مغامرااااااااااتي مع تعلم الطبخ...حابة نتعلم منك..شكراااا - الصفحة 5

سنوم 33 · 2012-06-25, 19:58

اقتباس:

المشاركة الأصلية كتبت بواسطة حراوية وافتخر

يعطيك الصحة يا لالا ربي يكملك رانا كامل نتعلمو وربي يبركنا في منتدانا الغالي لي رانا نتعلمو منو
انا لاباس في الطياب بصح حاجة وحدة لي متخرجليش مليح هيا شوربة فريك ماما وبنت خالتي لي هيا عروستنا تخرجلهم بزاف بنينة تشهي الله يبارك مي ديالي قو وخداخور ماشي كيفهم

صحيح ........ربي يباركانا في منتدانا....ان شاء الله ضرك ندير مغامرتي مع الشوربة...

سنوم 33 · 2012-06-25, 19:59

اقتباس:

المشاركة الأصلية كتبت بواسطة fafou12

ضحكتيني هذي قصة تضحك بالصح النتيجة مليحة معليش كملي هكا و متندمبش انا نعرف بنات ولله في الاربعينات و مهمش متزوجات و لحد الان ميعرفوش ايطيبو هذا كامل راجع لانهم هايبين ومتكاسلين ميحبوش يتعبو رواحهم و انا نجرب دايما و ميهمنيش اذا مصلحتش التجربة نحاول منفشلش و الحمد لله راني مليحة في ماكلتي

راني مكملة.....عاونوني انتوما...

سنوم 33 · 2012-06-25, 20:01

اقتباس:

المشاركة الأصلية كتبت بواسطة janino

و الله بوراك حرة لحراير راكى فحلة يا للة المرة الجاية ديريلنا الكسكس و لا الشخشوخة بصح لازم نغلطو و نفسدو سنو ما نتعلموش مكانش الى زاد يعرف كملى الستاج هدا الصيف فى الكوزينة و تشوفى نهار تروحى لدارك راجلك يحير نتمنى تزبدى تمتعينى بتلبيسزات خرين اه نسبت طبخاة لذيذة رانى نضحكمعاك البوراك جا هايل بدون مجاملة

شكرااااا اختي......ان شاء الله الكسكس والشخشوخة راهم في قائمة مغامراتي

سنوم 33 · 2012-06-25, 20:02

اقتباس:

المشاركة الأصلية كتبت بواسطة الهدوء المزعج

ههههههه و الله غير عجبتني الشجاعة و الارادة نتاعك و ان شاء الله تكوني ربة بيت ممتازة

شكراااااااا اختي....

سنوم 33 · 2012-06-25, 20:07

اقتباس:

المشاركة الأصلية كتبت بواسطة نسيم الإيمان

يعطيك الصحة يا القافزة راكي فحلة كبيرة و شبعتيني ضحك

بوراك هايل و زعما اول مرة ديريه
انا كنت نخاف من العجين خميرة (مطلوع)، بيتزا، غرايف (بغرير)
بصح انا ثاني درت التحدي وقلت نتعلم و مانهابش ساعة نخترع و ساعات نجيب من المنتدى
و ضرك مزال غير القاطو هههههههه

شوفي هذي ثاني مرة نديرو...المرة الاولى درتو عندو اسبوعين...بصح ما كنتش عندي الفكرة باه نديرو في المنتدى ...الغلطة تاع المرة الاولى...كنت كل ما ندير حبة نحطها فوق لخرى....والمفاجأة بعد ما كملت لقيت الحبات كامل لاصقين مع بعضاهم.....وليت كنفصل فيهم يا تتقطع...يا تتحتم عليا ندير 2 او 3 حبات ديول مع بعض في بوراكة وحدة.ههههههه..الله غالب مل باليد حيلة

سنوم 33 · 2012-06-25, 20:11

اقتباس:

المشاركة الأصلية كتبت بواسطة منى2004

نريد منكي أن ترصدي لنا مغامرات يوية من مطبخكي

ان شاء الله....ما كنتش في الدار على هذيك....ماطيبت والو وماجبتلكم والو
ان شاء الله غدااا تشوفو ثاني مغامراتي

سنوم 33 · 2012-06-25, 20:14

اقتباس:

المشاركة الأصلية كتبت بواسطة yousra26

يعطيك اصحة حنا كامل كيف كيف بصح مع الارادة و العزم و حبا حبا نوليو حرايييير و يعولو علينا
شكراااااااا موضوعك رائع

شكراااااااا اختي

loula housna · 2012-06-25, 20:17

مليح مارسي

سنوم 33 · 2012-06-25, 20:18

اقتباس:

المشاركة الأصلية كتبت بواسطة loula housna

مليح مارسي

اوكي..................

المُتسائلة؟ · 2012-06-25, 20:19

ماشاء الله الله يبارك عليك أختي نحييك اولا على روحك المرحة و بشاشة قلبك خاطر كون تتقنطي رح تحطي و ماتكملي والو.

انا مغامراتي بدات من الصغر و مازال ماخلاصتش و خاصة نخاف من النار لما تكون قاوية بسيف باش وليت نقلب المطلوعة و في كل مرة يتحرقو صباعتيا وش نقولك مايجو يكملو حتى نعود نبكي ههههههه.

لكن سعات نزعف و تغيضني عمري لما نطيب حاجة و ماتصلحليش .

ربي يوفقك و يسعد ايامك ان شاء الله.

سنوم 33 · 2012-06-25, 20:23

اقتباس:

المشاركة الأصلية كتبت بواسطة المُتسائلة؟

ماشاء الله الله يبارك عليك أختي نحييك اولا على روحك المرحة و بشاشة قلبك خاطر كون تتقنطي رح تحطي و ماتكملي والو.

انا مغامراتي بدات من الصغر و مازال ماخلاصتش و خاصة نخاف من النار لما تكون قاوية بسيف باش وليت نقلب المطلوعة و في كل مرة يتحرقو صباعتيا وش نقولك مايجو يكملو حتى نعود نبكي ههههههه.

لكن سعات نزعف و تغيضني عمري لما نطيب حاجة و ماتصلحليش .

ربي يوفقك و يسعد ايامك ان شاء الله.

شكراااا اختي....اييييييه حشاني غير نطيب المطلوووعة....انا راني نجرب في الرخسااااس وجامي صلحتلي ان شاء الله النهار الي نطيبهااا نجيبهالكم تشوفوهاااا...وما نقلبهاش حتى بيدي...نقلبها بالفرشيطا...وكنهزها في يدي ضال الكسرة تصوطي -----يعني ضال نرمي فيها في السماء وهي ترجع ليدي..انا نرمي وهي ترجع...انا نرمي وهي ترجع....هاااااااااااه شحال تحرق....حتى نوصلها لبلاصتها

kadikirou · 2012-06-25, 22:36

ya lahlouwwwwwwwwwwwwwwwwwwwwwwwwwwwwwwwwwwwwwwwwwwww wwwwwwwwwwwwwwwwwwwwwwwa

قطيطوشة · 2012-06-26, 15:05

اقتباس:

المشاركة الأصلية كتبت بواسطة سنوم 33

شكراااا اختي....اييييييه حشاني غير نطيب المطلوووعة....انا راني نجرب في الرخسااااس وجامي صلحتلي ان شاء الله النهار الي نطيبهااا نجيبهالكم تشوفوهاااا...وما نقلبهاش حتى بيدي...نقلبها بالفرشيطا...وكنهزها في يدي ضال الكسرة تصوطي -----يعني ضال نرمي فيها في السماء وهي ترجع ليدي..انا نرمي وهي ترجع...انا نرمي وهي ترجع....هاااااااااااه شحال تحرق....حتى نوصلها لبلاصتها

ههههههههههههههههههههه ضحكتيني
هيا برك كي ديري الحلقة الثانية قولينا نجيو نتعلمو

*سماح 94* · 2012-06-26, 15:11

شكراااااااااااااااا اختي فتحتيلنا موضوع رائع باش نتفكرو طواسشنا وباش نتعلمو من بعضانا

صراحة انا اعشق الطبخ من صغري كنت عمري 5 او 6 عندي برمة وكسكاس صغار كل ما تجي وحدة تطيب تلقاني عند راسها نستنى انا ثاني لازم ندير غدايا وحدي هههههههههههههه ساعات نطيب البطاطا ونزيد قشورها ن فوق ساعات الملح كثر من المرقة وهههههههه ........وبقيت نجرب طول كي عاد عمري جوايه 13 حبيت صح نتقن الطبخ ونعود كيما ماما ههههههه بصح كانت ماما واعرة معايا لازم ما نغلطش طوووووووول وكانت تنتاقدني بزااف بصح هكدا تعلمت مليييييييح ووليت باش هي ما تعيطش عليا لازم ندير حاجة كاملة ومتقونة و بنيييييينة وهكدا وليت شغوفة بالطبخ زليومنا هدا راني مازلت نحب الطياب و نجرب في كل وقت خاصة الكيك عمري 18 بصح ما عنديش مشكل في الطبخ = الموالح = او الكيك والمسكوتة والطرتات = مشكلي الان ==التحدي نتاعي درك== هو القاطو لي لازم نتعلم نتقنو مليييييح
رانا كامل نتعلمو من بعضانا خاصة هنا من المنتدى الجو عائلي وههااااااااااااااايل
سلاااااااااااااااااااااااام

سنوم 33 · 2012-06-26, 15:21

وااااااش ندير غداء؟؟؟؟؟؟؟؟؟؟؟؟
قررت باه ندير هذا....

........................................؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟

ضرك تشوف في الاخير خرجلي هك؟....ولا خير منو؟؟؟

.......جبدت كامل مستلزمات الطبق من الثلاجة

انطلقت......بتحضير الصوص.....
فرمت البصل والثوم وقليتهم مع الدجاج ...وراس الحانوت...وهريسة....كمون.....وغلقت عليهم وخليتهم

و................و..........و.........

ومرقتها بالماء بعد ما تقلت مليح

وخليت الدجاج يطيب في المرق........

انتقلت للجزء الثاني من الاكلة........وهي الخضار
اول شيئ....حطيط الطماطم في الماء الساخن بعد ما درتلها علامة * باه يسهل عليا تقشيرها......

وقطعتهااااااااااااا

قشرت البطاطا وقصيتهم دوااائر.....في حقيقة الامر ما كنتش حابتهم دوائر كنت حابته شكل بيضوي...لكن حكمت حبة البطاطا بالطرق كامل وما صلحتليش....مع انها ماما ورتلي الطريقة بصح الله غاااااالب؟؟؟؟

هذي الاولى.....
.

هذي الثانية.......................

.

وجهي ولا هااك...
.

واشي هي الطريقة الصحيحة؟؟؟؟؟؟؟؟؟؟؟؟؟؟

قطعت الفلفل.....

هاي .....حبة البطاطا كنت حابتها تخرجلي هك

وقطعت الجريوات..القرع..

وقطعت البصل....

وقليت كلش.....وحطيطهم فوق بعضاهم في طبق الفرن

............................

هههههههه................نسييييييييييييييييت الصوص والدجاج فوق النار
نلتى في حاجة ننسى الاخرى

راااااااهي لصقت..........اجري يااااااااااا سنوم زديلهاا الماء قبل ما تجي امك .......................

..صبيت صوص ودرت الدجاااج وزتلو فوقو الزبدة والزيتون

ودخلتووو للفرن
رااااااهي امنيتي يخرجلي هك

اياااا خليتو في الفرن ورحت للكسرة كالحرة....

شوفو هنا انا نجري وختي ورااااااااايااا بااه نقدر نصورها ونجيب هالكم

وتقسمتلي

وفي الاخير شوفو العروسة

وشوفو العرايس في 3

وحدة ما تصلح

والغذا واااااااااش خرج

كنت نستنى في هذا

في الحقيقة خرجلي هذا

تحرق

وردت فعل بابا على الكسرة كانت هك

الله يخلف
لا تنسي اختي ان تقدمي لي نصائحك انا في الانتظااااااااار