الجزء 183 من واش طيبتي اليوم كوزينة القلب الصافي و الذراع الوافي - الصفحة 48

RIMA.87 · 2017-11-07, 09:25

الحمد لله راني بخير و نشكر الله على نعمه ،ربي يحفظك غاليتنا ام رحاب و ربي يبارك فيك على الاطايب لي حطيتيها كنت جربت
الخبز المنفوخ منذ مدة بوصفتك لي حطيتيها و كان ناجح ما شاء الله

nihal159 · 2017-11-07, 09:29

صباح الخير عليكم؛ مزية بكّرت شوية باش نلحق على طارث أم فاطمة و خبز الدار تاع أم رحاب؛ يعطيكم الصحة شكلهم يشهي.
أم رحاب دولمة سردين راهي عذبتني عذاب مابعدو عذاب هههههههههههههههه تسخّّّّّّف راني كثرت الشدّة فوق الخاء باش تحسو بيا و بعذابي هههههههههههههههه
الشاورما من أروع مايكون ألف صحة و عافية على قلوبكم.
أم هدول بصحتكم الخفوفي هذا مايليق بعد وليمة الشخشوخة.
أسيا، البقلاوة شكلها تحفة؛ يعطيك الصحة.
أم إسلام الله يبارك طيابك رائع؛ من السمك للمقرون؛ للفلفون الحلو وصولا للكعكة السحرية؛ روووووعة مطرح مايسري يمري.
مياسم يعطيك الصحة؛ أفدتينا بأنواع الأقماع؛ مشكورة.
سعيدة؛ مستحيل نروح وحدي لازم نديكم معايا باش تحلى القعدة.
ياربي مانكون نسيت حتى واحدة هههههههههه

x ام رحاب x · 2017-11-07, 09:29

ريمة الحمد لله الي نجحلك الخبز وانت تاني يديك يتلفو في الحرير لوكان ماجيتيش شاطرة ماينجحلكش تسلم ايدك

nihal159 · 2017-11-07, 09:30

مولات الكوزينة مسكينة راهي مشوكية هههههههه مازادتش ضهرت ههههههه
أم يوسف ربي يشفيك فالقريب العاجل؛ أذخلي طمنينا عليك

x ام رحاب x · 2017-11-07, 09:32

نيهال صباحك ورباحك و100 ناقة في مراحك شكرا حبيبتي على كلامك الطيب وشهيتك في الجنة حنونة

x ام رحاب x · 2017-11-07, 09:33

انخليكم صحة فطوركم فطوري باذن الله شيفلور قراتان

أمنية غفران · 2017-11-07, 09:40

مرحبا أخواتي الكريمات الله يبارك عليكم راكم مبهيين الكوزينة و أطايبكم تحفة ماشاء الله

أختي مياسم شكرا على صور الأقماع ربي يحفظك

البارح مادخلتش لقيت النت 4G مقطوعة

عشانا البارح كان لوبيا فصاص شهيتوني فيها إمممم الصورة نسيت ماحطيتهاش في فلاش ديسك باش نبعتها منا من الخدمة إحم إحم

قررت نحط ليكم التشاراك العريان بحلة جديدة بالشده فوق الراء كيما قالت آسيا ربي يهنيها هو مونتاج بين العجينة السحرية نتاع أم أماني و فكرة لقيتها في النت نقسم العجينة إلى كريات متوسطة و كل كرية نحط فوقها خليط لكوكاو مرحي مع السكر و نقرصها شغل مطلوع و نقلبها و نزيد نحط لها خليط الكوكاو و نقرص تاني علاش نقرص باش هاداك الخليط يدخل مليح في لعجينة و نزيد نحلها برولو و نقطعها على ثمانية شكل تشاراك العادي و من بعد نرولي التشاراكة عادي و هادي هي الحلة جديدة يعني من غير ما نديرو حشوة فيه
و هاكه نكملو نفس الطريقة مع جميع كراة العجينة و عدد تشاراكات على حساب الكراة كيما هنايا عندي خمس كريات عطاوني 40 تشاراكة
تفضلن الصور حبيباتي

إممم فطورنا اليوم روز

أمنية غفران · 2017-11-07, 09:46

و بالمناسبة جبت ليكم وصفة خبز صيني في صورة نتاع لهلوبة ربي يحفظها نتمنى طل علينا و تقول لينا هاي برك

أمنية غفران · 2017-11-07, 09:50

و تانيك جبت ليكم وصفة أنسيمادا .. البريوش الإسباني في صورة نتاع حبيبتنا زينوبة ربي يحفظها و يهنيها و يعطيها ما تتمنى نتمنى طل علينا و تقول لينا هي تاني هاي برك إحم إحم

دمتم في رعاية الله و حفظه

أمنية غفران · 2017-11-07, 10:11

أم هدول أم فطوم أم رحوب ريمة نهولة صباحكم بالخير و الهنا

نهولة صح تشوكيت بصح نسمح في الكوزينة لا لا ههههه و زدت تشوكيت البارح كي جيت نكونيكتي لقيت النت حابسة هههههه وليت كيما هاد الصورة

تحياتي

Fifilondon · 2017-11-07, 10:36

السلام عليكم لبنات و صباحكم سعيد ان شاء الله كامل تكونو لاباس
الله يبارك ويكثر خيركم على كل شيء حطيتوه

Fifilondon · 2017-11-07, 10:41

وهدا كيك الشابلير عندي مدة ملي درتو وبعض الحلويات من الارشيف

Fifilondon · 2017-11-07, 10:43

يوم موفق للجميع فطوري باذن الله سلق بالبطاطا والبيض مع كسرة وفلفل نقلي صح فطوركم جميعا

البدرية · 2017-11-07, 11:01

السلا م عليكم ورحمة الله وبركاته

اختي امنية مبروك افتتاح هدا الجزء من الكوزينة وجزاك الله خيرا على الوصفات ان

شاء الله في ميزان حسناتك ربي يحفظك ويرزقك بالذرية الصالحة الطيبة المعافاة

اللهم آمين

أخواتي اللهم بارك على اطيابكم كلها تشهي كلكم كل واحدة باسمها اختي ريمة عودا

حميدا

اللهم بارك على الحلويات والمقروط اعجبني كثيرا حبيت نراسلك من اجله لكن

عددالمشاركات لا تسمح هل من نصائح لنجاح مقروط المقلة فضلا لا امرا ربي

يحفظك

من كل سوء

اليوم فطورنا لوبياء بيضاء وسلطة والحمد لله

أم رقية نسرين · 2017-11-07, 12:51

السلام عليكم و رحمة الله و بركاته
مس ااخير عليكم يا الحراير ماشاء الله على الأطايب ربي يبارك فيكم و ياسعد عائلاتكم بيكم
في الحقيقة دخلت هنا كي لقيت الأخت أمينة هي مولات الكوزينة باه نسقسيها أمينة ختي راني جربت العجينة البرونزية درتها ملفاي هايل مكانش خلاص فرق ببنو و بين الملفاي تاع العجينة المورقة و تاني ااكريمة بنيييينة و خفيفة بصح مفهمتش علاش كي حطيت العجينة طيب تقوست خخخخخخ جاو الطبقات مقوسين ثقبتها مليييح شوفي الحبة مقوسة خخخ

متضحكوش عليا راني مبتدئة و عمري لا درت الملفاي