موضوع جذيذ - الصفحة 4

نيفرتيتي. · 2012-04-22, 18:38

اقتباس:

المشاركة الأصلية كتبت بواسطة houdehoud

ههههههههههههههههه والله حتى انا كيفك نقولهم صاحبتي الفلانيه طيبت هاديك الحاجه و لخرى قاتلي هك حتى يدهشوا منبعد نقولهم نتاع المنتدى هههههههههه دوك وين نروح للدار يسقسيوني عليكم

انا كي نقول لراجلي وريلي حاجة يقلي روحي لصحباتك تاع المنمتدى ههههههههههه

نيفرتيتي. · 2012-04-22, 18:45

اقتباس:

المشاركة الأصلية كتبت بواسطة houdehoud

سلام عليكم واش نقولكم انا كي يسلك راجلي ندي نشري قضيان نتاع شهر ولاكثر مثلا 2spaguetti
2 tlitli ،العدس لوبيا بربوشةمانعرفش نفتل ههههههه ٠٠٠٠٠٠طماطم مصبرة دقيق فرينه٠٠٠٠٠
هكا يبقالي غير الخضرو الفواكه واللحم اودجاج تجي ب2000دج و يجي المصروف ساهل و نقدر نتحكم فيه و رمضان كيف كيف نزيد نوجد الفريك و البرقوق و الزبيب و نشري بيدون صغير نتاع زيتون اخضرو بلاكة نتاع الفلان و ندير سلاطة مشوية نقسمها ف صاشيات و نحطها في كونجلاتور و كل سمانه نجبد شوي و نحطه

انا ندير حساباتي ونوفر ونخرج اخر الشهر باقل المصاريف بصح اللي نوفرهم يجو ماليهم يدوهم ههههههههههههههم

meriem hanin · 2012-04-22, 18:55

السلام عليكم
موضوع بزاااااااااف مهم شكرا على الطرح
انا راني حابة نحكي على تجهيز البنات وفي رايي الحاجات الي تقدرو توجدوهم من هاذ الوقت هوما الشورات كيما نتع غرزة الحساب و الا الكروشي خاطر هاذ الحاجات يبقاو على طول
و بالنسبة ليا شخصيا عندي وحد الصندوق صغييييييييير ملي و انا صغيرة نخبي فيه الدراهم و كي طلعت للجامعة وليت نخبي فيه دراهم la bource الي جامي صرفت منهم ههههههههه مشحاحة و زيد كل شهر بابا يطيني 600 دج زيادة على مصروف الجامعة و في ثلاث سنين برك لايمت خمسة ملاين ايما ماتستهينوش بالمبلغ المالي مهما كان صغير خاطر مع الوقت يكبر و يبان
فيما يخص شهر رمضان راني حابة نستفاد من خبراتكم ان شاء الله تفيدونا

ام مرية · 2012-04-22, 18:56

انا نقضي قضيان الشهر ومرات يبقى اكثر من بعد نرجع ونقوللكم على الليستة-

مريم سلسبيل · 2012-04-22, 18:58

خبروني ادا كان نقدرو كونجليو الزيتون الاخضر بعد مانحولو المرارة نتاعو
وين كونجلتور مليحة للي واقفة كي الفرجبدار او للي قاعدةفي المتربعة ههههه
ياريت تفيدونا

ام مرية · 2012-04-22, 19:01

ايه يتكونجلا وين حبيتي ديريه

مريم سلسبيل · 2012-04-22, 19:01

خبروني ادا كان نقدرو كونجليو الزيتون الاخضر بعد مانحولو المرارة نتاعو
وين كونجلتور مليحة للي واقفة كي الفرجبدار او للي قاعدة المتربعة ههههه
ياريت تفيدونا

houdehoud · 2012-04-22, 21:39

انا كي نشري الزيتون الاخضر نشريه و نقلو بعد ما يوزن يزيدلوالما نتاعوو نحطو في porte mangé في الفريجيدار هكا مايفسدش

دعاء القلوب · 2012-04-22, 22:15

اقتباس:

المشاركة الأصلية كتبت بواسطة hakim3148

والله يا اخواتي رمضان كامل درتلهم الساعة وكل السهرة وكل ساعة نوضهم شهر كامل حوال5او6مرات فقط ماشمخوشفراشهم وقطعت عليهم السوائل جابت نتيجة معى مريا 4سنوات وكن مشكلتي مع الكبيرتين 11سنة و10سنوات راني نعاني وهما كذلك راهم مغبونين كل يوم يبدلو قشهم ويطلعو فراشهم للشمس اما عن الجلبة شريت26كغ نقيتا صورت6قرورات تاع سعيدة معمرين جاوني قلال باش نخبيهم لرمضان اوضياف على غفلة اوايام نكون مشومرة نجبد شوية نديرها مع الروز او مع البطاطا على فكرة اليوم اصبحت ب500دج راني ف15يوم ماقليتش البطاطا وما شريتهاش درت عليها اضراب فقطعندي كيفية بنينة بروز نديرهامع حاجة اخرى لاولادي ماشي شرط البطاطا ب11الف يا اخت اشورة مشي بزاف 3كغ قهوة اما عن الجلبانة اشريت 26كغ ب160الف خرجتلي 6قرورات تاع سعيدة نحتاجها لرمضان وضيوفعلى غفلة خصوصا اخر الشهر ارجوكم اخواتي كل وحدة تقولنا واش تشري كل شهر ومثلا واش تطيب باه المصروف يكفيكم الشهر

عندك الحق تبان 3كيلو ياسر بصح انا ساكنة معايا عجوزتي و شيخي و الناس ماش خاطيتنا داك الشي و اوقات نزيد نشري

hakim3148 · 2012-04-23, 08:58

صباح الخير على الاحبة الله يعمرها دار انشاء الله يا اشورة ممكن كل وحدة تقترح كيفاش تقتصد في طيابها باش يقدها المصروف والخضر مثلا انا ناخذصدر دجاج نطيب بيه مرقة ثم ننزعوا نفته نضيف له المعدنوس شوية توابل نحفر البطاطا نعمرها ونستفها في بلا نندير فوقها شوية جبن وندخلها الفرن اما المرقة الباقية نعملها اما حريرة اوشربة مع المعدنوس من طبق واحد يولي عندي2 نضيف سلاطة او عصير فقط وانتن واش من حيل تقتصدو بيهم

ام مرية · 2012-04-23, 11:43

السلام عليكم هاني وليت ومعايا الليستة نتاع القضيان ممكن تستفادو نها اما الي طلبو مني كيفاش نعمل الفلفل الحار والسفرجل ان شاء الله راح نحطولكم مع الصور على فكرة بنات الي عندها صور اطباق او اي حاجة عملتها متعلقة بهاد الموضوع او شراتها تحط صورها هاكا باش ما يحولوش المشرفين الموضوع لقسم الدردشة اوكي
انا نقضي في الشهر رطل قهوة خضرا نحمصها ونرحيها ما نحبش المرحية ههه 3ك سكر 3باكي حليب نسبراي مارية تشرب بزاف الحليب 4صابون اريل مليح يساعدني 2 جافال 2صابون طرف 2صانيبو 2قريزيل 1صابون سائل نستعمل ايزيس اوآقل وتاني ليبونج وسلك ماعن .....نشري كمية 3طماطم مصبرة واحد هريسة نحبها و1 معجون توابل قيمة 15 الف حبوب من كل نوع نشري باكي نفس الشي للعجائن والبسكوي والقوفريط وشوكو غبرة لمرمورة كمية زيتون نغليه ونحطو في الكونجيلاتور حمص كيلو بالزيادة 5ل زيت ملح 1تكفي زبيب سمن نتاع 2كيلو يكفي 2شهر ولوازم الحلوة كي نوصي واما الخضر نشري قضيان الاسبوع وعاملة جدول نتاع الطياب كل يوم حاجة واما اللحوم كل مرة كيفاه ما نيش عاملة تخطيط نهار لحم نهار جاج نهار سكالوب دند وهاكا

دعاء القلوب · 2012-04-23, 12:14

صباح النور حنونات واش راكم زهزوهة سنيتك تردي عليا وتمديلي الطريقة تاعك و ما كانش وين
رحتي مرمورة لاباس عليها لحنونة

ام امجد14 · 2012-04-23, 12:20

صباح الخير
اين انتم يا بنااااااااااااااااااااااات

نيفرتيتي. · 2012-04-23, 12:26

يام مرية وين راهي الوصفة تاع السفرجل بالعسل راني نستنى
ثان وحدة اخرى قالت الطماطم والحار
يله قولولنا

ام مرية · 2012-04-23, 12:56

يا شرفو وام دودة قلتلكم استناو شوية ونحطهالكم بالصور انا الي حكيت على الحار هههه ولكن كي ما صبرتوش هاكم الطريقة

السفرجل
ناخذمثلا 3ك سفرجل نقيه وننزع البذور ونخليهم بجيه نقسمو ابراج كي البرتقال ونوضعو في بورت مونجي ونفرغ عليه 3ك سكر وكاس اتاي مازهر ونخليه ليلة في الثلاجة في اخر طبقة يعني بعيد على البرودة الشديدة وغدوة من ذاك نجيبو ونفرغو في كسرولة تكون ما تلسقش ونخليه حتي يمتزج السكر يعني يذوب تماما ويولي ماء نضيف 2ل ماء ونخليه يطيب كي يقرب يطيب نضع ملعقة سمن ونخليه يكمل طيابو تحبي تضيفي الزبيب ضيفي ولا المكسرات كي يطيب خليه يبرد من بعد عمريه في زجاجات معقمين على فكرة ما تخليش العسيلة تعقد بزاف هاكا كي تجي تسخنيه تجيك نيشان
ملاحضة حطي االبذور نتاعو في شاش وضيفيهملو كي تحطيه يطيب راهم يعقدو العسيلة
الفلفل الحار
نتحبي انا نعمل 5ك حار معاهم 2.5ك طماطم و 2راس ثوم
نشوط الحار فوق النار ونوضعو في ساشي نيلو باش يعرق ونروح نشوط الطماطم تاني حتى تكحال القشرة ننزعها ونقطع الطماطم رقيقة ونملح ونحطها فوق النار ونغطيها بغطيوة نتاع زجاج ونخليها حتى تشرب ماها في حين نجهز الحار نبلل قطعة قما ونمسح بيها الفلفل حتي نحي كامل القشور ما تغسليهش باش ما يسماطش وننزع البذور ونقطعو رقيق او ندقو في المهراز ونضيفو للطماطم والثوم ونضيف الزيت والتوابل وملعقة سكر ونخليه يتجمر مليح وكي يبرد نوضعو في زجاجات معقمة اذا حابة تكونجليه حطيه في اكواب الجوطابل وغطيه بنيلو واربطي باستيك صغير وحطيه كي تحتاجي اجبدي قبل بوقت باش يسيح
اخذ الحار الكمية الي واي استفسار راني هنا