الجزء 151 من مطبخ واش طيبتي اليوم اتفضلووو عنديي مرحباا - الصفحة 41

x ام رحاب x · 2015-10-30, 21:05

اقتباس:

المشاركة الأصلية كتبت بواسطة ذات النورين

ههههههههه ام رحاب مزيا انتي تاني شفتيني شافوني زوج الحمد لله
يعيشك انت تاني بصحتك لعشاء
عارفة بلي بلا صور واحد ماراح يتوله لواش راني نقول بصح ماعليه تصبحن على الف خير

انا مايهمونيش الصور حبيبتي انت هي الصح وراكي اديري الصور وتعاودي تحلالك القصرة اهنا ماتزعفيش وصافية لبن حبيبتي وانت من اهل الخير احلام سعيدة

ام و ابنة · 2015-10-30, 21:00

ذات النورين لا لا اختي راكي تباني و نورك ضوا المكان الله يبارك
ما نحبش نذكر الاسماء لاني دايما ننسى وحدة او زوج فنقول الله يبارك للكل و فعلا و الله الكل يعجبني طيابهم دون استثناء و الاسماء الجدد ما شاء الله راهم قايمين بها ما عندنا ما نقولو مريم و ماريا و الدرة المكنونة و ام لجين و هيثم و و و طبعا ما نقصدش جدد في المنتدى او المطبخ و لكن نقصد انهم انضمو معانا للكوزينة مؤخرا

تعديل بش ما نكثرش الردود

صدقيني كل الطيابات و المشاركات عالعين و الراس سواء بالصور او لا و لكن ما نقدرش نرد على كل وحدة لاني نساااية و دايما ننسى شحال من وحدة و نخاف يحاوزوني من الكوزينة خاصة اني نهدر بزاف

تعديل اخر

و الله ما نعرف الخبز السوفي و لا عمري سمعت بيه

وسعي صدرك و بالك و التمسي لاخواتك الاعذار يااااااو رانا ديباسي خخخخخ

omo maria · 2015-10-30, 21:00

سلامتك عطر الذهب طهورا ان شاء الله قلتي ما نقدرش نستعمل المضادات الحيوية تقدري تقوليلي وعلاه لاني انا بصراحة عند حساسية منهم

x ام رحاب x · 2015-10-30, 21:08

رجاء صحة عشاك حبيبتي
ام ماريا بصحتك العشا

ام و ابنة · 2015-10-30, 21:09

ام رحاب ربي يعيشك

ماريا ما عنديش الرابط بصح بزاف جربوه اكييييد ضرك تحطهولك كش وحدة

الرجاء الوصفة حطتها ليزا هنا ارواحي و القاي الصفحة
شوفي درت ثلاث كيلات سميد متوسط مع كيلة اكثر من نصفها مرغرين لابيل و الباقي زبدة و شويا ملح و حكي مليييييح السميد بالزبدة ثم لمي بلا ما تعجني بالماء و انا زدتلو شويا ماء الزهر
كي يتلم مليح اطرحيه عالي شويا تقريبا اثنين سم انا طرحتو بيدي و قطعتو مربعات ماشي كبار و ماشي صغار
اقليه في زيت سخون على نار متوسطة ماشي قليلة بش ما يتحلش و ماشي قاوية بش ما يتحرقش من برة و يجيك خضر الداخل
و غير تنحيهم من الزيت حطيهم في عسيلة سخونة خليهم شويا برك و اقلبيهم و زيدي خليهم شويا و نحيهم من العسل و شهية طيبة

ماريا.م · 2015-10-30, 21:13

اقتباس:

المشاركة الأصلية كتبت بواسطة ام و ابنة

ام رحاب ربي يعيشك

ماريا ما عنديش الرابط بصح بزاف جربوه اكييييد ضرك تحطهولك كش وحدة

الرجاء الوصفة حطتها ليزا هنا ارواحي و القاي الصفحة
شوفي درت ثلاث كيلات سميد متوسط مع كيلة اكثر من نصفها مرغرين لابيل و الباقي زبدة و شويا ملح و حكي مليييييح السميد بالزبدة ثم لمي بلا ما تعجني بالماء و انا زدتلو شويا ماء الزهر
كي يتلم مليح اطرحيه عالي شويا تقريبا اثنين سم انا طرحتو بيدي و قطعتو مربعات ماشي كبار و ماشي صغار
اقليه في زيت سخون على نار متوسطة ماشي قليلة بش ما يتحلش و ماشي قاوية بش ما يتحرقش من برة و يجيك خضر الداخل
و غير تنحيهم من الزيت حطيهم في عسيلة سخونة خليهم شويا برك و اقلبيهم و زيدي خليهم شويا و نحيهم من العسل و شهية طيبة

ميرسي على الرد حنونة...ربي يهنيك

أم أماني وعبدو · 2015-10-30, 21:10

تصبحن على خير حباباتي

ماريا.م · 2015-10-30, 21:37

ام كاميليا وام سراج شكراااا على الترحيب
تصبحن جميعا على خير

ام و ابنة · 2015-10-30, 21:14

اييييه شفت الاخت تهدر عالمضادات الحيوية تفكرت المعلمة ج سامحيني نسيت نرد عليك علابالك بالزهايمر ديالي و علابالي تعذريني
ربي يشفي وليدك
و صدقيني كاين بزاف دراسات علمية تاكد انو ضرر المضادات الحيوية اكثر من نفعها
و ان الاطفال عادي يمرضو و لااازم ما نخلطوش فيهم و ما نكثرولهمش الدواوات لااازم نخلو مناعتهم تخدم و تنشط و تدافع عليهم
نحاولو نعاونوهم بالاشياء الطبيعية و طبعا الوقاية
و الادوية لازم تكون للضرورة القصوى ماشي في كل دورة
ربي يشفي وليداتنا و وليدات المومنين جميييييعا

ماريا.م · 2015-10-30, 21:18

اقتباس:

المشاركة الأصلية كتبت بواسطة ام و ابنة

اييييه شفت الاخت تهدر عالمضادات الحيوية تفكرت المعلمة ج سامحيني نسيت نرد عليك علابالك بالزهايمر ديالي و علابالي تعذريني
ربي يشفي وليدك
و صدقيني كاين بزاف دراسات علمية تاكد انو ضرر المضادات الحيوية اكثر من نفعها
و ان الاطفال عادي يمرضو و لااازم ما نخلطوش فيهم و ما نكثرولهمش الدواوات لااازم نخلو مناعتهم تخدم و تنشط و تدافع عليهم
نحاولو نعاونوهم بالاشياء الطبيعية و طبعا الوقاية
و الادوية لازم تكون للضرورة القصوى ماشي في كل دورة
ربي يشفي وليداتنا و وليدات المومنين جميييييعا

كلامك صواب اختي
نسيت ىماقلتلكش ، المبسس والبيتزا خرجولك يشهوووووو اممممممم بصحتكم

om kamilia · 2015-10-30, 21:16

واخيرا كملت المراجعة
ام ابنة ماشاء الله تفرحيني كي نشوفك مع تطببيقاتك
امم هيثم صرية , اماماني اهلين بكن غيبة
درةمكنونة بصحتك
ام سراج الين عندي مدة ماتلاقيتش معاكِ
ام سهام دوك نضرب طلة وعلى فكرة شهتيني في التاي نضربو سهرية ونتلايمو ونتشايخو مع الحراير
حنان ربي يبارك فيك عجبتي الشارلوت ولو انها درتها بسيطة خرجت تهبل غير ددرت كريمة تيرامييسو حلوة شوية وكريمة الماسكرون رائعة جزاكي الله خير
ام الآء الله يبارك فحلة طيابك يجنن
ام جوجو هههه وين نبان قدامكم سباقيتيتاعك هبلني كاش نهار مدديلنا الوصفة
ام ماجد بصحتهارووزا السهرة و القعدة مع يماها لعزيزة
آيات الله يبارك شحال نحب البغرير بالزبدة و لعسل وسخوون ويفي الشتاء
ام رحاب يعطيكك الصحة
ام ابنة غيرتوني في تطبقات بصح للاسف مانقدرش
لبنات لي نسيتهم يسمحولي نعزكم بزافَ بزافَ

الرجاء الاماني المجد · 2015-10-30, 21:17

ام رحاب الله يسلمك
اماني وانت من اهل الخير
ام وابنة العسل مشري ولا مخدوم في الدار وثقيل ولا خفيف

ام سراج وملاك · 2015-10-30, 21:18

رجاء الاماني تسلميلي حبيبتي ليك وحشة اختي
ام رحاب باشفا ليك اختي اتهلاي في روحك حقاكي راجعت قريت هذاك النهار واش صرا فيك قاعدة غير نتخيل فيك ظاهرة وجهك ولا ميبانش من الغرير المهم سلامت راسك جات في البغرير معليهش
ام وابنة بصحتك شهتني فيها كي عادت بالاجبان بصحتكم
ام لجين مشكووورة اختي على الوصفة الرائعة
ماريا وام ماريا منورين
ام كامليا ان شاء الله تكوني بخير صح عندي مدة متلقيتش معاك نتي ورجاءالمجد الاماني
ام اماني عبدو احلام سعيدة انا ثاني نخليكم ولادي في زوج مرضة السعلة وليزونجين راني مع الدوا وزدت درتلهم الوصفة لي في توقيع ام محمد علي لي راهي في توقيعها لي راحي تحط في الوصفات هاذي ليامات في قسم الاطباق ان شاء الله نلقا الفايدة فيها لعسل الحر والقارص
نخليكم تصبحون بالف خير

الرجاء الاماني المجد · 2015-10-30, 21:19

ام كامليا مساء النور وشراكي

om kamilia · 2015-10-30, 21:24

ام ماريا, ذات الالنوورين ,, ماريا اهليين