جزء 173 من واش طيبتي اليوم كوزينة احلى رفقة طيبة

[حياة نور الدين]

ام هدول كلامك صواب اختي علاش نزعف بصح الله غالب راكيب تعرفي ظروفي ههههه

اختي منال الصورة مظهرتش

القبايلية اهلااا وعجبتني امنيتك ههه

[ملاك ملاكي]

المشاركة الأصلية كتبت بواسطة حياة نور الدين

ام رحاب ربي يخليك اختي ويفرحك بوليداتك
واختك ام اكرام اكيد طيابها رووووعة راه فحلة اخت فحلة بنات فحلة الله يبارك

رزيقة ام حسام اكيد طكيابها يشهي وماعليش كل واحد وظروفه وانت مرة مرة تحفينا باطباقها

سندوسة لا شكر عبلى واجب

ملاكي بصحتك البواقي حنونة

الله يسلمك حيوتي.. ..والحمد على سلااااامتك وان شاء الله خيييييير وانت تاني ديري بالك على روحك.... كل شئ يفوت ويتعوض الا صحتك وراكي بروحين حبيبتي.. . وراه مابقاش ان شاءالله وتسلكي على خيييير ونفرحوا بيك ومعاك ان شاء الله روبلوها بالزغاريد والحلويات والزريييير على زقزوقة من ذرك هااااني قلتها ومانعاودهاش سمعتيني زقزوقتي هاهاها

[x ام رحاب x]

ملاكي بلاكي اتعودي -----------------------------واتقعدي غير تخزري وتشاهاي حرام علينا وربي يحفضك عويناتك الزينين

[x ام رحاب x]

ملوكتي يعطيك الربح ياك قلتلكم اختي الكبيرة وفي مقام امي هههههه يعطيك الربح ضحكتيني صح طيابها ايشهي

[انا هي رزيقة]

ملاك ملاكي افرغي صندوق رسائلك يا فصعونة

[انا هي رزيقة]

اهلين عمري حيوتة الحمد لله كي راكي بخير حنونة و الله تقلقت عليك .....تهلاي في روحك حبيبتي و الله نحسك تتعبي بزاف

[x ام رحاب x]

منال ماتقعديش برا ادخلي لينا اهلا وسهلا اختي

[x ام رحاب x]

ام هدول وصفتك قريبة لوصفة ام وليد هي في بلاصة الماء دارت القارص شكرا على الوصفة حنونة جاتك تحفة الحلوة

[nanoua7]

سلام البنات صح غداكم مطرح ما يسري يمري

[x ام رحاب x]

مساؤ نعنوعة واش راكي واش فطرتي اليوم تقرعيجة صغيرة

[nanoua7]

المشاركة الأصلية كتبت بواسطة x ام رحاب x

مساؤ نعنوعة واش راكي واش فطرتي اليوم تقرعيجة صغيرة

أهلا حبيبتي وصح غداك حتى و راه ضرك وقت القهوة ههه أنا درتلهم مقرونة بالمرقة حقا وبلغي سلامي لام إكرام ومرخبا بيها في الكوزينة و هذاك نهار مسعود لي نتلايمو فيه أكل عندك فالكوزينة

[حياة نور الدين]

رزيقة وملاكي وكل الالي دعاتلي ربي يفرحها ان شاء الله ونولها اللي في بالها يا رب

[x ام رحاب x]

انا انخليكم انروح انريح شوية وبعد العصر ندخل صحة قهوتكم

[mosta*limoges]

سلام عليكم الله يبارك راكم فحلات و لكوزينا راهي منورة بأطباقكم رااااااائعة فطوري كان جلبانة مافيها حتى بنة ماشي أنا مانعرفش نطيب أحم أحم جلبان كي والو مكونجلي و ماشي تع لبلاد لمهم سلكت مزيا مول شي مايفطرش في الدار
حياة بالشوية على روحك و ما تتعبيش و ربي يثبتلك الحمل ما تنسايش غير لبركوكس راهو قريب
رزيقة طيابك يشهي كالعادة ماداك هداك اللي حطيتيه في المسابقة عجبني بزاف أول مرة نسمع بيه متشرفين بيه
أم ريحاب طياب أختك يشهي الله يبارك خمسة و خموس عليها
أم هدوووول مازلتي فوق السحاب ولا نزلتي هههه طيابك يشهي و شكرا على لوصفة
بحورة و سندوسة و نرجوسة ونعنوعة لكوزينا نورت بوجودكن لقبايلية واش راكي لاباس
أم ياسو صيامك في الجنة و طيابك يشهي
أم جوجو ربي يشافيك
عروستنا ملااااااك واش راكي بصحتك لبواقي

[البحر الصافي]

السلام عليكم
جبتلكم لمحاجب كان غدانا ومن بعد الزوج تشهاها لصحابو عرضهم بصحتهم
ضاعفت الكمية والحمد لله والشكر لله
محاجب حارين صورت المراحل واش نقلكم الطابلات مسكينة تعمرت زيت نطيب ونمسح يديا ونصور هههه ورايحة نشارك في الاكل التقليدي موضوع زينب من امس نقول نروح نشوف واش حطو لحراير مارحت ما عرفت الطريق وينا جيهة لي تعرف تقلي وتدي الاجر

نراجع واذا قدرت نرجع
تعباااااانة