يا جماعة سرقوني - الصفحة 4

مريم الصابرة · 2012-02-17, 21:07

اقتباس:

المشاركة الأصلية كتبت بواسطة مجيد حـ

يا لطييييييييييييييييف في دارك !!!!!!!!!!!!!!!!!!!!!! الله يسترنا
بصح كلامك جا مصاوب :
في عقر داري في وضح النهاري بعض الاموالي و كل مجوهراتي ..... كلام عفوي بصح له قافية و وزن شعري

منهم لله منهم لله اللهم جنبنا شرهم
يا ختي حتى انتم ثاني غير اللي تجي تدخلوها خاصة الطلابات و هذوك الغجريات اللي يقراو الكف و الزهر هذوك راهم سراقين ما تامنوهمش

السلام عليكم أخي شكرا على المشاركة
المرا قلبها خارج سرقوها وإنت تقولها الوزن والفاقية خطرات تبانلي بيبي صغير ههههههه

مريم الصابرة · 2012-02-17, 21:09

اقتباس:

المشاركة الأصلية كتبت بواسطة sam000

قلتم علاه الفتيات يقصدهن السارق اكثر من الرجال.هدا لان السارق يجد سهولة في سرقتهن.فهن لا يقاومن و بمجرد ان يخرج لها السكين تسقط من شدة الخوف.كما ان الفتيات عادة يكون لديهن الهواتف الغالية الثمن و بالتالي تكون بالنسبة للسارق فيها المدخول و ما فيهاش الريسك.لدا انصح الفتيات باقتناء الهواتف البسيطة .2000دج.هههه هكدا كي تتسرق ماعليش

السلام عليكم اختي صح يعرفو البنات يخافو وعندهم تلفونات غالية يا ختي من نهار سرقوني نخلي التلفون فالدار وكان نروح للطبيب نخبيه مليح وما نجبدوش والكتمان تحت الخمار ما نبانش رافدة تلفون مخبياتو مليح والحمد لله ما سرقونيش شمرا على المشاركة

مريم الصابرة · 2012-02-17, 21:12

اقتباس:

المشاركة الأصلية كتبت بواسطة جسور المحبة

يا جماعة ما تنسوش حكاية الصاك
انا مرة كانو ثلاتة واحد منهم بدا يجبد الصاك وتنا نجبد ما صدقتش بلي راني نتسرق حتى بعد مدة بش استوعبت ولما شافني متعاندة معاه وما حبيتش نخلي الصاك راح هرب ومن حسن الحظ انو مكانش عندو الموس وتاني غير صغار يعني 17 ولا 18 عام
من هذيك وليت لما نخرج الدراهم جامي نحطها في الصاك ولا اي حاجة تغيضني ونحط فيه برك لحوايج التافهة بش هكا يندب على عمرو سرق وجاب حاجة رخيصة هههههههه

السلام عليكم اختي رامي قاقزة عانقتي صاكك مليح هههههههههههه أنا نعرف العفصة نتاع الصاك ما نحطش فيه صوالخ غاليين ونهاار سرقولي البرتابل كان فالفيستا وخذونيييييييييييي شكرا

مريم الصابرة · 2012-02-17, 21:15

اقتباس:

المشاركة الأصلية كتبت بواسطة لاتبكي ياقدس جروحي

لالا أنا الحمد لله لم أتعرض للسرقة

بالصح شفت سرقة وسمعت عن سرقة من مصدر موثوق

أنا اللي شفتها : كنت عند خالتي وبدينا نسمعوا في العياط شفنا في الطاقة لقينا مسكينة وحدة

جامعية سرقلها واحد بورطابل نتاعها وتعيط تقولهم رجعولي كارت ميموار برك المخلوقة طاحت سكرت

واللي سمعت بيها:

قالك واحد السراق حكم طفلة قالها أعطيني واش عندك من ذهب قاتلوا ماعنديش

بدا يحوس فيها لقى صح ماعندهاش

وش دار لها في رأيكم

ضربها بركلة وقالها ديري الذهب كيما البنات ههههههههههههههه

والله هذي حقيقية هههههههههه سراق آخـــــــــــــــــر زمن

السلام عليكم اختي شكرا على المشاركة
الكارت ميموار حاجة مبيرة كي يتسرق البرتابل فيها تصاور على هذا ما لازمش يكونو الصور الخاصة فالبرتابل
ههههههههه ضحكايتي على السراق هذاك صراق بالشروط ههههههههه شكرا

مريم الصابرة · 2012-02-17, 21:17

اقتباس:

المشاركة الأصلية كتبت بواسطة مجيد حـ

واحد النهار شفت سراق قبض فتاة نحالها الصاك ما لقى فيه والو حطلها فيه 200 دج و رجعهولها شفاتو
كاين اللي تلقاه سراق بصح حنين و كاين اللي تلقاه خاطيه السرقة بصح قلبو با لطيف
و ما ننساوش ثاني ه\ ليام راهي انتشرت سرقة القلوب

السلام عليكم خويا هذا سراق آخر صنعة زاقيلة إنت ههههههههههه نقسر معاك كاين اللي ظروف تحتم عليه تلقاه حنين وكاين بلاما يكون سراق قلبو كالحجر وسرقة القلوب إنتوما مختصين فيها يا رجال مي رانا ننتقمو منكم شر إنتقام ونبدا بيك ههههههههه

مريم الصابرة · 2012-02-17, 21:26

اقتباس:

المشاركة الأصلية كتبت بواسطة جيش محمد

هاذا لي يسرق 200 da و بورتابل هذا نسميه خاين جايح ..طرطق بنك وتسوفا ديراكت

السلام عليكم أخي راك نشجع فالسرقة اللي يسرقو البنك نهار القيامة يتنحة من لحمهم السراق سراق مهما كانت السريقة ربي يبعدها عليك وعلينا شكرا على المشاركة

مريم الصابرة · 2012-02-17, 21:27

اقتباس:

المشاركة الأصلية كتبت بواسطة amal2000

هاذي قصة حقيقية :
مرة واحد سارق بغا يسرق وحد البنت كانت فالشارع جبدلها موس وفتش صباعها مالقاش خواتم .......يديها مالقاش براسلي ....... وذنيها مش دايرة مناقش ..
عطاها زوج صصفعات قاللها :انتي راكي صغيرة؟؟ علاش ماتدريش الذهب ؟؟؟

السلام عليكم اختي ههههههههههه ضحكتيني لازم دير الذهب باه هو يلقى واش يسرق شكرا على القصة

مريم الصابرة · 2012-02-17, 21:29

اقتباس:

المشاركة الأصلية كتبت بواسطة karmine30

السلام عليكم اختي وجزلك لله على الكشاركة العطرة بوركت اختي

مريم الصابرة · 2012-02-17, 21:31

اقتباس:

المشاركة الأصلية كتبت بواسطة *أمنيآت لآمتنآهية*

ساحكي لكم موقفا حصل في جامعة
كان هناك مجموعة من السراقين ،كل مرة يقدموا واحد يسرق بنت أيا والبقية يجوا يهدؤا هذيك البنت ويقولولها ما تخافيش حنا ضرك نجروا موراه ونجيبولك حوايجك المسروقين،مسكينة تقعد تستنى ثم الدهر واحد مايرجع
السبب في نظري هو لبس البنات وخروجهم مكشوفات الامر الذي يجعل السارق يرى كل المجوهرات فلا يصبر على سرقتها
الله يهدينا

السلام عليكم اختي شكرا على المشاركة والله فالحقيقة يسرقو المتبرجات والمحجبات أنا متحجبة وحجاب شرعي ولابسة فيستا من فوق الحجاب سرقلي البرتابل واللي يديرو الذهب حاجة باينة تبرق كاللي تعيطلو تقولي حانوت تتمشى ربي يهدي الناس شكرا

مريم الصابرة · 2012-02-17, 21:41

اقتباس:

المشاركة الأصلية كتبت بواسطة أم البراء السلفية

السلام عليكم ورحمة الله وبركاته
بارك الله فيك الشرقة راهي دايرا حالة في كل بلاصة الله يهديهم برك
انا الحمد لله قاع ماتسرقتش ماعندهم مايسرقو هههههه كاين غير انا بوحدي ماعندهم مايديرو بيا
لكن شفت مرة سريقة في وهران
واحدة جات من برى برانية على وهران دخلت بالذهب فات عليها واحد نترلها السلسلة وراح نورمال
والرجال يشوفو مش يجرو وراه لالا قاعدين يخزرو في المرة
الله يهديهم

السلام عليكم اختي كيف الحال؟ شكرا على المشاركة
حتى لو ما عندك والو سور عندك صاك يحاول كان لقى فيه كان ما لقاش المهم يحاول السرقة
هذيك نتاع وحدة تتسرق والرجال يشوفو وما يحكو والو ولات نورمال ضرك يشوفو المنكر ويزيدو يشاركو فيه ربي يهدي الخلق شكرا اختي العزيزة

كلتومة01 · 2012-02-18, 13:43

السلام عليكم شكرا اختي مريلينا على لموضوع تبالي انا راني grave عليكم حكايتي انو كانت عندي قريبة كيما اختي تقريبا عايشة معانا فدار ......لعب بيها شيطان واحد نهار عرفت بلي ماكان حتى واحد فدار....املا دخلت خاطر عندها لمفتاح**وسرقت 40 مليون من كوفر.حاجة صعيبة هاد لبنت ماسرقتش غير دراهم mais سرقت لملح وثقة لي بيناتنا.لواحد يقول حسبي الله ونعم الوكيل. شكرا

مريم الصابرة · 2012-02-19, 18:39

اقتباس:

المشاركة الأصلية كتبت بواسطة كلتومة01

السلام عليكم شكرا اختي مريلينا على لموضوع تبالي انا راني grave عليكم حكايتي انو كانت عندي قريبة كيما اختي تقريبا عايشة معانا فدار ......لعب بيها شيطان واحد نهار عرفت بلي ماكان حتى واحد فدار....املا دخلت خاطر عندها لمفتاح**وسرقت 40 مليون من كوفر.حاجة صعيبة هاد لبنت ماسرقتش غير دراهم mais سرقت لملح وثقة لي بيناتنا.لواحد يقول حسبي الله ونعم الوكيل. شكرا

السلام عليكم أختي شكرا على المرور فالحقيقة تغيضك اللي تجي من اللي توكليه ملحك أما الغريب كان سرقك يبقى غريب وكلي ربي وخليها بينها وبين مولاها شكرا

فـاطمة الزهراء · 2012-02-19, 19:16

السلام عليكم ورحمة الله وبركاته

فكرتني يوم لسرقو تليفوني وكان اخر ايام العطله في الجامعه والمفروض نتصل باهلي نعلمهم بموعد وصول القطار
عمري ننسى لشفتو داك نهار....
وعندك الحق اغلب من يسرق البنات لانا نحبو نهدرو في التلفون ونثير الانتباه لكني للامانة فقط منذ التزامي الحمد لله لم اسرق يمكن يشوفوني بخيمتي ويوقلو شنو راح يكون عندها الفكره الي تغلب ع المجتمع ان الملتزمين ليس لهم الحق في امتلاك اشياء غالية..

جزاك الله خيرآ ع الطرح يا اختي الكريمة

مريم الصابرة · 2012-02-19, 19:40

اقتباس:

المشاركة الأصلية كتبت بواسطة فـاطمة الزهراء

السلام عليكم ورحمة الله وبركاته

فكرتني يوم لسرقو تليفوني وكان اخر ايام العطله في الجامعه والمفروض نتصل باهلي نعلمهم بموعد وصول القطار
عمري ننسى لشفتو داك نهار....
وعندك الحق اغلب من يسرق البنات لانا نحبو نهدرو في التلفون ونثير الانتباه لكني للامانة فقط منذ التزامي الحمد لله لم اسرق يمكن يشوفوني بخيمتي ويوقلو شنو راح يكون عندها الفكره الي تغلب ع المجتمع ان الملتزمين ليس لهم الحق في امتلاك اشياء غالية..

جزاك الله خيرآ ع الطرح يا اختي الكريمة

السلام عليكم اختي شكرا على الموور العطر راني حاسة بيك ختي أنا تاني سرقولي البرتابل وأنا دايرة حجاب المشكل جبدتو فالسوق وما هدرتش رديتو للجيب ما لقيتوش من بعد السراق خفيف ضريف قام بيه ثمثم واللي متبرجات سور يسرقوهم بكل سهولة لابسة ودايرة الذهب ما تغيضوش اللي عندها يديه ربي يهدي الخلق شكرا اختي على المرور

هدايات26 · 2012-02-19, 20:35

المثل الشعبي يقول الي ادالك خبالك....اما عن نفسي لم اتعرض لمثل هذه المواقف لكنني من يومين فقط دخلت محل بيع ملابس

نسائية انا وزوجي .رايت بام عيني احداهن وهي تخبئ الملابس في حقيبتها .بمجرد ماراتني ارتبكت واعادتها الى مكانها وقد كان

البائع قد خرج ليجلب لها الفكة_الصرف_ فتعمدت ابقاء نظري عليها حتى جاء .قولي الله يعافينا لان السرقة مرض اكثر منها عادة.