'' الجزء 65 '' من واش طيبتي اليوم

[عطرالذهب]

ماشاءالله تبارك الله بشرى حلوياتك تهبل يعطيك الصحة
ليدي بصحتكم البيتزا باينة تشهي والصابلي باين هشوش يعطيك الصحة
ام الهضاب بصحتك ماكلة برا دبرتيها انا راجلي لو كان ماتصفرش الكوكوط ما يبردش على قلبو هههههه

[فاطمةع]

مساء الخير عليكم درت غدايا حريرة وطاجين جلبانة وتغميسة مقدسية رائعة

[نخله.]

عطووووووووووووووره رانا كامل عقليه الكوكوت هههههههه راهم شيوخه تع بكري

وكي ندير بيتزا ولحوايج لخفاف يكملهم ويقولي وراه لغدا

[عطرالذهب]

فاطمة بصحتك لحريرة وماتبعها الله يبارك

[ام نوردين]

اهلين سموحة انا ثانى ماصلحتليش بالحليب حنونة ممكن تشرحى اكثر على الوردت ليشفتيهم في قناة سميرة
منورة نخلة الله يكو ن في العون وربي يقدرك

[عطرالذهب]

هههههه يعطيك الربح نخلة ووالله جبتيها
خطرات نطيب حاجة مودارن وخفيفة في لغدا مع ال2 يبدا يشكي من الجوع لازملو عشا مدوزي يريكيبيري بيه هههههههههههه

[R I A D]

سميــــحة بنيتي العزيزة اهلا و سهلا وين كنت توحشناك حبوبتي
و بصحتك التاغت و صوريها مبعد خلينا نشللو عينينا موواح حنونة

عطر و الله صح يحبو غيرالعيااار الثقييييل

نخلة والله غير ضحكتيني تاع الصح

[ام نوردين]

بصحتك التغميسة فاطمة ع شفتى واش بنينة
عطورة يعطيك الصحة على الحويات روعة عندى بزاف وانا نامل نخدم البقلاوة هاديك ومازال ماكتبش ربي الله يبارك في خدمتك
نينا نوال مساء الخير وصحى غداك
ام الهضاب تقلشى وزيدي تقلى المسيو تاعى كون ماتحضرش المغرفة يشنف تاع الفرشيطة ومايقبلهاش

[فريال88]

مسسسساء اتلخيييييييييييييرعليكم حبيباتي
ربييديم نعمكم يارب
مريومة الغالية راني مازلت نستنى في الوصفات مشكوورة حبيبتي

ladymillion ماكلتك تشهييييييي ومن فضك وصفة الصابلي شهاتنيييييي مشكووووورة

[أم ماجد]

مساء الخير حبيباتي راني رجعتلكم
تغدينا برا جيت لقيت الكوكوت على حالها ههههههههههه
واحدة ماعجبتها منكم واقيلا
خرشف عرب مع البعطوش والدجاج اممممممم المهم خليتها للعشا
حقا قضيت شوية حوايج ولقيت ماء زهر على شكل بودر هايل وريحته روعة

[نخله.]

يا رياض يا حنونه كي تكتبو بنتي نتخلع يرحم والديكم خلونا في العالم الافتراضي كامل نتاج بعض

[نخله.]

وش معنتها البعطوش يا ام ماجد؟؟؟؟

[سميحة 01]

[quote=ام نوردين;1055978353]اهلين سموحة انا ثانى ماصلحتليش بالحليب حنونة ممكن تشرحى اكثر على الوردت ليشفتيهم في قناة سميرة
منورة نخلة الله يكو ن في العون وربي يقدرك
[/quo

على عيني حبيبتي تحكمي وردة طبيعية و تنحيلها البتلات و تمسحيهم و تغطسيهم في بياض البيض ثم في السكر العادي و تخليه ينشف عادي

و اديكوري بيه كيك او تارت

[ام نوردين]

سخفتينى فى القرنينة وخرشف عرب ام ماجد بصحتك و بصحتك الخرجة والغدا برا لكستري تاع الزه انا شريتو العام ليفات ريحتو قاوية وتهبل انا كينسىق ونخلص ويخلاصلى الصانيبو نرش شوية غبرة تاعو فى الشوك تاع الدار يعطي ريحة تروع مرت خويا تمسح الطوابل ومن بعد تجوز رشة خفيفةعليهم تقعد الريحة نهار طوا جربيه وشوفى

[بشرى2008]

بانكوتا الهام
[IMG][/IMG]