وصفات حراير الكوزينة الجزء الثاني - الصفحة 42

idron0 · 2015-04-06, 10:17

كسكس ام ملك

إضغط هنا لرؤية الصورة بحجمها الطبيعي.

الوصفة هي
أولا لتحضير المرق نحط في القدرة قطع لحم أو دجاج حسب اﻷفراد و نزيد بصل مرابي و نزيد مغرف زيت ما نكثرش و نقلي لما يذبل البصل نزيد طماطم مصبرة و نزيد الجزر و نزيد نخليه يتقلى ثم نضيف الكورجات و البطاطا و الحمص طايب نص طياب ثم نضيف الملح و نمرق مباشرة.
و من جهة نغسل الطعام 3 مرات هدا لي مفتول في الدار أنا نفتلو لروحي و لي مشري غير نرشوه بشوية ماء ثم نقطرو مليح و نخليه ينشف لما ينشف نديرلو مغرف زيت باه ما يتعجنش مين نديروه يفور ثم نحطوه يفور اﻷولى و نحيه نرشو بالماء و نفركتوه و نخليوه يشرب و يبرد ثم نفوروه الثاتية و نرشوه كذلك و نديرولو الملح الطعام تاع الدار يدي تقريبا كيفكيف كمية الماء يعني تعبري بالبول الطعام كيفو تديريلو الماء ثم نخليوه يبرد مليح ثم نفوروه المرة اﻷخيرة و نضيفولو السمن تاع الطعام ياخي راهم كاين بزاف أنواع و المرقة لما يطيب اللحم و الخضرة نضيفو نصف مغرف صغيرة سكر تنحي الحموضة تاع الطماطم ﻻنو حنا نديروها حمرا و نضيفولها راس فلفل حار لي يحبوه اﻷكثرية ما يديروهش.

rahma2014 · 2015-04-06, 11:10

مقبلة ايرانية لقمر77

اسفة ما درتهاش بالمراحل ما كانش على بالي بالمسابقة
لكن الطريقة سهلة دائما كي نطيب بالجاج نخبي جزء من الصدر نستعملو في البيتزا او افي هذ السلطة المهم يكون جاهز
و ندير قدرة فيها ماء و ملح و سكر و شوية جلبانة تطيب و فوقها الكسكاس فيه حبة بطاطا مقطعة و قرعة ايضا مقطعة مكعبات
كي يطيبو نحطهم في صحن كبير و نسكرفجلهم الجزر ما شي طايب باش يقعد بفوائدو و نزيد الطماطم مكعبات و نفتت الجاج و البصل رقيق و نسكرفجلهم البيض مطبوخ و نخلطهم بجبن المازتي الزينونة اللي نكون ضربتو بالباتور قبل الاستعمال و اضفتلو الثوم و الملح و شوية فلفل اسود جربوها مع الصيف اممم و امممممممممممممم لدة و صحية و الديكور كيما تحبو

rahma2014 · 2015-04-06, 11:15

الصلصة العجيبة للينا11
إضغط هنا لرؤية الصورة بحجمها الطبيعي.

rahma2014 · 2015-04-06, 13:13

البريوش لام هبوبة
إضغط هنا لرؤية الصورة بحجمها الطبيعي.
اامقادير
2حبات بيض
125 غ سكر
150 مللتر زيت
300 مللتر ماء دافي
كيس سكر فانيلا
قليل من الجنجلان
2 معالق صغيرة خميرة الحلويات
ملعقة كبيرة خميرة الخبز
3 معالق كبيرة حليب بودرة انا عملت في مكانه 2 معالق ياووغت طبيعي
ملح
فرينة حسب الخليط
نجمع المقادير نتحصل على عجينة لينة و رطبة نغطيها و نتركها تخمر
بعد دلك نشكل كريات متوسطة نبسطها قليلا و نتركها تخمر
التزيين
5 معالق كبيرة حليب بودرة
2 معالق قهوة نيسكافيه
قليل من الماء
الجنجلان
ندهن الكريات بالخليط نرش الجنجلان و ندخلها الفرن
ملاحظة انا في التزيين ما كانوش عندي المقادير
عملت بيضة مع قليل من الحليب و القليل من عطر القهوة

rahma2014 · 2015-04-06, 16:01

صابلي عطر الذهب

للصابلي تذوووب في الفم
رطل مارغرين مع كاس ونص سكر ناعم وشوي فاني تخلطي مليح وتضيفي 2بيضات و2 صفار ثم نص كاس كاوكاو مرحي ناعم وكاس ونص نشاء وتلمي بالفرينة مع 1 خميرة الحلوى
خلي لعجينة طرية وشكليها بالطابع انا عملتها قلوب
بعدما يطيبو لصقي كل زوج بالنوتيلا وزينيها من فوق مثلما في الصورة

idron0 · 2015-04-06, 17:27

تحلية مننعشة بذووق الليموون lyzzabel

إضغط هنا لرؤية الصورة بحجمها الطبيعي.

الطرييقة

للكرييمة نحتااج الى كاس و نصف من الحلييب
نصف كااس من عصيير الليموون
زااست ليمونة صغيرووونة طبعاا رابي ،، ناخد فقط الجزء الأصفر
حبة بيض كااملة
4 ملااعق اكل سكر عاادي
3 ملااعق اكل مايزيينة
كيس فانيلاا

و للتزيين نفس كريمة الشانتيي الخااصة بالتحلية الاوولى و شراائح ليموون

في وعااء نحط العصيير مع المايزيينة و البيضة و الفانييلاا و نخلة ملييييح بالفويي ،، و في كاسروول نحط الحلييب مع السكر و نسخنه مليييح فوق الناار ثم نفرغه على خلييط الليموون مع التحرييك بسررررعة و نرجعه على الناار حتى تتقاال الكرييمة ،، نطفي هليها و نغطييها و نخلييها تبرد مليييح و نحضر الاكوااب و البيسكويي مغطس فالحلييب ،، نحط مرة الكرييمة و مرة البيسكويي حتى نوصل لثلثي الاكوااب و نزيين بالشاانتيي و نصف شرييحة ليمووون مممممم ،، تحليةة راائعة يجتمه فيها الذوق المنعش و الكريمي و القااارص و الحلووو في آن وااحد يا سلاااااام هههه.

idron0 · 2015-04-06, 17:36

ارز في الفرن بالكفتة والجزر وردة الشمس

المقادير
250غ كفتة
4حبات جزر
حبة طماطم
ثوم
حبة بصل
دبشة ومعندونس
توابل
ملح
فلفل اسود
طماطم مصبرة
ارز
الطريقة
اولا نخدمو الكفتة نداويوها بالفلفل والثوم والملح ونكوروها
ترابي البطلة والطاطم والجزر والثوم وتقطعي المعدنوس والدبشة وتحطي التوابل والملح والزيت والكفتة وتقلي المكونات مليح وتمرقي بماء دافئ

إضغط هنا لرؤية الصورة بحجمها الطبيعي.

وتجيبي الروز وتغسليه وتحطي لكل كاس ارز كاس ماء وتحطيه يغلى حتى ينشف ونبعد تصفيه وتغسليه بماء بارد وتخليه يقطر ولما تطيب الكفتة نرحيو المكونات حتى نتحصلو على مرق خاترة ونزيدولو مغرف زبدة ونخلطو ونبعد نحطو الروز فلبلاطو ونصبو عليه المرق ونستفو الكفتة ونحطوه في الفرن حتى ينشف ويطيب ونقدموه

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

rahma2014 · 2015-04-06, 18:11

اجنحة الدجاج بالبطاطا لام ياسين الزهراء

حكمت الاجنحة ودرتلهم التوابل فلفل اكحل وزنجبيل وفاح وبودرة الثوم وموطارد وهريسة وشوي خل وشوي لبن وملح واكليل الجبل والزعيترة وخليتهم يتبلو مليح ولعشية حكمت الطاطا دوائر وملحتها وخلطتها مع الاجنحة وزدت البضل مقطع مع الثوم والزيت مع شوي زبدة وطماطم مقطعة دوائر وحطيتهم فيالكيس وزدت شوي ماء والى الفور تحمرو بلا مانحيتهم من الكيس وكانت الريحة تفحفح والبنة اممممممممممممممممممم
إضغط هنا لرؤية الصورة بحجمها الطبيعي.

idron0 · 2015-04-06, 18:39

مخلل البيذنجال دائمة الحمد

كميةمن البيذنجال فلفل حار زيتون ما نغسلوش نمسحو بطورشون نظيف فقط
نحط كمية من الخل الابيض في كسرونة ونقي البيذنجال ونقطعو بالطول ونحطو طول في الخل باش ما يكحالش
نحظو فوق نارناقصة حتى يذبال
نخليه يبرد فترة طويلة ممكن من الصباح لليل +فلفل قطع بالطول +زيتون نقصوه دوائر+ملح مانكثرش الزيتون مالح ونحط زيت انا خلطت زيت زيتون وزيت عادي ونخلط نفرغها في بلارات ونغمها مليح بالزيت نخليها على برى يوم وليلة ثم الى الثلاجة وشهية طيبة

إضغط هنا لرؤية الصورة بحجمها الطبيعي.

idron0 · 2015-04-06, 20:50

تبغي تحمري الجاج ريتاج التيارتية

تكوني دايرة كاش طاجين جلبانة ولا زيتون معاه الجاج وتبغي تحمري الجاج نتاعك بعد مايطيب ويجي بنين
كي تنحي الجاج بعد مايطيب تحضري خلطة فيها شوي زيت والتوابل كمون وراس الحانوت وفلفل اكحل وشوي ملح تخلطيهم في رحبة مليج وتغطسي مورصاوات تاع الجاج نتاعك وتحكيهم يتحمرو في مقلة مافيها حتى حاجة باسكو رانا دايرين الزيت في الخلطة وحمريهم صدقوني يجي بنين يهبل تقولي حمرتيه في الكوشة سيرتو للضياف

إضغط هنا لرؤية الصورة بحجمها الطبيعي.

rahma2014 · 2015-04-07, 08:08

الوصفة لام اسلام
فطائر اللحم والجبن
العجينة 250 غ فرينة 2م ك زيت ملح 1م ص خميرة رشة خميرة الحلوى نصف م ص سكر
الحشو حوالي 200 غ لحم مفروم بصلة ملح فلفل اسود معدنوس وقطع جبن الخاص بالدهن
للتزيين جنجلان وصفار بيضةإضغط هنا لرؤية الصورة بحجمها الطبيعي.

rahma2014 · 2015-04-07, 08:11

االوصفة لام اسلام
الوصفة صابع البطاطا والمرقاز
بطاطا مطهية على البخار بيضة جبن طري ملح فلفل أسود رشة بودرة الثوم 1 م ك فرينة 2م ك شابلير
مرقاز طايب مقلي او مشوي نغلفو بالبطاطا نديرو في الشابلير ونقليه
إضغط هنا لرؤية الصورة بحجمها الطبيعي.

rahma2014 · 2015-04-07, 11:33

بيري ف الفرن ل ام رويدة

تحضري بطاطا بيري عادي كل واحدة وطريفتها
انا طريقتي نطيب حوال كيلو بطاطا مقشرة ومقطعة في ما وملح ونرحيها بالرحيوة اليدوية ونزيدلها شوي من الما الي طابت فيه ونص لتر حليب ونطيبها على نار متوسطة

نحضر صوص تومات عادي ونضيفلها لحم مرحي ونخليه حتي يطيب ما نخلوهاش تنشف بزاف

ندهن مول بالزبدة ونحط طبقة بيري وطبقة صوص ومبعد طبقة بيري ونغطيها بفرماج رابي والى الفرن تطيب حوالي نص ساعة ونشعل شوية من الفوق

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

annayiz · 2015-04-07, 13:52

تسلموووو مشكوورين

idron0 · 2015-04-07, 17:35

القريوش ام سهام 02

5عبار فرينة بعبر زبدة ذايبة وباردة وحبة بيض و1مك خل ابيض و1خمير قاطو ورشة ملح مذوبة في الماء وماء الزهر حتى نتحصل على عجينة شوي يابسة انخليها ترتاح وانحليها في الة التوريق بالميزينة في الاخير انحلها في الرقم ما قبل الاخير وانقطعها مستطيلات طولها20سم وعرضها 10سم وبالجرارة اندير اعمدة بلا مانوصل للاخير امنبعد نطوي على 2 ثم على 4 ونقسم في الوسط واندخل الراس العلوي ونجبد نكمل مع كامل الحبات وانقلي غير بالحبة ونرمي الزيت من الفوق وانعسلها حتى تبرد بالعسيلة دافي بلا مانظيف ماء الزهر.