وصفات حراير الكوزينة الجزء الثاني

[idron0]

حلوى تاج لعروسة yasmalak

العجينة ديري 250 فرينة قرصة ملح و بسسيهم ب 60 مارغرين دايبة
و اقسمي على زوج
الاول ديريلو كولوغون موف مخلط فالما زهر
ولتاني ديريلو كولوغون غوز
و عقبي العجينة فالماشينة فالرقم 1 شعال من خطرة
حتى يدخل اللون مليييييييح

إضغط هنا لرؤية الصورة بحجمها الطبيعي.

الحشو ديري 250 لوز 150 سكر وزاست حبة قارص و فاني ولمي بلبيض
حلي العجينة الموف ف 2 4 5
و غطسي هدا الطابع في ما زهر مخلط بالكولوغون موف
واطبعي بيييه

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

اومباعد ديري هكا بالبيك والا موس

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

ديري للوز30 غ و حطيها فالنصص
و طلعي الريشات فالنص
دخليهم ملييييح باش مايخرجوش

إضغط هنا لرؤية الصورة بحجمها الطبيعي.

حلي العجينة الغوز بنفس الطريقة
برك قطعيها بالمول الدائري ويكون كبير تاع 90 ملم

إضغط هنا لرؤية الصورة بحجمها الطبيعي.

اطويها على زوج ودخلي الاطراف ولميييها باش تولي وردة
قطعي العجينة الزايدة من تحت
وارشقيها فالحلوى بالبيك والا بكيردون
ودخليها مليييح
كي تطيب عسليييها

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[idron0]

تارت الفراز ام سهام 02

العجينة 250غ فرينة +125غ زبدة طرية +2مك عسل رشة وفانيلا ولمي بحليب بارد ونخليها ترتاح امنبعد نحلها اندريها في سنيوة وانطيبها.
كرام باتسيار
2كيسان حليب +1بيض +5مك سكر +3مك ميزينة الكل في كسرونة على نار هادئة مع التحريك المستمر حتى تثقل نطفي ونضيف عطر الفرولة وقطعة زبدة.
ونفرغها فوق التارت اونزينها بالفراز وندهنها بالجولي.

إضغط هنا لرؤية الصورة بحجمها الطبيعي.

[rahma2014]

شكشوكة السلق وشكشوكة البطاطا لام سراج وملاك

شكشوكة السلق

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

نغسل اوراق السلق جيدا بالماء والجافيل نقطعهم قطع صغيرة من جهة نقلي بصل مقطع مكعبات مع شوي ثوم وشوي زيت وشوي ملح وفلفل اسود وشوي كمون نضيفلو طماطم الحب مطعة مكعبات ومعاها نصف مغرف كبيرة طماطم الباط ممكن تستغناي عنها ومغرف صغيرة هريسة لتحب الحار نقليهم ونزيدلهم السلق مباشرة كي يطيبو نزيد بطاطا مقلية مكعبات و نضيف بيض حسب الكمية انا درت ثلاث بيضات مع شوي دبشة لي تحب تزيد اللحم المرحي تزيد انا مدرتوش

وهاذي ثاني شكشوكة سهلة حطيتها في كوزينة زينب نزيد نحطها هنا

شكشوكة عادية وسهلة التحضير

درت فيها حبا ت بطاطا مشرشمين يعني غليهم في الماء وقشريهم وقطعيهم مكعبات من جهة قليت البصل شرائح في شوي زيت وزدت معاه فلفل حلو مقطع صغير وحبة طماطم الحب وثوم وشوي فلفل اسود وشوي ملح وزدت بطاطا المشرشمة مقطعة وحطيتها فوقهم زادو طابو مليح تقدري تزيدي بيضات من فوق مع شوي دبشة

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[rahma2014]

تحلية لعازفة الناي
لتحلية سهلة و سريعة و بسيطة -وامممممممممممممممممممممم تهببل تهبل
قاطو البودوار
كريم شانتيي طلعتها بالياغورت
كمية من الفواكه عملت ( فراز - تفاح - موز - برتقال قطعتهم مكعبات صغيرة و زدت عليهم ملعقة سكر قلاسي و رشة ماء زهر و خليتهم 15 د )
عملت طبقات كالتالي : بودوار و خليط الفواكه و شانتيي و بودوار و خليط الفواكه و الشانتيي ممكن تزيني بحسب الرغبة انا عملته عادي
البودوار راح يتشرب بالعصير اللي تطلقه الفواكه و يجي اممممممممممممممممم
والله طعمه رهيب و سريع
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[rahma2014]

زلابية المقروط لوردة الشمس

الوصفة درت العجينة 2غرفيات دقيق +1غرفية فرينة +غرفية ناقصة زيت(تكون ناقصة صبع او 2 متعمريهاش مليح )+ملح +شوية خميرة القاطو +ماء الزهر +ماء
اخدمي الزيت مع السميد والفرينة + الملح+الخميرة حكيها كيما المقرود ونبعد بليها بالماء مخلط مع ماء الزهر حتى تتحصلي على عجينة طرية اقسميها على 3 وخليها ترتاح واخدمي الغرس مليح واقسميه على 3
اطرحي العجينة ماشي بزاف وطرحي الغرس وحطيها فوقها ورولي تتحصلي على حربوش قصيه دوائر واقليه في زيت غزير وعسليه وحطيه يقطر هادي تخرجلك الكمية لي فالسحن ناقصة بعض الحبات كليناهم انا وماما مصبرناش نتمنى تكوني فهمتني
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي..

[idron0]

نقاش عفاف الجزائرية بنصائح أم أماني ام لجين هيثم

3كيلات فرينة ,كيلة معمرة مليح سمن ذايب و دافىء تنتقصي من الكيلة الربع و تعمريها بالزيت ,صفار بيضة ,3ملاعق سكر رطب تعجن بماء الزهر الغرس طبعا يكون مدوزن من القرفة و الجنجلانية .






حلوى للمشروبات ام لجين هيثم

250غ زبدة أو مرغرين ,كاس سكر رطب ’فاني ,2صفار بيض ,قرصة خميرة و تلمي بالفرينة تكون العجينة طرية نديرها في الصحون الحديدية تاع الترتولات الصغار و نديرهم يطيبو بعد ما يبردو نعمرهم بالنوتيلا وندير الميرانق
2 بياض البيض 200 غ سكر أحرش و قرصة ملح نخدمهم فوق حمام مائي حى يطلع مليح منبعد نزيد 3مغارف سكر رطب ونضرب مليح بالباتور حتان يبرد ونزين بواسطة لابوش ساير داير على الحبة و نخليه ينشف مليح بعدها ندير السيقار و حبة توت كحلة في الوسط .

إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.

[rahma2014]

وصفة ام رويدة

طاجين الفنيانات ههه

بما ان البصل الاخضر الطويل متوفر وهو صراحة بنين على المدور

تعملو بيه هاد الوصفة وجي راائعة

تنقي البصل وتغسليه وتقطعيه صغير وتحطيه يتقلى في زيت وملح وتوابل وتزيدي معاه راس فلفل حار
غير يتقلى شوية ضفي حبة طاطم كبيرة مقطعة مكعبات حتى تطيب

كسري عليه البيض بعدد افراد العائلة وغطيه حتى ينشف البيض بلاما تحركي يعني كما تديريه اوملات زينيه بالمعدنوس راح تتحصلي على طبق بنين وزاهي بالالوان الاخضر الاحمر الاصفر

وتقدري ضيفيلو لحم مفروم

[rahma2014]

وصفة عطر الذهب

فريت اومليت بالطون
تقلي البطاطا مدورة وتقسميها على جزئين
تحطي الجزء الاول في المقلاة وتخلطي علبتين طون منزوع الزيت مع 4بيضات وشوي ملح وفلفل اكحل وهريسة وحشيش وتصبي الخليط فوق البطاطا وتحطي الجزء الثاني من البطاطا وترابي فوقها الفورماج وتطيبيها كيما موالفة تتحصلي على طبق اممممم رووووووعة وتحطيه حتى للضياف الغفلة

[rahma2014]

وصفة عطر الذهب
ارز مفور بالدجاج
تحطي الارز يغلي 8 دقايق في ما وملح وفي هذاك الوقت فوحي الدجاج بالزبدة والزيت وتوابل وملح وثوم وحطي الدجاج يتحمر في الفرن
صفي الارز وتبليه بنفس التتبيلة وحطيه يفور
كي يطيب الدجاج يطيب الارز وتحطيه مرفوق بالزيتون والحشيش من فوق

[rahma2014]

وصفات زهروان
حلويات زين وهمة من مطبخي



إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.


المخبز :

-المقادير’,

-3كيلات لوز مرحي.
-كيلة ونصف سكر ناعم.
-مبشور قشور حبة ليمون.
-3او4 حبات بيض (حسب الحجم)
-ملعقة كبيرة مسحوق فانيلا.

-الطلية او الطلاء’,

ملعقة من عصير الليمون.
-ملعقة صغيرة من الزيت.
-5 ملاعق كبيرة من ماء الزهر.
سكر ناعم

1- احضرى وعاء متوسط الحجم ثم ضعى به اللوز المطحون مع اضافة السكر الناعم و الفانيلا و بشرائح الليمون
2- اخلطى المحتويات السابقة معا جميعا جيدا , ثم ضيفى البيض و اعجنى مرة اخرى حتى تحصلى على عجينة متجانسة و طرية

3- انثرى مقدار من الدقيق على سطه خشبى مستوى ثم افردى العجينة بالنشابة

4- افردى العجين بحيث يتكون لديك شريحة من العجين بسمك 3سم من ثم قطعيها الى اشكال مختلقة ( حسب الرغبة ) مربعات أو مثلثات أو دوائر …الخ
5- ساوى اضلع الاشكال بحرص شديد دون ان تمسيها من أعلى حتى تحتفظ بشكل مقبب جميل

6- احضرى صينية خبز مدهونة بقليل من الزبدة و مرشوشة بالدقيق مع اشعال الفرن على درجة حرارة متوسطة 150° 7
- حطي الاشكال السابقة فى الصينية و ادخليها الفرن كى تخبز لمدة 15 دقيقة إلى أن تنضج و يصبح قاعها ورديا اللون
8- اخرجى الصينية من الفرن و اتركيها تبرد قليلا

حضّرى الطلية :

1- احضرى وعاء عميق ثم اخفقى به بياض البيض , من ثم ضيفى عصير الليمون و الزيت ( الزيت يعطي الطلية بريقا و لمعانا)

2- اضيفى ماء الزهر و السكر الناعم تدريجيا مع استمرار الخفق إلى أن تحصلي على طلاء سائل نوعا ما يسقط من الملعقة .
3- اختبرى درجة سيولة الطلية على احدى الحبات و إن سال أضيفي مزيد من السكر الناعم

4- اغمسى حبات المخبز فى الطلية بحيث تغطى وجهها و الجوانب و ضعيها على رف سلك لتقطر و تغطى اطرافها بتجانس بالطلية

5- اتركى المخبز يجف من 12 إلى 14 ساعة من ثم ضعيها فى كاسات الورق للتزين للتزين : يمكنك اخذ مقادير صغيرة من الطلية و تلوينها بألوان مختلفة من ثم زينى بها المخبز بعد ان يجف تماما و ذلك حسب الرغبة يمكنك ايضا اضافة نقط الشكولاطة الذائبة زينيها بعجينة اللوز.
++++++++++++++++++++++++++++++++++++++++++++++++++ +++++++++++++++++++



إضغط هنا لرؤية الصورة بحجمها الطبيعي.



فوااكه بعجينة اللوز

المقادير :
كيلة لوز بودرة
1كيلة سكر ناعم
2 بياض بيض
فانيلا
ماء الزهر
ملون غدائي
......

الحشو :
1 كيلة بسكويت مرحي مطحون
1 كيلة لوز مرحي
عسل
......

كيفية التحضير:

في وعاء ضعي اللوز والسكر اخلطيهم جيدا مع بعض + قليل من الفانيلا ، أضيفي بياض البيض مع قليل من ماء الزهرتدريجيا حتى تحصلي على عجينة ملساءوسهلة الاستعمال قسميها إلى كريات متساوية يمكنكي تلوين بعضها مثلا لصنع مشماش لونيها بالبرتقاالي الفاتح ..
تغطى بورق السيلوفان.

حضري الحشو بخلط البسكويت + اللوز وأضيفي العسل لتحصلي على عجينة طرية كوني كريات بحجم نواة الخوخ
*خدي عجينة اللوز وشكلي كريات صغيرة قطرها 3سم ،
احشيها بكريات من عجينة البسكويت وشكلي فواكه على ذوقك مثلا تفاح ، خوخ ،لوز
زيني الفواكه بالأغصان(أعواد حب الملوك) والأوراق(عجينة اللوز خضراء) أتركي الحلوى تجف. يكمنك رش قليل من السكر الناعم على الوجه وقدميها في حاويات ورقية . يمكنك أن تضيفي لكل نوع فاكهة نكهة خاصة(extrait) بها عند خلط العجينة مثلا نكهة المشماش لحبات المشمااش ونكهة الخوخ للخوخ...


++++++++++++++++++++++++++++++++++++++++++++++++++ ++++++++++++++++++++++

إضغط هنا لرؤية الصورة بحجمها الطبيعي.



حلوياات بوسو ولا تمسو :

بوسو ولا تمسو حلوى قديمة اقتضادية و غير مكلفة و تذوب في الفم

المقادير
250 غ مارغارين
1 كوب سكر ناعم ( 120غ )
3 صفار بيض 1
كيس خميرة حلوى
200 غ نشا
مبشور وعصير 3حبات ليمون
فرينة ( طحين )
ماء ورد االبرتقال
سكر ناعم

التحضير :
في إناء نخلط المارغارين مع السكر ونمزجهم جيدا ثم نضيف صفار البيض ، النشا الخميرة ، مبشور وعصير الليمون نجمع الكل بالفرينة حتى الحصول على عجينة متجانسة ( تاخد تقريبا 500 غ أو أقل ) فوق طاولة عمل نشكل عصي ونقطع معينات نخبزهم في فرن مسخن مسبق بعد الخبز نتركهم يبردوا ثم نغمس المعينات في ماء الزهر ثم نرمدهم في السكر ناعم


[IMG]

https://www.djelfa.info/vb/attachment...0&d=1428576695

إضغط هنا لرؤية الصورة بحجمها الطبيعي.


البناات لي عندها فيديو انتاع هذي الوصفة يحطها هنا ا صراااحة اعتمدت على نفسي في تحضيرها لحقت عليها في ااخر الحلقة في قناة سميرة وعجبتني بزاااف

شفت الا طريقة التقديم فقط ومالحقتش حتى على اسمها كيفااش يسمووها وواخترعت لها اسم لي روشي بالقرقاااع

بصح سلكت رووحي واعتمدت على نفسي وحااولت اني نحضرها كيما شفتها

طريقة تحضريها نفس طريقة تحضير المخبز الا اننا نعمل اتصااابع باللوز او الكاوكاو وندهنها بباض البيض ونلصق القرقااع في الجواانب وندخلها في الفرن .

[idron0]

بطاطا سريعة في الكوكوط دائمة الحمد

البطاطة تنقيها وتقطعيها عادي وتحطيها في غميقة وتعمليلها الثوم مرابي الملح التوابل الي عندك عصرة قارس والموتارد كمية زيت وتخلطيها وتغطيها وتخليها وحدنص ساعة تشرب هذوكالتوابل
من بعد حطي فنجان ماء فالكوكوكط وفنجان زيت وخليهم يسخنو وارمي البطاطا بكلها بلي معاهاوقلبيها مليح وفطعي فوقها حبة والا 2طماطم واغلقي عليها الكوكوط ونقصي النار ربع ساعة وحلي عليها ا ومسيها اذاكان طابت طفي النار والا ما طابتش رجعيها تكمل ماتحركيهاش كي تطيب صبيها طول من الكوكوط للصحن يعني اقلبي الكوكوط راهي تعود زبدة باش ما تتفتتش وزينيها بالمعدنوس.

إضغط هنا لرؤية الصورة بحجمها الطبيعي.

[idron0]

قاطو بيمو ام سراج و ملاك

تكيلي باي حاجة نتي والكمية لحبيتيها اول حاجة كيلة سمن ذائب + كيلة حليب + نصف كيلة سكر ارطب + حبة بيض + فاني + فرينة تلمي بيها العجين
الحشو : نواد كوكو + معجون + عصير حبة قارص او كاوكاو + معجون وعصير حبة قارص
التحضير : تخلطي جميع مقادير العجين حتى تتحصلي على عجين طري تخليها ترتاح ربع ساعة ثم ابداي العمل نتاعك حلي العجين بالحلال شكلي دوائر ديري الحشو في الوسط ثم رولي على شكل هلال مثل طريقة التشاراك كي تخلصي العجين نتاعك دخليه يطيب في الفرن كي يطيب تكوني وجدتي قاطو بيمو مرحي باط من الاحسن كي تشري قاطو بيمو اشري باط لي لونو ازرق لانو الازرق مذاق نتاعو بنين وتكوني موجدة لعسل اغطسي حبة القاطو في لعسل مخلط مع ماء الزهر ومبعد مرمديه في قاطو بيمو مرحي ارطب متتصوروش واش المذاق نتاعو بنين بالنسبة للمكيال لي كيلتي بيه مهما يكون الحجم نتاعو حبة البيض موجودة سواءا كان كاس او طاوة او اي حاجة استعملتيها شوفي وتقدري ديري زيقزاق من فوق بالشيكولا.

[idron0]

قاطو الكربونات fadila34

250غ مقارين+3بيضات+1كاس سكر+2مغارف صغار كربونات+نصف كاس عسل+فرينة
تلميها كامل مع بعض وتقرسيها فى البلاطو وتحطيها فى الفرن كي طيب تولي عجينة بنية من العسل والكربونات كى تبرد زينها وش حبيتي
شكولة او كنفتور ورشي الكاوكاو او نوت كوكو وليكي الاختيار .

[idron0]

قاطو بالفلان ام سراج و ملاك

250 غ زبدة اي نوع + باط فلان فراز + تقريبا نص كاس سكر ارطب خطراه لفلان حلو + وفرينة تلمي بيها لعجين ذوقو كيما لغروبية هاذا مافيه مكونات العجينة تجي وردي شكلي دوائر بالكاس ولصقي كل زوج حبات مع بعض واغطسي الحبة من فوق بالشيكولا بيضاء وديري زيقزاق بالشيكولا السوداء الزيقزاق كيما حبيتي كيما نتاع الملفاي ولا عادي يجي لونو وردي مع الابيض روووووووووعة.

[idron0]

البنيون oum islem

نيسلي كراميليزي نوتيلا معجون مشمش شامية وكمية مليحة من الكاكاو الاسود نحمصو ونخليه يبرد مليح نغربلو ونضيفو للخليط ونحرك مليح وندير رشة ملح
من جهة اخرى نخلط الكاوكاو محمص ومرحي وبسكويت بيمو 9الات مرحي ومرات نزيد شوية نواد كوكو او كمية من المكسرات ونعجن بالخليط الأول
نديرو في قوالب السليكون تاع التاج مثلا
نذوب الشكولا نحطها في القالب ونرجع الحبة قبل ما تنشف الشكولا ونزين بالبيستاش وحلقومة التوت
ولي يحب لبريون يدير ولا ناكري من فوق
وهذا ماكان
وكي يبقالك الخليط احتفظي بيه في الثلاجة انا نزيدلو خليط فنجان حليب دافي ونيسكافي ونديرو فوق الكايك .