الجزء 183 من واش طيبتي اليوم كوزينة القلب الصافي و الذراع الوافي

[nihal159]

غراتان البادنجال، نحبو سخون، من الفرن الى طاولة التقديم.

[nihal159]

كسرة رخساس الله الله مع لوبيا فصاصة، واش نقولكم لا اله الا الله سيدنامحمد رسول الله.

[nihal159]

و في الاخير، هذا هو اجمل طبق نكافئ به نفسي، كسرة سخونة من الطاجين مع زيت زيتون

[Fifilondon]

السلام عليكم لبنات الكل واش راكم واش حوالكم
امنية غفران يلحبيبة نعتذر منك مانيش نشارك بزاف la grippe راهي دايرة فيا حالة لكن صراحة لبنات ماراهمش مقصرين الله يبارك كل شيء يهبل من مالح لحلو
ام اسلام اهلا حبيبتي وربي يحفظك على كلامك لجميل وبالنسبة لسوالك هداك ماشي كيك راهو بريوش ايطالي بالزبيب والفواكه المجففةشريتو مخدمتوش ته وجهي يخرجلي هكداك خفيف وهش ههههه
ام يوسف تهنيتي من الضرسة ربي يحفضلك صحتك ملتزيدش دور بيك الم ابضرسة ان شاء الله

[oum islem]

المشاركة الأصلية كتبت بواسطة nihal159

و في الاخير، هذا هو اجمل طبق نكافئ به نفسي، كسرة سخونة من الطاجين مع زيت زيتون

وهاذا أهيل طبق عندي نموت على المطلوع سخون بزيت الزيتون
واش نقولك غمست حتى دخت
يعطيك الصحة نهولة

[nihal159]

المشاركة الأصلية كتبت بواسطة oum islem

وهاذا أهيل طبق عندي نموت على المطلوع سخون بزيت الزيتون
واش نقولك غمست حتى دخت
يعطيك الصحة نهولة

الله يسلمك أم إسلام؛ بصحتك؛ أرواحي نكملو الزردة عند أم فاطمة دارتلنا المسفوف بالبن واش نقولك ههههههههه

[أم فاطمه]

السلام عليكم نهاركم سعيد اخواتي

طيور بصحتك التريدا وشكرا على الكلام الزين
ام يوسف الحمد للله قلعتي الضرسة وتهنتي وانا صبحت مبكرا ودخلت القطو باش تتقهوا ي حبيبتي

اهلا نهال نستني ماعليش انا قلبي كبير هههههههه الله يبارك كلش يشهي بصحتك والكسرة مع زيت الزيتون مممممممم تحياتي

[nihal159]

المشاركة الأصلية كتبت بواسطة أم فاطمه

السلام عليكم نهاركم سعيد اخواتي

طيور بصحتك التريدا وشكرا على الكلام الزين
ام يوسف الحمد للله قلعتي الضرسة وتهنتي وانا صبحت مبكرا ودخلت القطو باش تتقهوا ي حبيبتي

اهلا نهال نستني ماعليش انا قلبي كبير هههههههه الله يبارك كلش يشهي بصحتك والكسرة مع زيت الزيتون مممممممم تحياتي

أهلين بالغالية أم فاطمة؛ بلاصتك فالقلب علابيها ردي على مشاركاتك بقى في قلبي و ماكتبتوش هههه سامحيني يالغالية و الله شفت كل أطايبك و الصابلي لعزيز الله يبارك كلشي من يديك تحفة يا نوارة الكوزينة.

[سحابة باردة]

صباح الخيرات على حراير كلشي من يدكم علامة
أم إسلام وأخير شفت طيباتك محترفة الله يبارك يعطيك الصحة متنسيش تعاودي تزورينا
أختي مياسم طارت الليمون تهوس يابخت اللي أستمعو بطعمها موش غريب على شاف كل هذا الإبداع يعطيك الصحة والعافية
أم هدول شخشوختك تشهي عندو الحق المسيو يكومنديها سبيسال بصحتكم
أم فاطمة راني رفدت حبيبة صابلي أممممم روعة يعطيك الصحة
أم يوسف ربي يتمم الشفاء
نهولة وأخير رجعتينا بأطباق خمس نجوم كلشي روعة وبيانوسور أنا ندي الهامبرغر بشابو
فيفي ربي يشفيك من لاقريب
أمنية قريب ننساك يمولات الخيمة ينساك الهم عندك الحق تزعفي من اللغة الغريبة ليخرجتلك
بصح أداني الفضول نعرف واش قولتينا هههههه
في إنتضار التشاراك الجديد
نتمنى منسيتش حتى وحدة

[أم يوسف2]

ام فاطمة قتلتيني بالقدر والاحترام ربي يخليك ويحفظلك وليداتك
لحد الان مالبارح ماتعشيتش واليوم مازال ماكليت والو جعت اخههخخ
الدم مازال ماحبسش
فيفي بالشفا هليك حنونة
نهولة ضك تطيحي بوصفة الكسرة ماشاء الله هادي لي دايمن نحلم بيها

[nihal159]

المشاركة الأصلية كتبت بواسطة أم يوسف2

ام فاطمة قتلتيني بالقدر والاحترام ربي يخليك ويحفظلك وليداتك
لحد الان مالبارح ماتعشيتش واليوم مازال ماكليت والو جعت اخههخخ
الدم مازال ماحبسش
فيفي بالشفا هليك حنونة
نهولة ضك تطيحي بوصفة الكسرة ماشاء الله هادي لي دايمن نحلم بيها

أم يوسف بالشفا عليك إن شاء الله؛ الضرسة واعرة؛ الحمد لله تهنيتي منها.
لكن الدم مازال يسيل ملبارح؟؟ هذي شوية صعيبة؛ لازم ترجعي للدونتيست باش يكويلك العرق و يحبسلك الدم.
شكرا حبيبتي على المجاملة؛ فرحت بزاف أنها عجبتك.

[أم يوسف2]

سحوبتي وشراكي ان شاء الله بخير
كنت نقرا فكتيبة امنية ونضحك وقعدت نهبط قلت بالاك التحت الكتابة عادي لكن مسكينة غاضتني

[فردوس الرحمان]

نهال هدا لطف منك ، البوراك التركي خدمت وصفة ام وليد ،الهمبرغر مخلاش فيا لازم نجربو في اقرب وقت

[أم يوسف2]

نهولة اليوم لي نحيتها والسطر كان مقبل
كسرتك صح هايلة ومني بصح ولله اعطيلي وصفتك

[nihal159]

المشاركة الأصلية كتبت بواسطة أم يوسف2

نهولة اليوم لي نحيتها والسطر كان مقبل
كسرتك صح هايلة ومني بصح ولله اعطيلي وصفتك

بالشفا عليك أم يوسف؛ أنا مافهمتش مليح؛ في بالي نحيتيها لبارح.
بالنسبة للكسرة؛ أنا نكيّل بعلبة تاع مرغرين لابل 250 غ؛ نعبّر بها السميد؛ كل علبة ديرلي خبزة واحدة.
علبة سميد+3 ملاعق أكل كبيرة زيت+ 1 ملعقة صغيرة ملح+1 ملعقة صغيرة خميرة و نلم كلشي بالماء الدفئ؛ نعجن شوية و نغطيها بكيس بلاستيكي و نخليها ترتاح ساعة تقريبا.
بعد ماترتاح نعجنها مليح مليح حتى تحسي العجين رطب؛ ندير الطاجين يسخن و نطرح الكسرة و نلوحها مباشرة فالطاجين؛ السر أنو بعد ماتعجنيها مليح تطرحيها مباشرة ماتخليهاش تزيد ترتاح.