جزء ****138***من واش طيبتي اليوم ---عيد سعيد وكل عام وانتم بخير ---- - الصفحة 46

شهد شهاب الدين · 2015-07-28, 10:55

صباح الخير ام هدول والله انا ملي تزوجت وانا نستعمل غير فيها راجلي يبغيها بزااااف و انا وليت كيما هو غير هي ولا مكانش

Simassim · 2015-07-28, 11:33

هههه لي يشوف قنرات الجزايرية نصها اشهازات تاع القهوة تحسب بلاد القهوة والذوق الله يجيب

تبارك الله ام ياسيين ربي يوفقها ويقدرها على تعب الطب. قلعا تحط راسها فالقراية برك. وتحط قلبها فالدار قبل ماتروح للجامعة باش ماتفشلش الطب فالبلاد ولا علاقة لا فجامعة ولا سبيطارات ربي يفتحها عليها و ان شاء الله ربي يجعلها مفتاح الفرج وتساهم باصلاح الوضع فمجال الطب.

صدفات · 2015-07-28, 12:32

لبنات صحة غداكم و سمحولي على السؤال راكم تشروا القهوة و تحمصوها والله غير ستعجبت أنا دائما نشري القهوة حب بصح محمصة
و نرحي بشوية نقول باه تبقى الريحة نتاعها بصح عمري ما حمصت الخضرا و زيد راكم تحمصوها في المقلات و لا في الحراق و البيت و الستائر ما تخافوش عليهم من الدخان ربي يحفظكم راكم شاطرات

الرجاء الاماني المجد · 2015-07-28, 13:05

مساء الخير صدفات كيف الاحوال انانشري قهوة لونيس اليوم في الغد درت لسوفلي بعجينة 10دقائق وحشيتها بالشكشوكة والطن وجاءت روعة

أم ياسين الزهراء · 2015-07-28, 13:11

يبارك فيكم لبنات والله يفرحكم يارب

صدفات · 2015-07-28, 13:43

أختي رجاء بصحتكم
أنا اليوم راني صايمة مع مو لشي
درت لذراري كرنتيكةو صنعتلهم عصير الخوخ بالحليب و ثلج مكسر

أم محمد تاج · 2015-07-28, 14:09

مساء النووور حبيباتي وصح غداواتكم ولي صايمات الله يقبل عليكم ويعينكم يارب
حبيباتي لي عزاوني في جدي الغالي الله يشكر سعيكم والبركة في روسكم والله يخليكم ليا يا اعز رفقة
غدايا شكشوووكة بالبيض تاع العرب وبطاطا مقلية وخبز وعنب وفقوس ولله الحمد والمنة

ام ياسوووووو ام الدكتورة ماشاء الله وبارك والف الف مبرووووك الطب واكيد راح تكون اشطر دكتوووورة في انتظار التقرعيج

أم محمد تاج · 2015-07-28, 14:17

وااااي نسيت الغااية ام برهوووم تسلم عليكم بزاف بزاف وقالتلكم راني الحمد لله وقريبا راح تدخل تطمنكم

ام و ابنة · 2015-07-28, 14:32

السلام عليكن

غذانا انا و اختي و اولادي سقايط و بواقي

و العشاء بابا راهو جاي يتعشى عندي على جال ولادي توحشهم و يما مازالت غايبة بالاك غدوة ان شاء الله ترجع
و شرط عليا ما نكثرش و ما نبالغش مجرد عشانا البسيط تع كل يوم و الا يزعف و يروح ربي يحفظو و يشفيه و يهديه
على فكرة السلاطة انا وزوجي و اولادي ماناكلوهاش خلاص على هذي دايما اكلنا يبان بسيط بزاف بصح اليوم ان شاء الله ممكن نعملها على جال بابا نحاول باذن الله نصورلكم كلش

روضة تصوري اختي في عام و شهرين عمليتين قيصريتين و صدقيني و الله من نهاري في داري ننفس وحدي غير راجلي معايا و غالبا خدام و يما في العشر ايام الاولى تجيني يوم على يوم لمدة ساعتين او ثلاثة و تروح و ممكن مرتين او ثلاثة راجلي يجيب اكل من دارهم بصح انا روحي عزيزة نقولهم ما تتعبوش رواحكم
و الله من يومي نغسل وحدي ليا و للبيبي و انا كي نحمل نهيج عالاكل اخضر و يابس و لكن في النفاس ما نقدر نأكل والو و مع التعب و المسوولية و قلة الاكل حتى الحليب قليل بصح الحمد لله نقوم بروحي وحدي و ما يمن عليا حتى واحد و يشهد ربي نخرج نرفد اولادي في صدري بالبورت بيبي و نرفد ثقيل و نخدم خصوصا اني موسوسة نظام و نظافة و ترتيب
كي يكملوا اولادي شهر ندير عشاء لدار راجلي و الله و الله و الله غير من الاول للاخر وحدي يجوني ضياف و اذا كثروا يغسلوا الماعن مع اني نخدم و نغسل اول باول و بعدها بيومين عشاء لدارنا بصح الحق تعاوني فيه يما
و الحمد لله على كل حال انا دايما نقول ان التعب و المسوولية هوما اللي يخلقوا النساء و الرجال
فاعذروني اذا كنت احيانا نشتكي عندكم مع اني و الله بطبعي قوية و كوراج و صبورة و لكن احيانا نحب ننفس الضغط شويا برك

ام ياسين مبروك على الزهراء و نسيت شكون قالت حبت بنتها صيدلية يا ربي يعطوهالها نحب هاذ التخصص بزاف و كذلك الطيران و الهندسة ربي يوفق اولادكم جميعا و العاقبة لاولادي ياااااااااارب

ام ياسو انا ما نشربش القهوة و راجلي يشرب النسكافي الحمد لله يعملها وحدو بصح يما تحب القهوة تع البراس بشرط تجيبها من عند وحد الدراس مشهور هنا يرحيها قدامك داااايما تشكر فيها و تحبها غير هي

اسمهان بصحتك التحويسة ما تطوليش الغيبة علينا

اختي الرجاء الأماني المجد ما قلتيليش اميراتك كبار و لا صغار و مهبلينك و لا شوية برك

دايمة الشكر وشراكم مع السخانة فالبليدة قالي راجلي اذا نديك فاميلي شوب قتلو و الله ما نعفسها تعرفي علاش من سنوات كانت يما تداوي يوميا في السبيطار نتم الصيف كامل نروحو يوميانلحقوا للدار عيانين و شايطين هي قال قال مريضة بصح انا المرافقة ديالها كنت بصحتي و هكذاك تعبت و انحرقت في السخانة مع ان السيارة كليماتيزي و ما كانوش عندي ذراري هذاك الوقت

اواه حاوزوني انا خرفت راني غير نحكي في حياتي مانعرف وش صرالي
خلوني نخرج بكرامتي احسن

ام و ابنة · 2015-07-28, 14:33

قبل ما نحاوز روحي بره ان شاء الله راكي مليحة اختي ام محمد تاج انت و كل العايلة ربي يصبركم و يقويكم

دائمة الشكر · 2015-07-28, 14:48

مساء الخير اخت ام وابنة ربي يحفظك ويحفظلك اولادك نعمة المرأة انت
ولا على السخانة رانا نتشواو الله يأجرنا من حر جهنم اللهم امين
بصحتو باباك العشاء عندك ،احنا ثاني قليل وين يأكل زوجي السلطة وولادي مايحبوهاش خرجو ليا نأكل غير بيطراف فقط

صدفات · 2015-07-28, 14:50

أم و إبنة ما شاء الله عليك راكي محاربة من الدرجة الأولى عندك النيف و الكوراج و هذه طباع في الناس كاين لي كون تصيب الماء يوصلوهلها لفمها كي تنفس و عندهم الزهر و يلقاو لي يخدمهم و يتقلشوا ربي يكملك بعقلك و يعينك على التربية

زهرة الريف* · 2015-07-28, 14:59

السلام عليكم ورحمة الله وبركاته
كيفكم ياغاليات راني توحشتكم توحشتكم توحشتكم
أم وابنة واش راكي فضفضي حنونة والله غير نحب الفضفضة تاعك عفوية وحنينة وصريحة
الرجاء الأماني إن شاءالله تكوني بخير مع اميراتك
أم الزهراء مبارك لبنتك وللعايلة ربي يوفقها وعيشكم ليها وتشوفوها في أعلى المراتب
أم تاجو ربي يعطيكم الصبر ويرزق جدك الجنة ويسهلك
وداد أم أحمد وين راكي مشفتش اسمك
أم ماجد ربي يقوي الأفراح ويحسن عونك ويزين سعد بنتك وجميع بنات المسلمين
ليزا قمر دائمة الحمد روضة أم هبوبة سيماسيم أم هدول أم طيري الجنة أم إسلام أرزاق رحمة وهيبة أم أمنية والمازة وزينب83 واسمهان وأم مؤمن أم فاطمة وأم أيوب وآسيا وسماح وردة الشرق طير الرحمة أم سراج وملاك أم رحاب أم إبراهيم وIdrono وكل الأخوات ولي نسيتها تعذرني ماشي بالعاني هذا واش حضرني

دائمة الشكر · 2015-07-28, 15:02

مساء الخير اختي الريفية آه نسيتيني ياك انّا اخت دائمة الحمد ههههه صح عيدك وكل عام وانت بخير

ام و ابنة · 2015-07-28, 15:12

اختاي دايمة الشكر و صدفات الله يسلمكم
و الله الذي لا اله الا هو ما بالغت في كلامي بالعكس كاين اشياء ما حكيتهاش
و الحمد لله الشيء الوحيد السلبي اللي نخرج بيه من مثل هذه الظروف هو العصبية و قلة الخاطر و نحب الهدوووووء بشكل غير طبيعي و الباقي الحمد لله مهتمة ببيتي و زوجي و اولادي و حتى امي و اهل زوجي دايما نوقف معاهم في وقت الشدة
نطلب من ربي يقدرني و ياجرني و يصلحلي في وليداتي و يعينني على تربيتهم

اهلًا اختي الريفية توحشتك فعلا الصراحة هي اسمي الثاني نتمنى نتعلم شويا اللف و الدوران خخخخ