دورة فراشات تزهو بالألوان بيوتهن قمة في النظافة و التنظيم و التدبير و الاتقان

[فراشات العمر]

حبيبة نوضي ترقدي راه راح الحال ههههههههههههه تصبحون على خير

[om wassim]

شكرا حبيبتي حبيبة هذا كله بفضل مساندتك لينا و دعمك و نصائحك جعلها الله في ميزان حسناتك

[oummalak]

[ام امجد14]

صباح الرخير و الخمير عليكم

الحمد لله تطبيقى جارى دايما نلمع الحوض و نغسل كل يوم الحي نتاع المطبع التى تتعرض بسرعة لدهون و نمسح الثلاجة بو خفيف و العميق مرة كل 15 يوم

الفرن كل يوم بو خفيف و العميق كل 15 يوم
لاوت كل يوم ثلاثاء تجينى ساهلة فى الحك و ما تعبنيش

من ناحية الجمال الحمد لله عندى شهرين ما زال ما شافونيش بلا ماكياج ههههههههههه

والله تعلمت حاجة من عند اختى الحراير قالتلى كى ترضاى على نفسك كافئها بحاجة تحبيها مرات نشرى حلوة الترك و نقعد قدام التلفزيون نصف ساعة و نتمتع مرات يايورت فرويتى كل مرة كيفاش بصح كى نكون راضية عليها ههههههه

قسمت اعمالى الى اعمل روتينية يومية و اعمال اسبوعية و اعمال شهرية و السنوية مازال ما عرفتش نكتبها ما جاتش فى الفكرة فى راسى على الاعمال سنوية

الاماكن الساخة عندى بزاااااف

اليون نقيت البلاكار نتاع الفراش ما داش الوقت و البارح نقيت سطح البيت هو الى هدنى و رقدت دودة و مازال ما كملتوش مازال البلاكار نتاع الكوزينة و ديبارة نتاع الدروج يخرجو الاولاد عطلة يعاونونى

[om ahmed]

صباح الورد لكل الفراشات بدون إستثناء. اليوم هو يوم الأربعاء و حسب حبيبتنا حبيبة نخصه دوما لنصائح لتربية الأبناء
أنا أريد أن نتشاطر الرأي في ما يخص مصروف الجيب الخاص بالأطفال ، أريد آراءكم لأنها تهمني و سوف انتفع بها و أطبق الصالح منها على أولادي بحول الله .

[ام منيب]

صباحكم سعييييد
راكي غرستي فينا كل خير و جديد يا حبيبة الجماهير
انا عن نفسي بديتها من الحوض مارانيش نخليه يبات في يدامو يا لو كان على جثتي....البارح عشيت ضياف و بايتين عندي خديت برايك يا حبيبة نقيت الكوزينة في وقت متاخر وجدت كيكة و زوقتها في الليل و وجدت السنيوة ...حطيت على كرسي الكوزينة كل مستلزمات اولاي مطبقين و الكراطب و لي فاست غير باش مايديروش الفوضى و يهلكو الضياف
حسيت روحي نقصت هم كبيير للصباح
ربي يخليك
برك ملاحظة .....كي نجو نغسلو ماعن الغدا و لا العشا يا ريت كل مرة نقصو حاجة يالو كان نضفو حيط و لا سلة تاع الماعن او حتى كرسي ....بالوقت نلقاو اختصرنا الخدمة في الكوزينة
ام امجد عجبتني فكرة تكافئي روحك .....ياريت تدخل حراير تفهمهالي اكثر بتيت نستاجب

[~ حراير ~]

السلام عليكم و رحمة الله تعالى و بركاته

كيف حالكن يا فراشات

منين نقول فراشة نحس روحي خفيييييييييفة مش كيما موالفة نوض نخمم وش نطيب وش ندير وش نقري و الوشوشات بزاف

لكن درك الحمدلله

ام احمد انا ثان زوجي غايب و رغم هذا مانخليش على روحي تعرفي علاش؟؟؟؟

لاني منين نقوم برويحتي نقوم علاجالي مش علاجال حتى حد

و انت يا ام امجد نشدك تشوفي وش نعمل فيك صار انت راكي تلميذة مش نجيبة لكل

انا قتلك دائما كافئي نفسك و حذرتكم من المكافأة تاع الاكل راهي تبطبط هيهيهيهيه عموما بصحتك يا لحبيبة و تستاهلي لخلو يا حلو


ام بشرى ربي يشفيه باباك طهور ان شاء الله و ماعنده شر غاضني مسكين انا نحب الابهات بزاف عندي بابا اعزلي من عيني

ان شاء الله كي نكملي شغلي و نولي ليكم نقلكم على تطبيقي درك نخرج سع للقضيان
سلام

[حبيييبة]

ما اجمل هذا الصباح الذي اتصبح فيه على احلى و ارق فراشات في الوجود

صباح الخير فراشاتي الرقيقات
صباح الأنوثة و الجمال و الدلال و الدلع

[حبيييبة]

يا صباح الأناقة و الجمال

[حبيييبة]

ماشاء الله على النشاط و الحماس فراشاتي المميزات

ربي يقدركم و يعينكم في اشغالكم

وينها طباختنا الماهرة ياسمينة الفراشات
استفقدتها؟
ان شاء الله المانع خير

[om ahmed]

ربي يشفيك يا فراشتي بعيدة المنال وربي يشفي والد أم بشرى ، تهلاو في صحتكم يا فراشات المنتدى و تهلاو في والديكم ما كانش أعز منهم .عزيزتي حراير ياريت خرجتيني معاك نقضيو كيفكيف راني جايحة في هذا الدومان

[أم فاطيمة]

صباح النور و الياسمين على احلى فراشات
حراير بصحتك الماسك وما كاين لا عين لاو لو هذا غير الشيطان الله ينعلو و عين الحبيب و الرفقة الطيبة بلسم على القلب
ام منال طهورا انشاء الله
ام فيفي حنا باش نفطو نديرو الحنة على الصدر في الليل كي تعطيهالها على الظلمة تجيها مرة بصح ما ضرهاش و في النهار تخاف منها
ام احمد بصحتك التغيير الى الامام انشاء الله
ام بشرى ربي يشفي الوالد الكريم و يطولكم في عمرو
سمراء الدنيا يعطيك الصحة انت بنتك و شكرا على الوصفات
حبيبة ربيي ينوردربك كيما راكي منورتنا بما انو اليوم مخصص للاطفال عندي بعص الاسئلة تخص بنتي في الاول حبيب نسقسيك اذا كنتي تفهي في علم النفس ولالا
او احد الاخوات عندها خبرة ترفع يدها
التطبيقات ماشية عليها و الحمد لله اليوم عندي مهمة تشدلي الصبحية راجلي قالي خيطيلي الفولو نتاع السيارة شراهالها جديدة و ادا ما كملتها ليوم نهاري
غدايا بقايا اكل و لي عودة بعد الظهر انشاء الله

[chez biba]

احلى صباح على أغلى فراشات
ام احمد، حرير، ام منيب، ام أمجد، ام هديل، ام بشرى، ام وسيم، ام سمراء، سعيدة، ام منال، ام فطيمة، ام الخير، ام مينا نينا، نبض الفؤاد، ام فيفي، ام. سلمى ، فراشات العمر، سمراء الدنيا (عودة موفقة ) وكل صديقات الدورة والمتتبعات تحية خاصة ليهم
الغائبات صديقتاي جياد و زينوبةان شاء الله المانع خير

حبيبة الحبوبة

نعتذر على هاذ الغياب اولا النت كانت مقطوعة وكنت مشغولة مع تنظيف معمممممممق للبيت استغيلت فرصة غياب زوجي وبمساعدة اختي ربي يخليهالي انا مهووسة بالديكور كل مرة نحب نغير ديكور الغرف وكل يوم راني نقص الاماكن الساخنة وتقريبا قضيت عليهم
أمس درت فاكسان لولدي وبت معاه قاعدة من السخانة ، لكن الحمد لله تحسن

[رقية الناجحة]

روعة وتميز اختيتي الى المزييييييييييييييييييييييييييد



تم التقييم ب5 نجوم

[ام الخير 05]

صباح الخير الحبيبة حبيبة وكل الفرشات المتالقات بدون استثناء الحمد لله والفت بتطبيق المطبخ لازم كي نخرج منو على 9 يكون نقي ما فيه حتى حاجة اما اليوم استيقضت مع الاذان الاول على الرغم انو ولادي مضى بالقراجم ما خلاونيش نرقد وما قدلرتش ندير الوش تاعي كانو ديجا نايضين اتجهة للدوش نضفت وجهي وعدلت تسريحتي غيرت ملا بسي ثم توضيت وصليت ثم سبحت وقريت المعوذات وقريت ربع حزب من القران على نية انو نقرا 15 حزب في كل اسبوع انشاء الله ثم اتجهت لاولادي لحليب ديجا طيبتو البارح يعني سخنتو لهم فطرو وشربت قهوتي في عقلي وفي هذيك الاثناء نضفت الثلاجة تنضيف يومي التنضيف العميق مبرمج ليم السبت انشاء الله بعدها شربتلهم الدواء وساعدت بنتي في ملابسها ولبست حجابي واتجهنا الى المدرسة لما رجعت اتجهت مباشرة للفراش الجو رائع خرجت كل الاغطية للشمس ورتبت غرفة الاطفال وحطيتلهم العابهم ثم شربت النعناع تاعي شعلت الميكرو لوليدي يموت على الديناصورات درتلو شريط وثائقي غيرت للصغير جمعت الملابس المتسخة دائما في منتصف الاسبوع نغيرلهم ملابس الخرجة حتى واذا نضاف بعدها استيقض زوجي ما يخدمش بكري اليوم وجدتلو فطورو كا ن قاطو المحقن اذا تعرفوه واكيد تعرفوه ما نيش عارفة كيفاه يسميوه قعدت معاه حتى كمل وخرج لما خرج كملت جمع الملابس وغيرت الشراشف تاع غرفتنا وبما اني قاسما الاسبوع الى 2 والثلاثاء هو النصف سيقت البارح واليوم كل شيئ نضيف درت الغداء لوبيا والسلاطة مغسولة مسبقا في الثلاجة وجبت طرف الجاج من الكونجلاتار للعشاء غسلت اواني الفطور واليوم ماني راح ندير حتى حاجة اضافية لانو الاولاد مرضى والان راني متا جهة للمدرسة نجيب بنتي ونديها للطبيب ومن بعد نشاء الله نرجع حابة نسالكم على الاكفال عندي ابني ربي يحميه يسالني اسئلة بزاف راح نقولهملكم ونقولكم واش جاوبتو وصححولي اخطائي الى اللقاء