جزء ****138***من واش طيبتي اليوم ---عيد سعيد وكل عام وانتم بخير ---- - الصفحة 48

omomnia15 · 2015-07-28, 16:02

رجاء ربي يحفضلك لناتك وتشوفيهم في اعلى المراتب وعرايس شابين
ذائمة الشكر راكي جارتي نسكن في المدية ربي يقاويكم على سخانة البليدة فيها الورد شباب

omomnia15 · 2015-07-28, 16:07

راهم جايين بنات اختي مع باباهم درت للعشا شربة فريك وطاجين المرقاز لام اماني وكوكة بعجينة رويدة وعندي عنب رحيتو بالميكسور ودرتو عصير منعرف كيفاش جا ودرت خبوة موسكوتشو للقهوة

زهرة الريف* · 2015-07-28, 16:12

راني وليت على جالكم حبيباتي
صدفات هذاك كروكي
روضة غير الخير إن شاءالله وشكرا
أم أمنية وأم هدول وأم وابنة والرجاء الأماني ودائمة الشكر خجلتوني بكلامكم الحلو ربي يفرحكم
صح قهوتكم

زهرة الريف* · 2015-07-28, 16:15

أم أمنية راكي فحلة ماشاءالله عليك وربي يجمعك مع احبتك ديما في الخير

دائمة الشكر · 2015-07-28, 16:26

بصحتكم ام أمنية انا عندي لوستي في المدية مانعرف ولا طحطوح ولا بزيوش وحدى فيهم
ربي يقدرنا على السخانة
انّا ثاني جات لوستي من الغربة حبيت نعرضها قلت نديرلها شربة فريك وطاجين الحلو وسفيرية زينب وقوارب لينا وعصير الهام تاع البرتقال وعصير الفراز تاع ام سهام وسلاطة
والسهرة قلت ندير اتاي مع بسبوسة تركية تاع ام اماني ولله الحمد الإمكانيات محدودة رانا مع البنيان ورآني كارية مع مصروف الاولاد ربي يعينا ادعونا اخواتي ربي يقدرنا وأنكملوا البنيان انّا وكل الأخوات
اخواتي كي نقول لوستي هي اخت زوجي
وسلفتي هي مرت لوسي اخو زوجي
أنتم بزاف اللي عندهم العكس

ام و ابنة · 2015-07-28, 16:32

صدفات رآنا كامل حشائش طالبين معيشة خخخ
ماكانش اللي زادت معلمة و اكيد اللي تعرف حوايج يغيبولها حوايج واحد اخرين

دايمة الشكر كلامك صحيح هذا المنتدى تعلمنا منو الكثير و ربي يقدرنا و مر جعو الفضل و نساعدو باللي نقدرو
هل ممكن تعطيني رابط قاطو الكبريس تع ام اماني سخفتيني من كلامك عليه

الرجاء الأماني المجد فعلا تعب الاطفال ما راهوش في أكلهم و غسيلهم و ملابسهم و الى اخره من الكد و العمل تعبهم في المضاربات و الصراخ و تظلي تفرقي بيناتهم

غاليتي انا نسكن في العاصمة بعد غربة سنوات في الخارج كي جبت ولادي حبست الخدمة برة بصح لو كان نصيب روضة مليحة و كونفيونص نحطهم فيها و نخرج نخدم محتاجة للتغيير نفسيتي تعبت من الروتين

ام امنية اذا عصرت العنب في السنتريفيجوز يجيك هايل و اذا لا صفيه مليح
شفت ؟ الجزاير معمرة نساء حديديات كيما حنا بصح بصراحة في المحيط ديالي ماكانش و الله الكل يعزو رواحهم و يتفششوا

دائمة الشكر · 2015-07-28, 16:39

https://www.djelfa.info/vb/showthread.php?t=1799073
هاهو رابط تاع الكابريس جربوه بزاف اخوات من المنتدى وعجبهم

دائمة الشكر · 2015-07-28, 16:41

ام وابنة انّا مالقيتش المول الي أدير بيه الشيكولة من فوق درتلوا مكسرات حبات درتهم بالنواد كأجو وحبات درتلهم نصف جوزة وكاين اخوات داروا مالفوق ازهار

Simassim · 2015-07-28, 17:03

السلام عليكم البنات حبيت نسقسيكم قاطو تاع الكابريس ام اماني شحال يجي من حبة وباش درتو الطابع. راني حابة نخدم شوي ونخدم بكاس تاع الشاي نخب القاطو صغير ظريف
والكريمة قالت بالخلاط. تقصد الباتور لي نطلعو بيه البيض او المكسور لي نطحنو بيه

العيد كمل بصح ناوية نخدم شوي قاطو نمدو هنا

شكون جربت قاطو تاع الليمون تاع الهام كاش نصائح وشحال يخرج من حبة

الرجاء الاماني المجد · 2015-07-28, 17:03

دائمة الشكر انت التي اقصدك ام امنية شكرا حبيبتي صدفات انا كدلك ضعيفة في الطيب وعندما ارى طيبتكم ادهل والله راني نتعلم منكم

دائمة الشكر · 2015-07-28, 17:21

سماسم انّا جربت قاطو الكابريس خرجتلي ثلاثون حبة لاصقة طبعت انّا بعلبة تاع الموطارد فارغة. عندي كيسان اتاي ماشي مدورة وأم ماجد خرجتلها عشرون حبة لاصقة دارتها صلاة بطابع كبير، اخت سماح خرجتلها أربعون حبة
الكريمة انّا درت نيسلي مع حلوة الترك ولصقت الكريمة خلطيها بالباتوغ اللي يضرب البيض ماشي بالميكسوغ اللي يرحي الخضر
ضوقو روعة والنَّاس اذواق
وصابلي الليمون جربوه اخوات كي يدخلوا يجاوبوك

دائمة الشكر · 2015-07-28, 17:22

ام رجاء بناتك مايتشرطوش فالماكلة وفالسخانة هذي واش راكي اطيبي

Simassim · 2015-07-28, 17:25

اقتباس:

المشاركة الأصلية كتبت بواسطة دائمة الشكر

سماسم انّا جربت قاطو الكابريس خرجتلي ثلاثون حبة لاصقة طبعت انّا بعلبة تاع الموطارد فارغة. عندي كيسان اتاي ماشي مدورة وأم ماجد خرجتلها عشرون حبة لاصقة دارتها صلاة بطابع كبير، اخت سماح خرجتلها أربعون حبة
الكريمة انّا درت نيسلي مع حلوة الترك ولصقت الكريمة خلطيها بالباتوغ اللي يضرب البيض ماشي بالميكسوغ اللي يرحي الخضر
ضوقو روعة والنَّاس اذواق
وصابلي الليمون جربوه اخوات كي يدخلوا يجاوبوك

:d جواب شافي كافي ربي يعطيك ما تتمناي

نيستلي مع حلوة الترك ماحاكش حلو بزاف

شهد شهاب الدين · 2015-07-28, 17:35

مساء الخير حبيباتي ان شاء الله كامل تكونوا بخير
حبيت منكم تعاونوني عرس خويا قريب و قتلوا قاطو لعرس عليا
رايحة نديرلوا بقلاوة تركية طبعا مشرية هههههههه ونزيد معاها مخبز و القاطو ثالث حرت واش ندير

روضة 88 · 2015-07-28, 17:37

شهد ديري قاطو بالشيكولا ونقترح عليك صابلي بالكابريس لام اماني سهل وسريع وبنين.