الشرطة الجزائرية -الدفعة الجديدة 2012

[fathi real]

[QUOTE=ghimouz;10026957][QUOTE=nounou-19;10026778]

المشاركة الأصلية كتبت بواسطة ghimouz

شكرا لك أخي على الخبر وبارك الله فيك.
لكن غريبة أن تكون المسابقة تابع للسنة المالية 2011 ويطبق عليها القانون الجديد الخاص بسنة 2012 ؟؟!!!
لو ممكن أخي الكريم هل توجد استثناءات في شرط السن وماهي ؟[/QUO
لا يوجد اي قانون خاص بسنة 2012 هده القوانين المتعلقة بالسن و الطول مثلا هي قوانين 2011.......... للاسف لحد الان لم يعاد النظر في شرط العمر 25 سنة كحد اقصى اي يوم المسابقة يجب ان لا يتعدى عمرك 25 سنة بمعنى اخر 25 سنة+يوم لا يقبل..... ان شاء الله تتبدل الامور باش الناس اكل تشارك

السلام عليكم اخواني
عندي مشكلة ارجوا منكم ان تساعدوني
لقد وضع احد الاصدقاء ان المسابقة تفتح من 20 ماي الى غاية 3 جويلية اي لمدة 45 يوم علما اني مولود بتاريخ 4 جويلية 1987 فهل استطيع ان ادخل لهذه المسابقة ام ان سني لا يسمح لي بذلك ؟
انا في رايي يمكنني ان ادخل المسابقة لان يوم دفع الملفات هو 20 ماي اي شهر قبل ان توقف دفع الملفات.
فارجوا منكم المساعدة وبارك الله فيكم

[86pop]

بارك الله فيك على معلومات و ربي يوفقك انشاء الله,,,,,

[ghimouz]

لا شكر على واجب و ربي اسهل الامور ان شاء الله

[khaledben]

انا اليوم في قسنطينة اكدولي بان التلغرام وصل
وفي بداية الاسبوع القادم يعلقو الاعلان

لكن هناك امر يقلقني
هل ليسانس lmd مقبول ام لا
و في حالة انه غير مقبول
هل lmd + سنة اولي ماستر مقبولة للمشاركة في المسابقة ام لا

[rima_manaa]

خاوتي راني دورت عليه في الأنترنت و ماصبتوش هذا المنشور رقم 18853 المؤرخ في 20/05/2008
لجبدو يحط الرابط تاعو بارك الله فيكم

[ghimouz]

ليسانس lmd مقبولة طبعا هوما قالو ..... شهادة ليسانس او ما يعادلها........ و بدون اي شك lmd ليسانس مقبولة

[zinou211]

nchalh ya joun sa7 w rabi ya jib l5ire

[ghimouz]

يا لخاوة راهو كاين في موقع الشرطة الجزائرية منشورات دخلت فيهم و خيرت منشور جوان 2008 كاشما نلقا حاجة فيما يخص التخصصات و لكن ثقيل بزاف لي يقدر يجرب و يقولنا واش كاين ........ الموقع هو dgsn.dz

[hom99]

انا خلاصلي السورسي في سبتمبر 2011 وانا من خريجي 2010 ..........ما عنديش باه دفع .....هل م رأي؟؟

[ghimouz]

المشاركة الأصلية كتبت بواسطة hom99

انا خلاصلي السورسي في سبتمبر 2011 وانا من خريجي 2010 ..........ما عنديش باه دفع .....هل م رأي؟؟

يا اخي حالتك فيها ريسك لانو عندك حلين........ الاول انك تصبر شوية لانك من خريجي 2010 ادن عندكم اعفاء و راهو قريب يطبق القانون و تدي ان شاء الله بشرط انك ما زدتش قريت ولو في تكوين مهني او ماستر........ الحل الثاني ادا الاول ما ينطبقش عليك هو انك تقدر تدي ارجاء حتى 14 سبتمبر2012 و دالك بدفع الديبلوم و لكن الريسك يكمن في ان المسابقة ممكن طول و النتائج ايضا بعد سبتمبر.... لك الاختيار او البحث عن حل اخر ربما فاتني و ربي اسهلك خويا

[reyes19]

سلام عليكم

هل هي على اساس الاختبار او الشهادة ؟؟

[AltAmn]

السلام عليكم ورحمة من الله وبركاته
يا جماعة فهموني برك
انا من مواليد 1987 جامي عاودت عام في حياتي
كملت في 2009 بعدها حبيت نشارك في مسابقة توضيف الشرطة
كان آخر اجل هو 15/سبتمبر2010 كي ديتلهم سورسي قالولي راهو يموت في 14 سبتمبر مانقبلوهش
في اول استدعاء لي إلى الخدمة الوطنية مشيت
وراني خلصت هاذا مارس وعمري اكثر من 25
فما هو الحل
اتعقل هذه الحقرة هاذي
والله العلي العضيم لازم نديروا اليد في اليد خاصة بالنسبة لمؤديي الخدمة الوطنية
هل هذا هو جزاء من يخدم الوطن ؟؟؟؟؟؟؟؟؟؟؟؟؟؟؟؟؟

[ghimouz]

المشاركة الأصلية كتبت بواسطة altamn

السلام عليكم ورحمة من الله وبركاته
يا جماعة فهموني برك
انا من مواليد 1987 جامي عاودت عام في حياتي
كملت في 2009 بعدها حبيت نشارك في مسابقة توضيف الشرطة
كان آخر اجل هو 15/سبتمبر2010 كي ديتلهم سورسي قالولي راهو يموت في 14 سبتمبر مانقبلوهش
في اول استدعاء لي إلى الخدمة الوطنية مشيت
وراني خلصت هاذا مارس وعمري اكثر من 25
فما هو الحل
اتعقل هذه الحقرة هاذي
والله العلي العضيم لازم نديروا اليد في اليد خاصة بالنسبة لمؤديي الخدمة الوطنية
هل هذا هو جزاء من يخدم الوطن ؟؟؟؟؟؟؟؟؟؟؟؟؟؟؟؟؟

يا اخي الدولة ما تظلمكش في حاجة كيما هك انا ااكد لك اخي انو يقبلوك لان هناك قانون يسمح بانقاص مدة الخدمة الوطنية من عمرك اي ادا كان عمرك 26 ينحو منها 18 شهر تصبح و كانو عمرك 24 و نصف...... كيما يفتحو التسجيلات سقصي الاعوان دوك افهموك.... و راني متاكد من معلوماتي لانو طبقوها في التسجيلات الاخيرة تاع اعوان الشرطة

[hamza12]

المشاركة الأصلية كتبت بواسطة ghimouz

يا اخي الدولة ما تظلمكش في حاجة كيما هك انا ااكد لك اخي انو يقبلوك لان هناك قانون يسمح بانقاص مدة الخدمة الوطنية من عمرك اي ادا كان عمرك 26 ينحو منها 18 شهر تصبح و كانو عمرك 24 و نصف...... كيما يفتحو التسجيلات سقصي الاعوان دوك افهموك.... و راني متاكد من معلوماتي لانو طبقوها في التسجيلات الاخيرة تاع اعوان الشرطة

صح عندك الحق خويا ينقصولك مدة الخدمة الوطنية من عمرك هكذا قالولي كيما دفعت أنا تاع الأعوان أزرب خويا وجد الدوسي و ربي يوفقك ان شاء الله

[ghimouz]

المشاركة الأصلية كتبت بواسطة reyes19

سلام عليكم

هل هي على اساس الاختبار او الشهادة ؟؟

علا اساس الختبارات و ليس حتى اختبار واحد هم 3 اختبارات .......... كتابي... رياضي.... طبي