واش طيبتي اليوم?الجزء92 كواليس عيد الاضحى*** - الصفحة 47

x ام رحاب x · 2014-10-08, 19:29

صحة عشاكم انا درت عشايا مقلي

رفيف رانية · 2014-10-08, 19:40

[QUOTE=ام طيري الجنة;3991894536] يعطيك الصحة يا الفحلة الله يبارك [/QUOTE
الله يسلمك حنونة

رياحين الجزائر · 2014-10-08, 19:56

دائمة الحمد هاو المسلي انتاعي وجد ان شاء الله يعجبنا هد المرة الاولى درت كمية صغيرة للتجربة وادا عجبنا العام الجاي نضرب تانيكا انتاع لعراس ههههههه

دائمة الحمد · 2014-10-08, 20:04

اقتباس:

المشاركة الأصلية كتبت بواسطة جيادا

بيبا بصحتكم البكبوكة
دائمة الحمد امممممممممم قوليلي كيفاه داويتي الكرومة نديرها كيفك ان شاء الله جات هايلة
ام ماجد يا سلام عليك دائما نستنا في كواليسك ربي يحفظك يا رب و بصحتكم
امممممممم العصبانة و المرقاز يا سلام حنا جبنا غير الجزرة و الكبدة و القلب يعني لاكرشة لا مصارن لا راس و كرعين
الحمد لله على النعمة

أسفة عزيزتي جيادا ماكنتش في الدار كنت في حفل عيد ميلاد

اللحمر محمر في الكوكوط دائمة الحمد

نعمل حوالي نصف فنجال ماء في الكوكوط ونشعل عليه نار قليلة
نجيب قطع اللحم تاعي نعمل معاهم ملح موتارد درسة تاع ثوم وتوابل اكليل يابس ونخلطهم مليح ثم نصبهم في الكوكوط يكون الماء غلى ونقطع من فوق نص حبة طماط وكمية معدنوس وما نحركش ونغلق الكوكوط ونقص خلاص النار ومرة على مرة نفتح ونراقب الطياب تاعو ونقلبو على الجيهة الاخرى
لما يطيب نفتح الكوكوط ونصب عليه كمية قليلة زيت ونخليه يتحمر من جميع الجهات والكوكوط مفتوحة وشهية طيبة

x ام رحاب x · 2014-10-08, 20:09

اقتباس:

المشاركة الأصلية كتبت بواسطة رياحين الجزائر

دائمة الحمد هاو المسلي انتاعي وجد ان شاء الله يعجبنا هد المرة الاولى درت كمية صغيرة للتجربة وادا عجبنا العام الجاي نضرب تانيكا انتاع لعراس ههههههه

بصحتك حبيبتي راكي شاطرة ولازم تعجبك راهي من عند الشافة دائمة الحمد

x ام رحاب x · 2014-10-08, 20:12

مساء الخير رياحين ودائمة الحمد وصحة عشاكم

ام سهام 02 · 2014-10-08, 20:16

السلام عليكم صح عشاكم

بصحتكم ام رحاب المقالي تحسبي تفاهمنا درنا نفس العشاء

زهرة سهام بنتي راهي في السنة الثالثة وراهم يعبرو علي الصور وثاني الخط وتركيب الحروف للحصول علي كلمة

أم ماجد · 2014-10-08, 20:23

لبنات القرعاجات جبتلكم الكواليس كاملة مكملة
تحية خاصة لليزا اللي انتظرت للاسف منين حملت الصور جاء حفيظ وفاصا كل شئ وزاد خكم الشيخ الميكرو من قبيل وانافوق راسه نوض تريح نوض تريح زعمة غاضني هههههههههههههههههههههههههههههه
هاني واش درت اليوم المهم الحمد لله قاطعت الخدمة كيما علمتني امي ربي يخليها يعني امراة وحدة تعمل عدة اعمال في وقت واحد وتعرف كيفاه تنظم روحها مع الوقت والاعمال هاذي نصيحة للبنات الصغارات هههههههههههه
قسمت الشحمة وحطيتها تذوب على طريقة الاستاذة ام رامي هي تذوب وانا حطيت المسلي يطيبعلى طريقة الاستاذة دائمة الحمد هو يطيب وانا داويت مرق العصبانة وحطيتو يتقلي وحشيتها حطيت المرق يطيب للعشا رجعت للمرقاز رحيت اللحم زداويت الشحمة ومن بعد لقيت روحي تعبت هههههههههههههههههههههه
جات حبيبتي صلاة وراهي تحشي فيه الان
الحمد لله على كل حال والان نفكر في دروس التلاميذ
واش رايكم غدوا الدرس الاول شحمة ام رامي الدرس الثان نديرلهم مرقاز ام ساجد الدرس الثالث مسلي دائمة الحمد
وفي المساء الدرس الاخير عصبانة ام ماجد

أم هبوبة · 2014-10-08, 20:32

صح عشاكم
العسى درت لحم مع لوبيا خضراء محمر قالي راجلي بركاني من الناشف و زدت سلطة خضراء و سلاطة بيطراف و لحم مقلي بصوص طوماط بقالي من عشى نتاع البارح و لله الحمد

نمشي نراجع شوية ونشوف واش درتو واش حطيتو

دائمة الحمد · 2014-10-08, 20:35

صحة عشاكم لبنات واش بيه المنتدى الردود ما يفوت وش
رياحين راكي فحلة ونص وبأذن الله راح يعجبك
صحة عشاكم أنا ما طيب ت تعشوا سلاطة مشوية وخبز ويا ورت
أم رحاب الله يجبر بخاطرك حنونة
أم ماجد يا أستاذة الأساتذة ما شاء الله عليك الله يعطيك صحيحتك

أم ماجد · 2014-10-08, 20:51

دائمة الحمد حشمتيني لكن دعوتك محتاجتها بزاف ههههههههه
ضرك المسلي كيفاه نديرلو حطيتو يبرد ومن بعد ؟ههههههههههه

zahra30 · 2014-10-08, 20:51

صح عشاكم وربي يبارك في موائدكم جميييعااااا

اقتباس:

المشاركة الأصلية كتبت بواسطة malek nour hane

جيادا اهلييييين وش درتي عشاك ...هيه عطر بعثتلي عالخاص قبيل الحمدلله كي راهي بخير
زهرة ههههه ايه زينونة قاتلي ام طيري الجنة هكا خخخخخ...........ديريلهم بوزلوف

خلاص يالزينونة ما دام الاستاذة سماتك هكذا احنا ما نقدروش نعارضو

البوزلوف السنة بححححح طيشو راجلي القى فيه حبة عند وذنيه ما نعرف انتاع الفاكسان ولالا؟؟؟ المهم عافو وقالنا ورى العيد نعوضكم

هيا زيدي اقترحي عليا يالزينونة يالامورة زعمة نزقلك باش تعاونيني بافكار

اقتباس:

المشاركة الأصلية كتبت بواسطة x ام رحاب x

زهرة ماعنديش ايلي يقرى في السنة الثالثة دوك ايفيدوك لبنات

شكرااا حبيبتي ام رحااب وبصحتكم المقلي ابعثيلي طبسي ليا نحبو بالمطلوع والقازوز امممممم

اقتباس:

المشاركة الأصلية كتبت بواسطة oumadoumawayouta

choufi zahra
ana wledi 3alemthoum l'alphabet fe dar
kanou sghar

chri ktoub mech ghalyin w jibi tableau w ketbilhoum w houma y3awdou w keyen bezef les methodes
dirilhoum les comptines des chansons ta3 l'alphabet hafdhihoum
w sah kemel ki yet3almou les lettres majuscules et minuscules
rahoum el ktebet keynin

شكراااا اختي ان شاء الله نحاول نشري على الاقل الكتب راكي تعرفي لولاد ما يحبوش ولديهم يقروهم يسمعو للبراني ولا احنا

ونزيد نروح نشوف الاستاذة انتاعهم ربما يهديها ربي راني

منها

جيادا مرحبا بيك وصح عشاااك

هند11 · 2014-10-08, 21:00

اختي ام ماجد مجوبتنيش على تيزانة لي قتلك عليها وحد الاخت طيبي تزانة مع زريعة البسباس جربتيها راني مريضة بالمصران قتلني

أم ماجد · 2014-10-08, 21:06

اقتباس:

المشاركة الأصلية كتبت بواسطة هند11

اختي ام ماجد مجوبتنيش على تيزانة لي قتلك عليها وحد الاخت طيبي تزانة مع زريعة البسباس جربتيها راني مريضة بالمصران قتلني

لا حنونة جاوبتك ارجعي للوراء

هي صح مليحة لكن ماتوفرتش عندي
طيبت الزعتر وراني ارتحت والحمد لله لامازدتش مرضت اليوم

كي كليت العصبانة ههههههههههههههه

zahra30 · 2014-10-08, 21:07

المنتدى ثقييييييل ولا النت اعيييت نرد المهم اذا دخل هذا غدوة الصباح نبكرلو هههههه
ام مجوووود ماشاء الله يالعمرية يالحرة وبصحتكم وربي يحفظ صلاة بصح دخلتولي المرقاز في راسي هههههههه
دائمة الحمد وام هوووبة و كل المتواجدات صح عشاكم وربي يبارك في موائدكم يااارب
ام سهاام شكرا على الرد حبيبتي ربي يحفظك لولادك ويخليك تاج فوق رؤوسهم يااارب
تصبحووون على الف خييير