دورة خطواتي الواثقة لأصبح ربّة بيت متألّقة - الصفحة 41

~اسيل ريحانتي~ · 2016-10-20, 05:23

نةاصبحنا واصبح الملك لله لا اله الا الله وحده لا شريك له له الملك وله الحمد وهو على كل شيء قدير
ام صفصف انا ديت القهوة هههههههه

ام متين · 2016-10-20, 06:19

اصبحنا واصبح الملك لله ان شاء الله راكم كامل بالف صحة وعافية ما زال ما قريتش كل الصفحات وصلت عند اروى الحمد لله على سلامتك يا اروى توحشناك وتوحشنا باقي الغاليات
ماريا ملاك اول شيئ عملت امس مع الغرف هو الشيئ الي ذكرتيه لاني كنت نعاني من طريقة التنظيف وبالفعل حسيت براحة وانا نعمل ياريت فقوليلنا كيفاه كانت تعمل في المطبخ (التنظيف)
اسيا ما شاء الله عليك انا امس كان عندي موعد عند الطبيب من بعد شريت بعض الزيوت وماء ورد والورد المجفف باه نعمل كرات الاستحمام

ام متين · 2016-10-20, 06:22

ام تينا كلامكك درر ما شاء الله كلمات تحيي القلوب بالنسبة لصلاة الضحى انا نضبط الوقت على الهاتف ونخليه لما يلحق الوقت يبدا في الرنين ويعاود ويعاود حتى نروح نتوضى ونصلي هكذا ما ننساش لان مع الصبح غير الشغل

~اسيل ريحانتي~ · 2016-10-20, 06:25

اقتباس:

المشاركة الأصلية كتبت بواسطة ام متين

اصبحنا واصبح الملك لله ان شاء الله راكم كامل بالف صحة وعافية ما زال ما قريتش كل الصفحات وصلت عند اروى الحمد لله على سلامتك يا اروى توحشناك وتوحشنا باقي الغاليات
ماريا ملاك اول شيئ عملت امس مع الغرف هو الشيئ الي ذكرتيه لاني كنت نعاني من طريقة التنظيف وبالفعل حسيت براحة وانا نعمل ياريت فقوليلنا كيفاه كانت تعمل في المطبخ (التنظيف)
اسيا ما شاء الله عليك انا امس كان عنجد موعد عند الطبيب من بعد شريت بعض الزيوت وماء ورد والورد المجفف باه نعمل كرات الاستحمام

صباح لخيرات ام متين ربي يحفظك اختي
بالنسبة للكريات الفوارة باذن الله راح نصورلكم مراحل استخدامها من كوزينتي هههه انتظروني باذن الله

ام متين · 2016-10-20, 06:34

مشكورة حبيبتي اسيل ربي يخليك لينا وللعائلة نتاعك وتبقاي كائما متالقة وحنا نتالقوبفضل مجهودات كل وحدة
انا نحس بفرح كبيييييييييييييييييييييير لما نكون نقر ا في الصفحات وكاني نتحدث معاكم ربي يدوم اللمة والمحبة والنشاط والصحة

ام متين · 2016-10-20, 06:38

كاين شيئ فرحني يوم امس لما وليدي نتاع الثانوي قالي ماماالدار هذا الايام راهي مرتبة حسيت بفرح كبير لان لما وليدك يعطيك ملاحظة كيما هذه راه شخنة من النشاط تحسيها في داخلك يا رب نزيد نعمل اكثر واحثر

omelbanin · 2016-10-20, 06:51

أصبحنا وأصبح الملك لله والحمدلله ولاوإله إلا الله وحده لا شريك له، وأن محمدا عبده ورسوله.
صباحكم سعيد، صديقاتي وحبيباتي، انا راح نكمل المطبخ ان شاءالله، نغسللو الفايونس.
اختي ماريا ملاك، والله غير كيما قات ام متين، درت البارح كيما شرحتيلنا بالنسبة للتخمال، كل غرفة خملتها مليح ومسحتها وفينيتهاوخرجت منها للغرفة الأخرى يعطيك الصحة، كون غير تزيديلنا كاش أفكار .
راني موافقاتك حبيبتي أم صفصف في تحدث عن تربية الأطفال، راني نعاني معاهم

~اسيل ريحانتي~ · 2016-10-20, 07:06

اقتباس:

المشاركة الأصلية كتبت بواسطة ام متين

كاين شيئ فرحني يوم امس لما وليدي نتاع الثانوي قالي ماماالدار هذا الايام راهي مرتبة حسيت بفرح كبير لان لما وليدك يعطيك ملاحظة كيما هذه راه شخنة من النشاط تحسيها في داخلك يا رب نزيد نعمل اكثر واحثر

ربي يجعلك دائما فرحانة ومتالقة وناشطة حبيبتي ام متين
صح لما واحد من افراد العائلة يلاحظ النظافة تفرحي تقولي ماراحش تعبي خسارة هكا نزيد و نزيد
انا زوجي نهار جا من السفر دخل لغرفة الاطفال قالي الله يبارك كلش راه يشعل الدار تبدلت عليا هههههههه
حسيت بوحد الشحنة ماتتصوريش فرحة لا توصف ههههه

~اسيل ريحانتي~ · 2016-10-20, 07:08

صباح لخيرات ام البنين توحشت طلتك واش حوالك ان شاء الله بخير حنونة

randa3 · 2016-10-20, 07:37

اقتباس:

المشاركة الأصلية كتبت بواسطة ام صفصف

نالنسبة الي حبو يشوفو القناوات فاليوتوب،نقترح عليكم حليمة في البيت،تعجبني افكارها وبسيطة

صباح الخير لكن جميعا
صح أفكارها رااااااائعة يعطيك الصحة

mariamalak · 2016-10-20, 07:38

صباح الخير على احلى فراشات
ربي يعطيكم الصحة و العافية و يوفقكم في اشغالكم
احنا رانا عطلة 15 يوم عطلة الخريف يعني برنامجي راح يختلف عن ايام الدراسة
راني رايحة نكتب مع بناتي البرنامج و نضع اهداف في العطلة من بينها
المحافظة على الصلاة لانهم كي يقراو ما يصلوليش 5 صلوات
نحفظهم سورة العلق و سورة الضحى

ممارسة الرياضة
قراءة الكتب
و اكيد راح نخرجهم يلعبو و ياكلو برا مكافءة
البارح شفت واش عطاوهم واجبات انخلعت صفحة معمرة قلت مون غير شدوهم يقراو خير. هههه نحاول نقسمهم كل مرة يديرو حاجة

أم فاطيمة · 2016-10-20, 08:14

اصبحنا واصبح الملك لله وحده لا شريك له
صباح لخير فراشات نشيطات واش راكم
اولا لبنات لا شكر على واجب رانا هنا باش نفيدو ونستفادو من بعضنا وكل وحدة عندها
معلومة ما تبخلس علينا بيها و اجرها عند الله
الجانب الديني راني بالعذر بصح ما نسيتش التسبيح و الاذكار
الجانب التجميلي البارح فاصيت صباغة لشعري كانت نص بنص
و غدوى ان شاء الله ندير ليماش مع غسل و ترطيب و مشط الشعر
روتيناتي الحمد لله ما شية عليهم ببطئ اليوم اذا كتب ربي
نكمل بلاكار مواد التنظيف و نقي دار لعشية ان شاء الله نروح
لدارنا نجي حتى لسبت نشوف واش راهم مع تحضيرات العرس
ماريا وين تسكني حنا عطاتهم غي 4 ايام ما نعرف وين تشوف
مبرمج فيها عرس خويا و بنتي نتاع السيام راهم مع الفروض
شيرات نعطيكم معلومة عند صبغ الشعر او وضع ليماش
سواء في البيت او عند الحلاقة زيدو للمكونات شويةد
شومبوان و لا ابغي شمبوان ما يتحرقش وما ينشفش الشعر و يرجع حرير
جربوها و دعولي

أم فاطيمة · 2016-10-20, 08:29

ام متين شفتي ما اجمل التشجيع نضحكك انا
بنتي صباح غي تشوف فيا قلتلها مالكي
قاتلي راكي شابة اليوم انا حمارو خدودي ههههه
سيتو كي قالتها قدام باباها ههه شريرة
و بخصوص التربية موضوع هايل خصوصا اننا
حنا نربو في الدار يخرجو و يرجعو يجوك بطبايع
اخرى
نبدالك انا طبيعتي صارمة و ما نتراجعش وولادي ديهابوني بصح
كي يدخل باباهم ما تقوليش هما خلاص مايحبش عليهم
و كي نقعد نامر و لا نصحح في اخطاءهم يقولي راكي
تهدمي في شخصيتهم خصوصا منن يهدر قدامهم عيت نفهم
فيه و هو بحكم انه ترب يتيم ما يحبش يخصص من حتى حاجة
ماعندهمكلمة لا في فمه و منجهة اخرى يحبهم منظمين ومتربين
و كل ما يغلطو يلقي اللوم عليا بصح هذا ما خلانيش نياس
و نتراجع و ان شاء الله في الاخير نربح ولاد متربين ومتخلقين
و ناجحين ان شاء الله ربي ما يخيبنيش
خصوصا النظام نظل كي شاف نتاع العسكر و المشكل في بنتي
الوسطى راسها خشين و همجية و كثيرة الكلام بدون اي فايدة
عكس اختها لكبرى تماما و يا ويلو لدار بيها هههه
هاني حكيتلكم شوية على ولادي لاني لوكان نظل نهدر ما نكملش
ايا لبنات عطوني انتقاداتكم و مساعداتكم و كل وحدة تقول كيفاش
تمشي مع ولادها و متعاونة هي و الزوج و لا متحملة المسؤولية وحدها
كما حالتي

أم فاطيمة · 2016-10-20, 08:34

نصيحة امهات كي كي يطلبو ولادك حاجة و ما تقبليش ما تتراجعيش
حتى وتكوني غالطة في رايك خلي شوية وقت يفوت عليها و قوليلو
دير كانش حاجة و شجعيه بيها هكذا تربحي زوج صوالح من جهة يتعلم
يعرف انوكلمتك ما لازمش طيح و من جهة اخرى يعطي باش يدي

أم فاطيمة · 2016-10-20, 08:40

اهاهما بعض النصائح جبتهملكم ان شاء الله يفيدو
نه يمكن جعل الأطفال يتبعون السلوك الذي يرغب فيه الآباء والأمهات دون حاجة للصراخ فيهم ،

ويكون ذلك بإتباع بعض النصائح المعقولة .

وأوضح قائلاً :

لا يؤدي الصراخ والزعيق في الأطفال إلى النتائج التي يرغب فيها الآباء والأمهات حيث انه عند صراخ الأبوين فان الأطفال يصرخون أيضا ولا يكون هناك أحد يستمع وينصت ، وكل ما يفعله الآباء والأمهات باللجوء إلى الصراخ يتمثل فقط في تعليم أطفالهم بأن الصراخ والزعيق هي وسيلة المخاطبة ،

و بأنه من أجل السيطرة على هذه المشكلة ينبغي إتباع النصائح التالية :

ابلغ أطفالك بدقة عما يُرجى ويتوقع منهم ودعهم يعلمون بأنهم إذا ما اتبعوا التوجيهات والإرشادات فإنهم سوف يكافئون وإذا خالفوها فإنهم سوف يعاقبون .

لا تصرخ في الأطفال إطلاقاً فإنهم لن يستمعوا لك وعوضاً عن ذلك فانه ينبغي التحدث إليهم بصوت عادي مستعملاً كلمات بسيطة يمكنهم فهمها واعرض عليهم مكافآت ايجابية مثل قولك لهم : إذا عملتم على تنظيف الدمى الخاصة بكم سوف اقرأ عليكم قصة .

كن مقتضباً عند تصحيح الطفل واستعمل كلمة واحدة تقريباً مقابل كل سنة من عمر الطفل فمثلا الطفل عمره أربع سنوات يتعين إبلاغه بكلمات تعادل سنوات عمره .