كوزينة واش طيبتي اليوم يا لالــة لحراير الجزء 117 تفضلـوا بالصحة والهناء عليكم

[أم ماجد]

الف الف مبروك الكوزينة عزيزتي وحبيبتي وشريكتي هههههههههههه راكي عارفة فاه
اسمحيلي مادخلتش الكوزينة اشغال كثيرة رحت باركت للزيادة والعمرة ربي يكثر الافراح يارب
واعععععععععع ماخلاونيش لبنات نصور
قاطوات 4444444444444444
المهم بعض طياباتي الايام الماضية















البارح للغدا جاونا ضياف على غفلة كنت مدايرة كسكس وزدت بسرعة شربة من السرعة نسيت نصور
هكذاك ومانسيتش صورت ولو صورة ههههههههه ادمان على التصوير ههههههههه








وهاذو خدمتهم صلاة هدية لاولادكم

[ام رشدى]

المشاركة الأصلية كتبت بواسطة طير الرحمة

[iلفائف الاوملييييييييييت خفيف وظريييييييييييييييف هااااااااااايلة

حللي وناقش يعطيك الصحة

[ladymillion]

طير الرحمة حبيبتي نطلب منك حاجة وجزاك الله خير في الدنيا والآخرة

ممكن وصفة القشطة لأمازيغية وأفتخر ،،، وعلاش محات وصفاتها خسارة

روضة واش راكي واش حوالك مع الحمل قريب تزيدي ؟ قولي لخالتك محبوبة الجماهير تدخل ولا نشقالها واش راهي دير

[طير الرحمة]

المشاركة الأصلية كتبت بواسطة ladymillion

طير الرحمة حبيبتي نطلب منك حاجة وجزاك الله خير في الدنيا والآخرة

ممكن وصفة القشطة لأمازيغية وأفتخر ،،، وعلاش محات وصفاتها خسارة

روضة واش راكي واش حوالك مع الحمل قريب تزيدي ؟ قولي لخالتك محبوبة الجماهير تدخل ولا نشقالها واش راهي دير

شوفى هده الوصفة
توهده تاني وصفة من وصفات امازيغية وافتخر
الله يدكرها بالخير
تحضير الروب او اللبن اللي ايحضرو بيه المشارقة لبن بخيار ولمتبل
ويعملوه بتتبيلة اللحوم والدجاج لتطريه خاصة المشاوي
ايطيبو بيه كبة بلبن يعني دائما حاضر بموائدهم لقيمتو الغذائية وثبت علميا انو يقضي على دهون الكرش والكلسترول ويحمي المراة من ترقق العظام
وهو بكل بساطة الياؤؤرت الطبيعي عندنا
لكن ايحضروه بالبيت لغلاء ثمنه ولاستعملاته اليومية عندهن
المقادير
2لتر حليب نصغ كوب ياؤؤرت
في الجزائر حليبنا نصو ماء لذلك اضيفي 4 ملاعق حليب بودرة اما اذا استعملتي حليب البقرة الاصلي لا تستعملي البودرة طبعا
نصف كوب ياؤؤرت طبيعي من غير نكهات او سكر العادي مثل اكتيفيا طبيعي
الطريقة
حطي لحليب على النار في قدر ثقيل تفاديا لاحتراقه ومن بعد يعطينا مرار بالحليب
ما تغليهش تماما كي يبدا ايدير فقاعات على الجنب قبل الغليان بشوية
ويخرج منو لوفار او ما تقدريش تحطي فيه اصبعك من الحرارة طفي النار
ملاحضة لما ايكون على النار حركيه كل مرة باش ما يلصقش في البرمة ويتحرق شيئ مهم درجة الغليان 200 للي عندو ترمومتر الطبخ
نحيه من البرمة حطيه في اناء زجاجي او بلارة كبيرة خليه يدفى تحطي صبعك تتحملي السخانة يعني فاتر ماهوش بارد تماما 120 درجة
نحي منو كاس وخلطيه مع الياؤؤرت جيدا واضيفيه للحليب خلطي جيدا
سخني الفرن او الكوشة على 150 مدة 5 دقائق طفيه انتبهي طفيه وحطي فية هاذ الخليط اللي في البلارة او غميقة زجاج مغطي وملفوف في منشفة
وخليه في الفور ليلة كاملة دون ما تحركي الماعون لو تحركيه راح يفصل الماء ويفسد
في الغد راح تحصلي على اللبن الزبادي او الروب كيما يسموه المشارقة واستعمليه للفطائر ايخليها هشة وطرية يساعد عل اختمارها او المطلوع كذلك في السلطات اكله كما هو بلمتبل والبابا غنوج يالداوود باشا وصفات كثيرة حطيه بالثلاجة طبعا
طريقة سلطة اللبن بخيار
كوب من اللبن الزبادي اللي حضرناه مع حبة خيار مقطعة رقيق جدا ملعقة عصير ليمون
ملح لفلفل ابيض 4 ورقات نعنع مقطعين رقيق خلطي الكل وقدمي يويا مع الوجبات يساعد على الهضم

من هاذ اللبن حضري اللبنة
حطي كمية فب صفاية القهوة مفرشة بورق الطبخ اللي يمتص الزيت حطي بالثلاجة مدة 4 ايام تكوني حصلتي على اللبنة قدميها مع المطلوع او زيت الزيتون مذرذر عليها الزعتر اوالسانوج والجيجلانية او هريسة الماء اللي نزل من اللبنة خمري بيه لع

[kaouka]

[kaouka]

اهلين ام ماجد توححححشششششششتك وتوحش نشوف طيابك والله خليتي ........................
وكلشي يشهي بصحتكم متزيديش تغيبي هك

[أم ماجد]

المشاركة الأصلية كتبت بواسطة kaouka

اهلين ام ماجد توححححشششششششتك وتوحش نشوف طيابك والله خليتي ........................
وكلشي يشهي بصحتكم متزيديش تغيبي هك

ههه خلاص وعد مانغيبش
راني هنا برك ههههههههههه لكن الخرجات بزاف ولحباب اكثر
ربي يخليكم ليا عازفة ايمانو وسلامي لطومة حبيبة قلبي
ام رشدي نهارك طيب كاوكا امممممممممممممممم
نروح لمسلسلي ونرقد احلام لزيزة على قول الحبوبة ام تاجو :d:d

[ام رشدى]

اختي كوكا من قبيل وانا نكتب في الرد ماحبش يعقب انا عشايا ارز وسمك الميرلو والحمد لله واختك ماتتعشى ماتتغدى راهي رجيييييييو وليت باربي خخخخخخخخخخخ الي يشوفني مايعرفني

اختي زنوبا الله يعطيك ماتتمناي راكي ماخليتي فيا والو شغابلي راهم يسيحو وحدهم وصفة القراتان بما انو صحي لبنتي والتحلية تعيشي حنونة



اختي عازفة ليستومة هههيامبدعة هاتي وصفة المسكوتة وجزاكي الله خيرا
اختي دائمة الحمد اللللللف شكر على الوصفات وربي يكون في العون

[ام سهام 02]

السلام عليكم حبيباتي

اهلا بام ماجد يعطيك الصحة كلشي رووووووعة


شكراااااصلاة عالهدية بصح علمينا نخدموهم ما نطلقووووولو

[kaouka]

[ladymillion]

ام ماااااااااااااااااااااااااااجد اهللين وسهلين ومرحبتين شفتي خلعتي كي قلت لروضة نشقالها خخخخخخخخ

ربي يبارك البربوشة مممممممم سخفتيني فيها ناكلها كل يوم ومانكرهاش يعطيك الصحة ومع الجري نتاع ضياف الغفلة انا يوترني وكلش يضيعلي من بالي مع انو مايجويناش الضياف قليل برك ،،، الجلبانة مانديهاش شوفي شكون تاكلها هههههه
سالي على روزا وصلاة صيغت روحها دبرتها ههههه

كاوكا محجوووووووووبة الله الله تاكلوها بالصحة انتي تاني جبتي بربوشة مممممم ،، واللحم هذاك هاتيلي نسهر بيه مع أم ماجد قبل ماتجي ام ياسو وتسرقو

[طير الرحمة]

هده الوصفة تعملها اختى دايما جربيها ادا حبيتي وشوفى
القشطة المنزلية سهلة الصنع وعلى قولة المثل الحاجة أم الإختراع

فلذلك بسبب عدم وجود القشطة بالمكان الذي كنا فيه إضطريت لصنعها

والحمدلله نجحت وراقت لي..ولابد من مشاركتكن بها لسهولتها..


المقادير:

كوب ماء

كوب حليب بودرة

ملعقة واحدة مليئة بالدقيق

نص ملعقة صغيرة زبدة لبعد النضج
الطريقة:

نخلط الماء مع حليب البودرة مع ملعقة الدقيق في قدر
ونحركه جيداً على نار هادئه ..
نلاحظ مع مرور الدقائق أنه يثخن قوامه (يغلظ)

نتركه على النار مع التقليب المستمر حتى يصل إلى

القوام الغليظ كالقشطة الجاهزة..

عندما يصل للقوام المناسب نضعه في وعاء ونضع

عليه نص ملعقة صغيرة زبدة وهو ساخن حتى تذوب ونخلطها

معه حتى تتجانس..
وبإمكاننا الإحتفاظ بها لمدة 5 أيام إلى أسبوع في الثلاجة وهي كالقشطة الجاهزة تماماً وتستخدم لجميع أنواع الحلويات والطبخات.[

[طير الرحمة]

للاسف اختى كل الوصفات سجلتهم الا وصفة القشطة ما لقيتها سامحيني اختى
لقيت وصفة التومية الللبنة الطحينة البرغل حلة الترك

[kaouka]

دائمة الحمد شكراً على الوصفات

[ladymillion]

طير الرحمة بوركتي حبيبتي بصح ماشي هاذي هي لي قتلك عليها هي القشطة لي يستعملوها السوريين لحشو الكنافة والقطايف ,,,,, وووو دارتها موضوع روعة وخسار ضاعتلي بعد ما احتفظت بيها لبنات لي عندها الوصفة تفيدني

عطورة كي تدخلي جاوبيني قبيل مالحقتش عليك كي دخلتي نسقسيك برك