الجزء 171 من واش طيبتي اليوم�� كوزينة اللمة والمحبة والبساطة ����

[نوال عيسى]

السلام عليكم ورخمة الله وبركاته
سلامي الحار لصاحبة الكوزينة لي نشكرها ياااسر لانو هي اول وحدة رحبت بيا وشجعتني هي والاخت رزيقة زقزوقة فضلكم مش رح ننساه شكرا ليكم وربي يحفظكم .. شكرا للي دعاولي كامل ربي يحفظكم ويخليكم وربي يشفي كامل المرضى ..
حبيت نشارك بشي بسيط ومتواضع جدااتعبيرا على حبي للاخت حياة نتمنى تقبلي مني هذا الباروك المتواضع والمتاخر ..
بعض الحلويات عملتها لخالتي لما خرجت من المشفى ربي يشافيها ويشافي مرضى المسلمين .. وثاني تشهيت البقلاوة عملت وحدة على قدي وعلى حساب المكونات لي عندي في البيت وخرجت روعة لكن ما زال ما قسمتهاش صورتها مباشرة بعدما عسلتها .. والعجينة لي بقاتلي عملتها مثل نوع من انواع البقلاوة التركية .. وثاني حبيت نجرب الميلفاي بالعجينة السحرية وجا مليح والحمد لله ..
حلوياتي بلا ديكور لاني صورتهم بالزربة ههه يعني بعدما جهزتها مباشرة صورتها ..
ويعطيكم الصحة على اطباقكم كلكم ما شاء الله وكل وحدة فيكم تعلمت منها شي مهما نشكركم مش رح نوفيكم حقكم وشكر خاص للاخت زينب ربي يحفظها ويشفي اختها ويشفي ام جوجو يا رب وبنت ام كاميليا .. وام الاء ايضا ربي يشفيها وهي ايضا كانت من اللي رحبو بيا شكرا ليك .. واللي نسيتها تسمحلي ..

[حياة نور الدين]

ليزا يا لهوي الدجاجة متصدرة تشهي موووت بصحتكم وطيبتيها كما يحب الخاطر يعطيك الصحة

ام فضل اهلااا اختي واش راكي وشكرااا على كلامك وزيارتك

رزيقة بما انه شهاوك الكروكات يا الله طبقي ههههههههه راني نقاطع حقا حطيت التطبيقات

[انا هي رزيقة]

ام الوء يا عمري شحال فرحت كي عجباتك السباغيتي تاعي لانها اسهل منها مفيش ياخي تعرفيني خدامة منحب غير الساهل و الماهل بصح بنين و اكديلي هلى هذيك لبنين ..... خخخخخ
شوفي حنونة ديري حوالي 5 ال 6 سنات ثوم كبار مرابيين في مقلاة تيفال عميقة مع حوالي 5 ملاعق زيت زيتون و تخليهم يتقلالو غير قيس متشمي ريحة الثوم ثم ارمي عليهم 2 طماطم مبشورين مع ورقتين رند مع فلفل اكحل و ملح و رشة زعيترة و رشة كمون و رشة قرفة و رشة فلفل عكري و قليهم مليح و زيدي ملعقة كبيرة طماطم مصبرة و زيدي قلي ثم مرقي بحوالي كاسين ماء مغلي.. و من جهة اخرى تكوني وجدتي شوية كفتة متبلة بثوم مدقوق مع شوية معدنوس و ملح و فلفل اكحل و شكلي بولات صغيورين به تم تم يطيبو و ارميهم في الصوص حوالي 10 الى 15 تولي الصوص عاقدة وجميلة . ثم ارمي عليها السباغيتي يكون طايب ال دانتي و خليهم يعيشو مع بعضاهم حوالي 2 دقائق و شهية طيبة

[آسيا 27]

الله يعطيكم الصحة على كل شي حطيتو و ربي يباركلكم في النعمة

[انا هي رزيقة]

خخخ ضحكتيني حياة و الله نحب نطبق الوقت برك لي ميكونش عندي و دي فوا برنامج الاكل عندي يكون محضر مسبقا و منحبش نغيرو بصح نوعدك رايحة نطبقها لعيونك
اختي نوال عيسي و الله نحشم كل متذكريني اختي لاني نحس روحي مدرت والو غير قلت حقيقة واضحة كوضوح الشمس و معليك غير توري حليواتك لاي واحد راح يقولك هذي خدمة فحلات مشاء الله لانو حتى بلا ديكور و لا ميكياج راهي الله ايبارك جميلة و تشهي كيما يحب الخاطر سورتو هذيك البقلاوة و الله تسخف دون مجاملة ....ربي يباركلك في النعم اختي و ماكنش علابالي بلي مرضتي يا عمري ربي يشافيك و يعافيك ان شاء الله انتي و جميع المرضى امين امين امين

[انا هي رزيقة]

اهلين اسيا اسوس و الله ليك وحشة راكي تغيبي بزاف حنونة بصح سماح كي جبتي معاك هذاك السردين الجميل بصحتكم حبيبتي

[آسيا 27]

نوااال حلوياتك 4444444 تبارك الله عليك سوغتو الطورنو
ليزااا مسا الخير عندي شحال ما تلاقيتكش كيراكي و كيراه البيبي انس يااااااه قلتك نموت على هاذ الاسم بصح وحدة في العايلة ما بغات تولد و تسميه كل وحدة تقول نسمي على بااابا و لا جدي وااااااع على عقلية قديمة
نسيت روحي خخخخخخخخخ و على الحال حتى حنا عندنا الرييييح و حامي نااار و الغبرة طايرة في السما امي ما خلات لاباب و لا تاقة مفتوحة علا جال الغبرة ههههههه زعما هاكا ما تدخلش ههههههه
حياااتو الله يسلمك و مواااااح ليك و على الصور الله يكثر خير روتريكا خخخخخخخخخخخ
زيكا يا عيوني راكي بخير توحشك بزااااف و خليلي طبسي من ذال السباقيتي المصوصي اللي درتيه
عجبتني هاذي الكلمة و دخلتها قاموسي خخخخخخخخخخخ

[RIMA.87]

السلام عليكم ،
اليوم فطوري ارز كيما الاخت ام جوجو و ام ابراهيم لكن ما صورتش ،
اختي رزيقة مشكوووورة على وصفة السباقيتي ،
ام كاميليا جزاك الله خيرا على الوصفات و الشكر موصول للاخت ميليسا،
ام هاجر ،ام آلاء ، اختي ليزا ربي يحفظلك صفوان و اخواتو و يعينك ،ام سارة18،آسيا،biba،حيوتة ،ام هدول و مريوووومة ،بصحتكم واش فطرتو ،بالفعل أطايب ما شاء الله و روائع و أفلاااام ،ربي يبارك في رزقكم

[RIMA.87]

اختي نوال عيسى ربي يشفيك و جميع مرضى المسلمين و ما شاء الله على حلوياتك باينة بنينة و حقيقة تشهي،
ربي يبارك فيك

[nanoua7]

خير عليكم البنات حياة وش راكي بصحتك المحمصة و رزيقة واش لخبار صافا وداك سباقيتي ماعندي مانقول و مرسي على الوصفة واليوم يادرا واش تبعثيلي تعشوية مع القهوة البارح مبسس ام حسام كتر خيرها اليوم نظن دالت ام إيمان راني نوجد القهوة ونقعد نستنى تهالاي هههههه ربي يحفظهم لك ان شاءالله

[nanoua7]

البنات اليوم نعطيكم وصفة قاطو شاتو شفتها هادي 3سنين الوصفة في cbcتجي هايلة انا نديرها في مول مربع تجي أفضل الطريقة تحمكمي البرا مع الطاس تاعو وديري كوب سكر وكوب زيت و نصف كوب كاكاو و نصف كوب حليب و لافاني و ملح و تخلطي حتى دوب سكر و نقص من هاد الخليط قيس تلاتة ارباع كوب نخليه بجيه تم نزيد زوج بيضات و كوب فرينة و زوج ملاعق صغار خمارة و نديرو يطيب و قاع المول نديرو ورق الطهي بعد لي تطيب نحمكمو وحدة امباسادور نذوبوها في حمام مائي مع ذاك الخليط لي خليناه ونديروها على الكيكة من فوق و نخلوها تبرد مليح و نقطعوها ملاحظة الشيكولة ديروها على الجهة لي فيها ورق الزبدة تكون مستوية باه تجيكم متحوفة وراها هايلة على ضمانتي كل لي داقها عندنا عحبتو

[nanoua7]

البنات راني حابة نجرب قاطو اسبانيول هاذي مدة وزاد كي شفت تطبيق ام إبراهيم و ام الاء شعلت فيا النار هههه بصح موضوع فله مابانوليش صور خسارة حبيتكم تمدولي كاش نصائح عليه و تاني حجم الكاس و الفنجان لي كيلت بيه تهالاو راني نستنى و تاني نسيت قياس صينية و شكرا مسبقا ربي يبقي عليكم الستر كاملين

[ام ساجد]

مساء الخير حيوتة وكل البنات والف مبروك لكوزينة الجديدة

حيوتة يعطيك الصحة كل الاطباق روعة وجميلة الله يجمل ايامك ويعطيك وقفة
ساهلة ويرزقك بواش متمنية امين يارب

مانيش مراجعة لكن اكيد حطيتو اجمل الاطباق ربي يباركلكم في صحتكم وفي رزقكم
هادم شوية اطباق ان شاء الله تقبليهم حيوتة باروك بسيط حتى نخدملك باروك سبسيال

هدا حساء السمك رووووعة













وهدا عصير القرع ولا الكابويا امممممم

[nanoua7]

المشاركة الأصلية كتبت بواسطة ام ساجد

مساء الخير حيوتة وكل البنات والف مبروك لكوزينة الجديدة

حيوتة يعطيك الصحة كل الاطباق روعة وجميلة الله يجمل ايامك ويعطيك وقفة
ساهلة ويرزقك بواش متمنية امين يارب

مانيش مراجعة لكن اكيد حطيتو اجمل الاطباق ربي يباركلكم في صحتكم وفي رزقكم
هادم شوية اطباق ان شاء الله تقبليهم حيوتة باروك بسيط حتى نخدملك باروك سبسيال

هدا حساء السمك رووووعة













وهدا عصير القرع ولا الكابويا امممممم

االله اللّٰه يا ام ساج واش هاد الإبداع تبارك اللّٰه عليك وعندي طلب صغير ليك تحطي لنا هنا في كوزينة حياة وصفاتك المصورة ادا قدرتي وشكرا

[ام ساجد]

المشاركة الأصلية كتبت بواسطة nanoua7

االله اللّٰه يا ام ساج واش هاد الإبداع تبارك اللّٰه عليك وعندي طلب صغير ليك تحطي لنا هنا في كوزينة حياة وصفاتك المصورة ادا قدرتي وشكرا

الف شكر اختي وهادم بعض الوصفات في خاطرك