-09-19, 20:38

حكاية أو حياتك أو معيشتك هده أختي ما نتمناهاش للعدو اللهم فرج عليك و على جميع المسلمين و اللهم رزقنا بلإبن الحلال و جميع البنات إن شاء الله ربي يفرج عليك بسكن قريبا

غفران 2 · 2012-09-20, 13:44

اتقي الله يا اختي حسينة فيما تقولينه عن نا س الغرب ما عندك ما تقولي فيهم ماهوش من 2او3عباد نحكمو على ناس الغرب كامل والشي لي صرا للاخت راهو لبنات بزاف عا يشين كيما حالتهاما هوش في الغرب فقط لدلك انصحك بالاعتدار وتحيا ناس الغلرب والسان الحلو

المتأمل · 2012-09-21, 01:03

فرج الله كربك ويسر لك واسعد حياتك اختي الكريمة

والله لقد قرات مقالتك وتفاعلت معها بكل جزء من اجزائها

واسعدني ان النهاية كانت طيبة وان ان شاء الله تكتمل بان يرزقكم الله سكنا ويضفى على حياتكم السعادة الدائمة

وهذه تجربة مفيدة لك في الحياة اختي الكريمة قد تفيدين بها اولادك ويستفيدون من تجربتك ويكبرون صالحين وناجحين ان شاء الله

الحياة فيها الكثير من القسوة والله ابتلانا بها كي نعرف حقيقة انفسنا ونتعلم منها ونجاهد انفسنا ونصل الى السعادة بفضل الله

ان الله لن يضيعك سبحانه وسيجازيك خيرا عظيما على صبرك وتحملك وتوكلك عليه

وهذه هي حقيقة الدنيا تعب وألم وابتلاء وكل انسان هو معرض ليمر بهذه المراحل حتى يصبح انسانا حقيقيا وقويا وناجحا

و الدروس التي تعلمتيها من تجربتك فتحت لك افاقا جديدة في الحياة لم تكن تدركينها قبل ذلك ويتمنى الكثير لو يكتسبون مثل هذه التجارب هي كنز من الخبرة تضاف الى حياتك.

بالنسبة الي لقد بقيت حتى ساعة متاخرة في قراءة قصتك وان كانت ألمتني كثيرا لكن بعد ذلك سعدت بان العاقبة كانت خيرا والحمد لله

والمبدا ان الصالح والطالح موجود في كل مكان وهذا عن تجربة شخصية مني وليس مقرونا بجهة او منطقة و لقد عرفت في حياتي وتجربتي رجال حقيقيين وطيبين من الشرق و الشاوية والغرب

والجنوب ولكل خصوصيته لكنهم في الاخير كانوا كالاخوة معي لانهم تلقو تربية صالحة وعرفت أيضا اناس لم أتشرف بمعرفتهم . ورغم ذلك ولم نكن نحكم على شخص انه من منطقة كذا او جهة

كذا .ولكن بالمقابل تعلمنا من قصتك حكمة جيدة وهي ان الانسان ابن بيئته فالافضل له ان تكون اسرته من مكونات بيئته ومجتمعه وتقاليده.

والحمد لله ،

اختي الفاضلة سادعوا الله ان يسعد في حياتك ويصرف عنك السوء ويحفظ لك اسرتك ويجازيك خير على صبرك

والسلام عليكم ورحمة الله .

منتهى الرقة-* · 2012-09-21, 07:52

ربي يفرج عليك

انا من بلعباس اي من الغرب و صدقيني في كل الولايات قد تجدين ناسا بهاته الطباع

حتى ان جارتنا تزوجت في الشرق و تطلقت لنفس الاسباب التي قمت بذكرها

و اذا ضاق خاطرك مرحبا بيك عندي حبيبتي

منتهى الرقة-* · 2012-09-21, 07:55

اقتباس:

المشاركة الأصلية كتبت بواسطة hassina2

والله يا اختي اخطات عندما تزوجت في الغرب فلا اخلاق ولا حدود لهم نحن محافظون وهم جلهم منحرفون ربي يفرج عليك واذا نعتوك بالشاوية قوليلهم الشاوية رجالة احرار مايخلوش نساهم يخرجو في نصف الليل ولا يجيبولهم راجل معاهم للدار

لا حول و لا قوة الا بالله
لا تعممي اختي

فلو ذهبنا الا كل الولايات سنجد فيها من تخرج في نصف الليل و من تحضر الرجال الى البيت

soheib+206 · 2012-09-21, 10:43

لا حول و لا قوة الا بالله
طحتي في عائلة لصوص
الراجل ما عندوش كلمة و لا النيف

وكلي ربي يا ختي و حقك تديه عند ربي خير

هادو ناس ما يعرفوش ربي و لا الاخرة
و لا عندهم شرف كي عادت مرتو
تدخل على منتصف الليل

''أسيل'' · 2012-09-21, 12:09

السلام عليكم
ربي معاك أختي
حسبي الله ونعم الوكيل

أبو فاروق · 2012-09-22, 06:48

تصلح سيناريو لفيلم اجتماعي

linda lolo · 2012-09-22, 14:47

ربي يفرج عليك ويهديهم ويصلح حالك وحال زوجك ويهديه ولكن تذكري انو مكتوب ربي لاوم ربي سبحانو راح يعينك ويفرج عليك لا تخافي بعد عسر يسر ان شاء الله

ناس طيبة · 2012-09-23, 10:07

اولا اختي ادعوا الله ان يفرج همك ويسهل لك ويزقك الفرج عن قريب

بالنسبة للعضو ابو فاروق قال تصلح سيناريو فيلم اجتماعي

وانت تصلح لتكون منتج هذا الفيلم وموزعه

وننتظر ان تشارك به في مهرجان كان وتتحصل به على السعفة الذهبية وتشرفنا يا ابو فاروق نحن بانتظارك

soumsouma · 2012-09-24, 12:51

و الله تاترت بقصتك ربي يفرج عليك و هاد الاب يجيبلو ربي مرض و لا داء لا دواء له دمعتك غالبة اختي و اهانته لوالدك جرم كبير عيب عليه
وش داولك راهو مخبي عند ربي ابداي حياة جديدة و ربي ينجحك و يهدي زوجك

محاربة الصحراء 19 · 2012-09-24, 14:25

ربي يهديهم يجي نهار ويندمو