حكايتي مع الانجاب..عبرة

[imi122009]

ربي يخليلك ولادك ويرزقنا ان شاء الله
رب لا تذرني فردا وانت خير الوارثين

[جيهان13091991]

ربي يحفظهملك و يكبرهم في طاعة ربي و طاعة والديهما و يخليهم في المناصب العليا انشاء الله و ربي يعطيهم صحتم هاذي هي الصح و ربي يهنيكم اختي و الله قصة رائعة و عبرة لكل المؤمنين بالله

[سمية .ب]

المشاركة الأصلية كتبت بواسطة darlla

السلام عليكم

منذ مدة وانا افكر في سرد حكايتي لتكون عبرة وصبرا جميلا

الحمد لله انعم الله علي بقدر من الجمال والعلم درست وتعبت لكن ككل فتاة كان لي حلم فارس الاحلام ولم اخف ابدا انه سيتاخر لاني كنت على يقين اني راح نتزوج راح نتزوج
المهم تزوجت وانا سنة اولى جامعي وكان زواج تقليدي و مكتوب من عند الله وبعيد عن مفهومي الاول ...
مضت شهرين بعد الزواج وانا اسمع من كل من ياتي لزيارتي ها واشي كاش جديد هههههههههههههه سبحان الله كنت نسمع هذي الكلمة قبل الزواج والان هي هي .......المهم لقيت نفسي حامل وحصل اجهاض ثم اخر واخر الى ان وجدت نفسي في السنة الرابعة .......زواج وانا لاشي حتى الناس اللي كانوا يخطبوني قبل قالوا الحمد لله ما ديناهاش ؟؟؟؟؟
من جهتي كنت في اخر سنة ونحضر في الميموار زدت لقيت حالي حامل لكني ما فرحتش لاني عرفت مسبقا النتيجة اتخرجت من الجامعة وسبحان الله كمل الحمل بسلام ....الى ان جاء اليوم الذي وقعت لي فيه مشكلة عائلية وسببت تمزق في كيس الحمل ورجعت المشاكل مرة اخرى وولدت وجبت بنت واسميتها ابرار لكن الله اراد انها تكون في النعيم وماتت بعد 3 ساعات ......اه يا اخواتي واش نحكيلكم ذبلت كيما الوردة وبفضل الله تعالى قررت نكمل الدراسة وسافرت قبل الاربعين لباتنة ذليلة خايفة من كل شي لاني تهديت من الضلم ومن .....
كنت نبات في الاقامة يوم واحد ونرجع لداري كملت قرايتي هذاك العام ...العام الثاني اديت اليمين الخاص بالمحاماه وسجلت في امتحان القضاة ولما رجعت للبيت لقيت نفسي تعبانة عملت تحليل لقيت روحي حامل فوضت امري لله وعرفت انه راح يكون مثل غيره لكن الله خيب ظني وسهلي وجبت احلى حنين الان بعمر 3 سنوات والحمد لله راني والدة مرة اخرى باحمد عندي شهرين ونصف والله كل ما نشوفهم ما نصدقش ونقول رحمتك يا ربي هذه حكايتي وهذه عبرتي .......تحياتي

ربي يبارك
الله يحفظهملك اختي

المشاركة الأصلية كتبت بواسطة تـَـرَآآآنـِـيـ{}ـمـْ.~

الحمد لله أن أقرّ عينكِ بـذريّة طيبة
أسأل الله ان يرزقكِ برّهم و صلاحهم

و يرزقني و كــل محروم بذرية صالحة
.

اميين ربي يرزقك الذرية الصالحة
يا رب لانك تستاهلي كل خير غاليتي فوفا

[الشاوية الحرة]

شكــــرا أختـــي على أنـك فتحتيلنــــــــا قلبك هنـــــا ربي يحفظهـملك ويجعلهـم بــــــــارين بيك عنـدي أختـي عندهــــــا نفس المشكـل تـــــااعك ولحد الان هي تعــــــااني بسبتـوا ربي يرزقهــــا من فضلـــــــــو يـارب دعاؤكم ليــــــــــهاا
سلآلآمي وتحيـــــــااتي

[ميرثا]

سبحان الله
دمعة طاحتلي ختي ربي يعيشهملك وتشوفي ولاد ولادهم ياربي

[قطيطوشة]

بسم الله ماشاء الله وربي يحفظهملك ويجعلهم من البارين و الصالحين
ورزق الله كل محرومة ان شاء الله بالذرية الصالحة الطيبة المعافاة
آمين

[نهاد بنت العاصمة]

ربي يخليهملك ويحفضهم ان شالله شوفي ربي ورحمتو ومافيه غير الخير ربي ماحبلكش التعب وتعطلي قرايتك حتان كملتي باش عطاك سبحانو ولعقوبة للماجابوش ربي يرزقهم ان شالله

[حنين الدلال]

ما شاء الله ربي يحفظهما و يخليهملك و يفرحك بيهم

[قَاسِمٌ.قَاسِم]

عبرة حقا
هذه عبرة أخرى في الأدب
تفضلوا

معبرة والله لمن كان له إيمان

[الملهمة]

اللهم احفظ لها اولادها وبارك لها فيهما ياااااااااااااااااااااااااااااااكريم

[معجزة الاكوان]

وش نقولك اختي الله يعطيك ما تتمناي
بصح تعبتي تعبتي
ننصحك تربيهم على اساس انهم يكونو من عظماء الامة
ذخر للاسلام والمسلمين
احكيلهم عن بطولات الاجداد من خالد بن الوليد الى ديدوش مراد
حفظيهم قران
اشري كتابات تاع كيف تتعاملين مع اطفالك وقرايهم
باذن الله يعود فخر ليك وللامة كيكبارو ان شاء الله

[الامل بالله]

الحمدلله على كل شيء

ربي يخليلك حنين و يجعلها من الصالحين

[لجين93]

الله يبارك
ربي يحفظهم و يخليك فوق راسهم

[الورود المنسية]

الله يبارك
ربي يحفظهم و يخليك فوق راسهم

[madgirl]

الحمدلله الصابر ينال
ربي يحفضهملك ويزيد يرزقك