|
قسم الأمراض تعريف، اسباب و علاج |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
|
أدوات الموضوع | انواع عرض الموضوع |
2016-04-22, 22:11 | رقم المشاركة : 61 | ||||
|
بارك الله فيك الاخت على رصيف الامل على مجهوداتك من أجل مساعدة الآخرين ، وتقبل الله منك وجعله في ميزان حسناتك .
|
||||
2016-04-22, 23:06 | رقم المشاركة : 62 | ||||
|
اقتباس:
شكرا لثقتك في ولدخولك الموضوع + العفو واجبي امين اجمعين + طيب اخي باش تتضحلي الصورة قلي جاوبني على هذه الاسئلة هل تعاني من نقص النظر للقرب فقط يعني لما تكون تقرا حاجة قريبة او ايضا لما تشوف لبعيد؟ منذ متى وانت تعاني من هذا المشكل؟ هل هناك احد في العالئة عندو نقص نظر اخر مرة زرت الطبيب متى؟ وهل اعطاك نظارة واحدة او اثنين ان امكن صورلي الوصفة وهل طمنك انو عينك من داخل لاباس بيها؟ النظارة لي راك تستعمل فيها هل هي للقرب يعني لما تكون تقرا او للبعد يعني كي تكون تمشي او تسوق يعين في حياتك اليومية هل المهنة تاعك تستعمل في الحاسوب او الدوسيات يعني ادارة او ماشابه + اوك جيد عطيتني السن لانو وضحتلي الامور اكثر راني فهمت واش بيك فقط كملي الاجوبة باش نتاكد بلي مكانش مضاعافات اخرى + بخوصو احمرار العينين اخي قولي هل هو دائم ولا يجيك في اوقات معينة ؟ان كان في اوقات معينية قلي متى هل تشكو من حساسية العينين يعني في الربيع تجيك حساسية هل تحس عينيك ناشفين او يبيكيو او يحكوك وهل هناك شيء معين يسببلك الاحمرار؟ يعني مثلا غبار او روائح كريهة او كي تتعب ممكن تشرحلي + اجبني اخي عن هذا وانا باذن الله رايحة نعطيك الحل ونقلك مبدئيا مشكلتك راهي بسبب تقدم العمر فقط كملي باش نتاكد |
||||
2016-04-23, 06:57 | رقم المشاركة : 63 | |||
|
نعم أختي أعاني من نقص في القرب فقط أما البعيد نشوف مليح |
|||
2016-04-23, 12:38 | رقم المشاركة : 64 | ||||
|
اقتباس:
كيما كنت متوقع عندك la presbytieاو ما يعرف بالعربية قصر النظر الشيخوخي او بسبب العمر وهو عادي اخي لذلك متقلقش روحك منو فعلا هو يبدا من نواحي الاربعينيات وكاين لي جيهم في 38 وكاين لي ميجيهمش خلاص حتى الستينيات والسبعينيات بالنسبة للناس لي عمرهم 50 وميعانيوش من المشكل نجاوبك ونقلك بلي هذا المشكل نسبي يتغير من شخص الاخر وتدخل فيه عوامل اخرى مثلا العمل واحد يخدم في الحاسوب ديما واحد يخدم في الذهب واحد تاجر مش كيفكيف اخي كل واحد يذل جهد مختلف ايضا اخي واحد ناقص من صغرو واحد عند قصر نظر واحد عندو بعد نظرو مش كيفكيف لذلك اخي متقارنش روحك بالاخرين نعطيك مثال الوالدة تاعي عندها نفش مشكلتك لكن جدتي لا تعاني من هذا المشكل نهائيا + 1,5 اخي يجيوك ثقال ويدوخوك لانك براسبيت جديد عندك حق كي بدلتهم ولوبتيسيان محق كي مدلك 1 هو جينيرالمون نمدو 1 او 1,25 لا اكثر لانو يدوخو الانسان كي يكون جديد لذلك اخي متحاولش تستغنى عليهم او تبحث عن حلول اخرى الحل الامثل هو النظارات تاوعك كي تفوت وتوالفهم خلاص حاول توالفهم وتتقبلهم ايضا توله لطريقة الوضع النظارة توضع في منتصف الانف وتنظر من خلالها فقط للقرب متستعملهاش باش تشوف للتلفزة او للبعد لانو دوخ بيها انظر للصورة شوف الرجل لما يشوف للبعد ميكونش ينظر من خلالها + بالنسبة للاخ تاعك شيء عادي ايضا هو تقدم العمر والحمد لله معندكمش مشكل وراثي + بالنسبة للاحمرار كما توقعت عندك حساسية عيون اخي وكيما تعرف بلي الحساسية معندهاش دواء نهائي بل مسكنات ومهدئات فقط ولازم تبعد عن مسبباتها لذلك اخي حاول تبتعد قدر الامكان عن الروائح الكريهة والغبار والازهار في هذي الفترة قدر المستطاع واذا كنت تعيش في منظقة فيها الرمل او الغبار او منطقة جد مشمسة استعن بنظارات شمسية في النهار يساعدوك شوية بخصوص الادوية حاول اخي تغسل عينيك بالسيروم جيدا يوميا هذا شيء يخلي عينيك يتنظفوا مليح واشري قطرات اسمهم siccafluid هو عبارة عن دموع اصطناعية تساعد العين انو تكون ديما مميهة وتنحيلك هذاك النشاف تاع العين والبيكوتمون استعملها اخي من ثلاث الى اربع مرات في اليوم بعد ما تغسل بالسيروم لمدة شهرين على الكثر متفوتهمش شفتو ناسبك اللهم بارك كمل بالطريقة هذي شفتو مفادكش هنا زيد اشري معاه دواء تاع حساسية اسمو NAABAK يستعمل ايضا لمدة شهرين ويتحبسو مرتين او ثلاث مرات في النهار ان شاء الله يفيدوك وربي يشافيك اخي اي سوال اخر انافي الخدمة |
||||
2016-04-23, 20:10 | رقم المشاركة : 65 | |||
|
بارك الله فيك الأخت على رصيف الأصل ،ودمت في خدمة المنتدى. |
|||
2016-04-23, 21:14 | رقم المشاركة : 66 | ||||
|
اقتباس:
+ شوف كاين احتمالين الاول انو عندك مشكل في النظر للبعد والطبيب ممدلكش الكوراكسيون تاع البعد تقلي مادخل تاع البعد نجاوبك ونقلك نظارات القرب ينمدو على حساب النظر للبعد فاخي هل لما شفتلو الطالبو هذاك شفت 10 على 10 للبعد ولا كنت ناقص شوية وهو مزادهلكش في اذا شفت عشرة على عشرة فاللاحتمال الثاني هو الوارد هو انك موالفتهمش ولازم عليك توالفهم هذا مكان + اذا كنت تشوف مليح للبعد خليهم 1 متنقصلهمش لانو الحد الادنى 1 ويتبدلو فقط اذا كنت ناقص للبعد طبعا يزيدو على 1 او ينقصو وانا شخصيا نظن انو الاحتمال الثاني هو الصحيح موالفتهمش برك اخي والمخ تاعنا من عند ربي ينبغيلو وقت باش يوالفو الحاجة عندو 44 سنة وهو يشوف بلا نظارات وتعود يكومبونسي النقص هذاك وحدو لكن لما جاوه كانو جسم غريب بلعقل برك ويوالفو ويولي مرتاح بيهم لدلك اخي حاول توالفهم بلعقل برك وكي تشوف عينيك تعبو نحيهم واستراح شوية وحد 5 الى 10 د وارجع البسهم ومتنساش مشكلة الحاسية ايضا تعب العينين في هذية الفترة لذلك كل ما تخدم نص ساعة او ساعة حاول تريح بضع دقائق |
||||
2016-04-25, 20:16 | رقم المشاركة : 67 | |||
|
السلام عليكم
اولا كلمة شكر قليلة في حقك اختي الكريمة فجزاك الله خير الجزاء .. ثانيا انا منذ سنين عديدة بحكم مجال عملي اعمل بالكمبيوتر بكثرة ولكن بدأت قبل سنتين تحصل لي حساسية بالعينين فأقوم بدلكهما واحيانا كثيرة تدمعان دون سبب ... المهم ذهبت لطبيب العيون ولما قام بالفحص قال لي انهما سليمتان تماما فقط قالي لي هناك تاثر طفيف من كثرة استعمال الحاسوب المهم اعطاني وصفة لنظارات تساعد على التقليل من اشعة الحاسوب هكذا فهمت عليه ... ولكني بعد استعمال النظارات لمدة سنتين لازال الوضع نفسه احس احيانا بحساسية واحيانا تدمعان لوحدهما ... فماذا تنصحيني اختي الكريمة وما هي نوع النظرات الافضل لتقليل مضار الحاسوب ... |
|||
2016-04-25, 22:21 | رقم المشاركة : 68 | ||||
|
اقتباس:
العفو اخي واجبنا فقط دعواتكم لنا في ظهر الغيب + اخي بالنسبة للاعراض التي اعطبتها لي هي نتيجة للحاسوب الانسان العادي يرمش بزاف وبالتالي يخلي العين ديمي مميهة وهكا تبعد عليها الجفاف والحساسية لكن الانسان لي يخدم بزاف في الميكرو تلقاه يركز بزاف في الشاشة وبالتالي ميرمش كيما الانسان العادي وباتالي مع مرور الوقت يحس عينيه يحرقو وجافين ومرات يحمارو ويولي الضوء تاع الشاشة يجينيهم وساعات يوليو الدموع يهبطو لا اراديا واذا لم يعالج المشكل يطور لجفاف العيون هذا شرح مختص اخي لحالتك + بالنسبة للحلول اخي شخصيا ننصحك بزيارة طبيب عيون مرة اخرى في اقرب وقت ديجا انت عندك عامين مرحتلوش وهو الوقت باش تبدل النظارات هو الشخص الصحيح نورمالمون يروح للطبيب كل عام وانت راك في عامين لذلك روح دير كونطرول على عينين وطمن عليهم واومام طون يكتبلك دواء لعينيك باش تتنحالك هذي المشكلة وثاني باش يشوفلك النظارات هل هوما مناسبين او تبدلو ولما يبدلك النظارات ننصحك بزجاج antireflet وراهو كاني فيه انواع فقط قلي وشا من ولاية انت واعطيني الكوراكسيون لي يمدهالك الطبيب باش ننصحك بلمليح + الان بما انك دائم العمل على الحاسوب والانسان منين رايح يكبر ولازم يحافظ شوية على عينيه ننصحك اخي كل ما تمر نص ساعة او ساغة على العمل فيه حبس على الاقل خمس دقايق وحاول تغمضهم او تنظر لمناظر بعيدة النظر او الطبيعة حاول دير بعض تمارين العين مرة على مرة في الدار باش يتنحالك لافاتيق منهم حاول تخدم وانت شوية بعيد على الشاشة اذا كان حاسوب مكتبي حاول تغسلهم بالسيروم وتستعمل الدواء لي يمدولك الطبيب باش يخففلك الاعراض هذيك نقص من اضاءة الميكرو واخدم في اضاءة مناسبة في الغرفة انش اء الله يفيدوك هذو النصائح بانتظار ما يقوله لك الطبيب باش نكمل النقاش معاك اخي ربي يوفق |
||||
2016-04-30, 15:44 | رقم المشاركة : 69 | |||
|
مسا الخير اختي ربي يزيدك علم ونورحبيت نسالك ابني عمرو 17 شهر منذ شهرين احمرت عينو عين واحده والطبيب قالي التهاب في القرنيه. وهذا التهاب سببلو غشاوه على عينو. وشفي بالادويه مده شهر كامل وكي حبست الدوا عاوده حمارت وديتو لمستشفى ورقله. الكوبي وقالي مازال الالتهاب ماكتيفي في القرنيه واعطاني الدوا وقالي عندو كيراتيت وهذا المرض قادر يرجع في اي وقت ويخلي خدوش على القرنيه حبيت نسالك اسكو هذيك السحابه اللي في عينو تروح ولالا وتاثر بزاف على النضر ولالا وطمنيني ربي طمنك وكاش ما مرت عليكم حاله كيما هكا وارتاحت ربي يعيشك ردي ان في قلق كبير |
|||
2016-05-07, 11:47 | رقم المشاركة : 70 | ||||
|
اقتباس:
امين اجمعين ان شاء الله + بداية ربي يشافيه نشاء االله مسكين راهو صغير ثانيا جينيرالمون التهاب القرنية او kératite بالفرنسية كاين نوعين الاول يكون سيبارفيسيال يعني تنقاس الطبقة العليا فقط للقرنية ويقدر يكون سببو اصابة او خدش في القرنية او ضربة ويمكن يكون من انفاكسيون تاع العين ميكروب او فيريس هذا جينيرالمون لما يداوا في وقتو ويتعالج المريض بشكل منتظم يرتاح وميبقاوش خدوش او علامات في القرنية اما الثاني فيكون شوية ابروفوندي وتتقاس الطبقات الاخرى للقرنية وهو لي لازم ننتبهولو لانو يقدر يخلي خدوش في القرنية ونولهك انو النوع الاول اذا متعالجش يطور للثاني + بالنسبة لهذا المرض يسبب احمرار العينين ونقص في النظر يعني غشاوة على النظر وزمرات جفاف العين من الدموع والتحسس من اشعة الضوء + هذي معلومات عطيتهالك غاليتي الان في حالتك صغيرك غاليتي نصيحتي ليك داوميلو الدوا واديه بشكل منتظم للطبيب حتى يشفا تماما واحرصي انو ميحكش القرنية تاعو بزاف لانو صغير وقادر يخدشها غاليتي ويتازم الوضع لانو القرنية حساسة واحرصي انك متخليليوش ظفارو طوال اياض حاولي تبعديه عن اي مكان عفن او العاب مش نظيفة لانو الصغير لما يلعب يتوشي عينيه واحتمال يكون فيهم جراثيم + اختي مرات العجايز تاعنا يقلك ديريلو اعشاء وقارص ومنعرف واش حذاري من هذا لانو القرنية مجروحة وقادرة تزيد تتجرح فقط اتبعي تعليمات الطبيب ومتتقلقيش ان شاء الله يشفا نهائيا فقط غاليتي اذيه للطبيب ومتخليهش يبقا بلا دوا حتى شفائه بالنسبة لسوالك هل مرت علي حالة شخصيا لست بطبيبة عيون انا دارسة للقياس البصري (ابتومتري) مرض العين من اختصاص الطبيب ولكن بحكم اني قريت ان اطباء العيون عن الامراض فلدي معلومات نفيدكم بها ان شاء الله وكاينين بزاف لي شفيو منو وانش اء الله الابن تاعك يكون واحد منهم ربي يشافيه انش اء الله |
||||
2016-05-15, 01:12 | رقم المشاركة : 71 | |||
|
السلام عليكم : بارك الله فك اختي الكريمة سؤالي هو انني احيانا تدخل في عيني شعرة و عند ازالتها تهرب الى الداخل فلا اجدها بعد ذلك مهما فعلت و هذا حدث معي مرتين فهل هذه الشعرة تخرج بعد فترة من تلقاء نفسها ام تبقى وراء العين و هل توجد طريقة لجلبها و ازالتها و ماذا قد تسبب في حال لم تخرج ابدا |
|||
2016-05-15, 12:43 | رقم المشاركة : 72 | ||||
|
اقتباس:
+ احيطك علما اخي ان الشعرة عند دخولها العين لا تسبب مشاكل بقدر ما تسببه طريقتنا لنزعها فقد نجرح القرنية او ملتحمة العين اعود الان لاجيبك عن كل اسئلتك فعلا الشعرة لمساء وصغيرة وهي سريعة الانزلاق للداخل عند دخولها نحس بان جسم غريب في اعينننا اذا سببت الم نحاول نزعها عن طريق طرف احد الاصابع بكل هدوء بدون الفرك بشرط ان يكون الاصبع نظيف او عن طريق طرف منديل ورقي لانه يمتص الدمع ويسهل التصاق الشعرة به او عن طريق غسل العين بالماء فتنزلق مع قطرات الماء في حالة عدم وجود الم او عدم القدرة على نزعها نتركها ستخرجها الدموع عند اغماضنا وفتحنا للعين فالدموع سخرها الله لتنظيف العين من اي شائب فيها واطئمنك اخي انها لا تدهب وراء العين هي تلتصق بالملتحمة تحت الجفن بامكنة لا نراها فنظنها دخلت ورائها مستحيل ان تخترق العين وتذهب ورائها بخصوص ما تسببه الشعرة اذا بقيت في العين في العين العادية لا تسبب شيئ لانو الدموع تخرجها لكن عند الانسان لي يعاني من جفاف العين قد تحرقه قليلا وتسبب له انزعاج موقت ريثما تخرج اظن اني اجبتك عن كل استفساراتك نصيحة اخيرة حتى لا يدخل شعر الرموش في العين حاولو عند تمشيط الرموش او ترتيبها ان تجعلوها باتجاه نحو خارج العين الى الاعلى بالنسبة للجفن العلوي ونحو الاسفل بالنسبة للجفن السفلي وان شاء الله تتخطون هذه المشكلة احتراماتي |
||||
2016-05-15, 16:46 | رقم المشاركة : 73 | |||
|
شكرا لك اختي على الرد السريع و لكن للاسف عند نهوضي من النوم لم اجد ان شعرة قد خرجت من عيني و لا اعتقد ان ذلك حدث و اصلا البارحة عند دخولها و عند هربها الى الداخل لم اعد احس بوجودها و لكني احس بنوع من الدوخة خاصة انني اعاني من الصداع النصفي و هذه الدوخة الغريبة و التي يصاحبها ارهاق بالعينين او هي في مجملها مصدرها العينين بدأت منذ دخول الشعرة الاولى قبل شهرين او اكثر و قد حاولت عسل عيني في اناء من الماء مرارا كما غسلتها بالسيروم و لم ينفع و متأكد ان كلا الشعرتين لم تخرجا خاصة و انا احرس عيني من حينها |
|||
2016-05-15, 17:16 | رقم المشاركة : 74 | ||||
|
اقتباس:
كان ردي سريع لاني متواجدة اليوم بالمنتدى زوهرتلك بالمناسبة اعتذر من كل من لم ارد عليه في وقتها لاني منشغلة هذا العام ولكن اطمنهم اني باذن الله سارد حينما تسنح لي الفرصة + ههههه كيف تراها وانت نام اخي لما تخرج هي خفيفة تسقط وتذهب لمكان اخر شعر كثير يسقط منا يوميا ومنحسوش بيه فما بالك بشعر رمش صغيرة + اخي الشعرة لا تسبب لك الدوخة هذي ناكدهالك اخي لانو مطولش في العين وتخرجها الدموع وحتى لو بقيت مش رايحة تضغطلك على اي عصب لانها تبقا في الامام والصداع النصفي هو لي قادر يسببلك الم في العين ودوخة وليس الشعرة نسقسيك اخي الصداع النصفي (الشقيقة) هل عندك منذ زمن او منذ متى اخي هل انت ناقص في الشوفة وهل تستعمل نظارات او عدسات هل وقع معك مشكل في العيون من قبل عمرك وطبيعة عملك اخي من فضلك تستعمل بزاف الحاسوب او لا؟ هل تعاني احمرار في العينين تحسهم يبيكيوك ممكن تشخصلي حالتهم + مستحيل الشعرتين تقراو شهرين راني نقلك العين تاعنا تتنظف في ثواني وليس شهور وزيد بالسيروم والماء مستحيل اكيد راهي خرجت اخي والمشكل مش منهما جاوبني احتمال نعرف السبب |
||||
2016-05-15, 18:36 | رقم المشاركة : 75 | |||
|
لا انا متأكد بانها بالداخل و لا توجد عندي مشاكل بالرؤية و نعم استعمل الحاسوب كثيرا و ما لاحظته انني عندما اريد الرؤية مع شيء قريب و التركيز معه ياتيني اظطراب بسيط في الرؤية قبل ان ارى ذلك الشيء بوضوح و ايضا تدمع عيني في حالة واحدة و هي لما نكون في الخارج و يضرب الريح البارد بوجهي بخصوص الشقيقة هي عندي من سنة 2010 و الآن هي عندي على شكل آثار فقط اقصد ما بقي منها سوى بعض الاضطرابات في النوم و احيانا دوخة بسيطة و طبعا النسيان و قلة التركيز و مجالي انني طالب في الباكالوريا و راني ديجا رايح نراجع شوي و اشتراك الانترنت سينتهي بعد مدة بسيطة و لن استطيع رؤية ردك بعدها |
|||
الكلمات الدلالية (Tags) |
الانصال |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc