الجزء 183 من واش طيبتي اليوم كوزينة القلب الصافي و الذراع الوافي

[ام هدول]

والله ياامينه حبيبتي كا علابالي خلي اسع ينعدل المتصفح تاعك ويرحمها ربي....انا شخصيا نتصفح عادي مافهمتش ويننو المشكل نتاعك....?!

[ام هدول]

ماعليش امينه روحي ريحي .ِ..انا تاني نحط برك لعشا....لي نفحتلو عليه س السيد ...قالك سخفت علىى ااشخشوخه....حنا نقولولها
تريده الطاجين.....
ودرت عصير الجزر.....

[ام هدول]

البنات راجعت ماشاء الله.....عليكم هايلين .......تبارك الله ...ام اسلام....مياسم....امي جنتي...سحوبه...سعيدة.ِ..رزيقه
الله يحفضكم ويديم النعمة ويرزقكن من حيت لا تحتسبون ..
ام اسلام اسمحيلي نشتي نضحك برك ربي يشفيك....يارب....

[ام هدول]

المشاركة الأصلية كتبت بواسطة ملاك ملاكي

صباح الخير للجميييييع+++موااااااحاااتي الحارة لكل واحدة فيكم حبيباتي
اعتذر والله ماااني مراجعة حاجة والله دخلت على جال هدولتي عيطتلي اختي امي جنتي قاتلي راكي درتي عييييب في ام هدول واااااع والله اعتذر موش بالعاني كي قتلك كنت في دارنا وامس روحت ماكانش النات..... الصباح هادي لقيتهم سلكوها هاهاهاها المهم حبيبتي اعتذر وااااي ليك الوصفة لي انا معتمدتها من بديت نلبز تفضلي حبيبتي
العجينة ومقاديىها بالترتيب:
250غ فرينة+125غزبدة بحرارة الغرفة+برش ليمونة او فاني+م. ك سكر+رشة ملح+صفار بيضة.... ولمي الكل مع بعض حتى تندمج المكونات (خليط رملي) واذا ملتلمتش ضيفي تقريبا 2م.ك ماء بارد جدا ولميها وخليها ترتاح في الثلاجة لمدة(30_45د)
اطرحيها في مول او دي مول واثقبيهم جيدا وحطيهم يطيبوا..... بعدها عمريهم بالكريمة.... ثم زيني بشرائح التفاح نوعا ما رقيقة ثم رشي رشة سكر عادي وحطيهم في الفرن (لون ذهبي)
الكريمة:
من جهة نص لتر حليب على النار حتى يغلي
ومن جهة اخرى 2بيض+100غ سكر عادي+60غ نشاء=5م.ك+برش ليمونة+فاني... وضربي الكل مع بعض تم ضيفي تقريبا كاس حليب يغلي وخلطي.... تم فرغي الخليط كاملةفي كسرونة ورديه على النار مع التحريك باستمرار حتى تعمل فقاعات طفي التلر وكملي التحريك حتى تصبح ملساء+م. ك زبدة وحركي جيدا... فرغيهاةفيةصحن غامق وذري عليها رشة شكر عادي وغطيها بالبلاستيك وحطيها في الثلاجة وعنج الاستعمال عاودي حركيها مليييح وحطيها في لابوش ادوي



واعتذر منك والله ماكان قصدي نهرب بالوصفة هاهاهاها نتمنى تجربيها ونشوف تطبيقك

يالا خلي نبدا في المحااااربة هاهاهاها بما انه ملاكي الصغير رقد ولي عودة باذن الله

حبيبتي ياعمري حشمتيني بلطفك وكرمك والله نحسكم انت واختك كي بناتي....ربي يبارك في كن..

شكرا الف شكر....ونتمنى من كل قلبي التوفيق والنجاح لامي جنتي...الشاوية الحرة....ربي يسعد ايامكن.....

[مياسم الصمت]

السلام عليكم ورحمة الله وبركاته
صباحكم خير




بارك الله فيكم ويعطيكم الصحة على الأطايب

كلكن رائعات


بالنسبة لحبيبتنا أمنية اعتذر منها عما حدث ونصيحة لها وللجميع
اذا كنت تستعملي الكومبيوتر قبل ما تعملي ادراج لردك انسخيه أولا في الوورد كما هو به بالاقتبسات
وذا خرج لك فاسد لما تحطي الرد عاودي انسخيه
و الا فتحي متصفح آخر و انسخي الرد فيه كأنك رايحة تردي و اذا فسد لك عندك الاحتياط


او اذا كنت تستعملي التابلات او الهاتف اظن تقدري ترجعي للخلف لما تلقي مشكل كما هذا و تحطي ردك من جديد و تحذفي المشاركة الفاسدة


للأسف هذا الخلل يظهر لدى البعض ربما بسبب المتصفح و لما تكون النت ضعيفة


المهم واش نقولك وصلت نيتك الطيبة

[أمنية غفران]

عزيزاتي الكريمات صباحكم بالخير

شكرا أختي مياسم أنا نستعمل الكمبيوتر والنت عندي 4G خلاص نولي ندير طريقة النسخ عندك الحق و الله يا البارح كي شفت هاديك تشينg شونg قريب نقلع شعري إن شاء الله العشية ندخل و نعاود شا حكيت ههههه قعدت في قلبي ههههه
بغيت نسقسيك برك على الأقماع الروسية كيفاه عامل ما صادفنيش في الطريق إحم إحم معليش نشقوك حطيلنا صورته تعيشي

وقيلة فطورنا العدس يمي يمي

نهاركم طيب و ربي يعينكم

[أم فاطمه]

السلام عليكم اخواتي الكريمات صباح الخير واليسمين على زهرات الكزينة الله يبارك عليكم


.


.

.


.

اهلا امينة ام هدول طيور ام يوسف سحابة رزيقة حياة فيفي نهال ام جنتي ملاك كلكم رائعين

[طيور الجنان]

صباح الخير و لهنا دخلت مع قاطو ام فاطمة يعطيك الصحة كل يوم تحطيلنا الفطور ربي يدوم النعم.
امنية علابالك انا تقلقت في بلاصتك هههههه ياخاه الرد هذاك كامل راح هكذاك انا تاني صراتلي هذاك النهار كنت رايحة نبكي ههههههه. بصحتكم العدس مع نهار اليوم فيه البرد .
ام هدول بصحتكم الشخشوخة الله الله من يدين حرة بصحتكم.
مياسم الصمت لاطارت خرجت هااايلة حتى الفكرة بانت تبان هايلة مختلفة على العادي ماشاء الله عليك.
الماسة النادرة بصحتكم البطاطا.
عشايا كان غراتان الماشطو مع البطاطا و البيض

[nihal159]

صباح الخير لبنات؛ ذخلت على شخشوخة أم هدول؛ رووووعة بصحتكم.
لبنات الله يبارك كلشي من يديكم بنين و رائع؛ أنا للأسف مازلت مانقدرش نذخل للمنتدى بالطابليت؛ راني نصوّر في طيابي لكن ماقدرتش نشارككم به؛ إن شاء الله نبقى نحاول حتى نقدر نذخل.

[أم يوسف2]

صباح الخير اليةدوم نحيت ض رستي تهنيت منها

[nihal159]

الله يبارك على حلويات أم إسلام يممممممي و كأنهم من محل للحلويات؛ خدمة نقية و متحوفة؛ الله يبارك أبدعتي.
أمي جنتي؛ الصابلي يهبل؛ يعطيك ألف صحة و عافية.
مياسم الصمت؛التارت هايلة و الكباب أهْيَل ههههههههههههههه و البيتزا ما خلاتش ههه بصحتكم .
أمينة عندك الحق تزعفي؛ كتبتي جرنان طويل عريض و خرج بالشنوية ههههههههه بصحتكم طرطة البادنجان معشوقي ههههههه
بسم الله ماشاء الله؛ زيكا يعطيك ألف صحة هذي كسرة و عليها لكلام؛ خرجتلك روعة فوق الخيال؛ بصحتكم.
إلهامو البرك التركي و طارط التفاح ماحصلوش على قول لمصاروة ههههههه خرجولك تحفة؛ من فضلك كيفاش درتي البرك التركي؟
ملاكي طارت التفاح روووووعة؛ سحابة تاني تطبيقك هايل لتارت التفاح يعطيكم الصحة.
أم هدول البيني خرجلك فوور بصحتكم.
سحابة عندك واحد الجلبانة ياختي تسيّلي ريوقي و زدتي المرة هذي حمّرتي الدجاج يميييييي ماكيش ناوية تفهمي روحك و تعرضيني هههههههههه
طيور الحمص رائع و هذا مايليق فالبرد و لبنيي روعة؛ بصحتو معز.

[nihal159]

ياهوووووووووو الحمد لله انتهى الحصار و ادينا الأستقلال ههههههههه و أخيرا قدرت نكونكتي بالطابليت، الله غالب جا القسم مختلط سينون راني درتلكم عرس كيما لي درناه العام اللي فات في قسم دردشة البنات ههههههه سقسو سحابة و سعيدة راهم مازالو يتفكرو تشيواي واي واي هههههههههههههه.
المهم نبدا بالعشاء تاع اول نوفمبر ههههه عيش بالخضر و زيت الزيتون يالهوي عشاء يليق بالمجاهدين ههههه

[nihal159]

هذا الهمبرغر، شوفو نضرة ذاخلية هههههه فيه لفريت، فيونداشي، بيضة مقلية، شرائح من البصل، خس، شريحة طماطم، كتشاب، مايونيز، جبن يالهوووووووووووي يفك من حبل المشنقة على قول المصريين

وهذي نضرة خارجية ههههه بعد مالبستلو الشابو تاعو هههههه

[nihal159]

كسرة الشحمة بكل فخر و جدارة و استحقاق و بنة و حرور ههههههههههههههههههه

[nihal159]

غراتان البادنجال، نحبو سخون، من الفرن الى طاولة التقديم.