الأخت yarasmin. 26 ترد على تساؤلاتكم هنا - الصفحة 42

أم هنيدة · 2012-04-22, 13:26

اقتباس:

المشاركة الأصلية كتبت بواسطة رفيدة08

شكرا لك إدا مجربة وناجحة نعم أعطيني الوصفة

نعم أختي هذه الوصفة أخذتها من منتدى حواء وجربناها هشيشة وبنينة هذه هي المقادير

معمول بالزبدة

المقادير :
قالب زبدة ( 250 غ ) – 1/4 كأس صغير زيت – 4 ملاعق حليب بودر لحظة غبرة– فانيلا – 1/2 كأس صغير سكر مطحون – ملعقة صغيرة خميرة كميائية–
3 أكواب فرينة – 2 بيض.

الطريقة :
اتركي الزبدة في حرارة المطبخ العادية حتى تصبح طرية ثم نضيف السكر والفانيلا والحليب ونخلط جيدا حتى تصبح كالمرهم ثم نضيف الزيت قليلا قليلا ثم البيض حبة حبة مع التخليط وفي الاخير نضيف الفرينة والخميرة تشكل كرات وتحشى بالتمر المفروم وتشكل في القالب تدخل الفرن دقائق من أسفل ثم نحمره تحمير خفيف من الأعلى على نار هادئة جدا

أم هنيدة · 2012-04-22, 14:08

اقتباس:

المشاركة الأصلية كتبت بواسطة nina_65

اختي ربي يخليك حبيت وصفة الغربية تع المحلات

وضعتها الأخت ياسمين في الصفحات السابقة تفضلي الوصفة ونسهل عليك وعليها

اقتباس:

غريبية المحلات
1 عبر زبدة ذايبة+ 1 عبر ناقص2 اصابع سكر قلاصي+ لفاني اخدميهم امليح حتى تصبح الكريمة اضيفي الفرينة+ 1 خمارة نوارة ولمي العجينة وشكليها وديري القرفة من الفوق وطيبيها وتكليها بصحة والراحة تحياتي

yarasmin.26 · 2012-04-22, 14:09

اقتباس:

المشاركة الأصلية كتبت بواسطة فوزي77

أختي ياراسمين نهارك مبروك حبيبتي
إذا كان ممكن مقادير وطريقة تحضير قاطو نيقرو

حلوة النيقرو" خفيفة 500 غ زبدة طرية+1 صفار بيض+1 بيض كاملة+كوب سكر قلاصي+كوب مايزينة+4 الى 5 م ك كاكاو حسب النوعية واللون+ +1 خمارة نوارة+ الفرينة حتى تنتلم وجي طرية مشي يابسة جربي حبة طيبيها اذا شفتي اتفرشت اضيفي الفرينة اما اذا بقات شادة روحها راهي مليحة وشكليها كيما تحبي مقروطات او دائرة او مثلث ..... الخ وطيبيها عادي كي تبرد شوي وخريها من السنيوى وديريها اعلى شبايك وفرغي اعليها بالملعقة قلاصاج الشكولاطة يمكن انك تزينيها كيما تحبي وشهية طيبة بالتوفيق

أم هنيدة · 2012-04-22, 14:11

اقتباس:

المشاركة الأصلية كتبت بواسطة yarasmin.26

شوفي في الوصفات ربما تجدينها لانه هنا معنديش الصور انتاعها ربما كاش عضوة تقرا النداء تعطيك الرابط اذا وجدت

وصفة البقلاوة للاخت ياسمين موجودة في الصفحات السابقة نسهل عليكم ونوضعهالك هنا

اقتباس:

البقلاوة
فرينة+ زبدة ذوبيها كي تبرد انزعي منها الحليب او الماء الي فيها +ماء+ ماء الزهر+رشة ملح+لفاني وتروكيها ترتاح ليلة كاملة في الثلاجة غدوة من ذاك حليها بالحلال ثم الة البقلاوة ونثري المايزينة وطلي بين الطبقات الزبدة مع شوية زيت اما القريوشة اندير 3 عبار فرينة+ 1/2عبر زبدة التوريق+رشة ملح+ لفاني+1خمارة
الحلوى+ ماءدافي مع ماء الزهرونتروكها ترتاح في الثلاجة مليح انحلها بالمايزينة المهم ترتاح باه ماتتقطعش في الالة رقم3 ثم 5 وشكليها كما تريدين اجيك لذوب في الفم لانه خفيفة ومليحى لنساء الكبار وتستعمل في الوليمة جربي بكاس قازوز ايدلك كمية كبيرة كي تنجحي كبري المقادير

ام فريال · 2012-04-22, 14:35

اقتباس:

المشاركة الأصلية كتبت بواسطة ام فريال

أختي ياراسمين راني خدمت كريمة شونتي و خدمت كريمة الزبدة قوليلي كيفاه نخدمهم كرام دوبل
نخلطهم بالبتار ولا بلمعقة الخشب بتدريج حتى يتجانسومع بعض ؟ فهميني
شكرا ليك

اختي ياسمين ما جاوبتينيش راني نستنى و شكرا

nina_65 · 2012-04-22, 16:27

دائما في القمة مشكورة ]

فوزي77 · 2012-04-22, 19:33

اقتباس:

المشاركة الأصلية كتبت بواسطة yarasmin.26

حلوة النيقرو" خفيفة 500 غ زبدة طرية+1 صفار بيض+1 بيض كاملة+كوب سكر قلاصي+كوب مايزينة+4 الى 5 م ك كاكاو حسب النوعية واللون+ +1 خمارة نوارة+ الفرينة حتى تنتلم وجي طرية مشي يابسة جربي حبة طيبيها اذا شفتي اتفرشت اضيفي الفرينة اما اذا بقات شادة روحها راهي مليحة وشكليها كيما تحبي مقروطات او دائرة او مثلث ..... الخ وطيبيها عادي كي تبرد شوي وخريها من السنيوى وديريها اعلى شبايك وفرغي اعليها بالملعقة قلاصاج الشكولاطة يمكن انك تزينيها كيما تحبي وشهية طيبة بالتوفيق

ربي يحفظك أختي ، الله يوفقك في كل ما تتمناي

الفرعون goku · 2012-04-22, 19:51

ربي يحفظكم من كل سوء

nina haj · 2012-04-22, 20:13

اقتباس:

المشاركة الأصلية كتبت بواسطة nina haj

السلام عليكم انا toujour عندي probleme في الغلاصاج اريد منك يا اخت yarasmin تعطيني غوسات غلاصاج تاع العرايش انا يجيني قاسح و تاني غوسات تاع غلاصاج شيكولا تاع قاطو نيقرو , علابالي بالغلاصاج تاع طابلة شيكولا و نذوبوها في bain marré مي خاصني تاع patissererie لي يديرها في قاطوه
ولك افضل تحياتي و شكرا

اختي yarasmin انا في انتظار ردك

yarasmin.26 · 2012-04-23, 12:35

اقتباس:

المشاركة الأصلية كتبت بواسطة nina haj

اختي yarasmin انا في انتظار ردك

حبيبتى راني قدمتها عدة مرات راجعي الصفات تجديها

yarasmin.26 · 2012-04-23, 12:36

شكرا لكي ام هنيدة على المساعدة تحياتي القلبية اليكي قبولاتي الحارة

أم هنيدة · 2012-04-23, 12:58

اقتباس:

المشاركة الأصلية كتبت بواسطة yarasmin.26

شكرا لكي ام هنيدة على المساعدة تحياتي القلبية اليكي قبولاتي الحارة

الله يسلمك أختي الحبيبة والله في عون العبد ما كان في عون أخيه

تعبناك معانا ومأجوورة ان شاء الله في ميزان حسناتك

أم هنيدة · 2012-04-23, 13:01

اقتباس:

المشاركة الأصلية كتبت بواسطة nina haj

اختي yarasmin انا في انتظار ردك

أختي تفضلي الغلاساج للأخت ياسمين موجود في الصفحات السابقة وسهلت عليكم

اقتباس:

بياض البيض مضرب+ سكر قلاصي +ماء الزهر+ قطرات من الزيت +عصير 1/2 حبة ليمون اخدميهم امليح ايجيك الحلوى طرية ولماعة مشي غير انت الي يصرالك هكذا شعال من وحدة اقولي هذا المشكل منبعد راهم ينجحو تحياتي الصباحية

وهذا غلاساج لي روشي والبنيون

اقتباس:

خذي 2 بياض البيض +1/2 كوب سكر اقلاصي+ شكولاطة سوداء بني حامق على حمام مائي حتى ايذوب الخليط اضيفي الزيت غيرشوية وخلطي وفي الاخير اضيفي 1 مك 2 مك فوندا ذائب هذا القلاصاج يندار على حبات الحلوة ليروشي او البنيون ملاحظة الزيت يضاف فقط في الشاء باه القلاصاج مايجيش يابس ,
ضربي البيض كاثلج مع سكر قلاصي وديري على حمام مائي والشكولاطة السواء اسمهاgoudrant مشي البنية مع قليل من الزيت غير شوية فقط باه الشكولاطة تمشي وتطرى+الفوندا باه كي تطلي الحلوى تشد روحها ثم خلطي وسي حبة اذا شدت روحها صحة اما اذا لالالا خلطيهم وحطيهم اعلى نار هائة جيدا جيدا مدة 1 د فقط وخلطي بسرعة ثم شكلي الحلى اتاعك بيه

أم هنيدة · 2012-04-23, 13:12

اقتباس:

المشاركة الأصلية كتبت بواسطة MIMINOU

ممكن تساعدونا ليم درت قاطو بابيون جاني يتكسر بزاف قولولي واش هي احسن زبدة لسابلي

أختي هذه الحلوى موجودة في المنتدى للأخت بسمات تفضلي الرابط

https://www.djelfa.info/vb/showthread.php?t=593226

أم هنيدة · 2012-04-23, 13:14

اقتباس:

المشاركة الأصلية كتبت بواسطة yarasmin.26

حبيبتى راني قدمتها عدة مرات راجعي الصفات تجديها

أختي ياسمين انت جاوبتيها في الصفحات السابقة على سؤال البتي فور إذا تخلطوا بالبباتور أو بالملعقة وهي تسأل الآن سؤال آخر تماما عن كريمة دوبل عندما تخلط كريمة الزبدة مع الشانتلي هل تخلطهم بالملعقة؟