ياللا نبدأها صح !

[نسرين سامي]

المشاركة الأصلية كتبت بواسطة manothebest

أهلا أهلا ويناها اللي طلت علينا نسرين ؟؟؟؟ هاذي غيبة ؟؟؟؟؟؟؟؟؟
و سمية ثاني ماراهيش تدخل
كيف الأحوال؟؟؟؟؟؟؟؟؟؟؟؟؟؟؟؟؟؟
==================
بالنسبة للتحضير للباكالوريا

بدينا الاسبوع الماضي برنامج الفيزياء حصتين في الاسبوع
في 15 جويلية نبداو رياضيات
سلاااااام


وين ؟؟؟؟؟؟؟؟؟؟؟في الليسي؟؟؟؟؟؟؟؟

سلاااااام امونة
الله لا يغيبك لاباس الحمد لله وانت واش راكي ؟؟؟
ايه في الليسي دروس خصوصية

[.زَيْنْ الْدِيِنْ.]

الاخت mimi star تفضلي س ك ا ي ب : smile.angel.2012


الاخت نسرين سامي : خطتك رائعة لكن لم افهم '' حل موضوعين اسبوعيا '' ؟؟؟

الاخت ليلى *لولو* : و الفكرة نفسها بخصوص الكتاب ، أفضل الكتاب المطبوع

______
نسأل الله أن يوفق الجميع

[manothebest]

نظن تقصد حل موضوعين في الانجليزية و الفرنسية أسبوعيا

[manothebest]

المشاركة الأصلية كتبت بواسطة نسرين سامي

سلاااااام امونة
الله لا يغيبك لاباس الحمد لله وانت واش راكي ؟؟؟
ايه في الليسي دروس خصوصية

ربي يحفظك نسرين
أنا لاباس
ربي يوفقنا كامل

[مسوس ب.أ]

أنا الخطة تاعي على ما أظن راح تكون كالتالي :

أولا : راني كيما دخلت للمسجد نحفظ القرآن لأنه الأستاذة تاعي في العلوم الشرعية راهي تحفظ القرآن للبنات و تعلمهم التجويد و الأحكام في المسجد لي تابع لينا و أنا حبيت نشارك .

ثانيا : راني حابة نقرى les fables كتاب كامل بصح نقراه و نحاول نفهمو و غير مانفهمش حاجة نحاول نشرحها في القاموس بصح مش بالعربية و إنما فرنسية-فرنسة و نحاول نعرف بنفسي شاتعني و أنا نحب نستخدم قاموس تاع la rousse.

ثالثا : راني حابة في هادي العطلة نحط كل شي في الميكرو لي عندو علاقة بالباك (تمارين و مواضيع و ملخصات و دروس ...إلخ) هكذا باش مابعد مانبقاش غير نحوس.

رابعا : لازم نوالف نفسي في كتابة فقرات بالفرنسية لأني عندي مشكلة صغيرة معاهم . عكس الإنجليزية لي تجيني ساهلة بزاف بزاف و الحمد الله ماعنديش مشكلة معاها.

خامسا ; نحاول نراجع دروسي شوية لي عندها علاقة بالعام المقبل إن شاء الله.


***بالنسبة للمطالعة ماشكيتش بلي راح نطالع و الله أعلم***


و إذا حصل أي تغيير في خطتي أو تجديد فسأعلمكم إن شاااااااااااء الله

[حُقنةُ ( أملْ )]

السلام عليكم
كلكمْ على أُهبةِ الاستعداد .. رائعْ
أعجبتني ارادتكمْ .. بصدق
ثمّ إني في حياتي لم أضع برنامجا ووفيتُ به ، لأنني بصراحة على حسب المزاج و الوقتْ ..
قبل كلّ شيئ لدي رغبةٌ في قراءة كتاب الله وختمه عدة مرات ، ثمّ حفظُ ماتيسر لي منه .. بإذن الله
كلّ ما أفكرُ به هو أن أسجل في دروس خصوصية في المود الأساسية الثلاثة .. لأنّ الاساتذة عندنا ليسوا بالكفؤ والله أعلم
ثمّ عندي ميولٌ للغتين الأجنبيتين والفرنسية بشكل خاص ، ربما سأطورُ ذاتي فيها لأنني أحس بقدرة أكبر
سأعيدُ ترميم كلّ فجواتي ، سأُنمي قدرتي على الاحتمال أكثرْ [ ببساطة شوي برك نُغلبْ ]
كما سبق لي ولاحظتُ فحتى أنا أُرهقُ من كتب الحاسوب .. تروقني المتصفحات ...
وكتبُ اراهيمْ الفقي رحمه ربي و طارق السويدان هي من تستهيوي في جانب الطاقة البشرية وو
وكتبُ الفرنسية أيضا تُعجبني .. سأتفرغُ لحصة Dr Oz على mbc4 وهي حول أمور الطبّ وما شابه في القمة وبالانجليزية
ثمّ شيئ أساسي هو أن أتجنب كلّ المسلسلات وكلّ ما يسوقني عن دراستي
سأتفرغُ لها وحدها فبصدقٍ لا أريد تأنيب الضمير .. عفانا الله

حتى هذا الوقت كلّ ما أفكرُ به هو بعضُ الراحةِ
ثمّ سأنطلقُ على ربي توكلتُ ..
سلام

[.زَيْنْ الْدِيِنْ.]

مـــا شاء الله اختي أمال و كذلك صفصوفة خططكن رائعة ســأسرق منها قليلا هههه
بخصوص الدراسة في الصيف فلن احاول حتى التفكير في ذلك هههه ساكتفي بتطوير لغتي الفرنسية

[مسوس ب.أ]

المشاركة الأصلية كتبت بواسطة مدونةالنجم

مـــا شاء الله اختي أمال و كذلك صفصوفة خططكن رائعة ســأسرق منها قليلا هههه
بخصوص الدراسة في الصيف فلن احاول حتى التفكير في ذلك هههه ساكتفي بتطوير لغتي الفرنسية

شكرا لك .... و أنا أيضا أحاول تطوير لغتي الفرنسية و أتمنى أنني سأقوووووووووم بذلك.

[مسوس ب.أ]

و تاني من بين خططي أني حابة نحاول نشري كتب خارجية (خاصة بالدراسة) لكن ما عرفتش شاهو المليح أنا قالولي الكتب تاع *الوافي* هي أفضل الكتب ... هل هذا صحيح ؟؟؟؟؟؟

[.زَيْنْ الْدِيِنْ.]

المشاركة الأصلية كتبت بواسطة amel messous

و تاني من بين خططي أني حابة نحاول نشري كتب خارجية (خاصة بالدراسة) لكن ما عرفتش شاهو المليح أنا قالولي الكتب تاع *الوافي* هي أفضل الكتب ... هل هذا صحيح ؟؟؟؟؟؟

بالنسبة للرياضيات غمضي عينيك و اشري '' الجديد في الرياضيات '' على ضمانتي ههههه
لعامين متتاليين وانا استعمله رائع :19
اما العلوم و الفيزياء كل خطرة كيفاه نشري

[مسوس ب.أ]

المشاركة الأصلية كتبت بواسطة مدونةالنجم

بالنسبة للرياضيات غمضي عينيك و اشري '' الجديد في الرياضيات '' على ضمانتي ههههه
لعامين متتاليين وانا استعمله رائع :19
اما العلوم و الفيزياء كل خطرة كيفاه نشري

عندك الصح (الجديد في الرياضات) شريتو العام لي فات و هذا العام و الحمد الله فادني بزاف أما بالنسبة للعلوم و الفيزياء راني كيما حالتك كل خاطرة وش نشري هههههههههههه

[حُقنةُ ( أملْ )]

انا أستعمل الجديد في الرياضيات
والسبيل في الفيزياء / الزاد في الفيزياء / كلهم في القمة
العلوم أظنّ الوافي هو مارتحتُ له

بالتوفيق

[faten06]

بارك الله فيك أخي على الموضوع الاكثر من قيم

عجبوني آراء الاعضاء ...لازم نسرق شوية من افكارهم
انا مازلت ما قررتش وش ندير تالضبط...بصح افكاري مش بعيدة على آمال و خصوصا في :
ثالثا : راني حابة في هادي العطلة نحط كل شي في الميكرو لي عندو علاقة بالباك (تمارين و مواضيع و ملخصات و دروس ...إلخ) هكذا باش مابعد مانبقاش غير نحوس.

رابعا : لازم نوالف نفسي في كتابة فقرات بالفرنسية لأني عندي مشكلة صغيرة معاهم . عكس الإنجليزية لي تجيني ساهلة بزاف بزاف و الحمد الله ماعنديش مشكلة معاها.

خامسا ; نحاول نراجع دروسي شوية لي عندها علاقة بالعام المقبل إن شاء الله.

بالاضافة الي القرآن و حفط ما تيسر منه .......و قراءة بعض كتب ابراهيم الفقي

[dina.]

المشاركة الأصلية كتبت بواسطة amel messous

و تاني من بين خططي أني حابة نحاول نشري كتب خارجية (خاصة بالدراسة) لكن ما عرفتش شاهو المليح أنا قالولي الكتب تاع *الوافي* هي أفضل الكتب ... هل هذا صحيح ؟؟؟؟؟؟

مام انا امولة ناوية نشري كتب خارجية
بالنسبة للعلوم اكيد كتاب الوافي وثاني كتاب لاحمد امين خليفة(استعد للبكالوريا بتفوق) هاذا الكتاب فيه 2اجزاء قاتلي عليه جارتنا بلي مليح بزاف وحملتو من الانترنت وفيه تمارين
الفيزياء رايي من راي الاخت حقنة امل السبيل والزاد
اما الرياضيات والله انا حائرة لخاطر ناقصة فيها و راح اخذ بنصيحة اخي زين الدين واشتري الجديد في الرياضيات (على ضمانتك اخ زين الدين)

[جزائرية اصيلة]

المشاركة الأصلية كتبت بواسطة amel messous

و تاني من بين خططي أني حابة نحاول نشري كتب خارجية (خاصة بالدراسة) لكن ما عرفتش شاهو المليح أنا قالولي الكتب تاع *الوافي* هي أفضل الكتب ... هل هذا صحيح ؟؟؟؟؟؟

في الرياضيات افظل الجديد والميسر لحل تمارين الكتاب المدرسي اظنه افضل من الهباج
الفيزياء احبذذ الزاد والجديد وكذلك الميسر لحلول تمارين الكتاب المدرسي
اما العلوم فهناك الممتاز بجزئيه الاول والثاني وكذلك الوافي وهناك ايضا كتاب احمد امين يقال انه رائع والله اعلم