عبارات من اللهجة السوفية

[سنيقرة سناقرية]

من يوم لجابوا الخدامة * هل تحفر بين الحيشان *جراو القطة قعدوا إيتاما*وصابت شهوتها الفيران
فرغت لقطوطة كلاها العينه مكموطة* ففطره ولا في كروطه*ما يخلي كان النيبان*طاحت بينا هالساروطة*بيسة ماعدتشي تبان
لقطوطة قلت ، ملي هالشريكة طلت * وأوفي طواجين الشنوة ولت*
لفورة هاجت *وتجارة لقطوطة راجت *كيف الشنوة للها احتاجت *في طبختهم عدها شان*كاين ناس عليها قاجت *يدوا هلهم للمكان
غاضتني بيسة شدوها * راحت للشنوة مدوها*ماذا من قطوطة شدوها *في طبختهم عدها شان*القطة اللي حصلت يدوها*وديما مضمون البيعان
البيعة مضمونة *للشنوي المكموط اعيون*هالخردة من يوم لجونا *أوحلنا وكلتنا الفيران*وقتاش يصودو يخطونا *يتموا الخدمة وفي لامان
قالك الشنوي كان شاف القطة*قريب اللي في يديه إيحطه *يشتي يحط عليه الحطة *طباخي ولا شويان*شكون فيكم اللي عنده خطة
باش نحمو قطوط الجيران

[aouiti39]

روووووووووووووووووووعة
بارك الله فيك يا ابو الشفاء

[aouiti39]

كاش ما كاين اخرى عن البطاطا
والا عن النساء في الاسواق والا.....

[aouiti39]

وينك يا ابو الشفاء

[momen39]

مرحبا بكم وشي الدنيا وشي ليام وراني حاب نعرفكم عن كرم السوافة . حني نفرحوا بالعباد من كل امكان ونقدموا لهم اولا = التاي وكوكاو بين النخلة ونسمة الواد النقية 2 = المطابيق وهي الرسمي يا قلبي ومعاها تحلى القعدة او السفة .وفلمان يا اصدقائي

[سنيقرة سناقرية]

ايييييييييييييييييييه على المطابيق والسفة والمحكوك يزنا اليوم مولد ولازم العصيدة والنفاط

[aouiti39]

نعم هو المولد :
وراهو كاين العصيدة والرفيس
الكسرة لمفورة
والتاي والكوكاو طبعا

[شهرة زاد]

اللهجة السوفية سمحة مش بشع ولله تهبل عندي اخرين نعرفهم في الواد نحب نشبح الوحوهم ونسمع هدرتهم مخي

[محمد ضيف الله]

شكرا يا السوافة، واشحالكم وشحال الشياب من القرة راهم في السقيفة ولا دايرين زريبة مغطية بالصبط ، هالنوبة راهي باردة تولي عليهم أشبحولهم غشبية انتاع اوبر ولا بوشكير مليح. وانت يا مولى الغابة برا ذكر النخلات علاش يفلتن .

كم كان سوف لظم الصفوف وجمع الشتات الحريص الضمين

[aouiti39]

.... المطر راهي اتقوت
اماله شوفنا باش مليح بش انغطي
الديار عش يقطرن

[سنيقرة سناقرية]

اننا هنا انتظرو الجديد الجديد الجديد

[محمد ضيف الله]

كيف انت يا أبو الشفاـــــــــــــــــــــ وقد خرجت من الشتاــــــــــــــــ وكنت على شفاـــــــــــــــــــ من البرد القارسا

آه يا عويطي39 ـــــــــــــــــــــــــــــــــــــراهي المطر تقوت عندكم بروا فكو عليكم من الزبس والفراطي وديروا دويرة سيمة وريـح راهو العمر عمر واحد.

واشي انسلكها ولا انبعد.........................................ربي يعينكم عن الزمان

[سنيقرة سناقرية]

سار هكا يا حمة تشفي فينا العديان معليهش
تو ابعوا البطا طا ونوصو على المرمة واليسوا الصطح بالسمة ورملوا الحوج واقعد انتا في دالتك
وينكم يا جماعة الخير رنا اتوحشنا البندير والننبيل والمخلة والرحى

[الحلم]

اسمحوا لي لاافهم كثيرا مما اقراء

[aouiti39]

.........قلي برك وش بي يا محمد ضيف الله .
....اش ما خصك..............