الجزء 31من واش طيبتي اليوم؟ - الصفحة 43

طير الرحمة · 2013-10-09, 10:40

الشكر لك اختى لهوووووووووومة انا كتير نحب وصفاتك وووصفة البطاطا والكرواسون راهى دايرة حالة فى دااااااااااارنا واكيد الموصوع الاخير الى درتية عن كعك النقاااااااش راه فى بااااااالى

طير الرحمة · 2013-10-09, 10:42

اه نسييييييت لهووووووووومة من فصلك وصفتك نتاع الكراميييل رانى حوست عليها وما لقيتها

أم محمد تاج · 2013-10-09, 10:44

لهووووومة يعني ماشفتيش بساط الريح تاعي؟؟؟؟؟؟ طيب؟؟؟؟؟؟؟

طير الرحمة · 2013-10-09, 11:01

اختى ام محمد تاج من كثر ما سمعت ان القلاصاج نتاعك هاااااااايل اعطينى الوصفة لو سمحت

<نَجْمَاتْ> · 2013-10-09, 11:02

السلام عليكم ام ماجد هذه طريقتي اثقبي حباةت الباذنجان وديرهم في الفرن ثم اقسميهم وانزعي اللب وربي عليه طماطم وفص ثوم وزيت زيتون وملح على نار حتى تنشف اشوية الطماطم وكي يبرد شوية الخليط زيديلو البيض والى الفرن

nihale89 · 2013-10-09, 11:03

الهام المقصوص هو الكروكي بصح خاطي انتاع المحقن
الي ديروه حربوش ومبعد يقصوه

أم ماجد · 2013-10-09, 11:05

لبنات شكرا للمساعدة خاصة الهام وامنيات وام نور
المهم رحت درت من راسي وخلاص شادي بادي هههههههههههههه
وطيبت الكسرة والغدا راهو جاهز ينتظر في الجماهير فقط ه على 12 باه يرجعوا
وزاد حفيظ ادا الكسرة لصحابو اللي يلعب معاهم في الساحة
وانا هاذ الصحن رايحة نبعثوا لاولاد جارتي راحت للحج ووصاتني عليهم
ام راضية بعد اذنك احنا احيانا نقولوا على الصدقات اللي نخرجوهم وانا واحدة منهم لكن عندي هدف واحد هو التذكير فهمتيني
انا احيانا نتغافل لكن كي نقرا اخت قالت بعثت منه او خرجت منه نتذكر ونتشجع هذا هو الهدف والله عز وجل يعمل ان شاء الله بنياتنا

شكون تتغدى عندي اليوم راني فاطرة تتغدى معايا

الهام هاذوك الطواجن كاين اللي يطيبوا فيهم وكاين تاع الديكور فقط كيما تاعي الازرق بلاك تتذكريه نحط فيه الشخشوخة والكسكس والعجائن عامة راهم يتباعوا في دبي بكل الانواع لكن اثمانهم واووووووووووو

ام راضية · 2013-10-09, 11:15

اقتباس:

المشاركة الأصلية كتبت بواسطة أم ماجد

لبنات شكرا للمساعدة خاصة الهام وامنيات وام نور
المهم رحت درت من راسي وخلاص شادي بادي هههههههههههههه
وطيبت الكسرة والغدا راهو جاهز ينتظر في الجماهير فقط ه على 12 باه يرجعوا
وزاد حفيظ ادا الكسرة لصحابو اللي يلعب معاهم في الساحة
وانا هاذ الصحن رايحة نبعثوا لاولاد جارتي راحت للحج ووصاتني عليهم
ام راضية بعد اذنك احنا احيانا نقولوا على الصدقات اللي نخرجوهم وانا واحدة منهم لكن عندي هدف واحد هو التذكير فهمتيني
انا احيانا نتغافل لكن كي نقرا اخت قالت بعثت منه او خرجت منه نتذكر ونتشجع هذا هو الهدف والله عز وجل يعمل ان شاء الله بنياتنا

شكون تتغدى عندي اليوم راني فاطرة تتغدى معايا

الهام هاذوك الطواجن كاين اللي يطيبوا فيهم وكاين تاع الديكور فقط كيما تاعي الازرق بلاك تتذكريه نحط فيه الشخشوخة والكسكس والعجائن عامة راهم يتباعوا في دبي بكل الانواع لكن اثمانهم واووووووووووو

يعطيك الصحة نستعرف بيك واش اللي فوق الكسرة
اختي ام ماجد انا لست مفتية لكن هناك اشياء نتعلمها ونعلمها لبعض ادا ما كانش عندكم مانع
الصدقة تكون بين الانسان وربه ولا يتكلم عليها ولا يدكرها وتكون بنية دفع الادي والضر وتقربا من الله عز وجل
اما ما فعلتيه فهو تبادل ود بين الاحباب والجيران اليوم جارتك تعاونيها غدوة تعاونك
قصدي التنبيه فقط لاخواتي لكي لا يضيع اجرهن

touta2010 · 2013-10-09, 11:15

الهام لبابا جاو هايلين اما عن العسل مكتش موجدته ععععععع ذريت سكر مرحي وصورتهم والباقي زينتهم بالشكولا

ام ندى 87 · 2013-10-09, 11:19

ام ماجد يا لالاة النسا نشبهك لماما فطورها 11 واجد ربي يخليكم تاج فوق راسنا
وعلى الصدقة نوافق ام ماجد في بعض الاحيان ننساو مع مشاغل الدنيا والتذكير امر مهم
ربي يقدرنا على فعل الخير

ladymillion · 2013-10-09, 11:19

صباح الخير والانواااااااااااااااااااار على لحرااااااير
ان شاء الله تكونوا لاباس كامل والحمد لله

لهومة كشرودة صباحوووووو المعمول جا بنييييين هيه نسيت التشقاق في بعضاه ههههه المهم بعد العيد اذا حيانا ربي نزيد ندير كعك النقاش نتاعك بقالي غير شوياااااااا غرس لازم نقول الختي الكبيرة تخدم القاطوات نبروفييييييييتي فيها شوي نقولها تجيبلي شوي ههههه

ام ماجد المورال اليوم 10/10 ربي يدوم الفرحة عليييييييييييك حنونة وبصحتكم الغداء مممممممم

ام محمد تاااااااج بساط الريح نتاعك نقوللك الصح الصح ومايغيدكش الحال مني

نبقى غير نتفرج فيه الله يبارك هههههههههههه حابة نخلعك شوي تراش والله يعطيك الصحة لمسة هاااايلة ممكن تقولينا عليها ولا جيلاتين ؟؟؟

سلامي للكل نحبكم خواتاتي بيكم نتونس

غدايا اليوم كفتة وخبز الدار نزيد شوي ونطيبو انا مالا نروح من بعد نجي ان شاء الله

ام ندى 87 · 2013-10-09, 11:24

توتة الزينة زوريني في موضوعي تاع الفتيل قوليلي رابك وعندي سؤال جاوبيني من فضلكhttps://www.djelfa.info/vb/showthread.php?t=1435784

ام انيس2 · 2013-10-09, 11:24

صباحكم عسل يا فحلات الجلفة اريد منكن رابط البطاطا المسروقة اني انتظر فهل من مغيث

*رفيقة الدرب* · 2013-10-09, 11:30

اقتباس:

المشاركة الأصلية كتبت بواسطة ام انيس2

صباحكم عسل يا فحلات الجلفة اريد منكن رابط البطاطا المسروقة اني انتظر فهل من مغيث

https://www.djelfa.info/vb/showthread.php?t=1419724

ام انيس2 · 2013-10-09, 11:59

اقتباس:

المشاركة الأصلية كتبت بواسطة dadou mascarienne

https://www.djelfa.info/vb/showthread.php?t=1419724

بارك الله فيك حبيبتي انتي الوحيدة التي اخذت طلبي بعين الاعتبار الله يجازيك كل خير