الجمارك 2010-2011 - الصفحة 406

zaki1111 · 2011-04-30, 16:45

وش من الرتبة فوت رشاد

zaki1111 · 2011-04-30, 16:46

نزيد نسقسيك علاه عندها لاليست 20 يوم في الوضيف العمومي

zaki1111 · 2011-04-30, 16:47

ما دام لاليست واجدة علاه مخرجتش

zaki1111 · 2011-04-30, 16:49

هل تعود القائمة النهائية للمديرية العامة للجمارك و لا الوضيف العمومي يبعث لي كونفوكاسيو

zaki1111 · 2011-04-30, 16:50

لازم تزيد تسقسي مليح

okba04 · 2011-04-30, 17:25

la liste mazal makherjet hatan yetrafikiwha mlih hadi hiya bladna mnin kanet

zaki1111 · 2011-04-30, 17:58

اجب نعم او لا
1- هل تعتقد ان انتضار مدة 7 اشهر او 9 اشهر لضهور النتيجة النهائية تستاهل الانتضار ؟
2- هل لديك الخدمة في الجمارك كل شيء؟
3- هل تعرف انك ضيعت 1 عام اخر من حياتك في انتضار شيء قد لا ياتي ؟
اذا كانت الاجابة ب نعم فانك يا اخي مازلت صغيرا لتفهم الدنيا من حولك
انا الحمد لله قريت حتى تخرجت من الجامعة و في عمري 23 سنة جيت نخدم قلك لازم الورقة نتع لارمي . فوت لارمي في تلمسان نتع الاشارة عام و نص راحو باطل
كي دفعت الدوسي في الولاية باش نخدم قلك ندخلوك متعاقد او من بعد نشوفو نرسموك قلت ما عليه خدمت عامين باطل . ...كي كنت نخدم جا صاحبي قلي ايا تفوت كونكور نتع لا ديوان اخر يوم يدفعو فيه الدواسة 2 اوت 2010 في الدار البيضاء فوتنا البسيكو 3 سؤال في 2 اوت . في يوم 20 اوت جا الاستدعاء نفوتو في بوزريعة يوم 1 اكتوبر 2010 الكتابي . فوتنا المالية الثقافة العامة على الهجرة غير الشرعية او لعشية الاقتصاد على الاستيراد و منذاك و نهار الجمعة فوتنا المالية العامة على تزايد النفقات . في هذاك اليوم هو اول امتحان و اخر امتحان انشالله لي في الوضيف العمومي . نحسب صح كاين امتحان عند الباب تلاقيت بصاحبي في الشوفالي بالطوموبيل عيطلي قلي و راك راح قلتلو كنت في الجامعة نفوت في الامتحان بقى يضحك عليا قلتلو علاه راك تضحك قلي علاه مقلتليش قلتلو وش نقلك قلي باش نتهلاو فيك قلتلو نورمال فوت و خلاص قلي ماشي مشكل اعطيلي الكونفوكاسيو نتاعك و ربي يسهل . من هذا نهار حتى يوم 14 فيفري قلي راك نجحت على سمانة يبعثولك الكونفوكاسيو . من هذا اليوم حتى اليوم و هو يقول السمانة الجاية سي رشاد . يبقى السؤال شكون اللي عندو الخبر صحيح الله اعلم . انا نقول الصابر ينال و هذا عن تجربة كبيرة في هذي الدنيا وش هو لازم تحطو كل الاحتمالات انا اذا نحاوني من لاليست علابالي باللي ربي راح يعطيني خرمنها و مانيش متقلق عليها قع جات جات م ا جاتش خيرها في غيرها يدوها معاهم في الاخير ربي ينجح كامل صح اللي يستاهل الخدمة في الديوانة

okba04 · 2011-04-30, 18:24

.........................amine.................... ........

free-man · 2011-04-30, 18:38

اقتباس:

المشاركة الأصلية كتبت بواسطة zaki1111

يا الخاوة انا كي هدرت على الدخلة في اوت علابالي وش راني نقول . و باش نهنيكم هذي هي المعلومات اللي عندي
1- الدخول بالنسبة لجميع الرتب في الجمارك يكون في الاسبوع الثاني من شهر اوت
2- امتحان الرياضةخاص و فقط للمترشحين ضباط رقابة اواخر هذا الشهر. الاستدعاءات توصل الاسبوع المقبل انشاء الله .
3-استدعاءات الاعوان وضباط الفرق توصل في شهر جويلية من 15 الى فوق من الشهر . احتمال يدخلو قبل على حسب التطور الاحداث في الحدود الشرقية
4-نتائج الاعوان و ضباط الفرق نتائج نهائية كي صادق عليها الوضيف العمومي
5-الزيادة في عدد الاعوان و ضباط الفرق ستكون كبيرة تتجاوز بكثير المئة ناجح مضاف
6- بالنسبة للضباطالفرق لا يوجد اي اضافة لعدد الناجحين اي 300 ضابط
في الاخير التوفيق للجميع

رآك غالط يا خويا في النقطة 6 [ من المفروض تقول ضباط الرقابة ]

و باقي الكلآم إن شاء الله يكون صحيح حسب المعلومات ألي عندي أنا تاني

رشاد التبسي · 2011-04-30, 21:37

اقتباس:

المشاركة الأصلية كتبت بواسطة okba04

la liste mazal makherjet hatan yetrafikiwha mlih hadi hiya bladna mnin kanet

ياخويا مكان حتى ترافيك ما والوا واش نقلوا احنا الي عقبتوا معنا انتوما وتاع خنشلة
يعني الشاوية
والمدير تاع تبسة خنشلي والي تحتوا سير ديركتار خنشلي
املا نحنا نقلوا راها فرصنا ضعيفة في النجاح
انا لن اقول هذا رغم ان الانحياز سيكون لكم ولي ولاية خنشلة
لانني اعلم ان الرزق الله وحده من يتحكم فيه
والسلام خير ختام

رشاد التبسي · 2011-04-30, 21:39

اقتباس:

المشاركة الأصلية كتبت بواسطة zaki1111

هل تعود القائمة النهائية للمديرية العامة للجمارك و لا الوضيف العمومي يبعث لي كونفوكاسيو

ياخوبا مع احترامي لك لكن لا تشوش علينا كرما لا امر
النتائج هكذا ستخرج والله الموفق

free-man · 2011-04-30, 22:35

باجماعة الي كاتبة لينا راهي تستنا فينا و احنا نطلبو ربي تكون شفافية لأن كل الأمور تسير في صالحنا بإدن الله هذا الأسبوع ربي يسمعنا أخبار خير انشاء ا
ربي يسمعنا أخبار الخير انشاء الله ....وبالتوفيق للجميع

نورباك · 2011-04-30, 23:19

salamo 3alaykom.habit n9olkom bali les convocation yaba3touhom le 3 mai hada khabar akid wandjawzo sport le 13 .en fin hadi hiya lahkaya wrabi ydjib khir nchallah.hadi binisba les oc.walyakon fi 3ilm les ob et les aj bali hata aute bah yadakhlo méme les oc hada tani khabar akid wrabi ywafa9 wymadana khir

free-man · 2011-04-30, 23:40

بالتوفيق للجميع ان شاء الله مشكور اخي

nour22 · 2011-05-01, 10:33

السلام عليكم : يا أخي الكريم لا يوجد امتحان رياضة بالنسبة لجميع الرتب بما فيها oc و لا أحد يعلم بتاريخ ارسال البرقيات حتى على مستوى المديرية العامة نفسها و مصادر موثوق منها ،طاب نهار .