الجزء 73lن واش طيبتي اليوم كوزينة النجاحات - الصفحة 47

طالبة الجامعة · 2014-06-25, 12:58

ساعود بعد صلاة الظهر ان شاء الله

lahna moka · 2014-06-25, 13:02

هاذي الحلوى تاع ليبوات درت 3 أنواع مخبّز و سليلات و شامية

و هاذي نفس الحلويات بصح بدّلت العلبة فقط و عطيناها لتاع داري كي جاو

fatimazahra09 · 2014-06-25, 15:15

اقتباس:

المشاركة الأصلية كتبت بواسطة lahna moka

هاذي الحلوى تاع ليبوات درت 3 أنواع مخبّز و سليلات و شامية

و هاذي نفس الحلويات بصح بدّلت العلبة فقط و عطيناها لتاع داري كي جاو

الله يبارك ما شاء الله
الله يفرحك ويهنيك
امين يا رب

ladymillion · 2014-06-25, 13:24

ماشاء الله ماشاء الله
يعطيك الصحة لهنا على التحضيرات والقاطوات هااااااااااايلين عجبوني بزاف وحتى les boites هايلين وشفت قبل تحضيرات قبل لعرس لي حطيتيهم والله نموت على القاطو
زيدي كشما كاين تصاور راني نستنا هههههههه طماعة انا /// الله يهنييييييييك ويكمل زواجك بخير والله يجعللك في زواجك مودة ورحمة وبركة آميييييين
قوليلي هاذيك بقلاوة تقولولها شامية ؟؟

Amina minette · 2014-06-25, 13:31

مبروك عليك lahna moka
ربي يهنيك و يسعدك و ماشاء الله كللش هايل

دائمة الحمد · 2014-06-25, 13:39

يعطيكم الصحة لهناءعلى تحضيراتكم وربي ك ويهنيك ويدوم عليكم الافراح امين يارب
والحلويات راهي روعة تسلم الايادي

دائمة الحمد · 2014-06-25, 13:41

عازفة الناي راني تخيلك الصباح قلتي بعثت ابني يشري
ما تلوميش الزهايمر تاع النفيظة

ladymillion · 2014-06-25, 13:43

عازفة الناي ملييييح menu الله يعاونك مالا لحبيبة وان شاء الله يعجبهم اكل يديييييييك وماتنسايش تصوريلنا حاجة لازمة

yasmalak · 2014-06-25, 13:50

مسلخييييييييييير حبيباااتي توحشششششششششششششششششششتك قد الدنيا ههههه
يعطييييكم الصحة على عطاءكم الدايم
لهونتيييي هنا يا مرحبا يا مرحبااا مبرررررررررررررروك حبيبتي مرة وحدوخراا قوليلي يادرا عجبك الزواج هههه
ليزاااااااااااا مبرووووووووووك ختانة منصف وشراااه دوكا برا شوييية؟؟ و الحلاوي فووووووووووووووووووور طلعتي فنانة حتى فالحلاوى ماشي غير فالطيااااب
اييييي دائمة الحمد مزية تحللك المشكل تاع التصاور باش هكااا نتمتعوووو بموااكلك
انااليامات اللي فاتو كنت نطيب مي ما نصورش نعجزهههههههه كاين شوية تصاور نطلعهم و نجييييييييييييي

ام سهام 02 · 2014-06-25, 13:59

لهنة الف لف مبروك ربي يسعدك ويهنيك ويدوم عليكم الافراح و الحلويات ما شاء الله هاااااايلة.

2014-06-25, 14:05

السلام عليكم
لهنة ما شاااااااااااااء الله كلشي هااااايل من الحلويات للكواليس تاع اللوبيا لعشاء قبل العرس لكلشي بانتظار الباقي ههههه
ليدي دمك خفيييييييييييييييييييييييف تهبلي والله تدخلي القلب ربي يفرحك بالزوج الصالح ياااااااااااااااااارب
دائمة الحمد ربي يسهل لاسينات ويفرحك بنجاح وليدك ياااااااااااااااااااااااااااااااااااارب
حنان منووووووووورة وين كنتي يا هرابة توحشناااك
غدانا كفتة الدجاج بلاصوص والفريت والكسرة والحمد لله على نعمه علينا

وعصير الفراز اممم

lahna moka · 2014-06-25, 14:31

ايمان, ليزابيل حلوتي, أم اناس, دائمة الحمد, أولادي, كيا, صبرينتي, شاروليز, رانيا حبيبتي, أمينة مينات, حنان حبيبة قلبي, أم سهام, أم رياض غالياااااااااااااااااااااااااااااتي الحلوات و كل الأخوات اللي دعاولي و بعثولي رسائل ربي يحفظكم و يديمكم على راسي و يدوّم محبتنا يا رب و يرزق كل وحدة واش يتمنى قلبها
فرحت بعودتي معاكم و توحشت التلباز و الكوزينة و التطبيقات
حكولي كاش جديد وين راهي أم ماجد و في أي صفحة حلويات طهارة منصف حبوبي و ريهام الطيّوبة بانت ولاّ لا هي و بشورتي, توحشتكم كاااااااااااااااااااااااااااااااامل كااااااااااامل موااااااااااااااااح
ايمان حبيبتي البقلاوة هاذيك يسمّوها الشامية مصنوعة من عجينة بين تاع البقلاوة و الفيلو وحدة مختصة في الحلويات دارتهالي و ذوقها رهيييييييييب رووووووووعة عييت نطلب الوصفة ما حبتش تمدهالي
رانيا حبوبة هاذوك البطبوقات اللي يقشرو اللوبيا عمتي و صديقتي و مرت عمي و كاين بيناتهم خويا صوفيان يتمسخر عليهم
حنان حبيبة قلبي كنت خااااااايفة قبل الزواج صراحة مع البعد خفت صح بصح الحمد لله كلشي فات روووووووعة بفضل دعواتكم يا أحلى صديقات و حبيباتي على قلبي مواااااااح
دائمة الحمد غاليتي ربي يفرحك بوليدك و نفرحو معاه و يسلّك أسينات على خير يا رب, كانت في بالي يامات العرس و دعيتلها من قلبي ربي يفرحها و يفرحنا معاها

lahna moka · 2014-06-25, 14:12

هاذي الحلوى اللي دّيتها معايا
حلويات سورية وحدة فاميلتي دارتهالي كادو

مشكلة مرت عمي الوهرانية جابتهالي كادو تاني

تشاراك تاع مرت عمي ربي يحفظهالي يا رب

هاذي القشقاشة شفتوها من قبل

هاذي حلويات شرقية متنوعة

les russes بدلتلها الشكل فقط و صقتها بالكريمة شانتيلي و النص الآخر بالنستلي جات تذوب فالفم

تارتولات بالنستلي

ذوابة بالجوز

بقلاوة

R I A D · 2014-06-25, 14:23

يا مرحبا يا مرحبا و يا هلا باحلى عروووووس
لهوووونة فرحتينا بشوفتك حبوبة و التحضيرات تاع العرس
و الحلويااااااااااات ما شاء الله الله يبارك كل شيء روووووعة
ربي يسعدك و يهنيك حبيبة
و العقوبة لجميع العازبااااات امين

ام تاجو يعطيك الصحة على الخياطة ...حتى الكوزينة تتبدل و تبهى بصحتكم حنونة

صبرينتي مممممم على كفتة الدجاج رووووعة
و الكسرة ممممم تشهيييييييييييي لمزية لي ما نيش صايمة ..كون نجيك لباتنة ندقدق

اللهم بارك لنا في شعبان
و بلغنا رمضان امين

ام سهام 02 · 2014-06-25, 14:16

صح فطوركم و يصحتكم واش طيبتوا اليوم جربت الكفتاجي لدائمة الحمد ممممم بنيين وسوفلي
اللهم ادمها نعمة و احفظها من الزوال