يوميات ومواقف مضحكة...بعيدا عن الهم والنكد...شاركونا

[hajibah]

ههههههههههههههههههههههه هههههههههههههههههههههههههههههههههههههههههههههه

[شلال فرح]

السلام عليكم

قريت حكاياتكم كامل و ضحكت من قلبي حتى الدموع ساحو و النفو تقطع فيا سيرتو على الكلب الطائر

نحكيلكم حكاية صراتلي

العام الثاني نتاعي تاع الباك عقبتو كونديدا ليبر البلاصة لي بعثونا ليها بعيدة بزاف ما نقدروش نروحوا للدار

شرينا خبز و فرماج و قازوز و بقينا فالمتوسطة تغدينا و من بعد قاعدين نكملو فالمراجعة

المتوسطة لي عقبنا فيها كبيرة كبيرة لدرجة ما تتصوروهاش و من ورا الاقسام كاينة مساحة فارغة كبيرة جدا تكفي انهم يبنيو ليسي

المهم قعدنا وراء الاقسام كان صيف هذاك العام سخون بزاف جينا قدام شجرة كبيرة و قعدنا فالحرف تاع الحيط
المهم حنا نراجعو و الحمام فوقنا رايح جاي
طلعت راسي و قلت للبنات و الله خايفة يعود يزق علينا حاشاكم

كانت معانا وحدة اسمحا حسيبة كبيرة فالعمر و 7 مرات و هي تعاود فالباك و عندها امل تديه قالت مسكينة حلم حياتي نقرا فالجامعة و نقعد وراه كل عام حتى نديه

المهم حنا نراجعو و نشوف في حمامة عيات طير تمشي كي البتية فالسماء جات تحط على الحرف ما قدرتش من الثقل بزاف
انا غير شفتها تخلعت شافتني وحدا معانا قاعدة نشوف لفوق شافتها و حتى هي باقية تعس فيها
ما نحيناش عينينا في زوج
و بعد عدة محاولات بالسيف قدرت تحط على الحرف هي غير حطت انا وصاحبتي زربا نضنا
و الحمد لله طلقت واحد القنبلة خخخخخخخخخخخخخخخخخخخخخخخخخخخخخخخخ
حاشاكم اول مرة نشوف حمامة عندها لادياري خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خ
ياو حسيبة مسكينة دوشتها خخخخخخخخخخخخخخخخخخخخخخخخخخخخخخخخ صيف صيف راسها تعمر ب خخخخخخخخخخخخخخخخخخخخخخخخخ
و الله المشهد هذا شفتو غير فالافلام خخخخخخخخخخخخخخخخخخ دوشتها لحمامة من راسها حتى رجليها حجرها تعمر بالخير و الله عينيها ولاو ما يبانوش خخخخخخخخخخخخخخ
كوش ما بين الاصفر و الابيض و الاخضرخخخخخخخخخخخخخخخخخخخخخخخخخخخخخخخخخخ
و لي قدامها توسخ جنبها الايمن
عيينا نحبسو من الضحك و الله الحمامة تقول كانت هازة بيدون في كرشها و زيد دارتلها الدياري خخخخخخخخخخخخخخ

راحت مسكينة غسلت و لمزية صيف حتى قشها شللاتو و دارت الريحة
و قلنالها لي زق عليه فرخ بورت بونور اما لي دوشاتو حمامة لم الزهر كامل
فالصيف تلاقيتها برا قلتلها ديتي الباك
قاتلي ديت تدويشة بالكاكا حشاكم تاع الحمامة بلا فايدة

[أم أماني أريج]

مسكينة هذي العجوزة باينة على نيتها
عجبتني الحكاية يعطيك الصحة

[غزلانْ]

السلام عليكم البليغة الزرقاء أرجعتني للمرحلة الابتدائية كنت أدرس السنة الثانية ابتدائي و أختي السنة الأولى ابتدائي و كانت أختي معجبة بطريقة لباس المعلمة كلاسيك و الكعب العالي كنا صغار فقالت لي راني باغيا نلبس كيما المعلمة نتاعي قلت لها دبري راسك قالت لي يلزمني حداء و لكن يكون كعب عالي و أشرت لها الى حداء العمة و في الليل حضرت المحفظة و وضعت بداخلها حداء العمة و في الصباح عند خروجنا لبست حداء الكعب العالي و قامت بوضع حدائها الآخر عند عتبة البيت و دهبنا للمدرسة و أختي في طريقها جد فرحة و مستمتعة بالحداء و برناته قرب قرب.....و عند خروجنا من المدرسة بدأوا النسوة ينظرون الى أختي و يتحدثون كيف يعقل طفلة صغيرة بكعب عالي ألم تراها أمها .المهم أختي حققت حلمها و لبست الكعب العالي

[سهيلة 97]

ههههههههههههههههه دووووم نشا الله

[ماريـام]

المشاركة الأصلية كتبت بواسطة manal31

السلام عليكم البليغة الزرقاء أرجعتني للمرحلة الابتدائية كنت أدرس السنة الثانية ابتدائي و أختي السنة الأولى ابتدائي و كانت أختي معجبة بطريقة لباس المعلمة كلاسيك و الكعب العالي كنا صغار فقالت لي راني باغيا نلبس كيما المعلمة نتاعي قلت لها دبري راسك قالت لي يلزمني حداء و لكن يكون كعب عالي و أشرت لها الى حداء العمة و في الليل حضرت المحفظة و وضعت بداخلها حداء العمة و في الصباح عند خروجنا لبست حداء الكعب العالي و قامت بوضع حدائها الآخر عند عتبة البيت و دهبنا للمدرسة و أختي في طريقها جد فرحة و مستمتعة بالحداء و برناته قرب قرب.....و عند خروجنا من المدرسة بدأوا النسوة ينظرون الى أختي و يتحدثون كيف يعقل طفلة صغيرة بكعب عالي ألم تراها أمها .المهم أختي حققت حلمها و لبست الكعب العالي

ههههههههههههههه طوايشية هاذي

البارح زوجي و اخوه كي راحو يصلو شافو طفلة صغيرة راجلي قاللها ارواحي نبوسك قاتلو لالا منجيش
قاللها لوسي انتي شعرك ماشي شباب و طالع في سما ههههههه قاتلو البارح دوشت هههههههههه البراءة مساكن

[غزلانْ]

المشاركة الأصلية كتبت بواسطة ماريـام

ههههههههههههههه طوايشية هاذي

البارح زوجي و اخوه كي راحو يصلو شافو طفلة صغيرة راجلي قاللها ارواحي نبوسك قاتلو لالا منجيش
قاللها لوسي انتي شعرك ماشي شباب و طالع في سما ههههههه قاتلو البارح دوشت هههههههههه البراءة مساكن

يبغوا غير لي يشكرهم و هكدا يكسبهم

[غزلانْ]

البارح جات في خاطري اندري الحنة و اتفكرت قصتي مع أستاد اللغة الفرنسية دخل للقسم و قال لنا اليوم عندنا املاء ففتحنا الكراريس و من شروطه في الاملاء أن نكتب في سطر و نترك سطر و الويل لمن لم يترك السطر و أختكم كانت دايرا الحنة و في اليدين اليمنى و اليسرى و بعد الانتهاء من الاملاء مر عبر الصفوف ليتفقد و نظر للدفتر و لم أترك السطر و كان حامل العصى و حمراء اللون و قال لي ايتيني يدك وقال واو راهي محنحنة و اعطاني ربعة ضربات و الله شواني

[*نآدرة~]

والله غير تقتلو بالضحك يعطيكم الصحة

[لميس اميرة]

هههههههههههههههههههههههههههههههههههههههههههههههههه هههههههههههههههههههههههه

[*سندوسة*]

السلام عليكم ورحمة الله وبركاته

شكرا لك اختي شذى على الموضوع الجميل


انا مرة كنت شوية صغيرة كنت نقص فالاظافر نتاع رجليا حاشاكم كي وصلت عند صبعي صغير بقيت نشوف فيه قلت فيه غير ظفر صغيرو نحيه كامل ونتهنى منه هههه باش ماشيكل مرة نحي منه شوية هو اصلا غير فتيتة هههه وين نحيت نصه حتى عمري خرجت وبقا دم يسيل هههههه والالم لي بقيت نحس بيه فضييييييييييييييييييييييييع والله بكيت وبقى شحال من يوم يوجع فيا من بعد كي شٌفيت منه بقيت نضحك على روحي ماما قاتلي نتي مهبولة ههه

[*سندوسة*]

راني عاود ولييييييييييييت
هههه

انا عندي خالتي صغيرة عليا بعام ونص كي نتلاقا انا وياه نديرو حالة

وحنا في دارنا ودار جدي فالعيد لكبير ماناكلوش رجلين لخروف نرموهم المهم انا كنت في دار جدي وكي رماو رجلين لخروف انا وخالتي ديناهم وخبيناهم فالسطح ههه كنا نخطط لعملية اجرامية وبعد ما دينا سلاح الجريمة بقينا يومين ورحنا تفقدناهم ووجدنا حبل وللعلم السطح مكانش فيه لونتوغاج

ايا رحنا حكمنا هادوك رجلين ربطناهم بالحبل وتكسلنا فالارض وبقينا نستناو لي يجي فايت نخوفوه بحادوك الرجلين نرموهم عليه وحنا حاكمين الحبل هههههههههههه


خلعنا شحال من واحد وعايرنا شحال من واحد وكفر علينا شحال من واحد ههههههه

وكاين لي بقا يضحك وحنا فرحنا بزاف حتا شافنا خالي ودينا تبهديلة ههه

[staifia]

هههههههههههههههههههههههه قتلتوني بالضحك هههههههههههههههههههه

[imi25]

السلام عليكم
يا منال راكي قتلتيني بالضحك على الحنة ومقدرتش نحبس
سندوسة راني نسخايل فيك مع خالتك ومع رجلين الكبش
ضحكتيني بكلامك صح

[*سندوسة*]

المشاركة الأصلية كتبت بواسطة imi25

السلام عليكم
يا منال راكي قتلتيني بالضحك على الحنة ومقدرتش نحبس
سندوسة راني نسخايل فيك مع خالتك ومع رجلين الكبش
ضحكتيني بكلامك صح

وعليكم السلام

الله يدوم ضحكتك
والله يا اختي انبطحنا على الارض انا وهي وبقينا نستناو اي ضحية تفوت هههه