جزء ****138***من واش طيبتي اليوم ---عيد سعيد وكل عام وانتم بخير ----

[صدفات]

أم و إبنة ما شاء الله عليك راكي محاربة من الدرجة الأولى عندك النيف و الكوراج و هذه طباع في الناس كاين لي كون تصيب الماء يوصلوهلها لفمها كي تنفس و عندهم الزهر و يلقاو لي يخدمهم و يتقلشوا ربي يكملك بعقلك و يعينك على التربية

[دائمة الشكر]

مساء الخير اخت ام وابنة ربي يحفظك ويحفظلك اولادك نعمة المرأة انت
ولا على السخانة رانا نتشواو الله يأجرنا من حر جهنم اللهم امين
بصحتو باباك العشاء عندك ،احنا ثاني قليل وين يأكل زوجي السلطة وولادي مايحبوهاش خرجو ليا نأكل غير بيطراف فقط

[دائمة الشكر]

مساء الخير اختي الريفية آه نسيتيني ياك انّا اخت دائمة الحمد ههههه صح عيدك وكل عام وانت بخير

[زهرة الريف*]

أهلا اختي دائمة الشكر اعذريني وكذلك اختي عزوفة واخوات بزاف الله يبارك
راكم كامل فالبال العتب على النسيان
راني كنت غايبة وتوحشت اللمة والقصرة معاكم جيت ضربت طلة على خاطر نزيد نغيب
عندي ختانة ابن أخي وبعدها نروح لجيجل نقعد يامات

[زهرة الريف*]

وردة الشمس مبارك إفتتاح الكوزينة ربي يفتح علينا وعليكم أبواب الرزق والجنة ويسمعنا فيها الأخبار الزينة ااااااااامين
حلوياتك بسم الله وماشاء الله ربي يبارك فيك ويحفضلك الوالدة
وهذا باروكي

[زهرة الريف*]

شكرآ اختي أم وابنة وخليك واضحة وصادقة كيما راكي اللف والدوران يدوخ وماشي مليح
دائمة الشكر يبارك فيك اختي ارواحي نديك معايا عندنا شقق للسياحة في جيجل

[ام هاديل وياسين]

المشاركة الأصلية كتبت بواسطة الريفية

وردة الشمس مبارك إفتتاح الكوزينة ربي يفتح علينا وعليكم أبواب الرزق والجنة ويسمعنا فيها الأخبار الزينة ااااااااامين
حلوياتك بسم الله وماشاء الله ربي يبارك فيك ويحفضلك الوالدة
وهذا باروكي

بيعطيك الصحة ريفية قاطوك هاييل

[ام و ابنة]

اختاي دايمة الشكر و صدفات الله يسلمكم
و الله الذي لا اله الا هو ما بالغت في كلامي بالعكس كاين اشياء ما حكيتهاش
و الحمد لله الشيء الوحيد السلبي اللي نخرج بيه من مثل هذه الظروف هو العصبية و قلة الخاطر و نحب الهدوووووء بشكل غير طبيعي و الباقي الحمد لله مهتمة ببيتي و زوجي و اولادي و حتى امي و اهل زوجي دايما نوقف معاهم في وقت الشدة
نطلب من ربي يقدرني و ياجرني و يصلحلي في وليداتي و يعينني على تربيتهم

اهلًا اختي الريفية توحشتك فعلا الصراحة هي اسمي الثاني نتمنى نتعلم شويا اللف و الدوران خخخخ

[دائمة الشكر]

اختي الريفية راني غير نقصر معاك انّا نحبكم كامل اللي فالكوزينة نعم الأخوات يساعدو بدون كسل
مبروك على وليد خوك لعقوبة لعرسوا ان شاء الله وبصحتك التحويسة. وصورينا شوية مناظر ثم جيجل شابة وفيها مناظر خلابة
اخواتي تعلمت منكم بزاف أشياء والله عمري ولا تصورت نديرهم ربي يخليكم ليا ويحفظكم اللهم امين

[دائمة الشكر]

حلويات رائعة اختي الريفية. خصوصا هذاك سيجار الشكولاطة. بصحتكم
انّا جربت حلوة الكابريس تاع ام اماني كامل عجبتهم حتى ناس داري ذوقها هايل
روضة غير الخير

[ام هاديل وياسين]

مساء الخير قاع لبنات الي هنا ام ابنة الله يخليلكم الوالد اتهلي فيه وطيبيلو الحاجة الي يبغيها
داءمة الشكر كي جاك العصير والله كل منديرو وبنفس طريقة الهام بصح كي نشربوه وبالاخص
لولاد ديما يقلولي مليح بصح فيه مرورا معرفت وين المشكل

[ام ساجد عندها مدة عغايبو وقيلة من رمضان مشفتهاش الله يجعلها بخير

[دائمة الشكر]

الريفية ربي أيخليك تسلمي
ام هدول درتو يوميا في رمضان. و الهام قالت ديرو البرتقال الصغير وانا عمرو ولا جاني مر كنت نخير الحبات الصغار والقشرة انتاعها الرقيقة للشهادة يجي روعة بالاك انت درتي اللي قشرتو شوية خشينة

[صدفات]

يا ريفية جوعتيني قاطواتك ما شاء الله هايلين بصح لي في بلا وحده هذا وينه ما عرفتوش هذا كروكي
روضة ما يكون غير الخير إن شاء الله لباس والله كلمة الإستعجالات تقلق
أم هدول حبيبتي أنا كذالك في البداية كي درت العصير نتاع الأخت إلهام ربي يحفظها جاني بمرورة شوية وليت نرابي الزاست نتاع التشينة نحيه قبل ما نجمد اها جربي و شوفي
أم و إبنة بلا ما تحلفي راني مأمناتك انت من ذوات الدم الحامي ربي يحفظك لزوجك و وليداتك و تفرحي بهم بصح وحدة كيما أنت ما تقدرش تكون عجوز و عندها كنة في الدار ماتحملش ههههههههههههه

[ام هاديل وياسين]

و لله معرفت نظن هداك هوا المشكل درت الحبة الكبيرة بصح نقست من القشرة

مدرتهاش قاع نروح نوجد شوية سفنج ولتاي للاولاد عييت نستنى الحال يبرد ومزالها السخانة

نخليكم في امان الله

[الرجاء الاماني المجد]

مساء الخير ريفية بصحتك جيجل ومبروك لابن اخوك دائمة كيف الاحوال ام هدول وشراكي ريفية قاطوكروعة