لنتشارك للتحضير بهدوء للشهر الفضيل

[*أم كوثر*]

بارك الله فيك ام راضية

[yara racha]

شكرااا على الموضوع بالنسبة لي اول شيىء احضره هو الفريك قبل كل شيء

[ام نسمة]

اللهم بلغنا رمضان يلا شدو همتكم نريد المزيد من الافكار والتدابير

[oum didou]

السلام عليكم من فضلكم كيفاه نجمد البرتقال

[ليلى القسنطينية]

يا بنات انا كنت كل عام نخبي لكن العام هذا راني خايفة
خاطرش تشوكيت من العام الي فات 3 ايام ماكانش الكهرباء انقطعت في نص رمضان ولينا دينا الحوايج عند لافامي
نتمنى العام هذا ما تصراش هكا
و نشكر صاحبة الموضوع ربي يجازيك ان شاء الله
و نشكر الأخوات على افكارهن بارك الله فيكن

[ransie.joisse]

بارك الله فيك اختي على الموضوع

[oum didou]

السلام عليكم من فضلكم كيفاه نجمد البرتقال

[/زهرة عصفور الجنة/]

بارك الله فيك على الموضوع القيم..
أستمسح فقط الاخوات لقد قمت بحذف مشاركات الشكر لكي يسهل تصفح الموضوع لان عدد صفاحته كبيرة.ربي يستجيب دعائكنويبلغنا شهر رمضان وسعيننا على حسن طاعته ويكتبنا من عباده الذين سيغتق رقابهم من النار

[zhor1970]

المشاركة الأصلية كتبت بواسطة ام راضية

شكرا جزيلا لكل الاخوات علي التفاعل معي في هدا الموضوع البسيط الدي اتمن ان يكون مفيد
راح ابدا باول فكرة وان شاء الله تعجبكم وما تستغربوش
اولا تخزين الدراهم ههه
يجب ان تكون معك دائما حصالة نقود خاصة بك ربما الاخوات اللي ربي موسعها عليهم راح تضحكهم الفكرة لكن معليش اضحكو واشروا وحدة راح نقلكم واش ديرو بيها
اختي ادا كنت عاملة اشتري واحدة وكل شهرية نحي مبلغ ارميه فيها وانسيه
المراة الماكثة في البيت كحالتي حاولي تفضلي كل يوم من مصروف البيت وارميه في الحصالة وانسيه طبعا اقل شيء 100دينار وشوفي من هنا لرمضان ان شاء الله راح تجدي عندك مبلغ من المال يفيدك في قضاء بعض الاشياء كلما تقشفت سيكبر المبلغ
كدلك تحايلي علي زوجك كي يخلص ونحيلو شوية من الشهرية ارميه فيها معليش حتي مائة الف انت ودكائك معه ههه
اما الاخوات المتيسرات كل يوم يضعن في الحصالة مبلغ فائض عليهن وعندما يقرب رمضان تتصدقن به لعائلة فقيرة ما رايكن في الفكرة نكمل افكاري البسييييييييييييطة والا نحبس
هده حصالتي

الفكرة راهي هايلة للطرفين الغني يتعلم الصدقة و المتوسط يتعلم الادخارا ادا كنا من الاحياء اتكون فكرتك افادت كثيرورتي يجعلها في ميزان حسناتك انشاء الله

[zhor1970]

انا اول حاجة انحضرها هي الفريك لان في رمضان لا نستغنبي ابدا عنو بالاضافة الي التوابل نشريها كلها حبوب يعني مايش مرحية نحب نرحيها انا لان اللي تتباع مرحية تقريبا بدون نكهة

والجلبانة احسن طريقة هي تاع القرعة تاع ماء معدني تساعدك بزاف احسن من التعليب والاكياس


ومعقرب الشهر الفضيل حوالي 10ايام انوجد الثوم والبصل والطماطم كل حاجة وحدها نعملها علي شكل كرات ونجمدها في علب وهدا للبصل واالثوم اما الطماطم انجمدهاعادي في اكياس

[kokotg]

المشاركة الأصلية كتبت بواسطة ليلى القسنطينية

يا بنات انا كنت كل عام نخبي لكن العام هذا راني خايفة
خاطرش تشوكيت من العام الي فات 3 ايام ماكانش الكهرباء انقطعت في نص رمضان ولينا دينا الحوايج عند لافامي
نتمنى العام هذا ما تصراش هكا
و نشكر صاحبة الموضوع ربي يجازيك ان شاء الله
و نشكر الأخوات على افكارهن بارك الله فيكن

نفس المشكل اختي لكن اختي ما نياسوش
حبيت نشاركم احواتي انا نوجد العجين المورق باه ندير الموالح ونوع به

[dr.omahmed]

تعيشي اختي كيفاه تخبي العجين المورق وما هي المدة
لك الف شكر

[ام لين]

جاتنى فكرة وهى اننا نرحى الثوم بكمية كبيرة ونضيفلو شويا ملح وزيت ونحطو فى علبة والى الثلاجة راح نجربها هذو اليامات ونشوف شحال تقدر تقعد فى الثلاجة ولى جربتها من قبل تقولنا اذا تنفع ولا لا
وان شاء الله نفكر نصنع العجينة المورقة ونقطعها مربعات ونرشهم بالدقيق ونحطهم فوق بعظاهم هكدا تجبدى تشكلى برك
نجهز صلصة البيتزا ونقسمها ونكونجليها ويارب يبلغنا رمضان اااااااااااااااااااامين

[مريومة دودي]

السلام عليكم ف الحقيقة انا فكرة التخزين على طول العام بصح المواد الاسااسية سكر قهوة زيت طماطم على حسب الضروف و تحسبا لاي ضرف اما بالنسبة للجلبانة و كامل الخضر الطريقة الصحيحة للتخزين تنقيها و تغسليها و تغليها 10 د و كي تبرد تخبيها اما لرمصان انا الحلو نطيب قيس السمانة ومانديرش ماء الزهر و كي تسقي اجبدي قيس اليومو سخنى زيدي ماء الزهر ما تسخنيه كل غير واش تحتاجي

[barka61]

يعطيكم الصحة ياخواتاتى راكم شاطرات راه عندى بزاف افكار ومنها لقارص اى الليمون راه متوفر وبكثرة و راكم عارفين فى رمضان بشحال يولى امالا اشروه واعصروه وديروه فى les bac a glaces وبعد ما يجمد و نحوهم وديريهم فى الساشيات ومرة اخرى تجبدى منهم باالمكعب واللا قطعيه دوائر او براج رقاق وهاكذا عند الحاجة تجبدى واش تحقى للحريرة او الشوربة او السلاطة ولازم تجبدى واش تسحقى فقط اى بكميات صغيرة وقبل الاستعمال بوقت قصير