الجزء 171 من واش طيبتي اليوم�� كوزينة اللمة والمحبة والبساطة �� - الصفحة 40

حياة نور الدين · 2016-10-23, 22:46

chez biba · 2016-10-23, 23:01

السلام عليكم واش أحوالكم ان شاء الله تكونو كامل بخير
ما راجعت وااااالووووو اسمحيلي حبيبتي حياة راني مقصرة معاك والله ما قعدت هاذ اليومين امس كنت في دارنا ماما ربي يحفظها دارت باروك لولد خويا خرج سنين (أسنان) وحنا من عاداتنا نديرو الشرشم ما نعرف اذا تعرفوه ولا لا

هو عبارة على قمح مشمخ في الماء ليلة كاملة ولغدوا يتصف ويطيب في الماء والملح ومبعد نصفيوه مليح ونخلطو معاه روينة وغرس وزبدة ذايبة ونخلطوهم كيما الطمينة ماما تزيد معاه حمص طايب في ماء وملح يجي بنييييين وما يتشبعش

وللغدا العيش تاع ماما وحدو ما نقولكمش على البنة لا تقاوم راكي تسمعي زقزوقة ولا لحرارة مع اني ما ناكلش الحار مبصح بردت قلبي فيه هههههه

واليوم للغدا درت كريب تركي crêpes Turque جاو خفااااااف هايلين

وطبعا الوصفة مصورة

nanoua7 · 2016-10-23, 23:30

مرسي حياة ربي يحفظك نجربها ان شاءالله و هاديك الحمراء ههه ماعرفتهاش شفتك تاني داك النهار حاطتها مع ديسار واش اسمها بالفرنسي ولا الفصحى و تباع عندكم تم برك و صحيتي كترت عليك ربي يحفظك ان شاءالله و بيبا الحبيبة تامني بربي تفكرتك اليوم قلت مابانتش هادو يومين يعطيك غي الخير و بصحتكم البركوكس و الشرشم حنا نديرو قمح و حمص وفول فقط طايبين فالماء والملح والله يدوم لمتكم ان شاءالله وتفكرت تاني أم آلاء مابانتش اليوم العشية ماشي من عوايدها ان شاءالله غي الخير

nanoua7 · 2016-10-23, 23:33

تصبحوا على خير

chez biba · 2016-10-23, 23:34

وهذا تطبيقي المتأخر لامونة

في الحقيقة النتيجة ماهيش مرضية ما جاتش كيما توقعتها جاتني شوي ثقيلة وفيها طعمة الخميرة بزاف

omjoujou · 2016-10-24, 05:18

السلام عليكم ورحمة الله وبركاته
صباح الخيرات والمسرات

omjoujou · 2016-10-24, 06:14

دخلت على خيرات بيبا لحبيبة اممممممم سخفتيني في الشرشم وسورتو العيش عشقي الابدي يمي يمي سورتو من يدين لميمة بصحتكم حنا تاني في باتنة عندنا هاذ العادة كي يسنن الصغير نديرولو الشرشم والعيش ونوزعو على الجيران والاقارب انا عجوزتي ربي يرحمها دارتها لبني لكبير بصح الصغار مساكن ما لحقوش عليها توفات بصح عوضاتهالهم يما لعزيزة
ام ابراهيم غاليتي الصراحة انا عجبتني البسبوسة المحشية سورتو هذاك الذوق تاع لكريمة المخلط بين الحلاوة تاغ لكرام و الملوحة تاع الجبن امممممممم مع انو انا درت ياؤورت طبيعي معنديش تاع ذوق الليمون بصح جاااات هااااايلة تسلمي على الوصفة وربي يتمملك في حملك ويسلك وحلك
اختي وجارتي لعزيزة ام يااااسو شكرا على الترحيب ومشكورة على وصفة ترقاد الزيتون تقريبا نفس طريقتي لي هزيتها على ميمتي ربي يحفظها
حيوتة بصحتكم البوزلوف اممممم والتحلية تاع الرمان بالياؤورت مبعد نديرها ونعطيها لولادي مايحبوش ياكلو رمان وحدو كيعاد فيه لعظم
ام هديل و ياسين اممممم سخفتيني في خبيزات السلق بصحتكم حبيبة
زهرة اللوتيس ديما ننساك تنساك الموت و تعيشي حبيبتي على كلامك ودعائك
مريومتي هذي غيبة حنونة وشراكي توحشتك قوليلي وين راكي واصلة في مشاريعك المستقبلية
توبة غاليتي ربي ينجحك ويوفقك وسلميلي على الجامعة ياك تاع لحاج لخضر والله توحشت ايامها و ذكرياتها يا سلاااااااااااام
ريما ونانوا مشكورات حبيباتي على وصفة رب التمر في ميزان حسناتكم
رزيقة 16 عروستنا الحلوة مرسي على الحلو ربي يجعل ايامك حلوة
ام يسرى كالعادة كلش تحطيه بالطبع وهذيك الشخشوخة يمي يمي بصحتكم راني هزيت من السفنج نفطر بيه هاذ الصباح
ليزا لعزيزة وشراكي وش يدير انوسي ربي يحفظهولك ويكبروا في طاعتو وزدتي نتي تاني قتلتيني بالسخفة على هذاك العيش اممممممم لازم نديرو هاذ ليام لا يخرج فيا خخخخخخ
ام هدول يالفحلة كملتي الشخشوخة تاعك في انتظار الصور وبصحتك المخلالات
جازيا ام البنات تسلميلي حبيبتي
ام نور الهدى مزالكي مع لوحم؟؟؟؟؟ ربي يكون معاك ويتمملك حملك نتي وكل المتوحمات رزيقة 16 ووردة الرمال
زقزوقتي يعطيها الصحة ام حسام على لمبسس بالنعناع سلمينا عليها وعلى ام ايمان وقوليلهم وقتاش يشرفونا و يدخلوا معانا
ام كاميليا بالشفاء على سارة وشكرا على وصفات ميليسا كهينة حتى انا موالفة نشوف لي فيديو تاعها بصح شوي طوال في الوقت
بنونة بصحتكم الجاج لمحمر اممممممممم
روضة انا يبالي ادي وليدك يدير رييديكاسيون خير بويسك وين نروح انا ندير ريديكاسيون على وجهي نشوف بزااااف امهات في لاصال لي ندير فيها ريديكاسيون جايبين ولادهم حالتهم كيما ولدك لثم ويديرولهم سبور اذا حااابة نسقسيلك ان شاء الله ونردلك لخبر
ام سارة البربوشة تاع القمح تشهي امممممم بصحتكم
ام احمدي بصحتك لامونة نتي وخوك
ام اسيل بصحتكم غراتان البطاطا والجاج بالبيشمال باينة تشهي
ام لجين وهيثم طريقتك تاغ التليتلي كيما تاعي انا نضيف الجريوات والخردل وحتى البطاطا على جال ولادي
يا ربي مانكون نسيت حتى وحدة ولي نسيتها تسمحلي راسي كسكاس خخخخخخ

omjoujou · 2016-10-24, 06:16

غدايا ليوم روز بسمتي في لاكوكوت لي تحب تعاندني
يوم موفق للجميع
سلاااااااااااام

omjoujou · 2016-10-24, 06:20

حقا نسيت نبارك لجنة الفردوس الف الف الف مبروك الخطوبة حبيبتي ربي يكملك ويهنيك ويسعدك

أم سدرة · 2016-10-24, 07:20

السلام عليكم ورحمة الله
دخلت لقيت ام جوجو واش راكي حنونة الحمدلله على سلامتك
جنة الفردوس الف الف مبروك على الخطوبة وربي يكملك إن شاء الله
صباح النور لكل الملتحقات

صدق العطاء · 2016-10-24, 07:28

فطورنا ليوم طعام بمرفة حمرا ان شاء الله

صدق العطاء · 2016-10-24, 07:38

درت لبارح بيتزا خرجتلي روووووووووعه موالف تجيني يابسة من لتحت كي عطاتني الاخت انا هي رزيقة وصفة عجينة العشر دقائق واش نقولك خرجت رووعه والكل عجبتهم وزيد على هذا خرجت هشييييششة وبخصوص الفرماج راني شريت تاع ميزان مش عارفة واش اسموا ميذوبش ههههههه ومدة طياب راني مبدلتش طريقتي خليه ا عشرين دقيقة على درجة 180 درجة حرارة وشككككرا انا هي رزيقة على الوصفة

أم لجين هيثم · 2016-10-24, 08:09

السلام عليكم
صباح الخير عليكم
بيبا يعطيك الصحة على الأطباق حنا ثاني عندنا عادة الشرشم بصح وحدو يطيبوه في الماء والملح فقط وشكرا على وصفة الكريب ترك
صدق عطاء راني حطيتلك وصفة التليتلي
أم جوجو صباح الخير وبصحتكم الروز مسبقا

حياة نور الدين · 2016-10-24, 08:11

صباح الانوار حبيبباتي

ام جوجو يعطيبك الصحة على القهوة مع طرف بسبوسة امممم واممممم وربي يرحم عجوزتك ويطول في عمر يماك

بيبا البارح دخلت في الفايس لقيتك قلت راه دور هنا ونساتني لهيك ههههههه حتى لقيتك دخلتي حنونة يعطيك الصحة على البركوكس عشقي الابدي وعلى الشرشم انا تعرفت به عند عجوزتي بصح يديروه غير الفول والحمص الف مبروووك التسنان للصغير
واللامونة انا ثان حسيتها شوية ثقيلة بصح في الدار عجبتهم
وشكرااا على الوصفة بيبا الكراب خرجولك تحففففة خاصة الشكل

صدق العطاء صباح النور وبصحتكم البيتزا والطعام ومزية نجحتي راهم بداو ثمار المنتدى والكوزينة يبانوا يا رب ترجعي احسن طباخة مع الشافات تاعنا حبيبتي

ام سدرة صباح النور غير الخير راكي تغيبي ولا الاشغال اللي ميخلاصوش ربي يقدرنا جميع

حياة نور الدين · 2016-10-24, 08:15

ام لجين منورة اختي وصباح النور

ام جوجو بصحتك الارز انا الفطور تاللف بلاك ندير عجين بصح واش مانيش عارفة هههههه